Connect with us

GULF

വിദ്യാർത്ഥികളെ അനുമോദിച്ചു

Published

on

സൗദി-റിയാദ്-മുസാഹ്മിയ കെഎംസിസി കമ്മറ്റിയുടെ 2023-2024 sslc,+2 ഉന്നത വിജയം കരസ്ഥമാക്കിയ വിദ്യാർത്ഥി വിദ്യാർത്ഥിനികൾക്കുള്ള സ്നേഹോപഹാരം കോട്ടക്കൽ സാജിത ടൂറിസ്റ്റ് ഹോം ഓഡിറ്റോറിയത്തിൽ നടന്ന ചടങ്ങിൽ മുസാഹ്മിയ കെഎംസിസി നേതാക്കളുടെ സാന്നിധ്യത്തിൽ ബഹു പാണക്കാട് സയ്യിദ് മുനവ്വറലി ശിഹാബ് തങ്ങൾ നൽകി.

ഉന്നത വിദ്യാഭ്യാസ രംഗത്ത് പിന്നാക്ക വിഭാഗം നേരിടുന്ന പ്രതിസന്ധികളെ മറികടന്ന് നല്ലൊരു ശോഭന ഭാവി കെട്ടിപ്പടുക്കുന്നതിന്റെ ആവശ്യകത ബഹുമാനപ്പെട്ട തങ്ങൾ എടുത്തു പറഞ്ഞു. അവാർഡ് ഏറ്റുവാങ്ങിയ വിദ്യാർത്ഥികൾക്ക് തുടർ വിദ്യാഭ്യാസരംഗത്തും തിളക്കമാർന്ന വിജയം ആശംസിക്കുകയും ചെയ്തു.

ചടങ്ങിൽ പി ഉബൈദുള്ള എംഎൽഎ, പുത്തൂർ റഹ്മാൻ(UAE കെഎംസിസി കെഎംസിസി നാഷണൽ കമ്മിറ്റി പ്രസിഡന്റ്) എം കെ നാസർ,മുസാഹ്മിയ കെഎംസിസി സെക്രട്ടറി കെ കെ സുബൈർ ചുഴലി, ട്രഷർ ആബിദ് പുത്തൂര്, ചാരിറ്റി കൺവീനർ യൂസഫ് കുന്നപ്പള്ളി, മുൻഉപാധ്യക്ഷൻ റസാഖ് ചെമ്മാട്, അംഗങ്ങളായ ഷാഹുൽ പറപ്പൂര്, ഷെഫീദ് മാനു, പ്രമുഖ സാമൂഹിക പ്രവർത്തകൻ നാസർ കാപ്പൻ, കുഞ്ഞിമുഹമ്മദ് പടപ്പറമ്പ് എന്നിവർ സംബന്ധിച്ചു.

GULF

ഒമാൻ മുസാണ്ടം തീരത്ത് ഈദ് ആഘോഷമാക്കി ഷാർജ കെഎംസിസി ചെങ്കള പഞ്ചായത്തിന്റെ ചെങ്കിളിയൻ പെരുമ സീസൺ-2

Published

on

ഷാർജ :ബലിപെരുന്നാളിനോടനുബന്ധിച്ച് ഇത്തിരി നേരം ഒത്തിരി കാര്യം, കളിച്ചും ചിരിച്ചും വിനോദയാത്രയിലൂടെ കൂടാൻ ഒരു ദിനം, എന്ന പ്രമേയത്തിൽ ഷാർജ കെഎംസിസി ചെങ്കള പഞ്ചായത്ത് കമ്മിറ്റി സംഘടിപ്പിച്ച ചെങ്കളീയൻ പെരുമ 2024, സീസൺ 2 ഒമാനിലെ മുസാണ്ടം തീരത്ത്, സ്വിമ്മിങ്ങും സ്പീഡ് ബോട്ട് റൈഡിങ്ങും ബനാന റൈഡിങ്ങും ഫിഷിങ്ങും കൊണ്ട് ആവേശമായി മാറി.

പ്രസിഡന്റ് എംഎസ് ശരീഫ് പൈക്കയുടെ അധ്യക്ഷതയിൽ ജില്ല വൈസ് പ്രസിഡന്റ് മാഹിൻ ബാത്തിഷ പൊവ്വൽ ഫ്ലാഗ് ഓഫ് നിർവഹിച്ചു, മണ്ഡലം പ്രസിഡണ്ട് മഹമൂദ് എരിയാൽ ആശംസകൾ നേർന്നു.
ഉല്ലാസ യാത്രയ്ക്ക് മാറ്റുകൂട്ടി ക്വിസ്മത്സരവും വിവിധ കലാപരിപാടികളും വനിത സംഗമവും നടന്നു, പഞ്ചായത്ത് കെഎംസിസി സെക്രട്ടറി കാദർ അർക്ക മാസ്റ്ററായ വിജ്ഞാനവും കുസൃതിയും നിറഞ്ഞ ക്വിസ്മത്സരത്തിൽ യൂസഫ് അർളടുക, നൗഷാദ് കുഞ്ഞിക്കാനം സമ്മാനങ്ങൾ വാരിക്കൂട്ടി , വിവിധ കലാപരിപാടികൾക് ജില്ലാ ഭാരവാഹികളായ മാഹിൻ ബാത്തിഷ, ശരീഫ് പൈക്ക, ഷാഫി കുന്നിൽ നേതൃത്വം നൽകി, പരിപാടിയിൽ മികച്ചതും ചിരി പടർത്തിയതും കാസർഗോഡ് കല്യാണങ്ങളിലെ പുതിയാപ്പിളനെ അറക്കാക്കൽ തന്നെയാണ്, ഒപ്പം മാപ്പിളപ്പാട്ടും ഒപ്പനയും കൈമുട്ടി പാട്ടും മികച്ചതാക്കാൻ പഞ്ചായത്ത് ഭാരവാഹികളായ, എംഎസ് ശരീഫ്, ജമാൽ കാസി, ഹാരിസ് ബേവിഞ്ച, നൗഷാദ് കുഞ്ഞിക്കാനം, ആബിദ് ഷാർജ, യൂസഫ് അർളടുക, സിഎം സലീം 4th മൈൽ, ഇക്ബാൽ ബേവിഞ്ച തുടങ്ങിയവർ നേതൃത്വം നൽകി, യാത്രയ്ക്ക് മാറ്റുകൂട്ടിയ വനിതാ സംഗമത്തിൽ പഞ്ചായത്തിന് കീഴിൽ വനിതാ വിംഗ് രൂപീകരണത്തിന് ആവശ്യമുയർന്നു.

യാത്രയിൽ സംബന്ധിച്ച ജില്ലാ വൈസ് പ്രസിഡന്റ് മാഹിൻ ബാത്തിഷ, മണ്ഡലം പ്രസിഡന്റ് മഹമൂദ് ഏരിയാൽ, എന്നിവർക്ക് പഞ്ചായത്ത് കമ്മിറ്റിയുടെ സ്നേഹോപഹാരം നൽകി, യാത്രയിൽ സംബന്ധിച്ച എല്ലാവർക്കും സ്നേഹസമ്മാനവും നൽകുകയുണ്ടായി.
യാത്രയുടെ പ്രചരണാർത്ഥം നടത്തിയ ഐ ഫോൺ 15 പ്രോ മാക്സ് ലക്കി ഡ്രോയുടെ നറുക്കെടുപ്പിലെ വിജയികളെ ജില്ലാ വൈസ് പ്രസിഡന്റ് ശരീഫ് പൈക്ക പ്രഖ്യാപിച്ചു.
വിനോദ യാത്രയിൽ സംബന്ധിച്ചവർ അവരുടെ അഭിപ്രായങ്ങളും അനുഭവങ്ങളും പങ്കുവെച്ചു,

ഓർഗനയിസ്സിഗ് സെക്രട്ടറി, കരീം ചെങ്കള കോഡിനേറ്ററായ യാത്ര പഞ്ചായത്ത് ജനറൽ സെക്രട്ടറി, ജമാൽ ഖാസി സ്വാഗതവും ട്രഷറർ ഹാരിസ് ബേവിഞ്ച നന്ദിയും പറഞ്ഞു.

Continue Reading

FOREIGN

എൻജിനീയർ ഹാഷിം സ്മാരക സഊദി കെ.എം.സി.സി നാഷണൽ സോക്കർ പ്രീ കോർട്ടർ മത്സരങ്ങൾ ജൂൺ 21 ന് ദമാമിൽ

സിഫ്, റിഫ, ഡിഫ, യിഫ തുടങ്ങി അതാത് പ്രവിശ്യ കാൽപ്പന്ത് കൂട്ടായ്മകളുമായി സഹകരിച്ചാണ് മൽസരങ്ങൾ സംഘടിപ്പിച്ചു വരുന്നത് .

Published

on

സഊദി കെ.എം.സി.സി നാഷണൽ കമ്മിറ്റി സ്‌പോർട്‌സ് വിംഗിന്റെ നേതൃത്വത്തിലുള്ള ദേശീയ ഫുട്‌ബോൾ മേളയുടെ മധ്യ – കിഴക്കൻ മേഖലാ തല മത്സരങ്ങൾക് ജൂൺ 21 ന് വെള്ളിയാഴ്ച തുടക്കമാകും . ജിദ്ദ, റിയാദ്, ദമ്മാം, യാമ്പു തുടങ്ങി നാലു പ്രവിശ്യകളിലായി സൗദിയിൽ ആദ്യമായാണ് ഇത്തരത്തിലുള്ള ഫുട്‌ബോൾ മേള നടക്കുന്നത്. സിഫ്, റിഫ, ഡിഫ, യിഫ തുടങ്ങി അതാത് പ്രവിശ്യ കാൽപ്പന്ത് കൂട്ടായ്മകളുമായി സഹകരിച്ചാണ് മൽസരങ്ങൾ സംഘടിപ്പിച്ചു വരുന്നത് .

ജിദ്ദ (വെസ്റ്റേൺ) പ്രവിശ്യയിൽ നിന്നും മൂന്ന് മൂന്നു ടീമുകളും റിയാദ്, ദമ്മാം പ്രവിശ്യകളിൽ നിന്നും രണ്ട് വീതം ടീമുകളും യാമ്പുവിൽ നിന്നും ഒരു ടീമുമാണ് മത്സരത്തിനായി ബൂട്ട് കെട്ടിയത്. സൗദി പ്രവാസ ചരിത്രത്തിലെ ഏറ്റവും വലിയ പ്രൈസ് മണിയാണ് വിജയിയെ കാത്തിരിക്കുന്നത്. ഓരോ ടീമിലും ഐ ലീഗ്, സന്തോഷ് ട്രോഫി താരങ്ങളടക്കമുള്ളവർ കളത്തിലിറ്റങ്ങീട്ടുണ്ട്. ഉൽഘാടന മത്സരം ജിദ്ദയിൽ പൂർത്തിയായി. ജിദ്ദ യാമ്പു പ്രവിശ്യകൾ ഉൾകൊള്ളുന്ന ഗ്രൂപ്പ് ഒന്ന് മത്സരങ്ങളുടെ സെമി ഫൈനൽ ജിദ്ദയിൽ നടക്കുകയും ചാംസ് സബീൻ എഫ്.സി ഫൈനലിൽ പ്രവേശിക്കുകയും ചെയ്തു .

റിയാദ്, ദമ്മാം പ്രവിശ്യകൾ ഉൾകൊള്ളുന്ന ഗ്രൂപ്പ് രണ്ടു പ്രാഥമിക മത്സരങ്ങൾ റിയാദിൽ പൂർത്തിയായി. പ്രീ കോർട്ടർ മത്സരങ്ങളോടെ ദമാമിലെ ദമാമിലെ മത്സരങ്ങൾക് തുടക്കമാവുകയാണ്. ജൂൺ 21 നു ദമ്മാം അൽ തർജ് സ്റ്റേഡിയത്തിൽ നടക്കുന്ന പ്രവിശ്യാ തല ഉത്ഘാടന മത്സരം കിഴക്കൻ പ്രവിശ്യയിലെ ഫുട്ബോൾ പ്രേമികളുടെ ഉല്സവമാക്കി മാറ്റുകയാണ് സംഘടക സമിതി. വിവിധ ഫുട്ബോൾ ടീമുകളും, കലാരൂപങ്ങങ്ങളും, വിവിധ സാംസകാരിക കൂട്ടായ്മകളും അണിനിരക്കുന്ന സാസ്കാരിക ഘോഷ യാത്രയും ഉൽഘടന മത്സരത്തോടനുബന്ദിച് ഒരുക്കിയിട്ടുണ്ട്. ജൂലൈ 5 നു ഗ്രൂപ്പ് 2 സെമി ഫൈനൽ മത്സരങ്ങൾ നടക്കും. വ്യവസായ പ്രമുഖൻ ഡോക്ടർ സിദീഖ് അഹ്മദ് മുഖ്യ അതിഥിയായി പങ്കെടുക്കും. നാഷണൽ തല ഫൈനൽ മത്സരം റിയാദിൽ നടക്കും.

ഫുട്‌ബോൾ ടൂർണമെന്റിനോടനുബന്ധിച്ച് ലക്കി ഡ്രോ കൂപ്പണും പുറത്തിറക്കുന്നുണ്ട്. 8 ഗ്രാം വീതമുള്ള 20 സ്വർണ നാണയങ്ങളും മറ്റനേകം സമ്മാനങ്ങളും ഭാഗ്യശാലികൾക്കായി സമ്മാനിക്കും.

ടൂർണമെന്റിന്റെ വിജയത്തിനായി പ്രവിശ്യയിലെ ഫുട്ബോൾ രംഗത്തെ പ്രമുഖർ ഉൾപ്പടെ വിപുലമായ സംഘടക സമിതിക്കു രൂപം നൽകി. ദമ്മാം ഫുട്ബാൾ അസോസിയേഷ (difa) യുടെ പൂർണ സഹകരണത്തോടെ ആണ് ദമാമിലെ മത്സരങ്ങൾക് അന്തിമ രൂപം നൽകിയിട്ടുള്ളത്.

വെള്ളിയാഴ്ച നടക്കുന്ന ആദ്യ മത്സരത്തിൽ കറി പോർട്ട് റോയൽ ഫോക്കസ് ലൈൻ എഫ്.സി റിയാദ്, ഫൂച്ചർ മൊബിലിറ്റി യൂത്ത് ഇന്ത്യ റിയാദിനെ നേരിടും. രണ്ടാം മത്സരത്തിൽ, ഫസഫിക് ലെജിസ്റ്റിക് ബദർ എഫ്.സി ദമ്മാം , ദീമ ടിഷ്യൂ ഖാലിദിയ എഫ്.സി ടീമുകൾ തമ്മിൽ ഏറ്റുമുട്ടും.
ഹൗസ് കെയർ മുഖ്യ പ്രായോജകരായിട്ടുള്ള ടൂർണ്ണമെൻറിൽ , ഡി എസ് ഐ സൗദി കാബിൻ , ഡി എസ് ഐ , നഹ് ലാ അൽവാദി , കാക്കു സേഫ്റ്റി , അൽ റയാൻ പോളീ ക്ലിനിക് , സോണാ ജ്വല്ലേഴ്‌സ്, ചാംസ് കറി പൗഡർ, എയർ ലിങ്ക്-ബി.എം കാർഗോ, ഗ്ലോബൽ ട്രാവൽസ്, കംഫർട്ട് ട്രാവൽസ് , അബിഫ് കോ ഡിറ്റർജൻറ് , അൽ ആസ്മി ഇൻ്റർ നാഷണൽ തുടങ്ങിയ സ്ഥാപനങ്ങളാണ് ടൂർണമെൻറിന്റെ പ്രധാന പ്രായോജകർ.

വാർത്താ സമ്മേളത്തിൽ കെഎംസിസി നാഷണൽ കമ്മിറ്റി സെക്രട്ടറി ആലിക്കുട്ടി ഒളവട്ടൂർ, സൗദി തല കൺവീനർ മുജീബ് ഉപ്പട, വർക്കിംഗ് ചെയരർമാൻ ഖാദർ മാസ്റ്റർ വാണിയമ്പലം, കിഴക്കൻ പ്രാവിശ്യ ജനറൽ സെക്രട്ടറി സിദ്ധീഖ് പാണ്ടികശാല, മാലിക് മക്ബൂൽ ആലുങ്ങൽ, തുടങ്ങിയവർ പങ്കെടുത്തു

Continue Reading

FOREIGN

ഹജ്ജ് കര്‍മത്തിനിടെ മഞ്ചേരി സ്വദേശി അറഫായില്‍ കുഴഞ്ഞുവീണു മരിച്ചു

മഞ്ചേരി കുട്ടശേരി മേലേതില്‍ നീണ്ടംകോട്ടില്‍ അബ്ദുള്ള ഹാജി എന്ന അബ്ദുഹാജി (68) ആണ് മരണപ്പെട്ടത്.

Published

on

ഹജ്ജ് കര്‍മത്തിനിടെ വയോധികന്‍ അറഫായില്‍ കുഴഞ്ഞുവീണു മരിച്ചു. മഞ്ചേരി കുട്ടശേരി മേലേതില്‍ നീണ്ടംകോട്ടില്‍ അബ്ദുള്ള ഹാജി എന്ന അബ്ദുഹാജി (68) ആണ് മരണപ്പെട്ടത്.

സ്വകാര്യ ഗ്രൂപ്പ് വഴിയാണ് അബ്ദുഹാജി മകനും ഭാര്യക്കുമൊപ്പം മക്കയിലേക്ക് തിരിച്ചത്. വെള്ളിയാഴ്ച മിനായിലെ താമസം പൂര്‍ത്തിയാക്കി ഭാര്യ ഹലീമയോടും മകന്‍ ഫാഇസിനോടുമൊപ്പം അറഫായില്‍ വാഹനമിറങ്ങി നടന്നു നീങ്ങുന്നതിനിടെ കുഴഞ്ഞു വീഴുകയായിരുന്നു. ഉടന്‍ സന്നദ്ധ സേവകരും മറ്റും ചേര്‍ന്ന് ഹാജിമാര്‍ക്ക് വേണ്ടി തയാറാക്കിയ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.

നടപടി ക്രമങ്ങള്‍ പൂര്‍ത്തിയാക്കി മൃതദേഹം മക്കയില്‍ കബറടക്കുമെന്ന് ബന്ധുക്കള്‍. ഫൈസല്‍ മറ്റൊരു മകനാണ്.

Continue Reading

Trending