Culture
ഉത്തരകൊറിയക്കെതിരെ വീണ്ടും യു.എന്‍ ഉപരോധം
ന്യൂയോര്‍ക്ക്: അന്താരാഷ്ട്ര സമൂഹത്തെ ധിക്കരിച്ച് ആറാമതും ആണവ പരീക്ഷണം നടത്തിയ ഉത്തരകൊറിയക്കെതിരെ ഐക്യരാഷ്ട്രസഭ പുതിയ ഉപരോധങ്ങളേര്‍പ്പെടുത്തി. ഉത്തരകൊറിയയുടെ എണ്ണ ഇറക്കുമതിക്കും ടെക്സ്റ്റയില്‍ കയറ്റുമതിക്കും നിയന്ത്രണമേര്‍പ്പെടുത്തുന്ന ഉപരോധ നടപടികള്‍ ഐകകണ്‌ഠ്യേനയാണ് യു.എന്‍ രക്ഷാസമിതി അംഗീകരിച്ചത്. അമേരിക്ക മുന്നോട്ടുവെച്ച പല കടുത്ത നിര്‍ദേശങ്ങളും പ്രമേയത്തില്‍നിന്ന് ഒഴിവാക്കിയിട്ടുണ്ട്. ചൈനയും റഷ്യയും നിര്‍ദേശിച്ച ഭേദഗതികള്‍ അംഗീകരിച്ചുകൊണ്ടാണ് പ്രമേയം പാസാക്കിയത്. ഉത്തരകൊറിയയുടെ ആണാവയുധ പദ്ധതിക്കുള്ള സാമ്പത്തിക സ്രോതസ്സ് അടക്കാന്‍ ഉപരോധത്തിലൂടെ സാധിക്കുമെന്നാണ് പ്രതീക്ഷ.
സമ്പൂര്‍ണ എണ്ണ ഉപരോധം ഏര്‍പ്പെടുത്തണമെന്ന അമേരിക്കയുടെ നിര്‍ദേശം ചൈനയുടെയും റഷ്യയുടെയും എതിര്‍പ്പിനെ തുടര്‍ന്ന് ഒഴിവാക്കി. ക്രൂഡോയിലിന്റെയും പെട്രോളിയം ഉല്‍പന്നങ്ങളുടെയും ഇറക്കുമതിക്കുമേല്‍ പരിമിത നിയന്ത്രണങ്ങളുണ്ടാകും. ഉത്തരകൊറിയക്ക് ക്രൂഡോയില്‍ നല്‍കുന്ന പ്രധാന രാജ്യം ചൈനയാണ്. ഉത്തരകൊറിയയുടെ പ്രധാന വരുമാനമാര്‍ഗമായ ടെക്സ്റ്റയില്‍ ഉല്‍പന്നങ്ങളുടെ കയറ്റുമതിക്ക് വിലക്കേര്‍പ്പെടുത്തിയിട്ടുണ്ട്. ഉത്തരകൊറിയക്കാരായ വിദേശ തൊഴിലാളികള്‍ക്ക് പുതിയ വിസ അനുവദിക്കുന്നതും നിരോധിച്ചു. ഭരണത്തലവന്‍ കിം ജോങ് ഉന്നിന് യാത്രാ വിലക്കേര്‍പ്പെടുത്തണമെന്നും അദ്ദേഹത്തിന്റെ സ്വത്ത് മരവിപ്പിക്കണമെന്നുമുള്ള നിര്‍ദേശവും പ്രമേയത്തില്‍നിന്ന് നീക്കി. പുതിയ യു.എന്‍ ഉപരോധങ്ങളോട് കടുത്ത ഭാഷയിലാണ് ഉത്തരകൊറിയന്‍ വാര്‍ത്താ ഏജന്‍സി കെഎന്‍സിഎ പ്രതികരിച്ചത്.
യു.എസ് അതിന് കനത്ത വിലനല്‍കേണ്ടിവരുമെന്നും ഏജന്‍സി മുന്നറിയിപ്പുനല്‍കി. എന്നാല്‍ ഉപരോധങ്ങള്‍ ശക്തമാക്കിയതില്‍ യു.എസ് ആഹ്ലാദിക്കുന്നില്ലെന്നും യുദ്ധം തങ്ങളുടെ ലക്ഷ്യമല്ലെന്നും അമേരിക്കയുടെ യു.എന്‍ അംബാസഡര്‍ നിക്കി ഹാലി പറഞ്ഞു. അന്താരാഷ്ട്ര സമാധാനത്തിന് ഭീഷണി സൃഷ്ടിക്കന്നത് അപകടം ചെയ്യുമെന്ന് ഉത്തരകൊറിയന്‍ ഭരണകൂടം തിരിച്ചറിയണമെന്ന് ദക്ഷിണകൊറിയന്‍ പ്രസിഡന്റിന്റെ ഓഫീസ് ഉപദേശിച്ചു. യു.എന്‍ പ്രമേയങ്ങള്‍ ലംഘിച്ച് വീണ്ടും ആണവ പരീക്ഷണം നടത്തിയ ഉത്തരകൊറിയ അന്താരാഷ്ട്ര പ്രതിഷേധങ്ങളെ അവഗണിക്കുകയാണെന്ന് ചൈനീസ് വിദേശകാര്യ മന്ത്രാലയം അഭിപ്രായപ്പെട്ടു. സൈനിക നടപടിക്കു പകരം സമാധാനപരമായ പരിഹാരമാണ് ആവശ്യം. മേഖലയെ യുദ്ധത്തിലേക്കും കുഴപ്പത്തിലേക്കും തള്ളിവിടാന്‍ ചൈന ഒരിക്കലും അനുവദിക്കില്ലെന്ന് മന്ത്രാലയം കൂട്ടിച്ചേര്‍ത്തു.
Film
മഞ്ഞുമ്മൽ ബോയ്സ് സാമ്പത്തിക തട്ടിപ്പ് കേസ്: സൗബിൻ ഷാഹിറിന് ഹാജരാകാനുള്ള തിയതി ഹൈക്കോടതി നീട്ടിനൽകി
കൊച്ചി: മഞ്ഞുമ്മൽ ബോയ്സ് സാമ്പത്തിക തട്ടിപ്പ് കേസിൽ നടൻ സൗബിൻ ഷാഹിറിന് ആശ്വാസം. അന്വേഷണ സംഘത്തിന് മുന്നിൽ ഹാജരാകാനുള്ള തിയതി ഹൈക്കോടതി നീട്ടിനൽകി. മഞ്ഞുമ്മൽ ബോയ്സ് സിനിമയുമായി ബന്ധപ്പെട്ട സാമ്പത്തിക തട്ടിപ്പ് കേസിൽ, ഇന്നായിരുന്നു അന്വേഷണസംഘത്തിന് മുന്നിൽ ഹാജരാകാൻ അനുവദിച്ച അവസാന ദിവസം. സൗബിൻ, പിതാവ് ബാബു ഷാഹിർ, സഹ നിർമാതാവ് ഷോൺ ആന്‍റണി എന്നിവർ സമർപ്പിച്ച മുൻകൂർ ജാമ്യാപേക്ഷയിലാണ് ഹൈക്കോടതി നടപടി.
പൊലീസിന് മുന്നിൽ ഹജരാകാനുള്ള തിയതി ഈ മാസം 27 വരെയാണ് കോടതി നീട്ടി നൽകിയത്. സിനിമയ്‌ക്കായി താൻ മുടക്കിയ പണവും സിനിമയുടെ ലാഭവിഹിതവും നൽകിയില്ലെന്ന അരൂർ സ്വദേശി സിറാജ് വലിയതറയുടെ പരാതിയിലാണ് മൂന്ന് പേർക്കുമെതിരെ പൊലീസ് കേസെടുത്തത്. കേസ് റദ്ദാക്കണമെന്ന് ആവശ്യപ്പെട്ട് മൂവരും ഹൈക്കോടതിയെ സമീപിച്ചിരുന്നെങ്കിലും ആവശ്യം തള്ളിയിരുന്നു.
കൊച്ചി: ലഹരി ഉപയോഗിക്കില്ലെന്ന സത്യവാങ്മൂലം സിനിമാപ്രവർത്തകരിൽ നിന്ന് എഴുതി വാങ്ങാൻ നിർമാതാക്കളുടെ സംഘടനയായ കേരള ഫിലിം പ്രൊഡ്യൂസേഴ്സ് അസോസിയേഷൻ. നടീനടന്മാർ അടക്കം എല്ലാവരും സത്യവാങ്മൂലം നൽകണം.
ലഹരി വിരുദ്ധ ദിനമായ ജൂൺ 26 മുതൽ നിബന്ധന നടപ്പിൽ വരുത്തും. അമ്മ, ഫെഫ്ക എന്നീ സംഘടനകളോടാണ് സത്യവാങ്മൂലം ആവശ്യപ്പെട്ടിരിക്കുന്നത്. വേതന കരാറിനൊപ്പം ഈ സത്യവാങ്മൂലം കൂടി നിര്‍ബന്ധമാക്കിയേക്കും.
Film
അഞ്ച് കോടിയിലധികം കളക്ഷൻ; ബോക്സ് ഓഫീസ് ഹിറ്റ് ലിസ്റ്റിൽ ഇടം പിടിച്ച് അനശ്വര രാജന്റെ ‘വ്യസനസമേതം ബന്ധുമിത്രാദികള്‍’
അനശ്വര രാജൻ, ബൈജു സന്തോഷ്, അസീസ് നെടുമങ്ങാട്, സിജു സണ്ണി, ജോമോൻ ജ്യോതിർ, നോബി, മല്ലിക സുകുമാരൻ എന്നിവരെ പ്രധാന കഥാപാത്രങ്ങളാക്കി എസ് വിപിൻ തിരക്കഥയെഴുതി സംവിധാനം ചെയ്ത ചിത്രമാണ് ‘വ്യസനസമേതം ബന്ധുമിത്രാദികള്‍’. കഴിഞ്ഞയാഴ്ച തിയറ്ററുകളിലെത്തിയ ചിത്രം ഡാര്‍ഡ് ഹ്യൂമറിന്‍റെ പശ്ചാത്തലത്തില്‍ കഥ പറയുന്ന പറഞ്ഞ് തിയറ്ററുകളില്‍ പൊട്ടിച്ചിരി ഉയര്‍ത്തുകയാണ്. പ്രേക്ഷകർക്കിടയിലും അതുപോലെ നിരൂപകർക്കിടയിലും ബോക്സ് ഓഫീസിലും ചിത്രം മികച്ച പ്രതികരണമാണ് നേടുന്നത്.
ആദ്യ ദിനങ്ങളിൽ നിന്നും ചിത്രത്തിന് ഗംഭീര പിന്തുണയോടെ കളക്ഷനിലും ഉയർച്ച കുറിച്ചിട്ടുണ്ട്. ആറാം ദിവസത്തിലേക്ക് എത്തുമ്പോൾ അഞ്ച് കോടിയിലധികം കളക്ഷൻ നേടി ‘വ്യസനസമേതം ബന്ധുമിത്രാദികള്‍’ നിർമ്മാതാവിന് ലാഭം നേടി കൊടുത്ത ചിത്രമായി മാറുകയാണ്. വൻ തുകയ്ക്കാണ് ചിത്രത്തിന്റെ ഒടിടി, സാറ്റലൈറ്റ്, റീമേക്ക് ചർച്ചകൾ പുരോഗമിക്കുന്നത്. അനശ്വര രാജൻ, മല്ലിക സുകുമാരൻ, ബൈജു സന്തോഷ്, അസീസ് നെടുമങ്ങാട്, സിജു സണ്ണി, ജോമോൻ ജ്യോതിർ, നോബി, അരുൺ കുമാർ, അശ്വതി ചന്ദ് കിഷോർ തുടങ്ങിയവരാണ് ചിത്രത്തിലേ മുഖ്യ താരങ്ങൾ.
‘വാഴ’ എന്ന ഹിറ്റ് ചിത്രത്തിനു ശേഷം ഡബ്ല്യുബിടിഎസ് പ്രൊഡക്ഷൻസ് തെലുങ്കിലെ പ്രശസ്ത നിർമ്മാണ കമ്പനിയായ ഷൈൻ സ്ക്രീൻസ് സിനിമയുമായി സഹകരിച്ച് വിപിൻ ദാസ്, സാഹു ഗാരപാട്ടി എന്നിവർ ചേർന്ന് നിർമ്മിക്കുന്ന ഈ ചിത്രത്തിന്റെ ഛായാഗ്രഹണം റഹീം അബൂബക്കർ നിർവ്വഹിക്കുന്നു. എഡിറ്റർ ജോൺകുട്ടി, സംഗീതം അങ്കിത് മേനോൻ, എക്സിക്യൂട്ടിവ് പ്രൊഡ്യൂസർ ഹാരിസ് ദേശം, കനിഷ്ക ഗോപി ഷെട്ടി, ലൈൻ പ്രൊഡ്യൂസർ അജിത് കുമാർ, അഭിലാഷ് എസ് പി, ശ്രീനാഥ് പി എസ്, പ്രൊഡക്ഷൻ എക്സിക്യൂട്ടീവ് അനീഷ് നന്ദിപുലം, പ്രൊഡക്ഷൻ ഡിസൈനർ ബാബു പിള്ള, മേക്കപ്പ് സുധി സുരേന്ദ്രൻ, കോസ്റ്റ്യൂംസ് അശ്വതി ജയകുമാർ, സ്റ്റിൽസ് ശ്രീക്കുട്ടൻ എ എം, പരസ്യകല യെല്ലോ ടൂത്ത്സ്, ക്രീയേറ്റീവ് ഡയറക്ടർ സജി ശബന, ചീഫ് അസോസിയേറ്റ് ഡയറക്ടർ രാജീവൻ അബ്ദുൾ ബഷീർ, സൗണ്ട് ഡിസൈൻ അരുൺ മണി, ഫിനാൻസ് കൺട്രോളർ കിരൺ നെട്ടയം, പ്രൊഡക്ഷൻ മാനേജർ സുജിത് ഡാൻ, ബിനു തോമസ്, പ്രൊമോഷൻ കൺസൽട്ടന്റ് വിപിൻ വി, പിആര്‍ഒ എ എസ് ദിനേശ്, ഡിസ്ട്രിബൂഷൻ ഐക്കൺ സിനിമാസ്.
-
kerala3 days ago7000 കടന്ന് ആര്യാടന് ഷൗക്കത്തിന്റെ ലീഡ്; ആവേശത്തില് യുഡിഎഫ് പ്രവര്ത്തകര്
-
kerala3 days agoപോത്തുകല്ലും തൂക്കി യുഡിഎഫ്’; സിപിഎം കോട്ടയായ വി.എസ് ജോയിയുടെ വാർഡിലടക്കം വൻ മുന്നേറ്റം, ആര്യാടൻ ഷൗക്കത്തിന്റെ വിജയം 11432 വോട്ടിന്
-
kerala3 days ago‘നന്ദി ഉണ്ട് മാഷേ’; എം വി ഗോവിന്ദന് പരോക്ഷ വിമർശനവുമായി ‘റെഡ് ആർമി’
-
kerala3 days agoആധിപത്യം തുടര്‍ന്ന് യുഡിഎഫ്; ലീഡ് നിലനിര്ത്തി ആര്യാടന് ഷൗക്കത്ത്
-
kerala3 days agoഹൃദയാഘാതം; വിഎസിനെ ആശുപത്രിയില് പ്രവേശിപ്പിച്ചു
-
kerala3 days ago‘വിജയത്തിൽ ഒരാൾക്കും ക്രെഡിറ്റ് കൊടുക്കാൻ കഴിയില്ല; എല്ലാവരും ഒറ്റക്കെട്ടായി നിന്നു’; അടൂർ പ്രകാശ്
-
kerala3 days ago‘അച്ഛാ നമ്മള് ജയിച്ചൂട്ടോ…’; പ്രതികരണവുമായി വി.വി പ്രകാശിന്റെ മകള്
-
kerala3 days ago‘ചങ്ക് കൊടുത്തും മുന്നണിയെ സ്നേഹിക്കുന്ന പ്രവർത്തകരും നേതാക്കളും’; 2026ൽ യു.ഡി.എഫ് കൊടുങ്കാറ്റ് പോലെ തിരിച്ച് വരും: വി.ഡി. സതീശൻ