india
കേദാർനാഥ് ക്ഷേത്രത്തിൽനിന്ന് 228 കിലോ സ്വർണം കാണാതായെന്ന് ശങ്കരാചാര്യർ; ‘രാഷ്ട്രീയക്കാർ ആരാധനാലയങ്ങളിൽ കടന്നുകയറുന്നു’
ഒരു അന്വേഷണവും ഇതുവരെ നടന്നിട്ടില്ല. ആരാണ് ഇതിന് ഉത്തരവാദി. ഈ വിഷയം എന്തുകൊണ്ട് ചര്ച്ചയാകുന്നില്ലെന്നും അദ്ദേഹം ചോദിച്ചു.

കേദാര്നാഥ് ക്ഷേത്രത്തില്നിന്ന് 228 കിലോ സ്വര്ണം കാണാതായതായി ജ്യോതിര്മഠം ശങ്കരാചാര്യര് അവിമുക്തേശ്വരാനന്ദ സരസ്വതി ആരോപിച്ചു. ശ്രീകോവിലിനുള്ളില് വലിയ സ്വര്ണ തട്ടിപ്പ് നടന്നിട്ടുണ്ട്. രാഷ്ട്രീയക്കാര് ആരാധനാലയങ്ങളിലേക്ക് കടന്നുകയറുകയാണ്. ഒരു അന്വേഷണവും ഇതുവരെ നടന്നിട്ടില്ല. ആരാണ് ഇതിന് ഉത്തരവാദി. ഈ വിഷയം എന്തുകൊണ്ട് ചര്ച്ചയാകുന്നില്ലെന്നും അദ്ദേഹം ചോദിച്ചു.
ഡല്ഹിയില് കേദാര്നാഥ് മാതൃകയില് ക്ഷേത്രം നിര്മിക്കുന്നതില് പ്രതിഷേധമുയരുന്നതിനിടെയാണ് ഗുരുതര ആരോപണങ്ങളുമായി അവിമുക്തേശ്വരാനന്ദ സരസ്വതി രംഗത്തെത്തിയത്. കേദാര്നാഥ് മാതൃകയില് ക്ഷേത്രം നിര്മിക്കുന്നത് അഴിമതിക്ക് വഴിയൊരുക്കുമെന്നും കേദാര്നാഥ് ക്ഷേത്രത്തിന്റെ പ്രാധാന്യം കുറയാന് ഇത് കാരണമാകുമെന്നും അദ്ദേഹം ചൂണ്ടിക്കാട്ടി. 12 ജ്യോതിര്ലിംഗങ്ങള് ശിവപുരാണത്തില് പേരും സ്ഥലവും സഹിതം പരാമര്ശിച്ചിട്ടുണ്ട്. കേദാര്നാഥിന്റെ വിലാസം ഹിമാലയത്തിലാണ്. അത് എങ്ങനെ ഡല്ഹിയില് നിര്മിക്കാനാകുമെന്നും ശങ്കരാചാര്യര് ചോദിച്ചു.
#WATCH | Mumbai: On Kedarnath Temple to be built in Delhi, Shankaracharya of Jyotirmath, Swami Avimukteshwaranand alleges, "There is a gold scam in Kedarnath, why is that issue not raised? After doing a scam there, now Kedarnath will be built in Delhi? And then there will be… pic.twitter.com/x69du8QJN2
— ANI (@ANI) July 15, 2024
ഡല്ഹിയില് കേഥാര്നാഥ് മാതൃകയില് നിര്മിക്കുന്ന ക്ഷേത്രത്തിന്റെ ശിലാസ്ഥാപന ചടങ്ങില് ഉത്തരാഖണ്ഡ് മുഖ്യമന്ത്രി പുഷ്കര് സിങ് ധാമി അടക്കമുള്ളവര് പങ്കെടുത്തിരുന്നു.
india
അഹമ്മദാബാദ് വിമാന ദുരന്തം; 119 പേരുടെ മൃതദേഹങ്ങള് തിരിച്ചറിഞ്ഞു
ഗുജറാത്ത് മുന് മുഖ്യമന്ത്രി വിജയ് രൂപാണിയുടേ മൃതദേഹവും ബന്ധുക്കള്ക്ക് വിട്ടുനല്കിയിരുന്നു.

അഹമ്മദാബാദ് വിമാന ദുരന്തത്തില് മരിച്ച 119 പേരുടെ മൃതദേഹങ്ങള് തിരിച്ചറിഞ്ഞു. 74 മൃതദേഹങ്ങളാണ് ഇതുവരെ ബന്ധുക്കള്ക്ക് വിട്ടുനല്കിയത്. ഗുജറാത്ത് മുന് മുഖ്യമന്ത്രി വിജയ് രൂപാണിയുടേ മൃതദേഹവും ബന്ധുക്കള്ക്ക് വിട്ടുനല്കിയിരുന്നു.
അപകടത്തില് മരിച്ച മലയാളി രഞ്ജിത നായരുടെ ഡിഎന്എ പരിശോധനാ ഫലം ലഭിച്ചിട്ടില്ല.
ഇനിയും തിരിച്ചറിയാനുള്ളത് നൂറിലേറെ മൃതദേഹങ്ങളാണ്. വിമാനം തകര്ന്ന് 274 പേര് മരിച്ചെന്നാണ് സര്ക്കാര് സ്ഥിരീകരിച്ചത്. അതില് 241 പേര് വിമാനത്തിലുണ്ടായിരുന്നവരാണ്.
india
മുസ്ലിം ക്രിസ്ത്യന് വിഭാഗങ്ങളെ ആക്രമിക്കാന് ആഹ്വാനം ചെയ്തു; ബംഗളൂരുവില് സന്യാസിക്കെതിരെ പൊലീസ് സ്വമേധയാ കേസെടുത്തു
സമര്ത്ഥ ശ്രീധരാശ്രമ ട്രസ്റ്റിലെ ആത്മാനന്ദ സരസ്വതി സ്വാമിക്കെതിരെയാണ് വിദ്വേഷ പ്രസംഗത്തിന് ബംഗളൂരു സുബ്രഹ്മണ്യപുര പൊലീസ് സ്വമേധയാ കേസെടുത്തത്.

ബംഗളൂരുവില് മുസ്ലിംകള്ക്കും ക്രിസ്ത്യാനികള്ക്കുമെതിരെ ആക്രമണത്തിന് ആഹ്വാനം ചെയ്ത സന്യാസിക്കെതിരെ പൊലീസ് സ്വമേധയാ കേസെടുത്തു.
സമര്ത്ഥ ശ്രീധരാശ്രമ ട്രസ്റ്റിലെ ആത്മാനന്ദ സരസ്വതി സ്വാമിക്കെതിരെയാണ് വിദ്വേഷ പ്രസംഗത്തിന് ബംഗളൂരു സുബ്രഹ്മണ്യപുര പൊലീസ് സ്വമേധയാ കേസെടുത്തത്. പ്രസംഗത്തിന്റെ വീഡിയോ സമൂഹമാധ്യമങ്ങളില് വ്യാപകമായി പ്രചരിച്ചതിന് പിന്നാലെയാണ് പ്രഥമ വിവര റിപ്പോര്ട്ട് (എഫ്ഐആര്) റജിസ്റ്റര് ചെയ്തത്.
കഴിഞ്ഞ ഞായറാഴ്ച്ചയാണ് വിവാദ വീഡിയോ സമൂഹമാധ്യമങ്ങളില് പ്രചരിച്ചത്. കര്ണാടകയിലും പുറത്തും ഇത് വന് പ്രതിഷേധത്തിന് കാരണമായിരുന്നു.
‘ഈ രാജ്യത്ത് സനാതന ധര്മ്മം മാത്രമാണ് യഥാര്ത്ഥ മതം. മറ്റെല്ലാം വെറും ഗ്രൂപ്പുകളാണ്. ആധുനിക ആയുധങ്ങള് ഉപയോഗിച്ച് മുസ്ലിംകളേയും ക്രിസ്ത്യാനികളെയും ഇല്ലാതാക്കണം” ഇങ്ങനെയായിരുന്നു സന്യാസിയുടെ പ്രസംഗം.
india
വിമാനാപകടം: മരിച്ച മെഡിക്കല് വിദ്യാര്ത്ഥികളുടെ കുടുംബാംഗങ്ങള്ക്ക് ഒരു കോടി രൂപ വീതം സാമ്പത്തിക സഹായം നല്കും: ഡോ. ഷംഷീര് വയലില്
പരിക്കേറ്റവര്ക്കും കുടുംബാംഗങ്ങളെ നഷ്ടമായ ഡോക്ടര്മാര്ക്കും 20 ലക്ഷം; ആകെ 2.5 മില്യണ് ദിര്ഹത്തിന്റെ സഹായ പാക്കേജ്

രാജ്യത്തെ നടുക്കിയ അഹമ്മാദാബാദ് എയര് ഇന്ത്യ വിമാന ദുരന്തത്തില് ജീവന് നഷ്ടമായ ബിജെ മെഡിക്കല് കോളേജിലെ വിദ്യാര്ത്ഥികള്ക്കും ഡോക്ടര്മാരുടെ കുടുംബാംഗങ്ങള്ക്കും ആശ്വാസമേകാന് ആറു കോടി രൂപയുടെ (2.5 മില്യണ് ദിര്ഹത്തിന്റെ) സാമ്പത്തിക പാക്കേജ് പ്രഖ്യാപിച്ച് ഡോക്ടറും ആരോഗ്യ സംരംഭകനുമായ ഷംഷീര് വയലില്. ബോയിംഗ് 787 വിമാനം ഇടിച്ചിറങ്ങി ജീവന് നഷ്ടമായ എംബിബിഎസ് വിദ്യാര്ത്ഥികളായ ജയപ്രകാശ് ചൗധരി (ബാര്മേര്, രാജസ്ഥാന്), മാനവ് ഭാദു (ശ്രീ ഗംഗാ നഗര്, രാജസ്ഥാന്), ആര്യന് രജ്പുത് (ഗ്വാളിയോര്, മധ്യപ്രദേശ്), രാകേഷ് ദിഹോറ (ഭാവ് നഗര്, ഗുജറാത്ത്) എന്നിവരുടെ കുടുംബങ്ങള്ക്ക് ഒരു കോടി രൂപ വീതം ഡോ. ഷംഷീര് സാമ്പത്തിക സഹായം നല്കും. ഗുരുതരമായി പരിക്കേറ്റ അഞ്ച് വിദ്യാര്ത്ഥികള്ക്കും അപകടത്തില് കുടുംബാംഗങ്ങളെ നഷ്ടമായ മെഡിക്കല് കോളേജിലെ ഡോക്ടര്മാര്ക്കും 20 ലക്ഷം രൂപ വീതം ലഭ്യമാക്കും.
‘വ്യക്തിപരമായി ആഘാതമേല്പിച്ച ദുരന്തം’
മെഡിക്കല് പഠന കാലത്ത് ഏറെ കൂടിച്ചേരലുകള് നടക്കുന്ന ഹോസ്റ്റലും മെസ്സും നടുക്കുന്ന ദുരന്തത്തിന് വേദിയായത് ഞെട്ടിപ്പിച്ചതായി ഡോ. ഷംഷീര് പറഞ്ഞു. ഹോസ്റ്റലില് നിന്നുള്ള അപകട ദൃശ്യങ്ങള് കണ്ടപ്പോള് മംഗലാപുരത്തെ കസ്തൂര്ബ മെഡിക്കല് കോളേജിലും ചെന്നൈയിലെ ശ്രീരാമചന്ദ്ര മെഡിക്കല് കോളേജിലും സ്വന്തം മെഡിക്കല് വിദ്യാഭ്യാസ സമയത്ത് സമാനമായ ഹോസ്റ്റലുകളില് താമസിച്ചിരുന്ന ഓര്മകളാണ് മനസിലെത്തിയത്. ഈ വിദ്യാര്ത്ഥികളും അവരുടെ ചുറ്റുപാടുകളും ഡോക്ടറെന്ന നിലയില് ഏറെ പരിചിതമാണ്. ഹോസ്റ്റലിലും മെസ്സിലുമുള്ള ക്ലിനിക്കല് പരീക്ഷകള്ക്കായുള്ള തയ്യാറെടുപ്പുകള്, മെസിലെ മേശയ്ക്കു ചുറ്റുമുള്ള വര്ത്തമാനങ്ങള്, ക്ഷീണിപ്പിക്കുന്ന ഷിഫ്റ്റിന് ശേഷമുള്ള ഹോസ്റ്റല് മുറിയിലെ വിശ്രമം എന്നിവയുടെയൊക്കെ അനുഭവിച്ചറിഞ്ഞിട്ടുണ്ട്. ഡോക്ടര്മാരുടെ സ്വഭാവത്തെ തന്നെ സ്വാധീനിക്കുന്ന ആ സാഹചര്യങ്ങളിലേക്ക് വന് ദുരന്തം ഇരച്ചെത്തി ജീവന് അപഹരിക്കുകയെന്നത് ഹൃദയഭേദകമാണ്. ആരോഗ്യ സേവനങ്ങള് ആഗ്രഹിച്ച്, ലക്ഷ്യത്തിലേക്കെത്തും മുന്പ് വിട പറഞ്ഞ മെഡിക്കല് വിദ്യാര്ത്ഥികളുടെ ആഗ്രഹങ്ങള് സഫലമാക്കാനും അവരുടെ കുടുംബാംഗങ്ങള്ക്ക് പിന്തുണ നല്കാനുമാണ് സഹായം. സമാനമായ നിരവധി ദുരന്തങ്ങളില് കൈത്താങ്ങേകിയിട്ടുണ്ടെങ്കിലും അഹമ്മദാബാദിലെ മെഡിക്കല് വിദ്യാര്ത്ഥികളുടെയും ഡോക്ടര്മാരുടെയും അസാധാരണ സാഹചര്യം ദീര്ഘകാലമായി മെഡിക്കല് രംഗത്ത് പ്രവര്ത്തിക്കുന്ന തന്നെ വ്യക്തിപരമായി ഏറെ ബാധിച്ചതായും ഡോ. ഷംഷീര് അബുദാബിയില് പറഞ്ഞു.
ദുരന്തബാധിതരായ വിദ്യാര്ത്ഥികളെയും കുടുംബങ്ങളെയും പിന്തുണയ്ക്കുന്നതിനായി പ്രവര്ത്തിക്കുന്ന ബി.ജെ മെഡിക്കല് കോളേജിലെ ജൂനിയര് ഡോക്ടര്മാരുടെ അസോസിയേഷനുമായി ചേര്ന്ന് സഹായം ആവശ്യമായവരുടെ വിവരങ്ങള് ശേഖരിച്ചുവരികയാണ്.
മൂന്നാം വര്ഷ മെഡിക്കല് വിദ്യാര്ത്ഥി റിതേഷ് കുമാര് ശര്മ്മ അടക്കമുള്ള സാരമായി പരിക്കേറ്റവര്ക്കാണ് 20 ലക്ഷം രൂപയുടെ സഹായം ലഭിക്കുക. കാലിന് ഗുരുതരമായ പരിക്കുകളോടെ മണിക്കൂറുകളോളം അവശിഷ്ടങ്ങള്ക്കിടയില് കുടുങ്ങിയ റിതേഷിനോപ്പം പരിക്കേറ്റ സുഹൃത്തുക്കളും അപകട നില തരണം ചെയ്തിട്ടുണ്ട്.
ഉച്ചഭക്ഷണ സമയത്ത് കോളേജിലെ അതുല്യം ഹോസ്റ്റല് സമുച്ചയത്തില് ഇടിച്ചുകയറിയ വിമാനം വിദ്യാര്ത്ഥികളുടെ താമസസ്ഥലങ്ങളും ഡൈനിംഗ് ഹാളും തകര്ത്തിരുന്നു. ചിതറിക്കിടന്ന പുസ്തകങ്ങളും സാധനങ്ങളും പ്ലേറ്റുകളും ദുരന്തത്തിന്റെ വ്യാപ്തി വ്യക്തമാക്കുന്ന ചിത്രങ്ങളായി. വിദ്യാര്ത്ഥികളെയും ഡോക്ടര്മാരുടെ കുടുംബങ്ങളെയും താല്ക്കാലികമായി മാറ്റിപ്പാര്പ്പിച്ചിരിക്കുകയാണ് അധികൃതര്. താമസസ്ഥലം മാത്രമല്ല, സഹപാഠികളും പ്രിയപ്പെട്ട വസ്തുക്കളും വിലപ്പെട്ട രേഖകളും മെഡിക്കല് വിദ്യാര്ത്ഥികള്ക്കും ഡോക്ടര്മാര്ക്കും നഷ്ടമായി. വൈകാരിക പിന്തുണയ്ക്കൊപ്പം മെഡിക്കല് സമൂഹം ഒറ്റക്കെട്ടായി ഇവര്ക്കും കുടുംബങ്ങള്ക്കും ഒപ്പമുണ്ടെന്ന സന്ദേശം നല്കാനാണ് ഡോ. ഷംഷീര് പിന്തുണയിലൂടെ ലക്ഷ്യമിടുന്നത്.
2010ലെ മംഗലാപുരം വിമാന ദുരന്തത്തില് ജീവന് നഷ്ടമായവരുടെ കുടുംബാംഗങ്ങള്ക്ക് ഡോ. ഷംഷീര് സാമ്പത്തിക, വിദ്യാഭ്യാസ സഹായവും യുഎഇയില് ജോലിയും നല്കിയിരുന്നു. നിപ, കോവിഡ്, പ്രളയം തുടങ്ങിയ പ്രതിസന്ധി ഘട്ടങ്ങളിലും അദ്ദേഹത്തിന്റെ സഹായം നിര്ണ്ണായകമായിട്ടുണ്ട്.
-
News17 hours ago
ഇസ്രാഈലിനെതിരെ ഇറാന്റെ മിസൈല് ആക്രമണം; നെതന്യാഹുവിന്റെ കുടുംബ വീട് തകര്ന്നു
-
kerala3 days ago
നീറ്റ് യുജി 2025; ആദ്യ നൂറില് കേരളത്തില് നിന്നും ആരുമില്ല
-
News3 days ago
ഇറാന് വ്യോമാക്രമണം; ഭയന്നോടി നെതന്യാഹു; ഗ്രീസിലെ ഏതന്സില് അഭയം തേടിയതായി റിപ്പോര്ട്ട്
-
kerala1 day ago
കനത്ത മഴ; എട്ട് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് നാളെ അവധി
-
News3 days ago
ഇറാന് തിരിച്ചടി; ഇസ്രാഈലില് മരണസംഖ്യ ഉയരുന്നു
-
india3 days ago
നീറ്റ് യുജി 2025; പരീക്ഷ ഫലം പ്രസിദ്ധീകരിച്ചു
-
News3 days ago
ഇസ്രാഈല് ചെയ്തത് ഗുരുതരമായ തെറ്റ്; ഒരു തരത്തിലുമുള്ള ദയയും കാണിക്കില്ല; ഇനി അവരുടെ ജീവിതം ഇരുളടഞ്ഞതായിരിക്കും; ആയത്തുല്ല ഖാംനഇ
-
kerala3 days ago
പീരുമേട്ടില് ആദിവാസി യുവതി മരിച്ചത് കാട്ടാന ആക്രമണത്തിലല്ലെന്ന് കണ്ടെത്തല്; ഭര്ത്താവ് കസ്റ്റഡിയില്