Connect with us

Video Stories

കോടതികള്‍ ബഹുമാനം നേടേണ്ടത് വിധിയിലൂടെ

ഇപ്പോള്‍ ജയിലില്‍ കഴിയുന്ന നിരവധി സര്‍വകലാശാല അധ്യാപകര്‍, സാമൂഹ്യ പ്രവര്‍ത്തകര്‍, അഭിഭാഷകര്‍, പണ്ഡിതന്മാര്‍ എന്നിവരെപ്പോലെ നമ്മുടെ അവസ്ഥയെക്കുറിച്ച് വളരെക്കാലമായി മുന്നറിയിപ്പ് നല്‍കുന്ന ഒരു ഡോക്ടറാണ് പ്രശാന്ത് ഭൂഷണ്‍

Published

on

അരുന്ധതി റോയ്

2020 ലെ ഇന്ത്യയില്‍, മൈനസ് 23.9 കാലഘട്ടത്തില്‍, അഭിപ്രായ സ്വാതന്ത്ര്യത്തിനുള്ള അവകാശംപോലെ പ്രാകൃതമായ എന്തെങ്കിലും ചര്‍ച്ച ചെയ്യാന്‍ നാം ഒത്തുകൂടണം- പ്രവര്‍ത്തനപരമായ ഒരു ജനാധിപത്യത്തിന്റെ ഏറ്റവും അടിസ്ഥാനപരമായ നിര്‍മിതിക്കായി. മറുവശത്ത്, ഒരുപക്ഷേ നമ്മെത്തന്നെ വിളിക്കാനുള്ള അവകാശം നാം ഉപേക്ഷിച്ചിരിക്കാം- സാമ്പത്തികമായും സാമൂഹികമായും നാം മുട്ടുകുത്തി നില്‍ക്കുകയാണ്. കഴിഞ്ഞ ഏതാനും വര്‍ഷങ്ങളായി നമ്മുടെ രാജ്യം കൃത്രിമമായി പ്രേരിപ്പിച്ച ഹൃദയാഘാതങ്ങളുടെ പരമ്പര നേരിടുന്നു. (പെട്ടെന്നുള്ളതും അപ്രതീക്ഷിതവുമായ നോട്ട് നിരോധനം, ചരക്കു സേവന നികുതിയുടെ മുന്നൊരുക്കമില്ലാത്ത നടപ്പാക്കല്‍, ജമ്മുകശ്മീരിനു പ്രത്യേക പദവി നല്‍കിയിരുന്ന ആര്‍ട്ടിക്ക്ള്‍ 370 റദ്ദാക്കല്‍, പൗരത്വ ഭേദഗതി നിയമത്തിലൂടെ കടന്നുപോകാനുള്ള ശ്രമങ്ങള്‍, കോവിഡ് 19 ലോക്ഡൗണും ഇപ്പോള്‍ കോവിഡും).
പ്രമേഹ രോഗികള്‍ക്ക് പലപ്പോഴും സംഭവിക്കുന്നതുപോലെ, ഈ ഹൃദയാഘാതം നിശബ്ദ ആക്രമണങ്ങളാണ് – മുമ്പുണ്ടായിരുന്ന അസുഖം മറച്ചുവെച്ചിരിക്കുന്നു. രാജ്യത്തിന്റെ കാര്യത്തില്‍ ആ അസുഖം നിരന്തര പ്രചാരണത്തിന്റെ അപശ്രുതിയാണ്. അതിലേക്ക് വഴുതിപ്പോകുന്നത് തടയാന്‍ കാര്യമായൊന്നും ചെയ്യാത്ത പൊതു സ്ഥാപനങ്ങള്‍ അവരുടെ ഉത്തരവാദിത്വം മറക്കുകയാണ്. ഇതില്‍ ജുഡീഷ്യറിയും ഉള്‍പ്പെടുന്നു. ഇപ്പോള്‍ ജയിലില്‍ കഴിയുന്ന നിരവധി സര്‍വകലാശാല അധ്യാപകര്‍, സാമൂഹ്യ പ്രവര്‍ത്തകര്‍, അഭിഭാഷകര്‍, പണ്ഡിതന്മാര്‍ എന്നിവരെപ്പോലെ നമ്മുടെ അവസ്ഥയെക്കുറിച്ച് വളരെക്കാലമായി മുന്നറിയിപ്പ് നല്‍കുന്ന ഒരു ഡോക്ടറാണ് പ്രശാന്ത് ഭൂഷണ്‍. അദ്ദേഹത്തിന്റെ വേദനക്ക് ഇപ്പോള്‍ ശിക്ഷിക്കപ്പെട്ട കുറ്റവാളിയാണ്. കോടതിയലക്ഷ്യ കേസില്‍ സുപ്രീംകോടതിക്കു നല്‍കിയ നീണ്ട മറുപടിയില്‍, ആരോപണത്തെ ചോദ്യംചെയ്യുന്ന നിയമപരമായ വാദങ്ങള്‍ക്ക്പുറമെ, പ്രശാന്ത്ഭൂഷണ്‍ നിരവധി പ്രശ്‌നങ്ങള്‍ ഉയര്‍ത്തിയിട്ടുണ്ട്. ഇന്ത്യന്‍ ഭരണഘടനയുടെ രക്ഷാധികാരിയായി പ്രവര്‍ത്തിക്കുന്നതിലും പൗരന്മാര്‍ക്ക് ജീവിതത്തിനും സ്വാതന്ത്ര്യത്തിനുമുള്ള മൗലികാവകാശങ്ങള്‍ സംരക്ഷിക്കുന്നതിലും അനിയന്ത്രിതമായ ഭൂരിപക്ഷവാദത്തിലേക്ക് നീങ്ങുന്നതിലും സുപ്രീംകോടതി പരാജയപ്പെട്ടുവെന്ന് അദ്ദേഹം വാദിക്കുന്നു. കഴിഞ്ഞ വര്‍ഷം ആഗസ്ത് 5 മുതല്‍ ജയിലില്‍ കിടക്കുന്ന ആയിരക്കണക്കിന് കശ്മീരികളുടെ ബന്ധുക്കള്‍ നല്‍കിയ ഹേബിയസ് കോര്‍പസ് നിവേദനങ്ങളും ഇവയില്‍ പെടുന്നു. ഇന്റര്‍നെറ്റ് ഉപരോധം (ഇത് എന്റെ അഭിപ്രായത്തില്‍ മനുഷ്യരാശിക്കെതിരായ കുറ്റകൃത്യമാണ്), അസമിലെ പൗരന്മാരുടെ ദേശീയ രജിസ്റ്റര്‍ നടപ്പിലാക്കുന്നതില്‍ സുപ്രീംകോടതിയുടെ പങ്ക് (പറഞ്ഞറിയിക്കാനാവാത്ത കഷ്ടപ്പാടുകള്‍ക്കും ദശലക്ഷക്കണക്കിന് ആളുകളെ പൗരത്വ പട്ടികയില്‍നിന്ന് ഒഴിവാക്കുന്നതിനും കാരണമായ), ജാമിഅ മില്ലിയ ഇസ്‌ലാമിയ, ജവഹര്‍ലാല്‍ നെഹ്‌റു സര്‍വകലാശാല എന്നിവിടങ്ങളില്‍ പൊലീസും വലതുപക്ഷ ഗുണ്ടകളും നടത്തിയ ആക്രമണം, ജഡ്ജി ലോയയുടെ ദുരൂഹമരണം, റാഫേല്‍ യുദ്ധവിമാനങ്ങള്‍ വാങ്ങിയതില്‍ സര്‍ക്കാര്‍ നടത്തിയ അഴിമതി, ലോക്ഡൗണ്‍ സമയത്ത് തൊഴിലാളികളെ സംരക്ഷിക്കാന്‍ കോടതി ഇടപെടാന്‍ വിസമ്മതിച്ചതിന്റെ ഫലമായി ദശലക്ഷക്കണക്കിന് ആളുകള്‍ ആയിരക്കണക്കിന് മൈലുകള്‍ അകലെയുള്ള വീടുകളിലേക്ക് കാല്‍നടയായി യാത്രതിരിച്ചത് ഭയാനകരമായ കുടിയേറ്റത്തിന് കാരണമായതുമെല്ലാം. പ്രശാന്തിന്റെ മറുപടി സത്യവാങ്മൂലത്തില്‍ സുപ്രീംകോടതിയിലെ ജഡ്ജിമാര്‍ ഉള്‍പ്പെട്ട നിരവധി അഴിമതി ആരോപണങ്ങളും വിവരിക്കുന്നു. ആധുനിക ഇന്ത്യ എങ്ങനെ പ്രവര്‍ത്തിക്കുന്നുവെന്ന് മനസിലാക്കാന്‍ ആഗ്രഹിക്കുന്ന ഏതൊരാളും നിര്‍ബന്ധമായി വായിക്കേണ്ട സ്മാരക പൊതു രേഖയാണിത്. എന്നാലിപ്പോള്‍ പ്രശാന്തിനെ കുറ്റവാളിയെന്ന് കണ്ടെത്തുകയും ശിക്ഷിക്കുകയും ചെയ്തു. കുറ്റാരോപണം നടത്തുന്നത് നമുക്ക് അവസാനിപ്പിക്കാനാവില്ല. ഇത്തരം കാര്യങ്ങളെല്ലാം ചോദ്യംചെയ്യുകയും എഴുതുകയും ചെയ്യും. നാം അദ്ദേഹത്തിന്റെ മാതൃക പിന്തുടരുകയും അദ്ദേഹം കാണിച്ച ധൈര്യം വളര്‍ത്തിയെടുക്കുകയും വേണം. ഒരു പ്രധാന പ്രശ്‌നം കൂടി ഉന്നയിക്കാന്‍ ആഗ്രഹിക്കുന്നു. കോടതിയുടെ ‘അപകീര്‍ത്തിക്കും’ ‘അന്തസ്സ് കുറയ്ക്കുന്നതിനും’ പ്രശാന്ത് ഭൂഷണ്‍ കുറ്റക്കാരനാണെന്ന് വിധിച്ച വിധിന്യായത്തിനും അദ്ദേഹത്തിന് ലഭിച്ച ശിക്ഷയുടെ അളവിനും ഇടയില്‍ (ഒരു രൂപയുടെ പ്രതീകാത്മക പിഴ) മുഴുവന്‍ ചേറ് നിറഞ്ഞ പ്രപഞ്ചമാണ്. ആ വിധിയെ ചോദ്യംചെയ്യാന്‍ പ്രശാന്ത് തയാറായതില്‍ സന്തോഷമുണ്ട്, കാരണം, ആ ന്യായവിധി നിലനില്‍ക്കുന്നിടത്തോളം കാലം വിശിഷ്ട കുടുംബങ്ങളില്‍ നിന്നുള്ള അറിയപ്പെടുന്ന സുപ്രീംകോടതി അഭിഭാഷകരല്ലാത്തവര്‍ക്കുള്ള അപകടകരമായ ഒരു കെണിയാണിത്.
അടുത്ത കാലത്തായി പലരേയും കോടതിയലക്ഷ്യ കേസില്‍ ശിക്ഷിച്ചിരുന്നു. കൊല്‍ക്കത്ത ഹൈക്കോടതിയിലെ ജഡ്ജിയായ ജസ്റ്റിസ് കര്‍ണന്‍, (ദലിത് ജഡ്ജി) അതിലൊരാളാണ്. കോടതിയലക്ഷ്യ കേസിലെ വ്യത്യസ്തമായ വകുപ്പിലാണ് (നീതി നിര്‍വഹണത്തില്‍ ഇടപെടുന്നുവെന്ന) അദ്ദേഹം കുറ്റക്കാരനാണെന്ന് വിധിക്കുകയും ആറ് മാസം തടവിന് ശിക്ഷിക്കുകയും ചെയ്തത്. സുപ്രീംകോടതി അഭിഭാഷകന്‍ മാത്യൂസ് നെടുമ്പാരയെ 2019 ല്‍ കോടതിയലക്ഷ്യത്തിന് ശിക്ഷിച്ചിരുന്നു. മൂന്നു മാസത്തെ സസ്‌പെന്‍ഷനും തടവറയുമായിരുന്നു ശിക്ഷ. ഒരു വര്‍ഷത്തേക്ക് കോടതിയില്‍ പ്രാക്ടീസ് ചെയ്യുന്നതിനു വിലക്കും ഏര്‍പ്പെടുത്തി. ഈ രണ്ടുപേര്‍ക്കും പ്രതീകാത്മക ശിക്ഷക്കുള്ള അവസരം നല്‍കിയിരുന്നില്ല. സുപ്രീംകോടതിയുടെ വിധിന്യായത്തിലും പൊതുജന പിന്തുണയുടെ അടിസ്ഥാനത്തിലും വ്യത്യസ്ത ആളുകള്‍ക്ക് വ്യത്യസ്ത ശിക്ഷയാണ് നല്‍കുന്നതെന്ന ന്യായമായ അഭിപ്രായപ്രകടനങ്ങള്‍ സമൂഹമാധ്യമങ്ങളില്‍ സജീവമാണ്. എന്റെ കാര്യത്തില്‍തന്നെ, 2002 ല്‍ കോടതിയലക്ഷ്യത്തിന് ശിക്ഷിക്കുകയും ജയിലിലടയ്ക്കുകയും ചെയ്ത വിധിന്യായത്തില്‍ സംവേദനാത്മകവും ലൈംഗികത നിറഞ്ഞതും അപകീര്‍ത്തിപ്പെടുത്തുന്നതുമായ ഭാഷയായിരുന്നു. അസമത്വവും ജാതി മതിലുകളും ഒളിവില്ലാത്ത ലൈംഗിക നിറഞ്ഞതുമായ നമ്മുടേതുപോലുള്ള സമൂഹത്തില്‍, എല്ലാത്തരം വിവേചനങ്ങളിലും ജാഗ്രത പാലിക്കേണ്ടത് കോടതികളുടെ മാത്രമല്ല, എല്ലാവരുടെയും കടമയാണ്. ‘കോടതിയെ അപകീര്‍ത്തിപ്പെടുത്തുക’, അതിന്റെ ‘അന്തസ്സ് കുറയ്ക്കുക’ എന്നീ വിക്ടോറിയന്‍ സങ്കല്‍പങ്ങള്‍ കോടതിയലക്ഷ്യ നിയമത്തിലെ വകുപ്പ് റദ്ദാക്കി ജുഡീഷ്യല്‍ സ്ഥാപനം അതിന്റെ അധികാരങ്ങള്‍ കുറയ്ക്കാന്‍ സന്നദ്ധരാകുമെന്ന് പ്രതീക്ഷിക്കാനാവില്ല- ഈ പരിഹാസ്യമായ നിയമത്തിലൂടെയല്ല, മറിച്ച് അതിന്റെ വിധിന്യായങ്ങളിലൂടെയാണ് ബഹുമാനം നേടാനുള്ള ഏക മാര്‍ഗമെന്ന് കോടതിക്ക് നന്നായി അറിയാമെങ്കിലും. നിയമം റദ്ദാക്കാന്‍ സാധ്യതയില്ലാത്തതിനാല്‍, ആവശ്യത്തിലധികമായ പ്രയോഗം ഇല്ലാതാക്കാന്‍ നാം പരിശ്രമിക്കണം. കോടതിയെ മനപ്പൂര്‍വ്വം അവഹേളിക്കുന്നതിലൂടെയല്ല, പ്രശാന്ത് ഭൂഷണ്‍ ചെയ്തതുപോലെ, കോടതികളെക്കുറിച്ചും ജഡ്ജിമാരെക്കുറിച്ചും അവരുടെ വിധിന്യായങ്ങളെക്കുറിച്ചും സത്യസന്ധമായും ഉത്തരവാദിത്തത്തോടെയും നമ്മുടെ മനസ്സാക്ഷിയോട് സംസാരിക്കാം.
(ഫോറിന്‍ കറസ്‌പോണ്ടന്റ്‌സ് ക്ലബിനു നല്‍കിയ പ്രസ്താവനയുടെ പൂര്‍ണരൂപം)

 

Continue Reading
Advertisement
Click to comment

Leave a Reply

Your email address will not be published. Required fields are marked *

india

മണിപ്പൂര്‍ കലാപം; ബി.ബി.സി റെയ്ഡ് -കേന്ദ്ര സര്‍ക്കാറിനെതിരെ രൂക്ഷവിമര്‍ശനവുമായി അമേരിക്ക

ന്യൂനപക്ഷങ്ങൾ വലിയ പീഡനം മണിപ്പൂരിൽ നേരിട്ടുവെന്ന് യു.എസ് സ്റ്റേറ്റ് ഡിപാർട്മെന്‍റിന്‍റെ വാർഷിക മനുഷ്യാവകാശ വിശകലന റിപ്പോർട്ടിൽ പറയുന്നു.

Published

on

മണിപ്പൂരിലെ വംശീയ സംഘർഷത്തിലടക്കം കേന്ദ്ര സർക്കാറിനെതിരെ രൂക്ഷ വിമർശനവുമായി അമേരിക്കൻ വിദേശകാര്യ വകുപ്പ്. ന്യൂനപക്ഷങ്ങൾ വലിയ പീഡനം മണിപ്പൂരിൽ നേരിട്ടുവെന്ന് യു.എസ് സ്റ്റേറ്റ് ഡിപാർട്മെന്‍റിന്‍റെ വാർഷിക മനുഷ്യാവകാശ വിശകലന റിപ്പോർട്ടിൽ പറയുന്നു. കേന്ദ്ര സർക്കാരിനെ വിമർശിക്കുന്ന മാധ്യമങ്ങൾ ഭീഷണി രാജ്യത്ത് നേരിടുകയാണെന്നും റിപ്പോർട്ടിൽ വിമർശനമുണ്ട്.

യു.എസ് സ്റ്റേറ്റ് ഡിപ്പാർട്ട്‌മെന്‍റ് തിങ്കളാഴ്ചയാണ് വാർഷിക മനുഷ്യാവകാശ വിശകലന റിപ്പോർട്ട് പ്രസിദ്ധീകരിച്ചത്. 200 രാജ്യങ്ങളിലെ മനുഷ്യാവകാശ പ്രശ്നങ്ങൾ ഉൾകൊള്ളുന്നതാണ് റിപ്പോർട്ട്. മണിപ്പൂരിലെ വംശീയ സംഘർഷം അടിച്ചമർത്തുന്നതിലെ പരാജയം, ഇന്ത്യയിലെ പ്രതിപക്ഷ പാർട്ടികൾ നേരിടുന്ന പ്രതിബന്ധങ്ങൾ, ഹർദീപ് സിങ് നിജ്ജറിന്‍റെ കൊലപാതകത്തിലെ ആരോപണം എന്നിവ ഇന്ത്യയിലെ ഗുരുതരമായ മനുഷ്യാവകാശ പ്രശ്‌നങ്ങളിൽ പെടുന്നുവെന്ന് റിപ്പോർട്ട് പറയുന്നു.

വംശീയ സംഘർഷം പൊട്ടിപ്പുറപ്പെട്ടതിന് ശേഷം മണിപ്പൂരിൽ ഗുരുതരമായ മനുഷ്യാവകാശ ലംഘനങ്ങളാണ് അരങ്ങേറിയത്. സായുധ സംഘട്ടനം, ലൈംഗിക അതിക്രമങ്ങൾ എന്നിവ മണിപ്പൂരിൽ നിന്നും റിപ്പോർട്ട് ചെയ്യപ്പെട്ടു -സ്റ്റേറ്റ് ഡിപ്പാർട്ട്‌മെന്‍റ് ചൂണ്ടിക്കാട്ടുന്നു.

രാഹുൽ ഗാന്ധിയെ അയോഗ്യാനാക്കിയ സംഭവം റിപ്പോർട്ടിൽ പറയുന്നുണ്ട്. സർക്കാരിനെ വിമർശിക്കുന്ന വീക്ഷണങ്ങൾ പ്രകടിപ്പിക്കുന്ന മാധ്യമപ്രവർത്തകരും മാധ്യമസ്ഥാപനങ്ങലും അറസ്റ്റിനും ഭീഷണികൾക്കും വിധേയരായിട്ടുണ്ടെന്ന് റിപ്പോർട്ട് പറയുന്നു. ആദായനികുതി വകുപ്പ് ബി.ബി.സിയുടെ ഡൽഹി, മുംബൈ ഓഫീസുകളിൽ 60 മണിക്കൂർ റെയ്ഡ് നടത്തിയതും റിപ്പോർട്ടിൽ പരാമർശിക്കുന്നു.

Continue Reading

crime

യു.പിയിൽ ബി.ജെ.പി സ്ഥാനാർഥിയുടെ പ്രചാരണ റാലിക്കിടെ വ്യാപക പോക്കറ്റടി

റാലിയില്‍ പങ്കെടുത്ത പ്രവര്‍ത്തകരും റാലി കടന്നുപോയ സ്ഥലത്തെ കച്ചവടക്കാരും പണം നഷ്ടമായത് ചൂണ്ടിക്കാട്ടി പൊലീസില്‍ പരാതി നല്‍കിയിട്ടുണ്ട്.

Published

on

ഉത്തര്‍പ്രദേശിലെ മീററ്റില്‍ ബി.ജെ.പി സ്ഥാനാര്‍ഥി അരുണ്‍ ഗോവിലിന്റെ പ്രചാരണ റാലിക്കിടെ വ്യാപക പോക്കറ്റടി. റാലിയില്‍ പങ്കെടുത്ത പ്രവര്‍ത്തകരും റാലി കടന്നുപോയ സ്ഥലത്തെ കച്ചവടക്കാരും പണം നഷ്ടമായത് ചൂണ്ടിക്കാട്ടി പൊലീസില്‍ പരാതി നല്‍കിയിട്ടുണ്ട്. മാധ്യമപ്രവര്‍ത്തകരും പോക്കറ്റടിക്ക് ഇരയായിട്ടുണ്ട്.

‘രാമായണം’ സീരിയലില്‍ ശ്രീരാമനായി അഭിനയിച്ച നടനാണ് മീററ്റിലെ ബി.ജെ.പി സ്ഥാനാര്‍ഥി അരുണ്‍ ഗോവില്‍. സീരിയലിലെ മറ്റ് കഥാപാത്രങ്ങളെ അവതരിപ്പിച്ച താരങ്ങളെ അണിനിരത്തിയായിരുന്നു മീററ്റില്‍ പ്രചാരണ റാലി നടത്തിയത്. സീതയായി അഭിനയിച്ച ദീപിക ചിഖ്‌ലിയ, ലക്ഷ്മണനായി അഭിനയിച്ച സുനില്‍ ലാഹ്രി എന്നിവര്‍ പങ്കെടുത്തിരുന്നു.

വ്യാപാരിയായ കുല്‍ഭൂഷണ്‍ എന്നയാള്‍ 36,000 രൂപ പോക്കറ്റടിച്ചതായി കാണിച്ച് പൊലീസില്‍ പരാതി നല്‍കി. റാലി കണ്ടപ്പോള്‍ കടയില്‍ നിന്നിറങ്ങി അടുത്തേക്ക് പോയതാണെന്ന് കുല്‍ഭൂഷണ്‍ പറഞ്ഞു. കടയിലെ പണം പോക്കറ്റില്‍ വെച്ചിരുന്നു. റാലി കണ്ട് തിരികെയെത്തിയപ്പോഴാണ് പോക്കറ്റിലെ പണം നഷ്ടമായത് അറിയുന്നത് -കുല്‍ഭൂഷണ്‍ പറഞ്ഞു.

https://twitter.com/i/status/1782609046484500905

ബി.ജെ.പി പ്രാദേശിക നേതാവായ അലോക് സിസോദിയയുടെ മൊബൈല്‍ ഫോണ്‍ റാലിക്കിടെ മോഷ്ടിക്കപ്പെട്ടു. റാലിയിലെ തിരക്ക് മുതലെടുത്ത് ചില മോഷ്ടാക്കള്‍ കടന്നുകയറിയെന്നാണ് ബി.ജെ.പി നേതാക്കള്‍ പറയുന്നത്.

അതേസമയം, മോഷണസംഭവങ്ങളില്‍ മൂന്ന് പേരെ പൊലീസ് അറസ്റ്റ് ചെയ്തിട്ടുണ്ട്. ഏപ്രില്‍ 26ന് നടക്കുന്ന രണ്ടാംഘട്ടത്തിലാണ് മീററ്റില്‍ തെരഞ്ഞെടുപ്പ്.

 

 

Continue Reading

Article

വിശ്രമമില്ലാതെ പാണക്കാട് കുടുംബം

വീട്ടില്‍ വരുന്ന നൂറുകണക്കിനു സാധാരണക്കാരുടെ വിഷയങ്ങളില്‍ സാന്ത്വനം പകര്‍ന്ന് അയച്ച ശേഷ യു.ഡി.എഫിനു വന്‍ വിജയമോ താന്‍ കിലോമിറ്ററുകള്‍ താണ്ടുകയാണിവര്‍.

Published

on

ഇഖ്ബാല്‍ കല്ലുങ്ങല്‍

മലപ്പുറം: കേരളീയ സമൂഹത്തിന്റെ സുകൃതമാണ് പാണക്കാട് സയ്യിദ് ശിഹാബ് തങ്ങള്‍ കുടുംബം. മുസ്‌ലിം ലീഗിന്റെ നേത്യരംഗത്ത് ശോഭ വിതറുന്ന ശിഹാബ് തങ്ങള്‍ കുടുംബത്തിനു തിരഞ്ഞെടുപ്പ് കാലത്ത് തിരക്കുകള്‍ കൂടുന്ന ദിനങ്ങളാണ്. വീട്ടില്‍ വരുന്ന നൂറുകണക്കിനു സാധാരണക്കാരുടെ വിഷയങ്ങളില്‍ സാന്ത്വനം പകര്‍ന്ന് അയച്ച ശേഷ യു.ഡി.എഫിനു വന്‍ വിജയമോ താന്‍ കിലോമിറ്ററുകള്‍ താണ്ടുകയാണിവര്‍. മുസ്ലിംലീഗ് സംസ്ഥാന പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങള്‍, മുസ്ലിം ലീഗ് മലപ്പുറം ജില്ലാ പ്രസിഡന്റ് പാണക്കാട് സയ്യിദ് അബ്ബാസലി ശിഹാബ് തങ്ങള്‍, മുസ്ലിം യൂത്ത് ലീഗ് സംസ്ഥാന പ്രസിഡന്റ് പാണക്കാട് സയ്യിദ് മുനവ്വറലി ശിഹാബ് തങ്ങള്‍, സയ്യിദ് റഷീദലി ശിഹാബ് തങ്ങള്‍, സയ്യിദ ്ഹമീദലി ശിഹാബ് തങ്ങള്‍, സയ്യിദ് ബഷീറലി ശിഹാബ് തങ്ങള്‍, സയ്യിദ് മുഈനലി ശിഹാബ് തങ്ങള്‍. തുടങ്ങിയവര്‍ വോട്ട് അഭ്യാര്‍ത്ഥിച്ച് പൊതുസമ്മേളനങ്ങള്‍ മുതല്‍ കു ടുംബ സംഗമങ്ങള്‍ വരെ വിശ്രമമില്ലാതെ ഓടുകയാണ്.

പാണക്കാട് കുടുംബത്തില്‍ നിന്നും വോട്ട് അഭ്യാര്‍ത്ഥിച്ച് എത്തുന്നത് വോട്ടര്‍മാരില്‍ വലിയ സ്വാധീനമാണുളവാക്കുന്നത്. മതസാഹോദര്യത്തിനു ഊന്നല്‍ നല്‍കികൊണ്ട് രാജ്യത്തെ രക്ഷിക്കേണ്ട പോരാട്ടമാ ണിതെന്ന് പറഞ്ഞ് വോട്ട് അഭ്യര്‍ത്ഥിക്കുന്നത് വോട്ടര്‍മാര്‍ സ്‌നേഹപൂര്‍വമാണ് സ്വീകരിക്കുന്നത്. മുസ്ലിം ലീഗ് ദേശീയ രാഷ്ട്രീയകാര്യസമിതി ചെയര്‍മാന്‍ കൂടിയായ സാദിഖലി ശിഹാബ് തങ്ങള്‍ കേരളത്തിനകത്തും പുറത്തും പ്രചാരണത്തില്‍ ശ്രദ്ധകേന്ദ്രീകരിക്കുന്നു. രാഹുല്‍ ഗാന്ധിക്കൊപ്പം ഇന്ത്യമുന്നണിക്ക് സാദിഖലി ശിഹാബ് തങ്ങള്‍ പകരുന്ന ആവേശവും കരുത്തും ചെറുതല്ല. മുസ്ലിം ലീഗ് സ്ഥാനാര്‍ത്ഥികളെ പ്രഖ്യാപിച്ച സാദിഖലി ശിഹാബ് തങ്ങള്‍ തന്നെയാണ് ഇ.ടി മുഹമ്മദ് ബഷീറിന്റെയും അബ്ദുസമദ് സമദാനിയുടെയും പ്രചാരണങ്ങള്‍ക്ക് തുടക്കം കുറിച്ചതും. യുഡിഎഫിന്റെ വിവിധ സ്ഥാനാര്‍ത്ഥികളുടെ പ്രചാരണങ്ങള്‍ക്ക് സാദിഖലി ശിഹാബ്ദ് തങ്ങളുടെ സാന്നിധ്യം എന്തൊന്നില്ലാ ആത്മവിശ്വാസമാണ് പകരുന്നത്. സംസ്ഥാനത്തിന്റെ ഒരറ്റം മുതല്‍ മറ്റേയറ്റം വരെ സാദിഖലി ശിഹാബ് തങ്ങള്‍ വിശ്രമമില്ലാതെ സഞ്ചരിക്കു കയാണ്. കേരളത്തില്‍ എല്ലാ സീറ്റിലും യു.ഡി.എഫ് വിജയം വരിക്കുന്നതിനു ആവശ്യമായ കര്‍മപഥമാണ് സാദിഖലി ശിഹാബ് തങ്ങള്‍ തുറക്കുന്നത്. എല്ലായിടത്തും കുടുംബ സംഗമങ്ങളിലും തീരദേശ മലയോര മേഖലകളിലും സാദിഖലി ശിഹാബ് തങ്ങളുടെ പര്യടനങ്ങള്‍ക്ക് ഗംഭീര സ്വീകാര്യതയാണ്.

മുസ്ലിംലീഗ് സ്ഥാനാര്‍ത്ഥികള്‍ക്ക് നാമനിര്‍ദേശ പത്രികയും കെട്ടിവെക്കാനുള്ള തുകയും കൈമാറിയ ശേഷം വയനാട്ടില്‍ രാഹുല്‍ഗാന്ധിയുടെ റോഡ്‌ഷോയിലും പത്രിക സമര്‍പ്പണത്തിലും പാണക്കാട് സയ്യിദ് അബ്ബാസലി ശിഹാബ്തങ്ങള്‍ നിറസാന്നിധ്യമായിരുന്നു. തിരഞ്ഞെടുപ്പ് കണ്‍വന്‍ഷനുകളിലും പ്രചാരണ ഉദ്ഘാടനങ്ങളും കുടുംബ സംഗമങ്ങളിലും പങ്കെടുത്ത് സയ്യിദ് അബ്ബാസലി ശിഹാബ്തങ്ങള്‍ യു.ഡി.എഫിന്റെ വിജയമോതുന്നു. വിവിധ സ്ഥലങ്ങളിലെ പര്യടനത്തിലുടനീളം ജനകീയ വരവേല്‍പ്പാണ് അബ്ബാസലി തങ്ങള്‍ക്ക് ലഭിക്കുന്നത്.

സയ്യിദ് അബ്ബാസലി ശിഹാബ് തങ്ങള്‍, സയ്യിദ് ബഷീറലി ശിഹാബ് തങ്ങള്‍, സയ്യിദ് മുനവ്വറലി ശിഹാബ് തങ്ങള്‍,സയ്യിദ് റഷീദലി ശിഹാബ് തങ്ങള്‍, സയ്യിദ് ഹമീദലി ശിഹാബ് തങ്ങള്‍, സയ്യിദ് മുഈനലി ശിഹാബ് തങ്ങള്‍ മുസ്ലിംയൂത്തീഗ് സംസ്ഥാന പ്രസിഡന്റ് പാണക്കാട് സയ്യിദ് മുനവ്വറലി ശിഹാബ് തങ്ങള്‍ പൊന്നാനിയിലും മലപ്പുറത്തും മറ്റു ലോക്‌സഭാ മണ്ഡലങ്ങളിലും ആവേശം വിതറുന്നു. രാജ്യത്തെ ഭിന്നിപ്പിച്ച് ഭരിക്കുന്ന ഭരണകൂടത്തിനെതിരെയും ജനദ്രോഹനയങ്ങള്‍ തുടരുന്ന കേരളസര്‍ക്കാറിനെതിരെയും പ്രതികരിക്കാനുള്ള അവസരമാണിതെന്ന് ഓരോ കേന്ദ്രത്തിലും സയ്യിദ് മുനവ്വറലി ശിഹാബ് തങ്ങള്‍ പറഞ്ഞു. യംഗ് ഇന്ത്യ പരിപാടികളിലും തങ്ങള്‍ ശ്രദ്ധേയമായി. തിരൂരിലും മറ്റുമായി വിവിധ കുടുംബസംഗമങ്ങളില്‍ പങ്കെടുത്ത് മലപ്പുറം മണ്ഡലും മുസ്ലിംലീഗ് പ്രസിഡന്റു കൂടിയായ സയ്യിദ് റഷീദലി ശിഹാബ് തങ്ങള്‍ അനുഗ്രഹ സാന്നിധ്യമായി കേന്ദ്ര-സംസ്ഥാന സര്‍ക്കാറുകളുടെ ജനദ്രോഹ ഭരണം സയ്യിദ് റഷീദലി ശിഹാബ് തങ്ങള്‍ വിശദീകരിക്കുമ്പോള്‍ വോട്ടര്‍മാര്‍ അതേറ്റുവാങ്ങുന്നു.

പ്രചാരണപ്രവര്‍ത്തനങ്ങളില്‍ സജീവമാണ് മലപ്പുറം മുനിസിപ്പല്‍ മുസ്ലിംലീഗ് പ്രസിഡന്റ് കൂടിയായ സയ്യിദ് ഹമീദലി ശിഹാബ് തങ്ങള്‍, മലപ്പുറത്തും പൊന്നാനിയിലും മറ്റിടങ്ങളിലും കുടുംബസംഗമങ്ങളിലും കണ്‍വന്‍ഷനുകളിലും പ്രചാരണ ഉദ്ഘാടനങ്ങളിലും ഹമിദലി ശിഹാബ് തങ്ങള്‍ യു.ഡി.എഫ് വിജയ ത്തിന്റെ അനിവാര്യത ബോധ്യപ്പെടുത്തി.

പാണക്കാട് സയ്യിദ് ബഷീറലി ശിഹാബ് തങ്ങളും കുടുംബസംഗമങ്ങളില്‍ പങ്കെടുത്തു. പാണക്കാട് സയ്യിദ് മുഈനലി ശിഹാബ് തങ്ങള്‍ എടപ്പാളിലുള്‍പ്പെടെ തിരഞ്ഞെടുപ്പ് കാമ്പയിന്‍ നയിച്ചതും ശ്രദ്ധേയമായി. പാണക്കാട് സയ്യിദ് കുടുംബം പങ്കെടുക്കുന്ന തീരദേശ റോഡ്‌ഷോകളും കുടുംബസംഗമങ്ങളും വിജയകരമായി മുന്നേറുകയാണ്. മണ്‍മറഞ്ഞ പിഎംഎസ്എ പൂക്കോയ തങ്ങള്‍, സയ്യിദ് മുഹമ്മദലി ശിഹാബ് തങ്ങള്‍, സയ്യിദ് ഹൈദരലി ശിഹാബ് തങ്ങള്‍, സയ്യിദ് ഉമറലി ശിഹാബ് തങ്ങള്‍ എന്നിവരും തിരഞ്ഞെടുപ്പ് കാലത്ത് നയിച്ച പര്യടനങ്ങള്‍ ജനങ്ങളുടെ ഓര്‍മകളില്‍ മങ്ങാതെ നില്‍ക്കുന്ന ഹൃദ്യമായ കാഴ്ച്ചകളാണ്.

 

Continue Reading

Trending