Video Stories
സ്വാശ്രയം – നിരാഹാരം അവസാനിപ്പിച്ചു; ഇനി സഭക്കു പുറത്ത് പ്രക്ഷോഭം

തിരുവനന്തപുരം: സ്വാശ്രയവിഷയത്തില് നിയമസഭയില് യു.ഡി.എഫ് എം.എല്.എമാര് നടത്തിവന്നിരുന്ന നിരാഹാരസമരം അവസാനിപ്പിച്ചു. എന്നാല്, സഭക്ക് പുറത്ത് പ്രക്ഷോഭം ശക്തമാക്കാനും ഇന്നലെ ചേര്ന്ന യു.ഡി.എഫിന്റെ അടിയന്തരയോഗം തീരുമാനിച്ചു. സ്വാശ്രയ പ്രശ്നത്തില് സര്ക്കാറിന്റെ യഥാര്ത്ഥ മുഖം തുറന്നുകാട്ടാന് സമരത്തിലൂടെ കഴിഞ്ഞതായി യോഗതീരുമാനങ്ങള് വിശദീകരിച്ച പ്രതിപക്ഷനേതാവ് രമേശ് ചെന്നിത്തല പറഞ്ഞു. സമരം പിന്വലിക്കുന്നതേയില്ല. 11 ദിവസം അവധിയായതിനാലാണ് സഭയിലെ സമരം താല്ക്കാലികമായി പിന്വലിക്കുന്നത്.
17ന് രാവിലെ യു.ഡി.എഫ് പാര്ലമെന്ററി പാര്ട്ടിയോഗം ചേര്ന്ന് നിയമസഭയിലെ തുടര്സമരങ്ങളെ സംബന്ധിച്ച് ചര്ച്ച ചെയ്യും. എം.എല്.എമാരുടെ നിരാഹാരം തുടരണമോ, വേണ്ടയോ എന്ന് ഈ യോഗത്തില് തീരുമാനിക്കും. സമരം നിര്ത്തുമ്പോള് നിരാശയല്ല, തികഞ്ഞ സംതൃപ്തിയാണെന്നും ചെന്നിത്തല പറഞ്ഞു. കഴിഞ്ഞ യു.ഡി.എഫ് സര്ക്കാറിന്റെ കാലത്തെല്ലാം സ്വാശ്രയപ്രശ്നത്തില് സമരം നടത്തിയവര് അധികാരത്തില് വന്നപ്പോള് രക്ഷകര്ത്താക്കളെയും വിദ്യാര്ത്ഥികളേയും വഞ്ചിച്ചു. ഇക്കാര്യങ്ങള് തുറന്നുകാട്ടാന് ഇന്ന് എല്ലാ ജില്ലാ കലക്ടറേറ്റുകളിലേക്കും യു.ഡി.എഫ് മാര്ച്ച് നടത്തും. 15, 16 തിയതികളിലായി വിദ്യാര്ത്ഥികളെയും രക്ഷകര്ത്താക്കളേയും പങ്കെടുപ്പിച്ച് എല്ലാ ജില്ലകളിലും സര്ക്കാറിന്റെ സ്വാശ്രയവഞ്ചന തുറന്നുകാട്ടി ജനകീയ സദസ് സംഘടിപ്പിക്കും.
17ന് വൈകിട്ട് എല്ലാ നേതാക്കളെയും പങ്കെടുപ്പിച്ച് തിരുവനന്തപുരത്ത് ജനകീയ സദസ് ചേരും. സ്വാശ്രയപ്രശ്നത്തില് എല്.ഡി.എഫിന്റെ ജനവഞ്ചന തുറന്നുകാട്ടി വരുംദിവസങ്ങളില് തുടര്പരിപാടികളും പ്രക്ഷോഭങ്ങളും സംഘടിപ്പിക്കും. ഇതിന്റെ ഭാഗമായി യു.ഡി.എഫ് യോഗം 17ന് വൈകിട്ട് നാലിന് കന്റോണ്മെന്റ് ഹൗസില് ചേരും. സ്വാശ്രയ പ്രവേശനം ഏഴിന് പൂര്ത്തിയാവുന്നതിനാല് തുടര്സമരത്തിന് പ്രസക്തിയുണ്ടോയെന്ന ചോദ്യത്തിന് അന്നു പ്രവേശനം പൂര്ത്തിയാവുമോയെന്നതില് സംശയമുണ്ടെന്ന് ചെന്നിത്തല പറഞ്ഞു. ഓരോതരത്തില് പുതിയ പ്രശ്നങ്ങള് ഉയര്ന്നുവരികയാണ്.
നിരവധി പരാതികളാണ് ഓരോ ദിവസവും പുറത്തുവരുന്നത്. നാലു മാസത്തിനിടെ സര്ക്കാറിന്റെ പാപ്പരത്തം തുറന്നുകാട്ടാന് പ്രതിപക്ഷത്തിന് കഴിഞ്ഞു. വന്ജനപിന്തുണയാണ് സമരത്തിന് ലഭിച്ചത്. മുഖ്യമന്ത്രിയുടെ ധാര്ഷ്ട്യമാണ് സ്വാശ്രയപ്രശ്നം ഇത്രയും സങ്കീര്ണമാക്കിയത്. വിദ്യാര്ത്ഥികളുടെയും രക്ഷിതാക്കളുടേയും പരിപൂര്ണ പിന്തുണ പ്രതിപക്ഷത്തിനുണ്ട്. തന്റെ യഥാര്ത്ഥ മുഖം പുറത്തുവന്നതിന്റെ ജാള്യതയിലാണ് മുഖ്യമന്ത്രി. അദ്ദേഹത്തിന്റെ മൂടുപടം പൂര്ണമായും അഴിഞ്ഞുവീണു. സ്വാശ്രയവിഷയത്തില് എല്.ഡി.എഫിലെ ഘടകകക്ഷികള്ക്കു പോലും വിത്യസ്ത അഭിപ്രായമുണ്ട്. കരാറില് ഒപ്പിടുന്നതിനു മുമ്പ് എല്.ഡി.എഫില് ചര്ച്ചചെയ്ത് ഘടകകക്ഷികളെ വിശ്വാസത്തിലെടുക്കാന് എന്തുകൊണ്ട് മുഖ്യമന്ത്രിക്ക് കഴിഞ്ഞില്ലെന്നും ചെന്നിത്തല ചോദിച്ചു.
Video Stories
50 ദശലക്ഷം സമ്മാനം; ആഗസ്റ്റ് 31 വരെ അപേക്ഷിക്കാം
”ലേബര് മാര്ക്കറ്റ് അവാര്ഡുകള്” നവംബറില് സമ്മാനിക്കും

റസാഖ് ഒരുമനയൂര്
അബുദാബി: മാനവ വിഭവശേഷി മന്ത്രാലയം ഒരുക്കുയര്മാനുമായ ശൈഖ് മന്സൂര് ബിന് സായിദ് അല്നഹ്യാന്റെ രക്ഷാകര്തൃത്വത്തില് നല്കുന്ന അവാര്ഡിനുള്ള അപേക്ഷകള് സ്വീകരിക്കുന്ന അവസാന തിയ്യതി 2025 ഓഗസ്റ്റ് 31വരെ നീട്ടിയതായി മാ നവ വിഭവശേഷി മന്ത്രാലയം അറിയിച്ചു.
അവാര്ഡിന്റെ ഔദ്യോഗിക വെബ്സൈറ്റ് വഴി അപേക്ഷകള് സമര്പ്പിക്കാവുന്നതാണ്.ന്ന മൂന്നാമത് എമിറേറ്റ്സ് ലേബര് മാര്ക്കറ്റ് അവാര്ഡുകള് അര്ഹരായ സ്ഥാപനങ്ങള്ക്കും വ്യക്തികള്ക്കും നവംബറില് സമ്മാനിക്കും. വിവിധ വിഭാഗങ്ങളില്നിന്ന് തെരഞ്ഞെടുക്കുന്നവര്ക്കായി മൊത്തം 50 ദശലക്ഷം ദിര്ഹം സമ്മാനമായി നല്കും. ഇ ത് മൂന്നാം തവണയാണ് ലേബര് മാര്ക്കറ്റ് അവാര്ഡ് സമ്മാനിക്കുന്നത്.
കഴിഞ്ഞ രണ്ടുതവണ 84 പേരെയാണ് അവാര് ഡിന് തെരഞ്ഞെടുത്തിരുന്നത്. എന്നാല് ഈ വര്ഷം 100 പേര്ക്കാണ് അവാര്ഡ് നല്കുന്നത്. വിജയികള്ക്ക് ക്യാഷ് റിവാര്ഡുകള് ഉള്പ്പെടെ വിലപ്പെട്ട സമ്മാനങ്ങള് ലഭിക്കും.
കമ്പനികള്ക്ക് ഗ ണ്യമായ സാമ്പത്തിക ലാഭവും തൊഴില് വിഭാഗവുമായി ബന്ധപ്പെട്ട സേവനങ്ങളിലേക്ക് എളുപ്പത്തില് പ്രവേശനം ഉറപ്പാക്കാനും സാധിക്കും. യുഎഇ വൈസ് പ്രസിഡന്റും ഉപപ്രധാനമന്ത്രിയും പ്രസിഡന്ഷ്യല് കോടതി ചെ
ലേബര് മാര്ക്കറ്റ് അവാര്ഡ് സ്വകാര്യ മേഖലയിലെ കമ്പനികളിലെ മികച്ചതും മുന്നിരയിലുള്ളതു മായ തൊഴില് വിപണികളെ അംഗീകരിക്കുകയും തൊഴില് മേഖലയിലെ വിശിഷ്ട അംഗങ്ങളെ ആദരിക്കുക യും ചെയ്യുന്നതാണ്. റിക്രൂട്ട്മെന്റ്, തൊഴില് രംഗത്തെ ആരോഗ്യവും സുരക്ഷയും, സര്ഗ്ഗാത്മകത, നവീകര ണം, പ്രതിഭാ ആകര്ഷണം, തൊഴില് ബന്ധങ്ങളും വേതനവും, സാമൂഹിക ഉത്തരവാദിത്തവും തുടങ്ങിയ പ്രധാന മാനദണ്ഡങ്ങളെ അടിസ്ഥാനമാക്കിയാണ് അവാര്ഡിന് തെരഞ്ഞെടുക്കപ്പെടുന്നത്.
അവാര്ഡിനുള്ള അപേക്ഷകള് വിദഗ്ധ സമിതികള് മൂല്യനിര്ണ്ണ യം നടത്തിയാണ് ജേതാക്കളെ തെരഞ്ഞടുക്കുക. ഈ വര്ഷത്തെ അവാര്ഡില് ലേബര് അക്കോമഡേഷന്സ് വിഭാഗത്തിന് കീഴില് പുതിയ ഉപവിഭാ ഗം കൂടി പ്രഖ്യാപിച്ചിട്ടുണ്ട്. ദേശീയ അവധി ദിവസങ്ങളിലും മറ്റു ആഘോഷങ്ങളിലും തൊഴിലാളികള്ക്കായി വിനോദ സംരംഭങ്ങളും പ്രവര്ത്തനങ്ങളും സ്വീകരിക്കാന് കമ്പനികളെ പ്രോത്സാഹിപ്പിക്കുന്നതിനുള്ള പ്രത്യേക പരിപാടിയാണ് ഇതിലൂടെ രൂപകല്പ്പന ചെയ്തിരിക്കുന്നത്. ഇത് തൊഴിലാളികളുടെ ഉല്പ്പാദന ക്ഷമത വര്ദ്ധിപ്പിക്കുകയും കരുണ, വിശ്വസ്ഥത, ദേശീയ ഐക്യം എന്നിവയും അവരുടെ അവകാശങ്ങള് സംരക്ഷിക്കുകയും ക്ഷേമവും ജീവിത നിലവാരവും ഉറപ്പാക്കുകയും ചെയ്യുന്നു.
ആദ്യവിഭാഗത്തില് റിക്രൂട്ട്മെന്റ്, ശാക്തീകരണം, പ്രതിഭാ ആകര്ഷണം, ജോലിസ്ഥല പരിസ്ഥിതി, തൊഴിലാളി ക്ഷേമം, നവീകരണം, ഭാവി സന്നദ്ധത എന്നിവയുള്പ്പെടെയുള്ള മാനദണ്ഡങ്ങള് അടിസ്ഥാന മാക്കി എസ്റ്റാബ്ലിഷ്മെന്റ് വിഭാഗത്തില് മികച്ച 40 കമ്പനികളൈയാണ് ആദരിക്കുക. രണ്ടാമത്തെ വിഭാഗത്തി ല് ഔട്ട്സ്റ്റാന്ഡിംഗ് വര്ക്ക്ഫോഴ്സിലെ 30 വിജയികളെ മൂന്ന് ഉപവിഭാഗങ്ങളായി ആദരിക്കും.
നേട്ടം, വികസനം, സാമൂഹിക ഉത്തരവാദിത്തം എന്നിവയുടെ അടിസ്ഥാനത്തിലാണ് വിജയികളെ കണ്ടെത്തുക. മികച്ച ഗാര്ഹിക തൊഴിലാളികളെയും ആദരിക്കും. തൊഴിലാളികളുടെ ഭവന മാനദണ്ഡങ്ങള്, തൊഴില് താമസ സൗകര്യങ്ങളിലെ മികച്ച നിക്ഷേപങ്ങള് എന്നിവക്ക് ലേബര് അക്കാമഡേഷന്സ് വിഭാഗത്തിന് കീഴില് 10 വിജയികളെ ആദരിക്കും.
തൊഴിലാളികളുടെ ക്ഷേമം വര്ദ്ധിപ്പിക്കുന്നതിന് സുസ്ഥിര സംരംഭങ്ങ ള് നടപ്പിലാക്കുന്ന കമ്പനികളെയാണ് ഇതിനായി തെരഞ്ഞെടുക്കുക. വിശ്വസ്തത, ദേശീയ ഐക്യം എന്നിവ വളര്ത്തുന്ന വിനോദ പരിപാടികളും പ്രവര്ത്തനങ്ങളും സംഘടിപ്പിക്കുന്നതിനും ഈ വിഭാഗത്തിന് കീഴില് പുതിയ ഉപവിഭാഗംകൂടി ചേര്ത്തിട്ടുണ്ട്. ബിസിനസ് സര്വീസസ് പാര്ട്ണേഴ്സ് വിഭാഗത്തില് മൂന്ന് ഉപവിഭാഗങ്ങളിലായി മൂന്ന് വിജയികളെ ചടങ്ങില് ആദരി ക്കും.
തൊഴിലാളികളുമായും ക്ലയന്റ് കുടുംബങ്ങളുമായും മികച്ച രീതികള് പിന്തുടരുന്ന മുന്നിര റിക്രൂട്ട് മെന്റ്ഏജന്സികള്, തൊഴില് വിപണിയിലേക്ക് വൈദഗ്ധ്യമുള്ള പ്രതിഭകളെ ആകര്ഷിക്കകയും പ്രോ ത്സാഹിപ്പിക്കുകയും ചെയ്യുന്ന ഏജന്സികള്, മികച്ച സേവനങ്ങള് നല്കുന്ന ബിസിനസ്സ് സര്വീസ് സെന്റ റുകള് എന്നിവരെയും ആദരിക്കും. പ്രത്യേക പരിഗണനയില് രണ്ട് ഉപവിഭാഗങ്ങള് ഉള്പ്പെടുത്തിയിട്ടുണ്ട്.
പുതിയ മേഖല കണ്ടെത്തിയ കമ്പനികളെയും തൊഴില് വി പണിയെ സ്വാധീനിക്കുകയയും ചെയ്ത 12 വിജയികള്ക്കും അവാര്ഡ് നല്കും. തൊഴില്രഹിത ഇന്ഷുറ ന്സ് പദ്ധതി, സേവിംഗ്സ് സ്കീം, ആരോ ഗ്യ ഇന്ഷുറന്സ് സംവിധാനം ഉന്നത വിദ്യാഭ്യാസ സ്ഥാപനങ്ങ ളുമായി സഹകരിച്ച് പരിശീലനം, യോ ഗ്യത, റിക്രൂട്ട്മെന്റ് പ്രോഗ്രാമുകള് വികസിപ്പിക്കുന്നതിലെ വിജയം എന്നിവ ഇതില് ഉള്പ്പെടുന്നു. യുഎഇ തൊഴില് നിയമങ്ങളെയും സംരംഭങ്ങളെയും കുറിച്ചുള്ള അവബോ ധം വളര്ത്തുന്നതിനുള്ള സംഭാവനകള് ചെയ്ത 3 വിജയികളെയും ആദരിക്കും.
Video Stories
രാജ്യത്തെ പിടിച്ചുലച്ച പഹല്ഗാം ആക്രമണത്തിന് ഒരു മാസം; ഭീകരകയ്ക്കെതിരായ ഇന്ത്യയുടെ വിട്ട്വീഴ്ച്ചയില്ലാ പോരാട്ടം തുടരുന്നു

രാജ്യത്തെ നടുക്കിയ പഹല്ഗാം ഭീകരാക്രമണം നടന്നിട്ട് ഇന്നേക്ക് ഒരു മാസം. 26 വിനോദ സഞ്ചാരികളാണ് പാക് ഭീകരരുടെ വെടിയേറ്റ് മരിച്ചു വീണത്. പാക് ഭീകരവാദകേന്ദ്രങ്ങള് തകര്ത്ത ഓപ്പറേഷന് സിന്ദൂറിലൂടെ ഇന്ത്യന് സൈന്യം നീതി നടപ്പാക്കി.
ഏപ്രില് 22ന് മഞ്ഞു മലകലുടെ പശ്ചാത്തലത്തില് പൈന് മരങ്ങളാല് ചുറ്റപ്പെട്ട ബൈസരന് താഴ്വര കുടുംബത്തോടൊപ്പം ആസ്വാദിക്കുകയായിരുന്ന 100 കണക്കിന് വിനോദസഞ്ചാരികള്ക്കിടയിലേക്കാണ് കയ്യില് തോക്കേന്തിയ കൊടുംഭീകരര് എത്തിയത്. പുരുഷന് മാരെ മാറ്റി നിര്ത്തി, മതം ചോദിച്ചറിഞ്ഞതിന് ശേഷം പോയിന്റ് ബ്ലാങ്കില് വെടിയുതിര്ക്കുകയായിരുന്നു. പ്രിയപ്പെട്ടവരുടെ കണ്മുന്നില് വച്ചു മരിച്ചു വീണത് മലയാളിയായ രാമചന്ദ്രന് അടക്കം 26 സാധു മനുഷ്യരായിരുന്നു.
മണിക്കൂറുകള്ക്കം തന്നെ ഭീകരവാദ സംഘടനയായ ലഷ്കര് ത്വയ്ബ ആക്രമണത്തിന്റെ ഉത്തരവാദിത്വം ഏറ്റെടുത്തു. ആക്രമണം നടത്തി പതിനഞ്ച് ദിവസത്തിനകം തന്നെ ഇന്ത്യന് സൈന്യം തിരിച്ചടിച്ചു. കണ്മുന്നില് വെച്ച് ഭര്ത്താക്കന്മാരെ നഷ്ടപ്പെടുത്തിയ സാധുസ്ത്രീകള്ക്കായി അതിന് ‘ഓപ്പറേഷന് സിന്ദൂര്’ എന്ന് പേര് നല്കുകയും ചെയ്തു
Video Stories
കട്ടപ്പനയില് ലിഫ്റ്റ് തകര്ന്ന് സ്വര്ണ വ്യാപാരിക്ക് ദാരുണാന്ത്യം
പവിത്ര ഗോള്ഡ് എം ഡി സണ്ണി ഫ്രാന്സിസ് (64) ആണ് മരിച്ചത്.

ഇടുക്കി കട്ടപ്പനയില് ലിഫ്റ്റിനുള്ളില് അകപ്പെട്ട് സ്വര്ണ വ്യാപാരിക്ക് ദാരുണാന്ത്യം. പവിത്ര ഗോള്ഡ് എം ഡി സണ്ണി ഫ്രാന്സിസ് (64) ആണ് മരിച്ചത്.
ഇന്ന് ഉച്ചയോടെയാണ് അപകടം. സ്ഥാപനത്തിലെ ലിഫ്റ്റ് തകരാറിലായത് പരിശോധിക്കാന് സണ്ണി ലിഫ്റ്റിനുള്ളിലേക്ക് കയറിയ അതേ സമയം, ലിഫ്റ്റ് മുകളിലത്തെ നിലയിലേക്ക് അതിവേഗം ഉയര്ന്നുപൊങ്ങി ഇടിച്ചു നിന്നു. ഇതിനിടെ ലിഫ്റ്റിലേക്കുള്ള വൈദ്യുതിയും മുടങ്ങി.
ലിഫ്റ്റ് വെട്ടിപ്പൊളിച്ച് സണ്ണിയെ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. മൃതദേഹം കട്ടപ്പനയിലെ സ്വകാര്യ ആശുപത്രിയിലേക്ക് മാറ്റി. ലിഫ്റ്റില് തലയിടിച്ചതാണ് മരണത്തിന് ഇടയാക്കിയതെന്നാണ് പ്രാഥമിക വിവരം.
-
kerala3 days ago
ഡ്രൈവിങ്ങിനിടെ ഫോണിലൂടെ സംസാരിച്ച കെഎസ്ആര്ടിസി ഡ്രൈവറെ സസ്പെന്ഡ് ചെയ്തു
-
kerala3 days ago
ഐബി ഉദ്യോഗസ്ഥയുടെ മരണം; സുകാന്ത് സുരേഷിന് പങ്ക് വ്യക്തമാക്കി ഹൈക്കോടതി
-
kerala3 days ago
കനത്ത മഴ; കോട്ടയം, കോഴിക്കോട് ജില്ലകളില് വിദ്യാഭ്യാസ സ്ഥാപനങ്ങള്ക്ക് നാളെ അവധി
-
india1 day ago
അണ്ണാ യൂണിവേഴ്സിറ്റിയിലെ ലൈംഗികാതിക്രമക്കേസ്; പ്രതി ജ്ഞാനശേഖരന് കുറ്റക്കാരനെന്ന് ചെന്നൈ കോടതി
-
kerala3 days ago
മഴ ശക്തം; മൂന്ന് ജില്ലകളില് നാളെ റെഡ് അലര്ട്ട്
-
kerala3 days ago
കനത്ത മഴ; മൂന്ന് ജില്ലകളില് നാളെ വിദ്യാഭ്യാസ സ്ഥാപനങ്ങള്ക്ക് അവധി
-
kerala2 days ago
കൊച്ചിയില് പരിപാടിക്കിടെ കമ്മ്യൂണിറ്റി ഹാളിലെ സീലിങ് തകര്ന്നുവീണു; നാല് കുട്ടികള്ക്ക് പരിക്ക്
-
kerala2 days ago
വയനാട്ടില് യുവതിയെ കൊലപ്പെടുത്തിയ സംഭവം; പ്രതിക്കെതിരെ പോക്സോ കേസ്