Football
സ്പാനിഷ് വാര് : ഇന്ന് ബാര്സിലോണയും അത്ലറ്റികോ മാഡ്രിഡും
സ്പാനിഷ് ലാലീഗയില് ഇന്നാണ് വാര്. ചാമ്പ്യന്ഷിപ്പ് സാധ്യതകളില് മൂന്ന് ടീമുകള് ബലാബലം നില്ക്കവെ അതിലെ രണ്ട് പേര് ഇന്ന് മുഖാമുഖം. ഇന്ത്യന് സമയം രാത്രി 7-45 ന് ആരംഭിക്കുന്ന പോരാട്ടത്തില് നേര്ക്കുനേര് വരുന്നത് ഒന്നാം സ്ഥാനക്കാരായ അത്ലറ്റികോ മാഡ്രിഡും മൂന്നാം സ്ഥാനക്കാരായ ബാര്സിലോണയും. ഇന്ന് ജയിക്കുന്നവര്ക്ക് കിരീടത്തില് വ്യക്തമായ സാധ്യത കൈവരും.
ഇതാണ് ഇപ്പോള് പോയിന്റ്് നില: 34 മല്സരങ്ങളില് നിന്നായി അത്ലറ്റികോ മാഡ്രിഡിന്റെ സമ്പാദ്യം 76. ഇതേ മല്സരങ്ങളില് നിന്നായി രണ്ടാം സ്ഥാനത്ത് നില്ക്കുന്ന റയല് മാഡ്രിഡിന്റെ പോയിന്റ് 74. മൂന്നാമത് നില്ക്കുന്ന ബാര്സിലോണക്കും ഇതേ സമ്പാദ്യം-74. 34 മല്സരങ്ങളില് നിന്നായി 70 ല് നില്ക്കുന്ന സെവിയെക്കും സാധ്യത നിലനില്ക്കുന്നു. നാല് മല്സരങ്ങള് മാത്രമാണ് ഇനി ബാക്കി. രണ്ടാംസ്ഥാനക്കാരില് നിന്നും രണ്ട് പോയിന്റ് ലീഡ് കൈവശമുള്ള അത്ലറ്റികോ മാഡ്രിഡിന് ഇനിയുള്ള നാല് മല്സരങ്ങളും ജയിച്ചാല് കപ്പുറപ്പ്. ഇന്ന് ബാര്സിലോണയാണ് ജയിക്കുന്നതെങ്കില് അവര്ക്കായിരിക്കും മുന്ത്തൂക്കം. ഇന്ന് ജയിച്ചാല് ബാര്സയുടെ സമ്പാദ്യം 77 ലെത്തും. പിന്നെ മൂന്ന് മല്സരങ്ങള് താരതമ്യേന ദുര്ബലരുമായിട്ടാണ്. അതേ സമയം ചാമ്പ്യന്സ് ലീഗ് സെമി ഫൈനലില് പുറത്തായ റയല് മാഡ്രിഡിന് ഇനി ആകെയുള്ള പ്രതീക്ഷ ലാലീഗ മാത്രമാണ്. പക്ഷേ അവര്ക്ക് മറ്റുള്ളവരുടെ കാരുണ്യം നിര്ബന്ധമാണ്. ഇന്നത്തെ ബാര്സ- അത്ലറ്റികോ മല്സരം സമനിലയില് കലാശിക്കാനാണ് റയല് ആഗ്രഹിക്കുന്നത്. ആര് ജയിച്ചാലും അത് സിദാന് സംഘത്തിന്റെ സാധ്യതകളെ കാര്യമായി ബാധിക്കും. റയലിന് അടുത്ത പ്രതിയോഗികള് ശക്തരായ സെവിയെയാണെന്നിരിക്കെ. സ്വന്തം മൈതാനത്താണ് ഇന്നത്തെ മല്സരമെന്നതാണ് ബാര്സക്ക് പ്രതീക്ഷ നല്കുന്നത്. അവസാന മല്സരത്തില് വലന്സിയക്കെതിരെ നേടിയ തകര്പ്പന് വിജയവും ടീമിന്റെ ആത്മവിശ്വാസം വര്ധിപ്പിക്കുന്നു. നായകന് മെസിയുടെ കരുത്ത് തന്നെയാണ് ടീമിന്റെ ആത്മവിശ്വാസം. സമീപകാലത്തായി തന്റെ പഴയ കരുത്തിലേക്ക് മെസി തിരികെ വന്നിട്ടുണ്ട്. വലന്സിയക്കെതിരെ നേടിയ രണ്ട് ഗോളുകള് അതിന് ഉദാഹരണം. മെസിക്ക് പിന്തുണ നല്കാന് അന്റോണിയോ ഗ്രിസ്മാന്, ഫ്രാങ്ക് ഡി ജോംഗ് എന്നിവരെല്ലാം കരുത്തരായി നില്ക്കുന്നു. കിംഗ്സ് കപ്പിലെ വിജയം മാത്രമാണ് മെസി സംഘത്തിന്റെ ഇത്തവണത്തെ വലിയ നേട്ടം. അതേ സമയം കപ്പിനും ചുണ്ടിനുമിടയില് പലപ്പോഴും നിരാശരാവേണ്ടി വന്നവരാണ് അത്ലറ്റികോ സംഘം. ഇത്തവണ തുടക്കം മുതല് ഒന്നാം സ്ഥാനം നേടിയ ഡിയാഗോ സിമയോണിയുടെ സംഘം ഒരു വേള പ്രതിയോഗികളെക്കാള് 11 പോയിന്റ്് ലീഡ് നേടിയിരുന്നു. എന്നാല് സമീപ മല്സരങ്ങളിലെ തോല്വി ടീമിനെ ബാധിച്ചു. ഇന്ന് ജയിച്ചാല് പക്ഷേ കാര്യങ്ങള് മാറുമെന്നാണ് സിമയോണി വ്യക്തമാക്കുന്നത്.
വാഷിങ്ടണ്: ഫിഫ ലോകകപ്പ് ഡ്രോ ഡിസംബര് അഞ്ചിന്. ലോകകപ്പ് ആതിഥേയ രാജ്യങ്ങളിലൊന്നായ അമേരിക്കയിലെ വാഷിങ്ടണ് ഡി.സിയിലാണ് 48 ടീമുകളുടെ ആദ്യ വിശ്വമേളയുടെ നറുക്കെടുപ്പ് നടക്കുന്നത്. ലോകകപ്പ് യോഗ്യതാ റൗണ്ടുകള് പൂര്ത്തിയാവുകയും, 42 ടീമുകള് ഇതിനകം യോഗ്യത ഉറപ്പാക്കുകയും ചെയ്തു. ശേഷിക്കുന്ന ആറ് സ്ഥാനങ്ങള്ക്കുള്ള പ്ലേ ഓഫ് മത്സരങ്ങള് അടുത്ത വര്ഷം മാര്ച്ചില് നടക്കാനിരിക്കെയാണ് ഈ മത്സരങ്ങള് കൂടി ഉള്പ്പെടുത്തി ഡിസംബര് അഞ്ചിന് നറുക്കെടുപ്പ് നടക്കുന്നത്.
ടോപ് ഫോര് ഫൈറ്റ് ഒഴിവാക്കി നറുക്കെടുപ്പ്
റാങ്കിങ്ങില് മുന്നിരയിലുള്ള നാല് ടീമുകളായ സ്പെയിന്, അര്ജന്റീന, ഫ്രാന്സ്, ഇംഗ്ലണ്ട് എന്നിവര് സെമി വരെ പരസ്പരം ഏറ്റുമുട്ടുന്നത് ഒഴിവാക്കിയാണ് ഫിഫ സീഡും ഫിക്സ്ചറും തയ്യാറാക്കിയത്. ലോകറാങ്കിങ്ങില് ഒന്നാം സ്ഥാനക്കാരായ സ്പെയിനും രണ്ടാം സ്ഥാനക്കാരായ അര്ജന്റീനയും തമ്മില് ഫൈനലിന് മുമ്പ് മുഖാമുഖമെത്തില്ല. മൂന്നാം സ്ഥാനക്കാരായ ഫ്രാന്സും-നാലാം സ്ഥാനക്കാരായ ഇംഗ്ലണ്ടും തമ്മിലും ഫൈനലിന് മുമ്പൊരു പോരാട്ടവുമുണ്ടാവില്ല.
ഗ്രൂപ്പ് റൗണ്ടിനു ശേഷം രണ്ട് ഭാഗങ്ങളായാവും നോക്കൗട്ട്, പ്രീക്വാര്ട്ടര്, ക്വാര്ട്ടര് ഫൈനല്, സെമി വരെ മത്സരങ്ങള് നടക്കുന്നത്. മുന്നിര ടീമുകള് ഗ്രൂപ്പിലെ മത്സരത്തിനു ശേഷം രണ്ടുവഴിക്കാവും മുന്നോട്ട് കുതിക്കുന്നത് എന്നതിനാല് ഫൈനലിന് മുമ്പ് ഒരു ഏറ്റുമുട്ടല് ഒഴിവാകും.
ലോകകപ്പ് നറുക്കെടുപ്പ് ക്രമം
Pot 1: Canada, Mexico, United States, Spain, Argentina, France, England, Brazil, Portugal, Netherlands, Belgium, Germany
Pot 2: Croatia, Morocco, Colombia, Uruguay, Switzerland, Japan, Senegal, Iran, South Korea, Ecuador, Austria, Australia
Pot 3: Norway, Panama, Egypt, Algeria, Scotland, Paraguay, Tunisia, Ivory Coast, Uzbekistan, Qatar, South Africa
Pot 4: Jordan, Cape Verde, Ghana, Curaçao, Haiti, New Zealand, European playoff winners A-D, Inter-confederation playoff winners 1-2
Football
യുവേഫയില് നിന്ന് ഇസ്രാഈലിനെ വിലക്കണമെന്ന ആവശ്യവുമായി ഐറിഷ് ഫുട്ബോള് അസോസിയേഷന്
എഫ്എഐ അംഗങ്ങള് ശനിയാഴ്ച പാസാക്കിയ പ്രമേയം, യുവേഫ ചട്ടങ്ങളിലെ രണ്ട് വ്യവസ്ഥകള് ഇസ്രാഈലിന്റെ ഫുട്ബോള് അസോസിയേഷന് ലംഘിച്ചതായി ഉദ്ധരിക്കുന്നു
യൂറോപ്യന് മത്സരങ്ങളില് നിന്ന് ഇസ്രാഈലിനെ ഉടന് സസ്പെന്ഡ് ചെയ്യണമെന്ന് അഭ്യര്ത്ഥിച്ച് യുവേഫയ്ക്ക് ഔപചാരിക പ്രമേയം സമര്പ്പിക്കാന് ഐറിഷ് ഫുട്ബോള് ഗവേണിംഗ് ബോഡി അംഗങ്ങള് അതിന്റെ ബോര്ഡിനെ ചുമതലപ്പെടുത്തുന്ന പ്രമേയം അംഗീകരിച്ചതായി ഫുട്ബോള് അസോസിയേഷന് ഓഫ് അയര്ലന്ഡ് (എഫ്എഐ) അറിയിച്ചു.
എഫ്എഐ അംഗങ്ങള് ശനിയാഴ്ച പാസാക്കിയ പ്രമേയം, യുവേഫ ചട്ടങ്ങളിലെ രണ്ട് വ്യവസ്ഥകള് ഇസ്രാഈലിന്റെ ഫുട്ബോള് അസോസിയേഷന് ലംഘിച്ചതായി ഉദ്ധരിക്കുന്നു: ഫലപ്രദമായ വംശീയ വിരുദ്ധ നയം നടപ്പിലാക്കുന്നതിലും അതിന്റെ പരാജയവും ഫലസ്തീന് ഫുട്ബോള് അസോസിയേഷന്റെ സമ്മതമില്ലാതെ അധിനിവേശ ഫലസ്തീന് പ്രദേശത്ത് ഇസ്രാഈലി ക്ലബ്ബുകള് കളിക്കുന്നതും.
പ്രമേയത്തെ 74 വോട്ടുകള് പിന്തുണച്ചു. ഏഴ് പേര് എതിര്ക്കുകയും രണ്ട് പേര് വിട്ടുനില്ക്കുകയും ചെയ്തു, എഫ്എഐ പ്രസ്താവനയില് പറഞ്ഞു.
ഗസ്സയിലെ വംശഹത്യയുടെ പേരില് ഇസ്രാഈലിനെ യൂറോപ്യന് മത്സരങ്ങളില് നിന്ന് സസ്പെന്ഡ് ചെയ്യണമോ എന്ന കാര്യത്തില് കഴിഞ്ഞ മാസം ആദ്യം വോട്ടെടുപ്പ് നടത്താന് യുവേഫ പരിഗണിച്ചിരുന്നു. എന്നാല് യുഎസ് ഇടനിലക്കാരായ വെടിനിര്ത്തല് ഒക്ടോബര് 10 ന് പ്രാബല്യത്തില് വന്നതിന് ശേഷം വോട്ടിംഗ് നടന്നില്ല.
അന്താരാഷ്ട്ര മത്സരങ്ങളില് നിന്ന് ഇസ്രാഈലിനെ സസ്പെന്ഡ് ചെയ്യാനുള്ള തുര്ക്കി, നോര്വീജിയന് ഫുട്ബോള് ഭരണ സമിതികളുടെ തലവന്മാര് സെപ്തംബറില് ആവശ്യപ്പെട്ടതിനെ തുടര്ന്നാണ് ഐറിഷ് പ്രമേയം.
ഗസ്സയിലെ യുദ്ധത്തില് ഇസ്രാഈല് വംശഹത്യ നടത്തിയെന്ന് യുഎന് അന്വേഷണ കമ്മീഷന് റിപ്പോര്ട്ട് ഉദ്ധരിച്ച് അന്താരാഷ്ട്ര ഫുട്ബോളില് നിന്ന് ഇസ്രാഈലിനെ സസ്പെന്ഡ് ചെയ്യണമെന്ന് യുഎന് വിദഗ്ധര് ഫിഫയോടും യുവേഫയോടും അഭ്യര്ത്ഥിച്ചതിന് ശേഷമാണ് ഈ അഭ്യര്ത്ഥനകള് വന്നത്.
Football
സൂപ്പര് കപ്പില് ബ്ലാസ്റ്റേഴ്സിന് സെല്ഫ് ഗോള് തോല്വി; മുംബൈ സെമിയില്
സൂപ്പര് കപ്പില് കേരള ബ്ലാസ്റ്റേഴ്സ് സെമി കാണാതെ പുറത്തേക്ക്.
2025 നവംബര് 6, വ്യാഴാഴ്ച ഗോവയിലെ ഫട്ടോര്ഡയിലെ പണ്ഡിറ്റ് ജവഹര്ലാല് നെഹ്റു സ്റ്റേഡിയത്തില് മുംബൈ സിറ്റി എഫ്സിയും കേരള ബ്ലാസ്റ്റേഴ്സും തമ്മിലുള്ള AIFF സൂപ്പര് കപ്പ് 2025 ഗ്രൂപ്പ് ഡി മത്സരത്തിന്റെ 3-ാം ദിവസത്തില് കേരള ബ്ലാസ്റ്ററിനെ 1-0 ന് തകര്ത്ത് മുംബൈ സിറ്റി എഫ്സി. 88-ാം മിനിറ്റില് ഫ്രെഡി ലല്ലവാവ്മയുടെ സെല്ഫ് ഗോള് മുംബൈ സിറ്റി എഫ്സിയെ വിജയത്തിലേക്ക് തുണയ്ക്കുകയായിരുന്നു. ഇതോടെ ദ്വീപുകാര് ടസ്കേഴ്സിനെ മറികടന്ന് സെമി ഫൈനലിലേക്ക് മുന്നേറി. എന്നാല് സൂപ്പര് കപ്പില് കേരള ബ്ലാസ്റ്റേഴ്സ് സെമി കാണാതെ പുറത്തേക്ക്.
അടുത്ത റൗണ്ടില് എഫ്സി ഗോവയെ നേരിടും.
ഫ്രെഡ്ഡിയുടെ ശരീരത്തില് തട്ടിയ പന്ത് ഗോളിയെയും മറികടന്ന് നേരെ വലയിലേക്ക് തെറിക്കുകയായിരുന്നു. നേരത്തെ 48ാം മിനിറ്റില് രണ്ടാം മഞ്ഞകാര്ഡും വാങ്ങി സന്ദീപ് സിങ് പുറത്തുപോയതോടെ മത്സരത്തിന്റെ പകുതിയും പത്തുപേരുമായാണ് ബ്ലാസ്റ്റേഴ്സ് കളിച്ചത്. ഗ്രൂപ്പില് ബ്ലാസ്റ്റേഴ്സിനും മുംബൈക്കും ആറു പോയന്റാണെങ്കിലും നേര്ക്കുനേര് ഫലം നോക്കിയാണ് മുംബൈ സെമി ബെര്ത്ത് ഉറപ്പിച്ചത്.
ടൂര്ണമെന്റില് ആദ്യമായി ആറ് വിദേശ താരങ്ങളെയും ഉള്പ്പെടുത്തിയാണ് മുഖ്യ പരിശീലകന് ഡേവിഡ് കാറ്റല ടീമിനെ ഇറക്കിയത്. നമത്സരം സമനിലയില് പിരിയുമെന്ന് ഏവരും പ്രതീക്ഷിച്ചിരിക്കെയാണ് ബ്ലാസ്റ്റേഴ്സ് ആരാധകരുടെ ഹൃദയം തകര്ത്ത് സ്വന്തം വലയില് സെല്ഫ് ഗോള് വീഴുന്നത്.
സൂപ്പര് കപ്പ് ഫുട്ബാളിന്റെ ചരിത്രത്തിലാദ്യമായി സെമി ഫൈനലില് കടക്കാനുള്ള അവസരമാണ് ബ്ലാസ്റ്റേഴ്സ് നഷ്ടപ്പെടുത്തിയത്. ആദ്യ രണ്ട് മത്സരങ്ങളില് യഥാക്രമം രാജസ്ഥാന് യുനൈറ്റഡിനെയും സ്പോര്ട്ടിങ് ഡല്ഹിയെയും ബ്ലാസ്റ്റേഴ്സ് തോല്പിച്ചിരുന്നു.
-
india1 day ago‘ബിഹാർ തെരഞ്ഞെടുപ്പിൽ വൻ അഴിമതിയും ക്രമക്കേടും’; തെളിവുകൾ പുറത്തുവിട്ട് ധ്രുവ് റാഠി
-
Environment2 days agoആകാശഗംഗയെക്കാള് നാലിരട്ടി വലുപ്പമുള്ള ഭീമന് നെബുല കണ്ടെത്തി; മലപ്പുറം സ്വദേശിനി ഡോ. രഹന പയ്യശ്ശേരി ശാസ്ത്രലോകത്തെ വിസ്മയിപ്പിച്ചു
-
india2 days ago‘ബിജെപിയും തെരഞ്ഞെടുപ്പ് കമ്മീഷനും ചേർന്ന് വോട്ടെടുപ്പിനെ ഹൈജാക്ക് ചെയ്യുന്നു’; എസ്ഐആറിനെതിരെ അഖിലേഷ് യാദവ്
-
india2 days agoആധാർ ജനന രേഖയായി കണക്കാക്കാനാവില്ല; പുതിയ നടപടിയുമായി മഹാരാഷ്ട്രയും ഉത്തർപ്രദേശും
-
kerala3 days agoലേബര് കോഡും പിഎം ശ്രീ പോലെ എല്ഡിഎഫിലറിയിക്കാതെ ഒളിച്ചുകടത്തി; വി.ഡി സതീശന്
-
india2 days ago‘പൗരത്വം നിര്ണ്ണയിക്കാന് ബിഎല്ഒയ്ക്ക് അധികാരമില്ല’; സുപ്രീംകോടതിയോട് സിബലും സിങ്വിയും
-
kerala3 days agoപാലക്കാട് തെരുവുനായ ആക്രമണത്തില് നാലുവയസ്സുകാരന് ഗുരുതര പരിക്ക്
-
kerala3 days agoഅറസ്റ്റിലായ യുവതിയെ പീഡിപ്പിച്ചു; ഡിവൈഎസ്പിക്കെതിരെ ഗുരുതര ആരോപണം ഉന്നയിച്ച് സിഐയുടെ ആത്മഹത്യാക്കുറിപ്പ്