More
2002ല് ഇന്ത്യക്കെതിരെ ആണവായുധം പ്രയോഗിക്കാന് ഒരുങ്ങിയെന്ന് മുഷ്റഫ്
ദുബായ്: 2002 ല് ഇന്ത്യക്കതിരെ ആണവായുധം പ്രയോഗിക്കാന് ആലോചിച്ചിരുന്നെന്ന് പാകിസ്താന് മുന് പ്രസിഡന്റും സൈനിക മേധാവിയുമായിരുന്ന ജനറല് പര്വേസ് മുഷ്റഫ്. 2001 ല് ഇന്ത്യന് പാര്ലമെന്റിനു നേരെ നടന്ന ഭീകരാക്രമണത്തിന് പിന്നാലെ സംഘര്ഷം മൂര്ഛിച്ച വേളയിലാണ് അറ്റകൈ പ്രയോഗത്തിന് ആലോചിച്ചതെന്നും എന്നാല് തിരിച്ചടി ഭയന്ന് പിന്മാറുകയായിരുന്നെന്നും മുഷ്റഫ് വെളിപ്പെടുത്തി. ജാപ്പനീസ് ദിനപത്രമായ മൈനീച്ചി ഷിംബൂണിന് നല്കിയ അഭിമുഖത്തിലാണ് മുഷ്റഫ് ഈ വെളിപ്പെടുത്തല് നടത്തിയത്. ആണവയാധുങ്ങള് വിന്യസിക്കണോ വേണ്ടയോ എന്ന കാര്യം ആലോചിച്ച് നിരവധി രാത്രികളില് ഉറങ്ങാനായിരുന്നില്ലെന്നും മുഷറഫ് പറഞ്ഞു. 2002ല് ഇരു രാജ്യങ്ങളും തമ്മില് സംഘര്ഷം രൂക്ഷമായതോടെ ആണവായുധം ഉപയോഗിക്കുന്നത് സംബന്ധിച്ച ആശങ്ക കൂടുതല് ശക്തമായിരുന്നു. എന്നാല് ഇന്ത്യയോ പാകിസ്താനോ അന്ന് മിസൈലുകളില് ആണവപോര്മുനകള് ഘടിപ്പിച്ചിട്ടില്ലായിരുന്നുവെന്നും മുഷ്റഫ് പറയുന്നു. ഒന്നോ രണ്ടോ ദിവസം കൊണ്ട് തൊടുക്കാന് പാകത്തിന് തയാറാക്കാവുന്നതേയുണ്ടായിരുന്നുള്ളൂ. ആണവപോര്മുന ഘടിപ്പിക്കാന് നിര്ദേശിച്ചിരുന്നോ എന്ന ചോദ്യത്തിന് ഇല്ല എന്നായിരുന്നു അദ്ദേഹത്തിന്റെ മറുപടി. ഇന്ത്യയും അങ്ങനെ ചെയ്തിരുന്നതായി കരുതുന്നില്ല. ദൈവത്തിനു നന്ദി- മുഷറഫ് പറഞ്ഞു. 1999 ഒക്ടോബറില് പ്രധാനമന്ത്രിയായിരുന്ന നവാസ് ഷെരീഫിനെ സൈനിക അട്ടിമറിയിലൂടെ പുറത്താക്കി അധികാരം പിടിച്ചെടുക്കുകയായിരുന്നു പര്വേസ് മുഷറഫ്. 2001 മുതല് 2008 വരെ മുഷറഫ് പ്രസിഡന്റ് സ്ഥാനത്തു തുടര്ന്നു. പിന്നീട് രാജിവച്ചു. ബേനസീര് ഭൂട്ടോ വധം, ജഡ്ജിമാരെ തടവിലാക്കല് തുടങ്ങിയ നിരവധി കുറ്റങ്ങളില് വിചാരണ നേരിടുന്ന മുഷറഫ് ചികില്സക്കായി പ്രത്യേക അനുമതിയോടെയാണ് ദുബായിലെത്തിയത്.
ഹര്ജി തള്ളി; ഇന്ദു സര്ക്കാര് ഇന്ന് തിയേറ്ററുകളില്
ന്യൂഡല്ഹി: അടിയന്തരാവസ്ഥ പ്രമേയമാക്കി മധൂര് ഭണ്ഡാര്ക്കര് സംവിധാനം ചെയ്ത ഇന്ദു സര്ക്കാരിന്റെ റിലീസിങ് തടയാനാവില്ലെന്ന് സുപ്രീംകോടതി. ഇതോടെ ചിത്രം ഇന്ന് തിയേറ്ററുകളിലെത്തും. സിനിമയാകുമ്പോള് നാടകീയത ഉണ്ടാകുമെന്നും ഹര്ജി പരിഗണിച്ചുകൊണ്ട് സുപ്രീംകോടതി ചൂണ്ടിക്കാട്ടി. ഇന്ദിരാഗാന്ധിയുടെയും സഞ്ജയ് ഗാന്ധിയുടെയും രാഷ്ട്രീയ ജീവിതം ചിത്രീകരിക്കുന്ന സിനിമയില് അനുപം ഖേര്, നീല് നിഥിന് മുകേഷ്, കീര്ത്തി കല്ഹരി എന്നിവരാണ് പ്രധാന വേഷങ്ങളിലെത്തുന്നത്. സഞ്ജയ് ഗാന്ധിയുടെ മകളെന്ന് അവകാശപ്പെടുന്ന പ്രിയ സിങ് പോളാണ് ചിത്രത്തിന്റെ റിലീസിങിനെതിരെ സുപ്രീംകോടതിയെ സമീപിച്ചത്. ‘ഇന്ദു സര്ക്കാര്’ വളച്ചൊടിച്ച സത്യങ്ങളും അപകീര്ത്തികരമായ പരാമര്ശങ്ങളും നിറഞ്ഞതാണെന്നും ഇതു മുന് പ്രധാനമന്ത്രി ഇന്ദിരാ ഗാന്ധിയെയും മകന് സഞ്ജയ് ഗാന്ധിയെയും മോശമായി ചിത്രീകരിക്കുന്നതാണെന്നുമായിരുന്നു പ്രിയയുടെ ആരോപണം. സിനിമക്കെതിരെ കോണ്ഗ്രസ് പാര്ട്ടിയും രംഗത്തെത്തിയിരുന്നു. നേരത്തേ ബോംബെ ഹൈക്കോടതിയെ സമീപിച്ചിരുന്നെങ്കിലും സ്റ്റേ അനുവദിച്ചില്ല.
News
അറിയാത്ത നമ്പര് വിളികള്ക്ക് ഇനി പരിഭ്രമം വേണ്ട: സിഎന്എപി സംവിധാനം കൊണ്ടുവരാന് ട്രായ്
ഇനി ട്രൂകോളര് പോലുള്ള മൂന്നാം കക്ഷി ആപ്പുകളില് ആശ്രയിക്കാതെ തന്നെ, വിളിക്കുന്നയാളുടെ യഥാര്ത്ഥ പേര് നേരിട്ട് കാള് സമയത്ത് മൊബൈലില് പ്രത്യക്ഷപ്പെടും.
അറിയാത്ത നമ്പരുകളില് നിന്നുള്ള ഫോണ്കോളുകള് വഴി വഞ്ചിക്കപ്പെടുന്ന സംഭവങ്ങള് ആവര്ത്തിക്കുമ്പോള്, ഇത്തരം പ്രശ്നങ്ങള്ക്ക് പരിഹാരമായി ടെലികോം റെഗുലേറ്ററി അതോറിറ്റി ഓഫ് ഇന്ത്യ പുതിയ സംവിധാനവുമായി മുന്നോട്ട് വന്നു. ഇനി ട്രൂകോളര് പോലുള്ള മൂന്നാം കക്ഷി ആപ്പുകളില് ആശ്രയിക്കാതെ തന്നെ, വിളിക്കുന്നയാളുടെ യഥാര്ത്ഥ പേര് നേരിട്ട് കാള് സമയത്ത് മൊബൈലില് പ്രത്യക്ഷപ്പെടും.
കോളര് നെയിം പ്രസെന്റഷന് (സിഎന്എപി) എന്നാണ് പുതിയ സംവിധാനത്തിന്റെ പേര്. രാജ്യത്തെ എല്ലാ ടെലികോം സേവനങ്ങളിലും 2026 മാര്ച്ചോടെ ഇത് നിര്ബന്ധമായും നടപ്പാക്കണമെന്ന് ടെലികോം വകുപ്പ് നിര്ദേശം നല്കിയിട്ടുണ്ട്.
വിശ്വാസ്യത വര്ധിപ്പിക്കുകയും തട്ടിപ്പ്, സ്പാം, ആള്മാറാട്ടം എന്നീ പ്രശ്നങ്ങള് കുറയ്ക്കുകയും ചെയ്യുകയാണ് സംവിധാനത്തിന്റെ ലക്ഷ്യം. 4ജി
, 5ജി നെറ്റ്വര്ക്കുകളില് ചില നഗരങ്ങളിലെ പരീക്ഷണ പ്രവര്ത്തനങ്ങള് വിജയകരമായി പൂര്ത്തിയായതായി ട്രായ് അറിയിച്ചു.
നിലവില് ട്രൂകോളര് തുടങ്ങിയ ആപ്പുകള് കാള് ചെയ്യുന്നയാളുടെ പേര് പ്രദര്ശിപ്പിക്കുന്നുണ്ടെങ്കിലും, ഉപയോക്താവിന് ഇഷ്ടമുള്ള പേരിടാന് സാധിക്കുന്നതിനാല് അതിന് വിശ്വാസ്യതാ പ്രശ്നങ്ങളുണ്ട്. പക്ഷേ ഇചഅജ വഴി, സിം കണക്ഷന് എടുക്കുമ്പോള് കെ.വൈ.സി അടിസ്ഥാനത്തില് നല്കിയ സര്ക്കാര് അംഗീകരിച്ച പേരാണ് കാള് സമയത്ത് കാണുക.
സ്പാം കോളുകളും തട്ടിപ്പുകളും കാര്യമായി കുറയുമെന്നാണ് ട്രായിയുടെ പ്രതീക്ഷ. ഉപയോക്താക്കള്ക്ക് അപേക്ഷകളൊന്നും നല്കാതെ ഈ സേവനം ലഭ്യമാകും. അതേസമയം ഈ ഫീച്ചര് ഉപയോഗിക്കാനില്ലെന്ന് ആഗ്രഹിക്കുന്നവര്ക്ക് ഒഴിവാക്കാനുള്ള ഓപ്ഷന് ലഭ്യമായിരിക്കും.
News
നാനോ ബനാന 2 ഉടന് വരുന്നു; പുതിയ ഇമേജ് ജനറേഷന് മോഡലിനെ കുറിച്ച് റിപ്പോര്ട്ടുകള് ആവേശം കൂട്ടുന്നു
സങ്കീര്ണമായ ഇമേജ് എഡിറ്റുകളും സ്വാഭാവിക ഭാഷ നിര്ദേശങ്ങളില് നിന്ന് ദൃശ്യങ്ങള് സൃഷ്ടിക്കുന്ന കഴിവുമാണ് ഇതിനെ ജനപ്രിയമാക്കിയത്.
ജെമിനിയുടെ ഇമേജ് ജനറേഷന് ടൂളായ നാനോ ബനാന പുറത്തിറങ്ങി മാസങ്ങള്കൊണ്ടുതന്നെ ഉപയോക്താക്കളെ ആകര്ഷിച്ചിരുന്നു. സങ്കീര്ണമായ ഇമേജ് എഡിറ്റുകളും സ്വാഭാവിക ഭാഷ നിര്ദേശങ്ങളില് നിന്ന് ദൃശ്യങ്ങള് സൃഷ്ടിക്കുന്ന കഴിവുമാണ് ഇതിനെ ജനപ്രിയമാക്കിയത്. ഇപ്പോള് ഇതിന്റെ അടുത്ത പതിപ്പായ നാനോ ബനാന 2-നെക്കുറിച്ച് വലിയ പ്രതീക്ഷകളാണ്. പുറത്ത് വരുന്ന സൂചനകള് പ്രകാരം പുതിയ പതിപ്പിന്റെ ഔദ്യോഗിക ലോഞ്ചിങ് ഉടന് നടക്കാനാണ് സാധ്യത.
പ്രതീക്ഷ ഉയര്ത്തിയത്, കഴിഞ്ഞ ദിവസങ്ങളില് ചില ഉപയോക്താക്കള്ക്ക് നാനോ ബനാന 2 ഉപയോഗിക്കാന് കഴിഞ്ഞതും അവര് സൃഷ്ടിച്ച ചിത്രങ്ങള് സമൂഹമാധ്യമങ്ങളില് പ്രചരിക്കുകയും ചെയ്തതുമാണ്. എന്നാല് ലോഞ്ചിങ് തീയതിയെക്കുറിച്ച് ഗൂഗിള് ഇതുവരെ പ്രതികരിച്ചിട്ടില്ല.
ജെമിനി 2.5 ഫ്ലാഷ് മോഡലിന്റെ തുടര്ച്ചയായ നാനോ ബനാന 2 ചിത്രങ്ങളുടെ കൃത്യത, റെന്ഡറിങ് ഗുണനിലവാരം, ഇന്ഫോഗ്രാഫിക്സ്, ചാര്ട്ടുകള്, നിര്ദ്ദേശങ്ങള് പിന്തുടരല് തുടങ്ങിയ മേഖലകളില് വലിയ പരിഷ്കാരങ്ങളോടെയാണ് വരുന്നതെന്നാണ് റിപ്പോര്ട്ടുകള്. ഉയര്ന്ന റെസല്യൂഷന് ഡൗണ്ലോഡുകളും ഒന്നിലധികം വീക്ഷണാനുപാതങ്ങളും (9:16, 16:9 എന്നിവ) പിന്തുണയ്ക്കുന്ന പുതിയ പതിപ്പ് സോഷ്യല് മീഡിയ പോസ്റ്റുകള്ക്കും പ്രൊഫഷണല് അവതരണങ്ങള്ക്കും കൂടുതല് അനുയോജ്യമാകും.
പുതിയ മോഡലില് ചിത്ര നിര്മ്മാണം പല ഘട്ടങ്ങളിലായാണ് നടക്കുകപ്ലാന് ചെയ്യല്, വിലയിരുത്തല്, സ്വയം അവലോകനം എന്നിവയിലൂടെ അന്തിമ ചിത്രം കൂടുതല് യാഥാര്ഥ്യത്തോടും കൃത്യതയോടും കൂടി ലഭ്യമാക്കും. നാനോ ബനാന 2 ജെമിനി 3 പ്രോ ഇമേജ് മോഡലിലാണ് പ്രവര്ത്തിക്കുന്നത്.
പ്രശസ്തരുടേതടക്കം ഉയര്ന്ന കൃത്യതയുള്ള ചിത്രങ്ങള് സൃഷ്ടിക്കാനും വ്യത്യസ്ത പശ്ചാത്തലങ്ങളില് ക്രിയേറ്റീവ് പ്രോംപ്റ്റുകള് ഉപയോഗിച്ച് അവയെ ഇഷ്ടാനുസൃതമാക്കാനും നാനോ ബനാന 2 സഹായിക്കുന്നുവെന്നാണ് റിപ്പോര്ട്ടുകള്. ഉപയോക്താക്കളുടെ ചിത്രങ്ങള് എഡിറ്റ് ചെയ്യാനായി ‘എഡിറ്റ് വിത്ത് ജെമിനി’ എന്ന ഫീച്ചറും ലഭ്യമാകും.
kerala
മത്സരിക്കാന് ആകുമോ എന്നത് രണ്ടാമത്തെ കാര്യം, പിന്നില് വേറെയും ആളുകളുണ്ടാകും; വൈഷ്ണ
“25 വര്ഷമായി സിപിഎമ്മിന്റെ സിറ്റിംഗ് സീറ്റാണ് മുട്ടട. അതിന്റെ ഭാഗമായായിരിക്കും ഇത്തരം സംഭവങ്ങള് ഉണ്ടായത്”
തിരുവനന്തപുരം: സ്ഥാനാര്ഥി പട്ടികയില് നിന്ന് പേര് നീക്കം ചെയ്തെന്ന വിവരം ഇതുവരെ ലഭിച്ചിട്ടില്ലെന്ന് മുട്ടട യുഡിഎഫ് സ്ഥാനാര്ഥിയായി തീരുമാനിച്ചിരുന്ന വൈഷ്ണ. മാധ്യമങ്ങളിലൂടെയാണ് താന് കാര്യങ്ങള് അറിഞ്ഞത്. മറ്റു കാര്യങ്ങള് പാര്ട്ടി നോക്കുമെന്നും മത്സരിക്കാന് കഴിയുമോ ഇല്ലയോ എന്നുള്ളത് രണ്ടാമത്തെ കാര്യമാണെന്നും വൈഷ്ണ പറഞ്ഞു.
പരാതിപ്പെട്ടത് സിപിഎം ബ്രാഞ്ച് കമ്മറ്റി അംഗം ആണെങ്കിലും അത് അദേഹത്തിന്റെ പരാതി മാത്രം ആയി കാണുന്നില്ല. മറ്റു ആളുകളും ഇതിന് പിന്നില് കാണും. ആദ്യം മുതല് ജയിക്കും എന്ന ഒരു ട്രെന്ഡ് വന്നിട്ടുണ്ടായിരുന്നു. 25 വര്ഷമായി സിപിഎമ്മിന്റെ സിറ്റിംഗ് സീറ്റാണ് മുട്ടട. അതിന്റെ ഭാഗമായായിരിക്കും ഇത്തരം സംഭവങ്ങള് ഉണ്ടായതെന്നും വൈഷ്ണ പ്രതികരിച്ചു.
കോടതിയെ സമീപിക്കണോ തെരഞ്ഞെടുപ്പ് കമ്മീഷനെ സമീപിക്കണമോ എന്ന് പാര്ട്ടി തീരുമാനിക്കുമെന്നും വൈഷ്ണ വ്യക്തമാക്കി.
അതേസമയം, പരാതിക്കാരനായ ധനേഷ് കുമാര് അയാളുടെ വിലാസത്തില് 20 പേരുടെ വോട്ട് ചേര്ത്തിട്ടുണ്ടെന്ന് ഡിസിസി ഭാരവാഹി മുട്ടട അജിത് പറഞ്ഞു. മുട്ടട വാര്ഡിലെ അഞ്ചാം നമ്പര് ബൂത്തില് ആണ് വോട്ട് ചേര്ത്തത്. രണ്ടു മുറി വീട്ടില് എങ്ങനെയാണ് 20 പേര് താമസിക്കുക എന്നും ഇതിനെതിരെയും കോടതിയെ സമീപിക്കുമെന്നും അജിത് കൂട്ടിച്ചേര്ത്തു.
-
india2 days agoമുഹമ്മദ് അഖ്ലാഖ് കേസിലെ പ്രതികള്ക്കെതിരായ കേസ് പിന്വലിക്കാന് യു.പി. സര്ക്കാര് നീക്കം തുടങ്ങി
-
kerala2 days ago500 രൂപയുടെ കള്ളനോട്ടുകളുമായി വിദ്യാര്ത്ഥികള് ഉള്പ്പെടെ അഞ്ചുപേര് അറസ്റ്റില്
-
kerala2 days agoതദ്ദേശ തെരഞ്ഞെടുപ്പില് സ്ഥാനാര്ത്ഥി നിര്ണയത്തില് അവഗണിക്കപ്പെട്ടതില് മനംനൊന്ത് ആര്എസ്എസ് പ്രവര്ത്തകന് ആത്മഹത്യ ചെയ്തു
-
kerala1 day agoസഹപ്രവര്ത്തകയെ പീഡിപ്പിക്കാന് ശ്രമിച്ച പൊലീസ് അസോസിയേഷന് നേതാവിനെതിരെ കേസ്
-
kerala2 days agoപ്ലസ് ടു വിദ്യാര്ത്ഥിനിയെ പീഡിപ്പിച്ച കേസില് യുവാവ് അറസ്റ്റില്
-
News1 day agoസൂപ്പര് ലീഗ് കേരള: കൊച്ചിക്ക് തുടര്ച്ചയായ ഏഴാം തോല്വി; തിരുവനന്തപുരം കൊമ്പന്സ് ഏക ഗോളിന് വിജയം
-
News2 days agoനാനോ ബനാന 2 ഉടന് വരുന്നു; പുതിയ ഇമേജ് ജനറേഷന് മോഡലിനെ കുറിച്ച് റിപ്പോര്ട്ടുകള് ആവേശം കൂട്ടുന്നു
-
Video Stories12 hours agoജാതി വിവേചനം; മലപ്പുറം ബിജെപിയില് പൊട്ടിത്തെറി, ബിജെപി നേതാവ് രാജിവച്ചു