india
പാര്ട്ടിയിലെത്തിക്കാനുള്ള അമിത്ഷായുടെ തന്ത്രങ്ങള് പാളി; രജനീകാന്തും അഴഗിരിയും മുഖം കൊടുത്തില്ല
രജനികാന്തിനെയും അഴഗിരിയെയും കൂട്ടുപിടിച്ചുള്ള പാര്ട്ടി മുന്നേറ്റം സൃഷ്ടിക്കാന് കഴിയാതെ അമിത് ഷാ ഡല്ഹിയിലേക്ക് മടങ്ങി

ചെന്നൈ: തമിഴ്നാട്ടില് പാര്ട്ടി വളര്ത്താനായി എത്തിയ കേന്ദ്ര ആഭ്യന്തര മന്ത്രി അമിത് ഷാക്ക് തിരിച്ചടി. രജനികാന്തിനെയും അഴഗിരിയെയും കൂട്ടുപിടിച്ചുള്ള പാര്ട്ടി മുന്നേറ്റം സൃഷ്ടിക്കാന് കഴിയാതെ അമിത് ഷാ ഡല്ഹിയിലേക്ക് മടങ്ങി. ആരോഗ്യപരമായ കാരണങ്ങളാല് വിശ്രമത്തിലാണെന്നും ഇപ്പോള് കാണാന് കഴിയില്ലെന്നും രജനീകാന്ത് അമിത്ഷായെ അറിയിക്കുകയായിരുന്നു. തീരുമാനം പിന്നീട് അറിയിക്കാമെന്നും രജനി പറഞ്ഞു.
തെരഞ്ഞെടുപ്പില് രജനീകാന്തിന്റെ പിന്തുണ ഉറപ്പാക്കാന് വേണ്ടിയാണ് അമിത്ഷാ ചെന്നെയിലെത്തിയത്. ബിജെപിയിലേക്ക് വന്നില്ലെങ്കിലും തെരഞ്ഞെടുപ്പില് രജനികാന്തിന്റെ പരസ്യ പിന്തുണ നേടാനായിരുന്നു ശ്രമം. എന്നാല് ആരോഗ്യ സംബന്ധമായ പ്രശ്നങ്ങളാല് കാണാന് കഴിയില്ലെന്ന തീരുമാനത്തില് രജനികാന്ത് ഉറച്ചു നിന്നതോടെ അമിത്ഷാ ഡല്ഹിയിലേക്ക് തിരിച്ചു പോയി. രജനികാന്തിന് പനിയാണെന്നാണ് സംഘപരിവാര് കേന്ദ്രങ്ങള് പ്രചരിപ്പിക്കുന്നത്. എന്നാല് രജനിക്ക് പനിയോ മറ്റു അസുഖങ്ങളോ ഇല്ലെന്ന് പിആര്ഒ റിയാസ് അറിയിച്ചു.
ദിവസങ്ങള്ക്കു മുമ്പാണ് സംഘപരിവാര് സൈദ്ധാന്തികനും തുഗ്ലക് വാരിക എഡിറ്ററുമായ ഗുരുമൂര്ത്തി രജനികാന്തിനെ സന്ദര്ശിച്ചത്. ചര്ച്ചയുടെ വിശദാംശങ്ങള് ഗുരുമൂര്ത്തി അമിത്ഷായെ കണ്ട് വിശദീകരിച്ചു. ഇതേ തുടര്ന്നായിരുന്നു രജനിയെ സന്ദര്ശിക്കാന് തീരുമാനിച്ചത്.
അമിത്ഷായെ കൂടാതെ ഡിഎംകെ അധ്യക്ഷന് സ്റ്റാലിന്റെ മൂത്ത സഹോദരന് അഴഗിരിയെ കാണാനും അമിത്ഷാക്കായില്ല. ഇദ്ദേഹത്തെ പാര്ട്ടിയിലെത്തിക്കാനായിരുന്നു നീക്കം. എന്നാല് കുടുംബാംഗങ്ങളുടെ എതിര്പിനെ തുടര്ന്ന് അദ്ദേഹവും വിട്ടു നിന്നു.
india
അസമില് പൊലീസ് നടത്തിയ വ്യാജ ഏറ്റുമുട്ടല്; പുനരന്വേഷണം പ്രഖ്യാപിച്ച് സുപ്രിംകോടതി
അസമിലെ 117 വ്യാജ ഏറ്റുമുട്ടലുകളില് പുനരന്വേഷണം വേണമെന്നാണ് സുപ്രിംകോടതി അറിയിച്ചത്.

ന്യൂഡല്ഹി: അസമില് പൊലീസ് നടത്തിയ വ്യാജ ഏറ്റുമുട്ടലുകളില് പുനരന്വേഷണം പ്രഖ്യാപിച്ച് സുപ്രിംകോടതി. അസമിലെ 117 വ്യാജ ഏറ്റുമുട്ടലുകളില് പുനരന്വേഷണം വേണമെന്നാണ് സുപ്രിംകോടതി അറിയിച്ചത്. 2022മുതലുള്ള കേസിലാണ് പുനരന്വേഷണം. സംസ്ഥാന മനുഷ്യാവകാശ കമ്മീഷനോട് പുനരന്വേഷണം നടത്താന് നിര്ദേശം നല്കി. അതേസമയം ഫോറന്സിക് സഹായങ്ങള് ഉറപ്പുവരുത്താന് സംസ്ഥാന സര്ക്കാരിന് നിര്ദ്ദേശം നല്കി.
ഏറ്റുമുട്ടല് കൊലപാതകങ്ങളില് സ്വതന്ത്ര അന്വേഷണം നടത്താന് ഗുവാഹത്തി ഹൈക്കോടതി വിസമ്മതിച്ചതിനെതിരെ അഭിഭാഷകന് ആരിഫ് യെസിന് ജ്വാഡര് സമര്പ്പിച്ച ഹര്ജിയിലാണ് ജസ്റ്റിസുമാരായ സൂര്യകാന്ത്, എന്. കെ സിംഗ് എന്നിവരടങ്ങിയ ബെഞ്ചിന്റെ ഉത്തരവ്.
വ്യാജ ഏറ്റുമുട്ടലുകളെക്കുറിച്ചുള്ള ആരോപണം ഗൗരവമുള്ളതാണെന്നും ഇരയുടെ മേല് അമിതമായതോ നിയമവിരുദ്ധമായതോ ആയ ബലപ്രയോഗം അധികാരികള് നടത്തുന്നത് നിയമവിധേയമാക്കാന് കഴിയില്ലെന്നും കോടതി വ്യക്തമാക്കി.
അതേസമയം കുറ്റക്കാരായ പൊലീസ് ഉദ്യോഗസ്ഥര്ക്കെതിരെ കൊലക്കുറ്റത്തിന് എഫ്ഐആര് രജിസ്റ്റര് ചെയ്യണമെന്നും സുപ്രിംകോടതിയില് സമര്പ്പിച്ച ഹര്ജിയില് പറയുന്നു.
india
അണ്ണാ യൂണിവേഴ്സിറ്റിയിലെ ലൈംഗികാതിക്രമക്കേസ്; പ്രതി ജ്ഞാനശേഖരന് കുറ്റക്കാരനെന്ന് ചെന്നൈ കോടതി
ശിക്ഷ ജൂണ് രണ്ടിന് പ്രഖ്യാപിക്കും.

2024 ഡിസംബറില് അണ്ണാ യൂണിവേഴ്സിറ്റി കാമ്പസിനുള്ളില് വിദ്യാര്ത്ഥിനിയെ ലൈംഗികമായി പീഡിപ്പിച്ച കേസില് ജ്ഞാനശേഖരന് കുറ്റക്കാരനാണെന്ന് ചെന്നൈയിലെ കീഴ്ക്കോടതി കണ്ടെത്തി. കുറ്റകൃത്യം നടന്ന് അഞ്ച് മാസത്തിന് ശേഷം വരുന്ന വിധി, സംസ്ഥാന വ്യാപകമായി രോഷം സൃഷ്ടിച്ച ഒരു ഉയര്ന്ന കേസിന്റെ സമാപനത്തെ അടയാളപ്പെടുത്തുന്നു. ചെന്നൈ മഹിളാ കോടതി ജഡ്ജി രാജലക്ഷ്മി മെയ് 28 ബുധനാഴ്ച വിധി പുറപ്പെടുവിച്ചു. ശിക്ഷ ജൂണ് രണ്ടിന് പ്രഖ്യാപിക്കും.
2024 ഡിസംബര് 23-ന് രാത്രി അണ്ണാ യൂണിവേഴ്സിറ്റിയിലെ വിദ്യാര്ത്ഥിനി സുഹൃത്തിനാപ്പം കാമ്പസില് സമയം ചെലവഴിക്കുന്നതിനിടെ ജ്ഞാനശേഖരന് ലൈംഗികമായി പീഡിപ്പിക്കുകയായിരുന്നു. ഇയാള് വിദ്യാര്ത്ഥിയെ 40 മിനിറ്റോളം അനധികൃതമായി കസ്റ്റഡിയില് വച്ചു, വിദ്യാര്ത്ഥിനിയെയും സുഹൃത്തിനെയും ചിത്രീകരിക്കുകയും ദൃശ്യങ്ങള് തുടര്ന്ന് ബ്ലാക്ക് മെയില് ചെയ്യാന് ഉപയോഗിക്കുകയും ചെയ്തുവെന്ന് പോലീസ് പറഞ്ഞു.
വിദ്യാര്ത്ഥിനിയും ലൈംഗിക പീഡനം തടയല് (PoSH) കമ്മിറ്റിയിലെ ഒരു യൂണിവേഴ്സിറ്റി പ്രൊഫസറും അതേ ദിവസം തന്നെ പോലീസില് പരാതി നല്കി. ഡിസംബര് 25നാണ് ജ്ഞാനശേഖരനെ ഗ്രേറ്റര് ചെന്നൈ പോലീസ് അറസ്റ്റ് ചെയ്തത്.
ഇന്ത്യന് ശിക്ഷാ നിയമത്തിലെ (ഐപിസി) വിവിധ വകുപ്പുകള് പ്രകാരം പ്രതിക്കെതിരെ ഇതിനകം ഏഴ് കേസുകള് നിലവിലുണ്ട്. ഈ സാഹചര്യത്തില്, ബലാത്സംഗത്തിന് 63 (എ), 64 (1) വകുപ്പുകളും ലൈംഗിക പീഡനത്തിന് 75 (1) (ii), (iii) എന്നിവയുള്പ്പെടെയുള്ള പുതിയ ഭാരതീയ ന്യായ സംഹിത (ബിഎന്എസ്) വകുപ്പുകള് പ്രകാരം കുറ്റം ചുമത്തി.
india
സ്പേസ് എക്സ് സ്റ്റാര്ഷിപ്പിന്റെ പരീക്ഷണ വിക്ഷേപണം വീണ്ടും പരാജയം
ഇന്ത്യന് മഹാ സമുദ്രത്തില് തകര്ന്ന് വീണു.

സ്പേസ് എക്സ് സ്റ്റാര്ഷിപ്പിന്റെ ഒമ്പതാമത്തെ പരീക്ഷണ വിക്ഷേപണവും പരാജയപ്പെട്ടു. പേലോഡ് വാതില് തുറക്കാത്തതിനാല് ഡമ്മി ഉപഗ്രഹങ്ങള് വിക്ഷേപിക്കാന് സാധിച്ചില്ല. ഇതോടെ ലക്ഷ്യ സ്ഥാനത്തേക്ക് എത്തുന്നതിനു മുമ്പേ സ്റ്റാര്ഷിപ്പ് തകര്ന്നുവീണെന്ന് സ്പേസ് എക്സ് അറിയിച്ചു.
സ്റ്റാര്ഷിപ്പ് പതിച്ചത് ഇന്ത്യന് മഹാസമുദ്രത്തിലാണെന്നും കൃത്യ സ്ഥാനം അറിയില്ലെന്നും സ്പേസ് എക്സ് അറിയിച്ചു. ലാന്ഡിങ്ങിന് മുമ്പ് നിയന്ത്രണം നഷ്ടപ്പെടുകയാണെന്നും ഇന്ധന ചോര്ച്ചയാണ് കാരണമെന്നാണ് പ്രാഥമിക നിഗമനമെന്നും സ്പേസ് എക്സ് വ്യക്തമാക്കി. അതേസമയം വിക്ഷേപണം സുഗമമായിരുന്നുവെന്നും സ്പേസ് എക്സ് പറഞ്ഞു.
ഇന്ന് പുലര്ച്ചെ ഇന്ത്യന് സമയം അഞ്ച് മണിക്കായിരുന്നു സൗത്ത് ടെക്സസിലെ ബോക്കാ ചിക്കയിലുള്ള സ്റ്റാര്ബേസില് നിന്ന് സ്റ്റാര്ഷിപ്പ് വിക്ഷേപിച്ചത്. ജനുവരിയില് നടന്ന ഏഴാം സ്റ്റാര്ഷിപ്പ് വിക്ഷേപണ പരീക്ഷണവും മാര്ച്ച് ആറിന് നടന്ന എട്ടാം പരീക്ഷണവും സ്പേസ് എക്സിന് വിജയിപ്പിക്കാനായിരുന്നില്ല. അവസാനം നടന്ന പരീക്ഷണത്തില് സ്റ്റാര്ഷിപ്പിന്റെ അവശിഷ്ടങ്ങള് ബഹാമാസ്, ടര്ക്സ്-കൈകോസ് ദ്വീപുകള്ക്കും മുകളില് പ്രത്യക്ഷപ്പെട്ടത് വലിയ ഭീതി പരത്തിയിരുന്നു.
-
kerala3 days ago
വെഞ്ഞാറമൂട് കൂട്ടക്കൊല; അഫാന്റെ നില ഗുരുതരമായി തുടരുന്നു
-
kerala3 days ago
മലപ്പുറം കാക്കഞ്ചേരിയില് ദേശീയപാതയില് വിള്ളല് രൂപപ്പെട്ടു; ഗതാഗതം താത്കാലികമായി നിര്ത്തിവെച്ചു
-
kerala3 days ago
കൊച്ചി പുറംകടലില് മുങ്ങിയ കപ്പലിലെ നൂറോളം കണ്ടെയ്നറുകള് കടലില് വീണെന്ന് വിലയിരുത്തല്
-
kerala3 days ago
സംസ്ഥാനത്തെ രണ്ട് റെയില്വേ സ്റ്റേഷനുകള് ഇന്നത്തോടെ പ്രവര്ത്തനം അവസാനിപ്പിക്കും
-
india3 days ago
പ്രസവാവധി ഭരണഘടനാപരമായ അവകാശമാണ; സുപ്രീം കോടതി വിധി
-
india3 days ago
ഊട്ടിയില് ദേഹത്ത് മരംവീണ് വടകര സ്വദേശിക്ക് ദാരുണാന്ത്യം
-
india3 days ago
യുപിയില് ബീഫ് കടത്തിയെന്ന് ആരോപിച്ച് നാല് മുസ്ലിം യുവാക്കളെ ക്രൂരമായി മര്ദിച്ച് ഹിന്ദുത്വവാദികള്
-
kerala3 days ago
പാലക്കാട് വീടിനുമുകളില് മരം വീണ് നാലുപേര്ക്ക് പരിക്ക്