kerala
ബിനീഷ് നായകനായ സിനിമയുടെ വിവരങ്ങള് തേടുന്നു; അന്വേഷണം വെള്ളിത്തിരയിലേക്കും
സ്വര്ണക്കടത്തു കേസിലെ പ്രതി സ്വപ്ന സുരേഷുമായി ബന്ധമുള്ള ഒരു കാര് ഷോറൂം ഉടമ അടക്കം ഈ സിനിമയില് പണം നിക്ഷേപിച്ചിട്ടുണ്ട് എന്ന് സംശയമുണ്ട്.
കൊച്ചി: ബെംഗളൂരു ലഹരി മരുന്നു കേസില് അറസ്റ്റിലായ ബിനീഷ് കോടിയേരിയുടെ സിനിമാ ഇടപാടുകള് പരിശോധിക്കാന് അന്വേഷണ ഏജന്സികള്. കെസിഎ ഭാരവാഹിത്വത്തിലൂടെ അസോസിയേഷന് വഴി ബിനീഷ് ക്രമക്കേടുകളും വഴി വിട്ട ഇടപാടുകളും നടത്തിയെന്ന ആരോപണങ്ങള്ക്കു പിന്നാലെയാണഅ സിനിമാ ഇടപാടുകളും സംശയ നിഴലിലായത്. മലയാള സിനിമയിലൂടെ കള്ളപ്പണം വെളുപ്പിച്ചെന്ന ആരോപണമാണ് ഇതില് പ്രധാനം.
സിനിമാ മേഖലയില് ഇടനിലക്കാരനെ ഉപയോഗിച്ച് മയക്കുമരുന്ന് ഇടപാടുകള് നടത്തിയിരുന്നതായും അന്വേഷണ ഏജന്സികള്ക്ക് സൂചന ലഭിച്ചിട്ടുണ്ട്. നിലവില് കള്ളപ്പണവുമായി ബന്ധപ്പെട്ട കേസ് അന്വേഷിക്കുന്ന എന്ഫോഴ്സ്മെന്റ് ഡയറക്ടറേറ്റിന് പിന്നാലെ മയക്കുമരുന്ന് ഇടപാടുകളെ കുറിച്ച് നാര്ക്കോട്ടിക് കണ്ട്രോള് ബ്യൂറോയും സമഗ്ര അന്വേഷണം നടത്തും.
ബിനീഷ് കോടിയേരി നായകനായ നാമം എന്ന സിനിമയ്ക്ക് പണം മുടക്കിയവരിലേക്കും അന്വേഷണം നീളുന്നുണ്ട്. തിരുവനന്തപുരം സ്വദേശി മഹേഷ് രാജാണ് ചിത്രം നിര്മിച്ചത്. ബിനീഷ് മുന്കൈ എടുത്ത് ഈ സിനിമയ്ക്കായി മറ്റു ചിലര് പണം മുടക്കിയതായാണ് അന്വേഷണ ഏജന്സികളുടെ സംശയം. സ്വര്ണക്കടത്തു കേസിലെ പ്രതി സ്വപ്ന സുരേഷുമായി ബന്ധമുള്ള ഒരു കാര് ഷോറൂം ഉടമ അടക്കം ഈ സിനിമയില് പണം നിക്ഷേപിച്ചിട്ടുണ്ട് എന്ന് സംശയമുണ്ട്.
kerala
ഗുരുവായൂര് ഏകാദശി: ഡിസംബര് ഒന്നിന് താലൂക്കില് പ്രാദേശിക അവധി
ചാവക്കാട് താലൂക്ക് പരിധിയില് ഉള്പ്പെടുന്ന സര്ക്കാര് ഓഫീസുകള്ക്കും വിദ്യാഭ്യാസ സ്ഥാപനങ്ങള്ക്കും അങ്കണവാടികള്ക്കുമാണ് അവധി
ഗുരുവായൂര്: ഗുരുവായൂര് ഏകാദശി മഹോത്സവത്തോടനുബന്ധിച്ച് ഡിസംബര് ഒന്നിന് പ്രാദേശിക അവധി പ്രഖ്യാപിച്ചു. ചാവക്കാട് താലൂക്ക് പരിധിയില് ഉള്പ്പെടുന്ന സര്ക്കാര് ഓഫീസുകള്ക്കും വിദ്യാഭ്യാസ സ്ഥാപനങ്ങള്ക്കും അങ്കണവാടികള്ക്കുമാണ് (ജീവനക്കാര് ഉള്പ്പെടെ) ജില്ലാ കലക്ടര് അര്ജുന് പാണ്ഡ്യന് അവധി പ്രഖ്യാപിച്ചത്.
മുന് നിശ്ചയിച്ച പൊതുപരീക്ഷകള്ക്കും കേന്ദ്ര-സംസ്ഥാന അര്ധ സര്ക്കാര് സ്ഥാപനങ്ങളിലേക്ക് നിയമനത്തിനായി നടത്തുന്ന പരീക്ഷകള്ക്കും അവധി ബാധകമല്ലെന്ന് ജില്ലാ കലക്ടര് അറിയിച്ചു.
kerala
ശബരിമല തിരക്ക്; പൊലീസിനും തിരുവിതാംകൂര് ദേവസ്വം ബോര്ഡിനും ഹൈക്കോടതി മുന്നറിയിപ്പ്
ശബരിമലയിലെ അനിയന്ത്രിത തിരക്കുമായി ബന്ധപ്പെട്ട് പൊലീസിനും തിരുവിതാംകൂര് ദേവസ്വം ബോര്ഡിനും ഹൈക്കോടതിയുടെ മുന്നറിയിപ്പ്.
കൊച്ചി: ശബരിമലയിലെ അനിയന്ത്രിത തിരക്കുമായി ബന്ധപ്പെട്ട് പൊലീസിനും തിരുവിതാംകൂര് ദേവസ്വം ബോര്ഡിനും ഹൈക്കോടതിയുടെ മുന്നറിയിപ്പ്. ലക്ഷക്കണക്കിന് തീര്ത്ഥാടകര് വരുന്നതിനാല് സ്ഥലത്ത് അനിഷ്ട സംഭവങ്ങള് ഉണ്ടാകാന് ഇടയുണ്ടെന്നും അങ്ങനെവന്നാല് തടയാന് ആകണമെന്നും കോടതി വ്യക്തമാക്കി. എന്തെങ്കിലും അനിഷ്ട സംഭവങ്ങള് ഉണ്ടായാല് ക്ഷമിക്കാന് ആകില്ലെന്നും ദേവസ്വം ബെഞ്ച് മുന്നറിയിപ്പ് നല്കി.
തിരക്ക് നിയന്ത്രിക്കാന് കര്ശന നിര്ദേശങ്ങളും കോടതി മുന്നോട്ടുവച്ചു. വെര്ച്ചല് ക്യൂ ബുക്കിംഗ് രേഖകള് കൃത്യം അല്ലെങ്കില് തീര്ത്ഥാടകരെ പമ്പയില് നിന്നും സന്നിധാനത്തേക്ക് കടത്തിവിടരുത്. പാസിലെ സമയം, ദിവസം എന്നിവ കൃത്യമായിരിക്കണം. വ്യാജ പാസുമായി വരുന്നവരെ കടത്തി വിടരുതെന്നും കോടതി നിര്ദേശം നല്കി.
kerala
കാല്നട യാത്രക്കാര് കടക്കട്ടെ; സീബ്രാ ക്രോസിങ്ങുകളില് അതിവേഗം വാഹനം ഓടിക്കുന്നവര്ക്കെതിരെ കര്ശന നടപടി വേണമെന്ന് ഹൈക്കോടതf
ഇത്തരം കുറ്റം ആവര്ത്തിക്കുന്നവരുടെ ലൈസന്സ് റദ്ദാക്കുന്നത് അടക്കമുള്ള നടപടികള് സ്വീകരിക്കണം.
കാല്നട യാത്രക്കാരെ സീബ്രാ ക്രോസിങ്ങുകളില് പരിഗണിക്കാതെ സീബ്രാ ക്രോസിങ്ങുകളില് അതിവേഗം വാഹനം ഓടിക്കുന്നവര്ക്കെതിരെ കര്ശന നടപടി വേണമെന്ന് ഹൈക്കോടതി. ഇത്തരം കുറ്റം ആവര്ത്തിക്കുന്നവരുടെ ലൈസന്സ് റദ്ദാക്കുന്നത് അടക്കമുള്ള നടപടികള് സ്വീകരിക്കണം. സീബ്രാ ക്രോസിങ്ങുകളില് കാല്നടക്കാര്ക്ക് പ്രധാന പരിഗണന നല്കുന്ന ഡ്രൈവിങ് സംസ്കാരം കൊണ്ടുവരാന് നടപടി സ്വീകരിക്കണമെന്നും ഹൈക്കോടതി നിര്ദേശിച്ചു.
സീബ്രാ ക്രോസിങ്ങുകളില് പ്രധാന അവകാശം കാല്നട യാത്രക്കാരനാണെന്ന ബോധം ഡ്രൈവര്മാരില് ഉണ്ടാക്കണമെനനും ലൈസന്സിനായുള്ള റോഡ് ടെസ്റ്റ് നടത്തുമ്പോള് ഇക്കാര്യംകൂടി പരിശോധിക്കണമെനന്ും പറയുന്നു. ഈവര്ഷം ഒക്ടോബര് 31 വരെ മാത്രം സീബ്രാലൈന് മറികടക്കുന്നതിനിടെ 218 പേര് വാഹനമിടിച്ചു മരിച്ചുവെന്ന മാധ്യമറിപ്പോര്ട്ടുകളുടെ അടിസ്ഥാനത്തിലാണ് ജസ്റ്റിസ് ദേവന് രാമചന്ദ്രന്റെ നിര്ദേശം.
ഹൈക്കോടതി ഉത്തരവിന്റെ അടിസ്ഥാനത്തില് സീബ്രാലൈനിലൂടെ റോഡ് മുറിച്ചുകടക്കാന് ശ്രമിക്കുന്നവരെ വാഹനത്തിന്റെ വേഗം കൂട്ടിയും ഹോണ് അടിച്ചും പേടിപ്പിക്കുന്ന ഡ്രൈവര്മാരുടെ ലൈസന്സ് സസ്പെന്ഡ് ചെയ്യാന് ട്രാന്സ്പോര്ട്ട് കമ്മിഷണര് നാഗരാജു നിര്ദേശം നല്കിയിട്ടുണ്ട്.
-
News2 days agoമുന് പാക് പ്രധാനമന്ത്രി ഇമ്രാന് ഖാന് കൊല്ലപ്പെട്ടെന്ന് അഭ്യൂഹം; പ്രതികരിക്കാതെ ജയില് അധികൃതര്
-
kerala2 days agoആരോഗ്യ പ്രശ്നം; വേടനെ തീവ്രപരിചരണ വിഭാഗത്തില് പ്രവേശിപ്പിച്ചു
-
india2 days agoപരീക്ഷാഫലത്തെ തുടര്ന്ന് ഹൈദരാബാദില് പത്താം ക്ലാസ് വിദ്യാര്ത്ഥിനി കെട്ടിടത്തില് നിന്ന് ചാടി മരിച്ചു
-
kerala16 hours agoപാലക്കാട് തെരുവുനായ ആക്രമണത്തില് നാലുവയസ്സുകാരന് ഗുരുതര പരിക്ക്
-
india3 days agoഉത്തര്പ്രദേശില് വീണ്ടും ബിഎല്ഒ ആത്മഹത്യ; രണ്ടാഴ്ചയ്ക്കിടെ ആറാമത്തെ സംഭവം
-
kerala14 hours agoലേബര് കോഡും പിഎം ശ്രീ പോലെ എല്ഡിഎഫിലറിയിക്കാതെ ഒളിച്ചുകടത്തി; വി.ഡി സതീശന്
-
kerala2 days ago‘തെരഞ്ഞെടുപ്പ് പ്രചാരണത്തിൽ ഐപിഎസ് വേണ്ട’; ബിജെപി സ്ഥാനാർഥി ആർ ശ്രീലേഖക്കെതിരെ തെരഞ്ഞെടുപ്പ് കമ്മീഷൻ
-
kerala16 hours agoഅറസ്റ്റിലായ യുവതിയെ പീഡിപ്പിച്ചു; ഡിവൈഎസ്പിക്കെതിരെ ഗുരുതര ആരോപണം ഉന്നയിച്ച് സിഐയുടെ ആത്മഹത്യാക്കുറിപ്പ്