Video Stories
ഭാഗ്യമേ, നിനക്കു നന്ദി
കമാല്‍ വരദൂര്‍
ഭാഗ്യത്തിന് കളിയില്‍ എന്ത് സ്ഥാനം എന്ന ചോദ്യത്തിന് കാലപ്പഴക്കമുണ്ട്. മികവുണ്ടായിട്ടും ഭാഗ്യം ഒപ്പമില്ലെങ്കില്‍ ജയിക്കില്ല. കളിക്കാര്‍ കളി തുടങ്ങുന്നതിന് മുമ്പ് ദൈവത്തോടും പ്രാര്‍ത്ഥിക്കുന്നത് ഭാഗ്യത്തിന് വേണ്ടിയാണ്. മികവില്‍ സംശയമില്ലാത്തവര്‍ക്ക് സ്വന്തം മികവിന് പ്രാര്‍ത്ഥിക്കേണ്ടതില്ലല്ലോ…. ഇന്നലെ സെമി രണ്ടാം പാദത്തില്‍ പൊട്ടത്തരങ്ങള്‍ പലതും കാണിച്ചു ബ്ലാസ്‌റ്റേഴ്‌സ് ഗോള്‍ക്കീപ്പര്‍ സന്ദീപ് നന്തി. നന്തിയുടെ അതിസമര്‍ദ്ദ പ്രകടനം ടീമിനെ വലച്ചിരുന്നു. വലിയ മല്‍സരം കളിക്കുമ്പോള്‍ സമര്‍ദ്ദം ഉറപ്പാണ്. ആ സമ്മര്‍ദ്ദത്തെ അതിജയിക്കുക എന്നതാണ് താരങ്ങളെ സംബന്ധിച്ച് പ്രധാനം.
പക്ഷേ അനാവശ്യമായി സമര്‍ദ്ദത്തെ സ്വന്തം ചുമലിലേറ്റിയ ഗോള്‍ക്കീപ്പര്‍ക്ക് മുന്നിലേക്ക് ഷൂട്ടൗട്ടില്‍ ഭാഗ്യം പൂര്‍ണമായും തിരിഞ്ഞു. ഡല്‍ഹിക്കാരുടെ രണ്ട് കിക്കുകള്‍ പുറത്തേക്ക് പോയത് കണ്ടില്ലേ- ആ കിക്ക് പായിച്ച രണ്ട് പേരും ലോക താരങ്ങളാണ്. ഫ്‌ളോറന്‍ഡ് മലൂദയെ അറിയാത്തവരില്ല. സൈനുദ്ദീന്‍ സിദാന്റെ ചാമ്പ്യന്‍ സംഘത്തിലെ മധ്യനിര ജനറലായിരുന്നു മലൂദ. ആ താരമാണ് പന്ത് ലക്കും ലഗാനുമില്ലാതെ പുറത്തേക്ക് പായിച്ചത്. ലിയോ മെസിയെ പോലുളളവര്‍ പോലും ഷൂട്ടൗട്ട് വേളയില്‍ പന്തിനെ ഗ്യാലറിയിലെത്തിച്ചത് നാം കണ്ടതാണ്. അതിനാല്‍ താരങ്ങളെ കുറ്റം പറയാനാവില്ല. സമ്മര്‍ദ്ദം മലൂദയിലേക്ക് വന്നപ്പോള്‍ പന്ത് പറപറന്നു. ആദ്യ കിക്കെടുക്കുന്ന ഏത് താരത്തിനും അതി സമ്മര്‍ദ്ദമുണ്ടാവും.
രണ്ടാം കിക്കിന് വന്ന ബ്രൂണോ പെലിശാരിയും അതേ ശൈലി ആവര്‍ത്തിച്ചെങ്കില്‍ അത് സന്ദീപിന്റെ സമ്പൂര്‍ണ ഭാഗ്യമല്ലാതെ മറ്റെന്താണ്. മൂന്നാമന്റെ ഷോട്ടാവട്ടെ നേരെ ഗോള്‍ക്കീപ്പറുടെ കരങ്ങളിലേക്കും.90 മിനുട്ടും പിന്നെ അധികസമയത്തും ഡല്‍ഹിക്കാര്‍ തകര്‍പ്പന്‍ പ്രകടനമാണ് നടത്തിയത്- കളിയുടെ സിംഹഭാഗത്തും പത്ത് പരുമായി കളിക്കേണ്ടി വന്നിട്ടും. സ്വന്തം മൈതാനത്തിന്റെ ആനുകൂല്യം അവര്‍ക്കുണ്ടായിരുന്നു. മാര്‍സലിഞ്ഞോയും മലൂദയും തകര്‍ത്തുനിന്നപ്പോള്‍ റിച്ചാര്‍ഡ് ഗാഡ്‌സേക്ക് തനത് ഫോമിലേക്കുയരാനായില്ല എന്നത് ബ്ലാസ്‌റ്റേഴ്‌സിന് ആശ്വാസമായി.
കേരളത്തിന്റെ നല്ല നിമിഷമെന്നത് നാസോണിന്റെ ഗോളായിരുന്നു. ബെല്‍ഫോട്ടും ജര്‍മനും ഹോസുവുമെല്ലാം പന്ത് പാസ് ചെയ്യാന്‍ മടിക്കുകയും ലോംഗ് റേഞ്ചറുകള്‍ ശീലമാക്കിയതും ഒരു പക്ഷേ നാസോണിന്റെ ആ ഗോളില്‍ നിന്നാവാം. വിനീത് ശക്തമായ മാര്‍ക്കിംഗില്‍ അകപ്പെട്ടു. പതിവ് പോലെ പിന്‍നിരക്കാര്‍ ജാഗ്രതയില്‍ കണിശത പാലിച്ചെങ്കിലും ചിലപ്പോഴെല്ലാം മാര്‍സലിഞ്ഞോ സ്വതന്ത്രനായി കണ്ടു. ആ വേളകളില്‍ പക്ഷേ ഭാഗ്യം കേരളത്തിനൊപ്പം നിന്നു.
ഫൈനല്‍ കൊച്ചിയിലാണ്-കേരളത്തിന്റെ ടീം ഫൈനല്‍ പോരാട്ടത്തിന് വേണം-അതിനാല്‍ ഈ ഷൂട്ടൗട്ട് പോരിനൊരു ഒത്തു കളി മുഖമില്ലേ എന്ന് സംശയിക്കുന്നവര്‍ ഇലാതില്ല. പക്ഷേ അതില്‍ സത്യമില്ല. ഡല്‍ഹി ജയിക്കാന്‍ തന്നെ കളിച്ചിട്ടുണ്ട്. മലൂദക്കും പെലിശാരിക്കും പിഴച്ചത് സമ്മര്‍ദ്ദത്തില്‍ തന്നെയാണന്ന് അവരുടെ മുഖം കണ്ടാലറിയാം.
kerala
തൃശൂരില്‍ കെഎസ്ആര്‍ടിസി ബസില്‍ യുവതിക്ക് നേരെ ലൈംഗികാതിക്രമം; സവാദ് വീണ്ടും അറസ്റ്റില്‍
2023ല്‍ നെടുമ്പാശേരിയില്‍ വെച്ച് സമാന കേസില്‍ ഇയാള്‍ അറസ്റ്റിലായിരുന്നു.
തൃശൂരില്‍ കെഎസ്ആര്‍ടിസി ബസില്‍ യുവതിക്ക് നേരെ ലൈംഗികാതിക്രമം നടത്തിയ കേസില്‍ യുവാവ് അറസ്റ്റില്‍. വടകര സ്വദേശി സവാദ് ആണ് തൃശൂരില്‍ അറസ്റ്റിലായത്. തൃശൂര്‍ ഈസ്റ്റ് പൊലീസില്‍ യുവതി നല്‍കിയ പരാതിയുടെ അടിസ്ഥാനത്തിലായിരുന്നു അറസ്റ്റ്.
ഇക്കഴിഞ്ഞ 14ന് മലപ്പുറത്തേക്കുള്ള കെഎസ്ആര്‍ടിസി ബസില്‍ വെച്ചായിരുന്നു യുവാവ് ലൈംഗികാതിക്രമം നടത്തിയത്. സവാദിനെ വിശദമായി ചോദ്യം ചെയ്ത് വരികയാണ്.
2023ല്‍ നെടുമ്പാശേരിയില്‍ വെച്ച് സമാന കേസില്‍ ഇയാള്‍ അറസ്റ്റിലായിരുന്നു. ജാമ്യത്തിലിറങ്ങിയ സവാദിന് ഓള്‍ കേരള മെന്‍സ് അസോസിയേഷന്‍ സ്വീകരണം നല്‍കിയ സംഭവം ഏറെ വിവാദമായിരുന്നു.
മെന്‍സ് അസോസിയേഷന്‍ പ്രസിഡന്റ് വട്ടിയൂര്‍ക്കാവ് അജിത് കുമാറിന്റെ നേതൃത്വത്തിലായിരുന്നു ആലുവ സബ് ജയിലിനു പുറത്ത് സവാദിന് സ്വീകരണം നല്‍കിയത്. ജയിലിന് പുറത്തിറങ്ങിയ സവാദിനെ അജിത് കുമാറിന്റെ നേതൃത്വത്തില്‍ പൂമാലയണിയിച്ചാണ് സ്വീകരിച്ചത്.
ദുബൈ കെഎംസിസി കോട്ടക്കല്‍ മണ്ഡലം കമ്മിറ്റി അബുഹൈല്‍ ഹാളില്‍ സംഘടിപ്പിച്ച എക്‌സലന്‍സ് സമ്മിറ്റില്‍ മണ്ഡലം പ്രസിഡന്റ് ഇസ്മാഈല്‍ എറയസ്സന്‍ അധ്യക്ഷത വഹിച്ചു. മുസ്‌ലിം ലീഗ് സംസ്ഥാന സെക്രട്ടറി ഷാഫി ചാലിയം ഉദ്ഘാടനം ചെയ്തു. ദുബൈ കെഎംസിസി സംസ്ഥാന നേതാക്കളായ അബ്ദുല്‍ ഖാദര്‍ അരിപ്രാമ്പ്ര, പിവി നാസര്‍, ഹംസ തൊട്ടി, ആര്‍ ഷുക്കൂര്‍. മലപ്പുറം ജില്ലാ നേതകളായ സിദ്ധിഖ് കലോടി, നൗഫല്‍ വേങ്ങര, സിവി അഷറഫ്, മുജീബ് കോട്ടക്കല്‍, ലത്തീഫ് കുറ്റിപ്പുറം, സക്കീര്‍ പാലത്തിങ്ങല്‍, കരീം കാലടി, ഇബ്രാഹീം വട്ടംകുളം, ബഷീര്‍ കരാട്, സഹീര്‍ ഹസ്സന്‍, ഉസ്മാന്‍ എടയൂര്‍, ഫുആദ് കുരിക്കള്‍,
ജില്ല വനിത കെഎംസിസി ഭാരവാഹികളായ മുബഷിറ മുസ്തഫ, ഷഹല റാഷിദ്, ഷബ്‌ന മാറാക്കര, സ്റ്റുഡന്റ് കെഎംസിസി ഭാരവാഹികളായ ഷാമില്‍ വേളേരി, മുഹമ്മദ് നിഹാല്‍ എറയസ്സന്‍, ഫാത്തിമ റഷ പി ടി, ആയിഷ നദ്‌വ തുടങ്ങിയവരും പങ്കെടുത്തു.
ചടങ്ങില്‍ ദുബൈ കെഎംസിസി ഇഫ്താര്‍ ടെന്റില്‍ സേവനം ചെയ്ത മണ്ഡലത്തിലെ വളണ്ടിയര്‍ ഹാപ്പിനെസ് ടീമിനും, എസ് എസ് എല്‍ സി, പ്ലസ് ടു,സി ബി എസ് ഇ, മദ്രസ്സ പൊതു പരീക്ഷകളില്‍ ഉന്നത വിജയം നേടിയവരെയും, മജ്ദൂല്‍ ഈത്തപ്പഴ, പെര്‍ഫ്യൂം ചലഞ്ചുകളില്‍ ഫസ്റ്റ്, സെക്കന്റ്, തേര്‍ഡ് നേടിയവര്‍ക്കും, എഐ സ്റ്റാര്‍ട്ടപ്പ് മത്സര വിജയികകളെയും, മതകാര്യ വിഭാഗം നടത്തിയ ക്വിസ്സ് മത്സരം, സര്‍ഗധാര വിങ് നടത്തിയ ഇശല്‍ വിരുന്നിലെയും വിജയികള്‍ക്കും അവാര്‍ഡ് ദാനവും നടന്നു, കോട്ടക്കല്‍ മണ്ഡലത്തിന് പ്രഥമ വനിത കെഎംസിസി കമ്മിറ്റിയും, സ്റ്റുഡന്റ് കെഎംസിസി കമ്മിറ്റിയും രൂപീകരിച്ചു,
ജനറല്‍ സെക്രട്ടറി പിടി അഷറഫ് വിഷയവതരണം നടത്തി , സെക്രട്ടറി ഷരീഫ് പിവി കരേക്കാട് സ്വാഗതവും, അസീസ് വെളേരി നന്ദിയും പറഞ്ഞു. മണ്ഡലം ഭാരവാഹികളായ അബൂബക്കര്‍ തലകാപ്പ്, സൈദ് വരിക്കോട്ടില്‍, അബ്ദുസലാം ഇരിമ്പിളിയം, ഷെരീഫ് ടിപി, റാഷിദ് കെകെ, മുസ്തഫ സികെ, റസാഖ് വളാഞ്ചേരി, അഷറഫ് എടയൂര്‍, എന്നിവര്‍ എക്‌സലന്‍സ് സമ്മിറ്റിന് നേതൃത്വം നല്‍കി.
News
ഇറാനെ ആക്രമിക്കരുതെന്ന് അമേരിക്കയോട് റഷ്യ; ആണവ ദുരന്തത്തെക്കുറിച്ച് മുന്നറിയിപ്പ് നല്‍കി
മിഡില്‍ ഈസ്റ്റിനെ സമൂലമായി അസ്ഥിരപ്പെടുത്തുമെന്നതിനാല്‍ ഇറാനെ ആക്രമിക്കരുതെന്ന് റഷ്യ അമേരിക്കയോട് പറഞ്ഞതായി റഷ്യന്‍ ഡെപ്യൂട്ടി വിദേശകാര്യ മന്ത്രി സെര്‍ജി റിയാബ്‌കോവ് ബുധനാഴ്ച പറഞ്ഞു.
മിഡില്‍ ഈസ്റ്റിനെ സമൂലമായി അസ്ഥിരപ്പെടുത്തുമെന്നതിനാല്‍ ഇറാനെ ആക്രമിക്കരുതെന്ന് റഷ്യ അമേരിക്കയോട് പറഞ്ഞതായി റഷ്യന്‍ ഡെപ്യൂട്ടി വിദേശകാര്യ മന്ത്രി സെര്‍ജി റിയാബ്‌കോവ് ബുധനാഴ്ച പറഞ്ഞു. ഇസ്രാഈല്‍ ആക്രമണങ്ങള്‍ ആണവ ദുരന്തത്തിന് കാരണമാകുമെന്ന് മോസ്‌കോ പറഞ്ഞു.
ഇസ്രാഈല്‍-ഇറാന്‍ സംഘര്‍ഷത്തില്‍ മധ്യസ്ഥത വഹിക്കാനുള്ള റഷ്യയുടെ സന്നദ്ധത യുഎസ് തള്ളി.
ഇറാനും ഇസ്രാഈലും തമ്മിലുള്ള സ്ഥിതി ഗുരുതരമാണെന്ന് റഷ്യയുടെ എസ്വിആര്‍ വിദേശ രഹസ്യാന്വേഷണ വിഭാഗം മേധാവി സെര്‍ജി നരിഷ്‌കിന്‍ പറഞ്ഞു, ഇറാന്റെ ആണവ ഇന്‍ഫ്രാസ്ട്രക്ചറില്‍ ഇസ്രാഈല്‍ നടത്തിയ ആക്രമണം ലോകം ‘മില്ലിമീറ്റര്‍’ ദുരന്തത്തില്‍ നിന്ന് അകന്നുവെന്നാണ് അര്‍ത്ഥമാക്കുന്നതെന്ന് വിദേശകാര്യ മന്ത്രാലയ വക്താവ് മരിയ സഖരോവ പറഞ്ഞു.
‘ആണവ കേന്ദ്രങ്ങള്‍ ആക്രമിക്കപ്പെടുകയാണ്,” യുഎന്‍ ആണവ സുരക്ഷാ വാച്ച്‌ഡോഗ് ഇതിനകം തന്നെ പ്രത്യേക നാശനഷ്ടങ്ങള്‍ രേഖപ്പെടുത്തിയിട്ടുണ്ടെന്നും അവര്‍ ന്യൂസ് ഏജന്‍സിയോട് പറഞ്ഞു.
-
kerala1 day agoമാര്ഗദീപം സ്കോളര്ഷിപ്പില് വിവേചനം; മുസ്‌ലിം അപേക്ഷകരില് 1.56 ലക്ഷം പുറത്ത്
-
kerala2 days agoകണ്ണൂരിലെ സദാചാര ഗുണ്ടായിസം: കാരണം ആൺസുഹൃത്തെന്ന് കുടുംബം, സദാചാര പൊലീസിങ് നടന്നിട്ടില്ലെന്ന് മാതാവ്
-
kerala1 day agoതിരുവനന്തപുരം കാര്യവട്ടത്ത് ഫ്രിഡ്ജ് പൊട്ടിത്തെറിച്ച് വീടിന് തീപിടിച്ചു
-
india2 days agoഎയര്ബസ് വിമാനങ്ങളിലെ സുരക്ഷാ പ്രോട്ടോക്കോളുകള് ലംഘിച്ചതിന് എയര് ഇന്ത്യയ്ക്ക് ഡിജിസിഎ മുന്നറിയിപ്പ് നല്കിയിരുന്നതായി റിപ്പോര്ട്ട്
-
crime2 days agoകൊല്ലത്ത് ഭര്ത്താവ് യുവതിയെ കത്രിക കൊണ്ട് കുത്തിക്കൊന്നു
-
kerala3 days agoനിലമ്പൂര് ഉപതെരഞ്ഞെടുപ്പ്; പോളിംഗ് 73.26 ശതമാനം
-
Film2 days agoഅഞ്ച് കോടിയിലധികം കളക്ഷൻ; ബോക്സ് ഓഫീസ് ഹിറ്റ് ലിസ്റ്റിൽ ഇടം പിടിച്ച് അനശ്വര രാജന്റെ ‘വ്യസനസമേതം ബന്ധുമിത്രാദികള്’
-
kerala2 days agoനിലമ്പൂരില് 75.27 ശതമാനം പോളിങ്; തെരഞ്ഞെടുപ്പ് കമ്മീഷന്റെ അന്തിമകണക്ക് പുറത്ത്