Culture
മസ്തിഷ്ക ആഘാതം; അലക്സ് ഫെര്ഗൂസണ് സുഖം പ്രാപിക്കുന്നു

ലണ്ടന്: തലച്ചോറിലുണ്ടായ രക്തസ്രാവത്തെ തുടര്ന്ന് അടിയന്തിര ശസ്ത്രക്രിയക്ക് വിധേയനായ മാഞ്ചസ്റ്റര് യുനൈറ്റഡ് മുന് പരിശീലകന് സര് അലക്സ് ഫെര്ഗൂസണ് സുഖം പ്രാപിക്കുന്നു. സാല്ഫോര്ഡ് റോയല് ആസ്പത്രി ഇന്റര്സീവ് കെയര് യൂണിറ്റില് ചികില്സയില് കഴിയുന്ന ഫെര്ഗൂസണ് എഴുന്നേറ്റ് ഇരുന്നതായും കുടുംബാംഗങ്ങളുമായി സംസാരിക്കുന്നതായും ഐറിഷ് മാധ്യമമായ ജേര്ണല് റിപ്പോര്ട്ട് ചെയ്തു.
അതേസമയം ഫെര്ഗൂസണ് ഇപ്പോഴും ഐ.സി.യുവില് തന്നെയാണ്. അടുത്ത ദിവസങ്ങള് നിര്ണായകമാണെന്ന് മെഡിക്കല് ബുള്ളറ്റിന് വ്യക്തമാക്കിയിരുന്നു. ശനിയാഴ്ച്ച കാലത്താണ് തലച്ചോറില് രക്തസ്രാവത്തെ തുടര്ന്ന് സ്വന്തം വീട്ടില് കുഴഞ്ഞ് വീണ ഫെര്ഗിയെ ആസ്പത്രിയിലാക്കിയതും സര്ജറിക്ക് വിധേയനാക്കിയതും.
ബ്രിട്ടീഷ് ഫുട്ബോള് ചരിത്രത്തിലെ ഇതിഹാസ താരവും മാണ് മാനേജറില് മേഖലയില് കരുത്തനുമാണ് ഫെര്ഗൂസണ്. ഇംഗ്ലണ്ടില് കഴിഞ്ഞ 26 വര്ഷ കാലയളവിലായി മാഞ്ചസ്റ്റര് യുണൈറ്റണ്ടിനായി 38 കിരീടങ്ങള് നേടിയിട്ടുണ്ട് 76 കാരനായ ഫെര്ഗൂസന്. ഇതില് 13 പ്രീമിയര് ലീഗ് കിരീടവും രണ്ട് ചാമ്പ്യന്സ് ലീഗ് കിരീടവും ഉള്പ്പെടും.
കാര്യമായ ആരോഗ്യ പ്രശ്നങ്ങളൊന്നും ഇത് വരെ അദ്ദേഹത്തെ അലട്ടിയിരുന്നില്ലെന്ന് കുടുംബം വ്യക്തമാക്കി. കഴിഞ്ഞയാഴ്ച്ചയും ഫെര്ഗി പൊതു പരിപാടികളില് പങ്കെടുത്തിരുന്നു.
Film
വാഹനാപകടം; നടന് ഷൈന് ടോം ചാക്കോയുടെ പിതാവിന്റെ മൃതദേഹം വീട്ടിലെത്തിച്ചു
മൃതദേഹം ഇന്ന് വീട്ടില് പൊതുദര്ശനത്തിന് വെക്കും.

തമിഴ്നാട്ടിലെ വാഹനാപകടത്തില് മരിച്ച നടന് ഷൈന് ടോം ചാക്കോയുടെ പിതാവ് സി പി ചാക്കോയുടെ മൃതദേഹം തൃശൂര് മുണ്ടൂരിലെ വീട്ടിലെത്തിച്ചു. മൃതദേഹം ഇന്ന് വീട്ടില് പൊതുദര്ശനത്തിന് വെക്കും. നാളെ മുണ്ടൂര് പരികര്മ്മല മാതാ പള്ളിയിലാണ് സംസ്കാര ചടങ്ങുകള് നടക്കുക.
വെള്ളിയാഴ്ച ധര്മപുരിയെയും ഹൊസൂറിനെയും തമ്മില് ബന്ധിപ്പിക്കുന്ന പുതുതായി നിര്മിച്ച അതിവേഗ ദേശീയപാത 844ലൂടെ കാറില് ബെംഗളുരുവിലേക്ക് സഞ്ചരിക്കവെയായിരുന്നു ഇവര് അപകടത്തില്പ്പെട്ടത്. അപകടത്തില് നടന്റെ ഷോള്ഡറിന് താഴെ മൂന്ന് പൊട്ടലുകള്, നട്ടെല്ലിനും ചെറിയ പൊട്ടല് സംഭവിച്ചു. ശസ്ത്രക്രിയ അനിവാര്യമെങ്കിലും സംസ്കാര ചടങ്ങുകള്ക്ക് ശേഷം തിങ്കളാഴ്ച ശസ്ത്രക്രിയ നടത്താനാണ് തീരുമാനം.
അപകടത്തില് കൂടുതല് പരുക്ക് മാതാവിനാണെങ്കിലും ഇരുവരുടെയും ആരോഗ്യസ്ഥിതിയില് ആശങ്കപ്പെടേണ്ടതില്ലെന്ന് ഡോക്ടര്മാര് വ്യക്തമാക്കി.
Film
സാന്ദ്ര തോമസിനെതിരെ വധഭീഷണി; പരാതി നല്കിയിട്ടും പൊലീസ് നടപടിയെടുത്തില്ല
പരാതി നല്കി രണ്ട് മാസം കഴിഞ്ഞിട്ടും കാര്യമായ നടപടികളൊന്നുമുണ്ടായില്ലെന്നാണ് ആരോപണം.

നിര്മാതാവ് സാന്ദ്ര തോമസിനെതിരായ വധഭീഷണിയില് പരാതി നല്കിയിട്ടും പൊലീസ് നടപടിയെടുക്കുന്നില്ലെന്ന് ആരോപണം. പരാതി നല്കി രണ്ട് മാസം കഴിഞ്ഞിട്ടും കാര്യമായ നടപടികളൊന്നുമുണ്ടായില്ലെന്നാണ് ആരോപണം. പാലാരിവട്ടം പൊലീസിനെതിരെ ഡിജിപിക്ക് പരാതി നല്കുമെന്നും നിര്മാതാവ് വ്യക്തമാക്കി.
പ്രൊഡക്ഷന് കണ്ട്രോളറുടെ വാട്സ്ആപ്പ് ഗ്രൂപ്പില് ആണ് വധഭീഷണി സന്ദേശമെത്തിയത്. ഭീഷണിയുടെ ശബ്ദസന്ദേശമടക്കം പരാതി നല്കിയിട്ടും പൊലീസിന്റെ ഭാഗത്ത് നിന്ന് നടപടിയുണ്ടായില്ലെന്ന് സാന്ദ്ര ആരോപിച്ചു. സാന്ദ്രയുടെ പിതാവിനെതിരെയും വധഭീഷണി മുഴക്കിയിരുന്നു.
പൊലീസിനെതിരെ ഡിജിപിക്കും വിജിലന്സിനും പരാതി നല്കുമെന്നും ഉദ്യോഗസ്ഥരുടെ ഫോണ് പരിശോധിക്കണമെന്നും സാന്ദ്ര ആവശ്യപ്പെടുന്നു.
സാന്ദ്രയെ ‘തല്ലിക്കൊന്ന് കാട്ടിലെറിയും’ എന്നാണ് ശബ്ദസന്ദേശത്തിലുള്ള ഭീഷണി. സാന്ദ്രയുടെ പിതാവ് തോമസിനെ കൊല്ലുമെന്നും ഓഡിയോ സന്ദേശത്തിലുണ്ട്.
‘എന്തുകൊണ്ടാണ് ഹേമാ കമ്മിറ്റിയിലെ പരാതിക്കാര് മുന്നോട്ട് വന്നില്ലായെന്നത് ഇപ്പോള് മനസ്സിലായില്ലേ. ആരെങ്കിലും ശബ്ദമുയര്ത്തിയാല് അവരെ നിശബ്ദമാക്കുന്നതാണ് രീതി. സംഭവത്തില് തൊട്ടടുത്ത ദിവസം പരാതി നല്കിയിരുന്നു. സ്ത്രീ ആയതുകൊണ്ടാണ് ഇത്തരത്തില് ആക്രമിക്കുന്നത്. ഇവര്ക്കെല്ലാം സ്വാധീനമുള്ളവരുടെ പിന്തുണയുണ്ട്. ഔദ്യോഗിക ഗ്രൂപ്പില് സന്ദേശം എത്തിയിട്ടും ഫെഫ്ക ജനറല് സെക്രട്ടറി നടപടിയെടുത്തില്ല. രണ്ട് മാസമായി പൊലീസിന്റെ ഭാഗത്ത് നിന്നും നടപടിയുണ്ടായിട്ടില്ല. വേദനാജനകമാണ്. ഇതില് നിന്നും പിന്നോട്ടില്ല’, എന്നായിരുന്നു സാന്ദ്രാ തോമസിന്റെ പ്രതികരണം.
രണ്ടുമാസം മുന്പ് ഒരു യൂട്യൂബ് ചാനലിന് നല്കിയ അഭിമുഖത്തിലാണ് പ്രൊഡക്ഷന് കണ്ട്രോളര്മാര്ക്കെതിരെ സാന്ദ്ര തോമസ് രംഗത്തെത്തിയത്.
Art
ഇന്നുവീണ മുറിവ് നാളെ അറിവല്ലേ… ‘തെരുവിന്റെ മോൻ’ മ്യൂസിക് വീഡിയോയുമായി വേടൻ

-
kerala2 days ago
കീബോര്ഡ് ആര്ട്ടിസ്റ്റ് രഞ്ജു ജോണിനെ കാണാനില്ലെന്ന് പരാതി
-
india2 days ago
‘കപ്പലില് അപകടകരമായ കാര്ഗോ, ബേപ്പൂര് തുറമുഖത്തെ സജ്ജമാക്കി’; അഴീക്കല് പോര്ട്ട് ഓഫീസര് ക്യാപ്റ്റന്
-
kerala3 days ago
വഴിക്കടവില് വിദ്യാര്ഥി ഷോക്കേറ്റ് മരിച്ച സംഭവം; ഒന്നാം പ്രതി സര്ക്കാര് തന്നെ; പി.എം.എ സലാം
-
Video Stories3 days ago
നിലമ്പൂരിലെ വിദ്യാര്ഥിയുടെ മരണം’ സര്ക്കാറിന്റെ കഴിവുകേടിന്റെ ഫലം; പി.കെ കുഞ്ഞാലിക്കുട്ടി
-
kerala3 days ago
കണ്ണൂരില് ബീച്ചില് കുളിക്കാനിറങ്ങിയ വിദ്യാര്ഥി മുങ്ങി മരിച്ചു; മൂന്ന് പേരെ രക്ഷപ്പെടുത്തി
-
kerala3 days ago
കണ്ണൂരില് വിവിധയിടങ്ങളിലായി മൂന്ന് വിദ്യാര്ഥികള് മുങ്ങി മരിച്ചു
-
india3 days ago
2026ല് തമിഴ്നാട്ടില് ബിജെപി അധികാരത്തിലെത്തുമെന്ന് അമിത് ഷാ; യുഎസില് ഭരണം ലഭിച്ചാലും തമിഴ്നാട്ടില് കിട്ടില്ലെന്ന് ഡിഎംകെ
-
kerala2 days ago
കപ്പലപകടം; കേസില്ല, നഷ്ട പരിഹാരം മതിയെന്ന് സംസ്ഥാന സര്ക്കാര്