Connect with us

kerala

കുട്ടികളില്‍ കോവിഡ് അപകടകാരിയാവുന്നില്ല :രോഗവാഹകരാവുന്നുവെന്ന് പഠനം

Published

on

കുട്ടികളില്‍ കോവിഡ് 19 ബാധ കൂടുന്നതായും മൂന്നില്‍ രണ്ടുപേരും ലക്ഷണങ്ങള്‍ കാണിക്കാത്തവരാണെന്നും പഠനം. പത്തുവയസിനു താഴെയുള്ള കുട്ടികളില്‍ രോഗബാധ കൂടുന്നതായി ബംഗളുരുവില്‍ നടത്തിയ പഠനത്തിലാണ് കണ്ടെത്തിയത്. എന്നാല്‍ ഇവരില്‍ രോഗം അപകടാവസ്ഥയുണ്ടാക്കുന്നില്ലെന്നും ചികിത്സ ഫലപ്രദമാണെന്നും പഠനത്തില്‍ പറയുന്നു. അതേസമയം കുട്ടികള്‍ രോഗവാഹകരായി മാറുന്നുണ്ടെന്നും രോഗവ്യാപനത്തിന് കാരണമാവുന്നുണ്ടെന്നും റിപ്പോര്‍ട്ടിലുണ്ട്. ലക്ഷണങ്ങള്‍ കാണിക്കാത്ത കുട്ടികള്‍ മുതിര്‍ന്നവരുമായി ഇടപഴകുന്നതോടെയാണ് രോഗം വ്യാപിക്കുന്നത്. വീടിനുപുറത്തിറങ്ങുന്ന ഇത്തരം കുട്ടികള്‍ കോവിഡ് വ്യാപനത്തിന് കാരണമാവുന്നുണ്ടെന്നും ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് സയന്‍സിന്റെ റിപ്പോര്‍ട്ടില്‍ പറയുന്നു.

കോവിഡ് രണ്ടാം തരംഗം തുടങ്ങിയ മാര്‍ച്ച് ആദ്യത്തിലാണ് രോഗികളുടെ കൂട്ടത്തില്‍ കുട്ടികളെയും കണ്ടെത്തിയത്. ആദ്യഘട്ടത്തില്‍ ദിവസം ഒമ്പത് കുട്ടികളെ വരെയും പിന്നീടത് ദിവസം 40 കുട്ടികളെ വരെയും രോഗബാധിതരായി കണ്ടെത്തി. മാര്‍ച്ച് ഒന്നു മുതല്‍ 26വരെ കര്‍ണാടകയില്‍ പത്തുവയസിനു താഴെയുള്ള 472 കുട്ടികള്‍ക്ക് രോഗം ബാധിച്ചതായി കണ്ടെത്തി. ഇവരില്‍ 244 പേര്‍ ആണ്‍കുട്ടികളും 228 പേര്‍ പെണ്‍കുട്ടികളുമാണ്. പുറത്തിറങ്ങി നടക്കുന്ന കുട്ടികളിലാണ് രോഗം കണ്ടെത്തിയത്. ഇവര്‍ വഴി മറ്റുള്ളവര്‍ക്കും രോഗം പടര്‍ന്നതായി കണ്ടെത്തിയിട്ടുണ്ട്.

കുട്ടികളില്‍ പനി, വിട്ടുമാറാത്ത ജലദോഷം, ന്യൂമോണിയ, ക്ഷീണം തുടങ്ങിയ ലക്ഷണങ്ങളാണ് കണ്ടെത്തിയത്. ഇവര്‍ക്ക് അതത് സമയത്ത് ചികിത്സ ലഭ്യമാക്കിയതിനാല്‍ രോഗമുക്തി ഉണ്ടാവുകയും ചെയ്തിട്ടുണ്ട്. കോവിഡ് കാരണം ഗുരുതരാവസ്ഥയിലേക്ക് കുട്ടികള്‍ എത്തിയിട്ടില്ല. അതിനാല്‍തന്നെ ഇവരില്‍ മരണം വളരെ കുറവായാണ് റിപ്പോര്‍ട്ട് ചെയ്തത്.

പത്തുവയസിനു താഴെയുള്ള കുട്ടികളിലാണ് വൈറസ് സാന്നിധ്യം കൂടുതല്‍ കണ്ടെത്തിയത്. നവജാതശിശുക്കളിലും പത്തിനും പതിനെട്ടിനും ഇടയില്‍ പ്രായമുള്ളവര്‍ക്കും രോഗബാധ കുറവെന്നും കണ്ടെത്തിയിട്ടുണ്ട്. പ്രതിരോധ കുത്തിവെപ്പിലൂടെ ആര്‍ജിച്ച പ്രതിരോധ ശേഷിയാണ് ഇതിനു പിന്നില്‍. കഴിഞ്ഞ ലോക്ക്ഡൗണില്‍ വീട്ടില്‍ അടങ്ങിയിരുന്നതുകൊണ്ടാണ് രോഗബാധ കുറഞ്ഞതെന്നും നിയന്ത്രണങ്ങള്‍ ഇല്ലാതായതോടെ പുറത്തിറങ്ങിയതാണ് രോഗ വ്യാപനത്തിന് കാരണമായതെന്നും പഠനം പറയുന്നു.

കോവിഡ് ലക്ഷണങ്ങള്‍ ഇല്ലാത്തതിനാല്‍ കുട്ടികളില്‍ വൈറസ് സാന്നിധ്യം തിരിച്ചറിയാനാവില്ല. അതേ സമയം ഇവര്‍ വഹിക്കുന്ന വൈറസുകള്‍ മറ്റുള്ളവരിലേക്ക് പരക്കാന്‍ കാരണമാവുന്നുണ്ട്. കുട്ടികളെ ലാളിക്കുമ്പോഴും പുറത്തിറങ്ങി ഇടപഴകുമ്പോഴും രോഗം പടരുന്ന സാഹചര്യമാണുള്ളത്. ഇത് തടയാന്‍ കുട്ടികളുമായി ഇടപഴകുന്നതില്‍ അകലവും ശ്രദ്ധയും പാലിക്കുക എന്നതാണ്. കോവിഡ് ജാഗ്രതാ നിയന്ത്രണങ്ങള്‍ മുതിര്‍ന്നവര്‍ക്കു പോലെ കുട്ടികള്‍ക്കും ബാധമാക്കാന്‍ ശ്രമിക്കണം. വീടിനു പുറത്തിറങ്ങാനോ പുറത്തുള്ളവരുമായി ഇടപഴകാനോ അനുവദിക്കരുത്.

Continue Reading
Advertisement
Click to comment

Leave a Reply

Your email address will not be published. Required fields are marked *

kerala

പിഎച്ച് അബ്ദുള്ള മാസ്റ്ററുമായുള്ള ഓര്‍മ്മകള്‍ പങ്കുവച്ച് മുനവ്വറലി ശിഹാബ് തങ്ങള്‍

Published

on

കേരള മാപ്പിള കലാ അക്കാദമി ചെയര്‍മാനും മുസ്‌ലിം ലീഗ് നേതാവുമായ പി.എച്ച് അബ്ദുല്ല മാസ്റ്ററുടെ വിയോഗത്തില്‍ അദ്ദേഹവുമായുള്ള നല്ല ഓര്‍മ്മകള്‍ പങ്കുവെച്ച് മുനവ്വറലി ശിഹാബ് തങ്ങളുടെ ഫെയ്‌സ്ബുക്ക് പോസ്റ്റ്. മുനവ്വറലി തങ്ങള്‍ക്ക് ആരായിരുന്നു അബ്ദുള്ള മാസ്റ്ററെന്ന് വൈകാരികമായ വാക്കുകളിലൂടെയാണ് തങ്ങള്‍ എഴുതിയത്.

2018 മെയ് 7ന് ഇതേ ദിവസമാണ് മുനവ്വറലി തങ്ങള്‍ അബ്ദുള്ള മാസ്റ്ററുടെ മകളുടെ നിക്കാഹ് പാണക്കാട് വച്ച് നടത്തി കൊടുത്തിരുന്നതെന്നും ഈ വേളയില്‍ തങ്ങള്‍ ഓര്‍ത്തു.

ഫെയ്‌സ്ബുക്ക് പോസ്റ്റിന്റെ പൂര്‍ണരൂപം

എഴുത്തുകാരൻ,പ്രസംഗികൻ,മുസ്ലിംലീഗ് ക്യാമ്പുകളിൽ പാടിയും പറഞ്ഞും പാർട്ടിയെ പകർന്നു നൽകിയ ചരിത്രാദ്ധ്യാപകൻ,സ്നേഹമസൃണമായ വ്യക്തിത്വത്തിനുടമ.
ഇങ്ങനെ വിശേഷണങ്ങളാൽ ധന്യനാണ് പി എച്ച് അബ്ദുള്ള മാസ്റ്ററെന്ന സാത്വികനായ മനുഷ്യൻ.
കുട്ടിക്കാലം മുതൽ കാണുന്ന മുഖമാണ് അദ്ദേഹത്തിന്റേത്.ബാപ്പ സയ്യിദ് മുഹമ്മദലി ശിഹാബ് തങ്ങളുമായുള്ള ആത്മബന്ധം പിന്നീട് ഞങ്ങളുമായും അദ്ദേഹം തുടർന്നു.ആ ബന്ധം പിന്നീട് പല തലങ്ങളിലേക്കും വ്യാപിച്ചു.പൊതുപ്രവർത്തനങ്ങളിലേക്കിറങ്ങുന്ന വേളയിൽ അദ്ദേഹത്തിന്റെ ആശയങ്ങൾ മനസ്സിനെ ഏറെ സ്വാധീനിച്ചു.
മുസ്ലിംലീഗിലെ നവ തലമുറക്ക് രാഷ്ട്രീയ-ധൈഷണിക വിദ്യാഭ്യാസം നൽകുന്നതിനായി ഞാൻ ചെയർമാനും അബ്ദുള്ള മാഷ് ജനറൽ സെക്രട്ടറിയുമായി’ഇന്ത്യൻ ഇൻസ്റ്റിറ്റ്യൂട്ട് ഓഫ് പൊളിറ്റിക്കൽ സയൻസ്'(IIPS)എന്നൊരു സംവിധാനം കോഴിക്കോട് കേന്ദ്രീകരിച്ച് പ്രവർത്തിച്ചിരുന്നു.
ദാർശനികരും ബുദ്ധിജീവികളും ചരിത്രകാരന്മാരുമായ നിരവധി മഹദ് വ്യക്തിത്വങ്ങൾ അതിൻറെ ഭാഗമായി.മികച്ച ഫാക്കൽറ്റികളുടെ സേവനങ്ങൾ ഉറപ്പു വരുത്തി.പ്രതിഭയുടെ മിന്നലാട്ടമുള്ള വിദ്യാർത്ഥികൾ അതിൽ നിന്നുമുണ്ടായി.ലീഗിലും പോഷക സംഘടനകളിലും അവരുടെ നേതൃസാന്നിദ്ധ്യം ഉയർന്നു വന്നു.അബ്ദുള്ള മാഷിന്റെ നിശ്ശബ്ദമായ പ്രവർത്തനത്തിന്റെ മുദ്രയായിരുന്നു അത്.
രോഗാവസ്ഥയിലും എല്ലാ ചൊവ്വാഴ്ചകളിലും മാഷ് പാണക്കാട് വരും.കൂടെ മക്കളും.അദ്ദേഹത്തിന്റെ വീട്ടിലെ ഏതൊരു വിശേഷാവസരത്തിലും പങ്കെടുത്തും സന്ദർശിച്ചും ഒരു കുടുംബാംഗങ്ങളെ പോലെയായിരുന്നു ഞങ്ങൾ.അദ്ദേഹത്തിന്റെ കാഴ്ച ശക്തിയടക്കം നഷ്ടപ്പെട്ട ഒരു ഘട്ടത്തിലാണ് മകൾ ആയിഷ ബാനുവിൻറെ നിക്കാഹ്.ചെറുപ്പം തൊട്ടേ ഞങ്ങളുടെ വന്ദ്യപിതാവിൻറെ ലാളനയിൽ വളർന്ന മകളുടെ നിക്കാഹ് കൊടപ്പനക്കൽ വീട്ടിൽ പന്തൽ കെട്ടി അവിടെ വെച്ച് നടത്തണമെന്നത് അദ്ദേഹത്തിന്റെ വലിയ ആഗ്രഹമായിരുന്നു.
അബ്ദുള്ള മാഷിൻറെ തന്നെ വാക്കുകളിൽ അതിങ്ങനെ വായിക്കാം;
“ആയിഷയുടെ നിക്കാഹിൻറെ സമയം. ഉള്ളിലെ ആഗ്രഹം പറയാൻ പ്രിയപ്പെട്ട സയ്യിദ് മുഹമ്മദലി ശിഹാബ് തങ്ങൾ ജീവിച്ചിരിപ്പില്ല.ആ ആലോചനകളിൽ മനസ്സ് മുഴുകിയിരിക്കുന്ന സമയത്താണ് മുനവ്വറലി ശിഹാബ് തങ്ങൾ നിക്കാഹ് പാണക്കാട് നിന്നാക്കാമെന്നും അത് അദ്ദേഹം ഏറ്റു എന്നും പറയാൻ എന്നെ വിളിക്കുന്നത്.മഴവില്ലുകൾക്കിടയിലൂടെ ആലിപ്പഴം പെയ്യുന്ന പോലെ ഒരനുഭവമായിരുന്നു എനിക്കത്.പാണക്കാട്ടെ മുറ്റത്ത് മോൾക്ക് വേണ്ടി ഉയർത്തിയ പന്തലിൽ നിന്ന നേരത്തിന്റെ ആത്മഹർഷങ്ങളെ വാക്കുകൾ കൊണ്ട് അടയാളപ്പെടുത്താൻ ഞാൻ അശക്തനാണ്.കൊടപ്പനക്കൽ തറവാട് അന്ന് ഞങ്ങൾക്ക് വേണ്ടി വാതിലില്ലാത്ത ലോകം പോലെ തുറന്നിട്ടു.എന്റെ സ്ഥാനത്ത് നിന്ന് സയ്യിദ് മുനവ്വറലി ശിഹാബ് തങ്ങൾ എല്ലാ കാര്യങ്ങളും നോക്കി നടത്തി”.!
പ്രിയപ്പെട്ട മാഷിൻറെ ആഗ്രഹസഫലീകരണത്തിനൊപ്പം നിൽക്കാൻ സാധിച്ചത് വ്യക്തിപരമായ വലിയ സന്തോഷങ്ങളിൽ ഒന്നാണ്.
സർവ്വ ശക്തനായ റബ്ബ്
ജന്നാത്തുൽ ഫിർദൗസിൽ ഒന്നിച്ചു ചേർക്കുമാറാവട്ടെ..

 

Continue Reading

kerala

കേരളത്തിൽ അടുത്ത അഞ്ച് ദിവസം പരക്കെ മഴയ്ക്ക് സാധ്യത; വിവിധ ജില്ലകളിൽ യെല്ലോ അലേർട്ട്

അതേസമയം, സംസ്ഥാനത്ത് ഇന്നും നാളെയും ഉയർന്ന താപനിലയ്ക്ക് സാധ്യതയുണ്ടെന്നാണ് കാലാവസ്ഥാ നിരീക്ഷണം നൽകുന്ന മുന്നറിയിപ്പ്

Published

on

തിരുവനന്തപുരം: സംസ്ഥാനത്ത് ബുധനാഴ്ച മുതൽ വേനൽ മഴ ലഭിക്കും. അടുത്ത അഞ്ച് ദിവസം പരക്കെ മഴയ്ക്ക് സാധ്യത. വിവിധ ജില്ലകളിൽ കേന്ദ്ര കാലാവസ്ഥാ വകുപ്പ് മഞ്ഞ അലേർട്ട് പ്രഖ്യാപിച്ചു.

മെയ് 9ന് മലപ്പുറം, വയനാട് ജില്ലകളിൽ യെല്ലോ അലേർട്ട് പ്രഖ്യാപിച്ചു. മെയ് 10ന് ഇടുക്കിയിലും യെല്ലോ അലേർട്ട് പ്രഖ്യാപിച്ചിട്ടുണ്ട്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറിൽ 64.5 മില്ലിമീറ്ററിൽ മുതൽ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അർത്ഥമാക്കുന്നത്.

അതേസമയം, സംസ്ഥാനത്ത് ഇന്നും നാളെയും ഉയർന്ന താപനിലയ്ക്ക് സാധ്യതയുണ്ടെന്നാണ് കാലാവസ്ഥാ നിരീക്ഷണം നൽകുന്ന മുന്നറിയിപ്പ്.

Continue Reading

kerala

ടിപ്പര്‍ ലോറി കയറി ഇറങ്ങി; തലസ്ഥാനത്ത് ബൈക്ക് യാത്രികയായ യുവതിക്ക് ദാരുണാന്ത്യം

ഓവർടേക്ക് ചെയ്തുവന്ന ടിപ്പർ ഇടത്തേക്ക് ഒതുക്കിയപ്പോൾ സ്‌കൂട്ടറിൽ തട്ടുകയായിരുന്നു

Published

on

തിരുവനന്തപുരത്ത് ടിപ്പർ ലോറി ശരീരത്തിലൂടെ കയറിയിറങ്ങി സ്കൂട്ടർ യാത്രക്കാരിക്ക് ദാരുണാന്ത്യം. കഴക്കൂട്ടം വെട്ടുറോഡിലാണ് അപകടം നടന്നത്. മരിച്ചത് പെരുമാതുറ സ്വദേശി റുക്‌സാന(35)യാണ് മരിച്ചത്. കഴക്കൂട്ടം ഭാഗത്തുനിന്ന് കണിയാപുരത്തേക്ക് പോകുന്നതിനിടെയായിരുന്നു അപകടം സംഭവിച്ചത്. ഓവർടേക്ക് ചെയ്തുവന്ന ടിപ്പർ ഇടത്തേക്ക് ഒതുക്കിയപ്പോൾ സ്‌കൂട്ടറിൽ തട്ടുകയായിരുന്നു.

ബന്ധുവായ യുവതിക്ക് ഒപ്പം പോകുമ്പോഴായിരുന്നു അപകടം. സ്കൂട്ടറോടിച്ചിരുന്ന യുവതിക്ക് പരിക്കില്ല. സ്കൂട്ടറിന്റെ പിൻസീറ്റിലായിരുന്നു റുക്സാന. ടിപ്പർ വശം ചേർന്ന് ഒതുക്കിയപ്പോൾ സ്കൂട്ടറിൻറെ പിന്നിലിരുന്ന യുവതി വീഴുകയും ടയറിനടിയിൽ പെടുകയുമായിരുന്നു. ടിപ്പറിന്റെ പിൻ ടയർ കയറിയിറങ്ങിയ യുവതി സംഭവ സ്ഥലത്ത് വെച്ച് തന്നെ മരിച്ചു. ലോറി ഡ്രൈവറിനെ പൊലീസ് കസ്റ്റഡിയിലെടുത്തു.

Continue Reading

Trending