Culture
ജനത്തെ വലച്ച് അപ്രതീക്ഷിത ഹര്ത്താല്; പരക്കെ അക്രമം
തിരുവനന്തപുരം: ഹിന്ദുസംഘടനകള് പ്രഖ്യാപിച്ച അപ്രതീക്ഷിത ഹര്ത്താലില് സംസ്ഥാനം സ്തംഭിച്ചു. ബസുകള്ക്ക് നേരെ കല്ലേറ് നടത്തിയും ശബരിമല തീര്ത്ഥാടകരുടെ വാഹനങ്ങള് പോലും തടസപ്പെടുത്തിയും സംസ്ഥാനത്ത് പരക്കെ അക്രമമുണ്ടായി. പത്തനംതിട്ട ഉള്പെടെയുള്ള തെക്കന്ജില്ലകളില് ശക്തമായിരുന്ന ഹര്ത്താല്, അന്യസംസ്ഥാനങ്ങളില് നിന്നെത്തിയ ശബരിമല തീര്ത്ഥാടകരെയാണ് കാര്യമായി ബാധിച്ചത്. പൊലീസിന്റെ നിര്ദ്ദേശം അവഗണിച്ച് സന്നിധാനത്തേക്ക് കടക്കാന് ശ്രമിച്ച ഹിന്ദു ഐക്യവേദി നേതാവ് കെ.പി ശശികലയെ അറസ്റ്റ് ചെയ്തതില് പ്രതിഷേധിച്ചാണ് ഹര്ത്താല് പ്രഖ്യാപിച്ചത്.
സംസ്ഥാനത്ത് ദേശീയ പാതയിലടക്കം മിക്ക ജില്ലകളിലും ഹര്ത്താലനുകൂലികള് സ്വകാര്യ വാഹനങ്ങള്ക്കും കെ.എസ്.ആര്.ടി.സിക്കു നേരെയും കല്ലേറ് നടത്തി. തിരുവനന്തപുരം ബാലരാമപുരത്ത് കെ.എസ്.ആര്.ടി.സി ബസുകളക്ക് നേരെ കല്ലേറുണ്ടായി. ആലപ്പുഴ, കോഴിക്കോട്, വയനാട്, പാലക്കാട് ജില്ലകളിലും കെ.എസ്.ആര്.ടി.സിക്കെതിരെ ആക്രമണം ഉണ്ടായി. വ്യാപക അക്രമമുണ്ടായതോടെ പൊലീസിന്റെ സുരക്ഷയില്ലാതെ ബസുകള് സര്വീസ് നടത്തില്ലെന്ന് കെ.എസ്.ആര്.ടി.സി എം.ഡി ടോമിന് തച്ചങ്കേരി സര്ക്കാരിനെ അറിയിച്ചു. പിന്നീട് പൊലീസ് സുരക്ഷയോടെയാണ് ബസുകള് സര്വീസ് നടത്തിയത്.
എന്നാല് തിരുവനന്തപുരത്ത് നിന്ന് പമ്പയിലേക്കുള്ള ബസ് സര്വീസ് പൊലീസ് സംരക്ഷണം കിട്ടാത്തതിനാല് വൈകി. പൊലീസ് സംരക്ഷണമില്ലെങ്കില് പോകാനാകില്ലെന്ന് തമ്പാനൂര് ഡിപ്പോ അധികൃതര് നിലപാടെടുത്തതോടെയാണ് സര്വീസ് വൈകിയത്. കുട്ടികളും വൃദ്ധരുമടക്കമുള്ള തീര്ത്ഥാടകരാണ് യാത്ര തുടരാനാകാതെ കുടുങ്ങിയത്. പിന്നീട് പൊലീസ് സംരക്ഷണം ഉറപ്പാക്കിയതോടെയാണ് സര്വീസ് ആരംഭിച്ചത്. സ്വകാര്യബസ്സുകള്ക്കും വാഹനങ്ങള്ക്കും പുറമേ കെ.എസ്.ആര്.ടി.സിയും സര്വീസ് നിര്ത്തിയതിനാല് സംസ്ഥാനത്ത് പൊതുഗതാഗതം പൂര്ണമായും സ്തംഭിച്ച അവസ്ഥയിലായി. ദീര്ഘദൂരബസ്സുകള്ക്ക് സുരക്ഷയൊരുക്കാന് കഴിയില്ലെന്ന് അറിയിച്ചതോടെയാണ് കെ.എസ്.ആര്.ടി.സി സര്വീസുകള് നിര്ത്തിയത്. ലോക്കല് ഗതാഗതത്തിനുള്ള ബസ്സുകളും ഇന്ന് ഓടിക്കേണ്ടെന്ന തീരുമാനം കെ.എസ്.ആര്.ടി.സിയുടെ ഭാഗത്ത് നിന്ന് ഉണ്ടായതോടെ സംസ്ഥാനത്ത് റോഡ് ഗതാഗതം പൂര്ണ്ണമായും തടയപ്പെട്ടു. നഗരങ്ങളില് ചുരുക്കം ചില സ്വകാര്യവാഹനങ്ങളും ഇരുചക്ര വാഹനങ്ങളും മാത്രമാണ് ഓടിയത്. അതേസമയം പുലര്ച്ചെ മൂന്ന് മണിക്ക് പ്രഖ്യാപിച്ച ഹര്ത്താലില് അയ്യപ്പഭക്തര് പല സ്ഥലങ്ങളില് കുടുങ്ങി കിടക്കേണ്ടിവന്നു. സാധാരണ മണ്ഡലകാലത്ത് രാഷ്ട്രീയ പാര്ട്ടികള് ഹര്ത്താല് പ്രഖ്യാപിക്കുമ്പോള് തീര്ത്ഥാടന മേഖലയായ പത്തനംതിട്ടയെ ഹര്ത്താലില് നിന്ന് ഒഴിവാക്കാറുണ്ട്. എന്നാല് ഇത്തവണത്തെ ഹര്ത്താലില് നിന്ന് പത്തനംതിട്ടയെ ഒഴിവാക്കാതിരുന്നതാണ് അയ്യപ്പ ഭക്തരെ വലച്ചു.
തൃശൂരില് ബസ് സര്വീസുകള് ഉണ്ടായിരുന്നില്ല. സ്വകാര്യവാഹനങ്ങള് നിരത്തിലിറങ്ങിയിട്ടുണ്ടെങ്കിലും പലയിടത്തും പ്രതിഷേധക്കാര് തടയുകയാണ്. കൈപ്പറമ്പില് കടകളടപ്പിക്കാന് ശ്രമിച്ച വി.എച്ച്.പി ബി.ജെ.പി പ്രവര്ത്തകരെ പൊലീസ് കസ്റ്റഡിയിലെടുത്തു. ദേശീയപാത മണ്ണുത്തിയില് രാവിലെ വാഹനങ്ങള് തടയാന് ശ്രമം നടന്നു. ആലപ്പുഴയില് സ്വകാര്യ വാഹനങ്ങള് തടഞ്ഞ ബി.ജെ.പി ആര്.എസ്.എസ് പ്രവര്ത്തകരെ അമ്പലപ്പുഴയിലെ വളഞ്ഞവഴിയില് വെച്ച് പൊലീസ് അറസ്റ്റ് ചെയ്തു. ഇടുക്കി ജില്ലയില് ഹര്ത്താല് ഭാഗികമായിരുന്നു. വിനോദ സഞ്ചാര മേഖലകളില് വാഹനങ്ങള് സര്വീസ് നടത്തി. ജില്ലയിലെ പ്രധാന വിനോദസഞ്ചാര മേഖലയായ മൂന്നാറില് കടകള് തുറന്നു പ്രപവര്ത്തിക്കുന്നുണ്ട്. രാജമലയടക്കമുള്ള പാര്ക്കുകളില് സഞ്ചാരികളുടെ തിരക്കുണ്ടായിരുന്നു. അടിമാലി, രാജക്കാട്, കട്ടപ്പന, ചെറുതോണി മേഖലകളില് ചെറിയ തോതില് വാഹനങ്ങള് തടഞ്ഞെങ്കിലും പോലീസ് ഇടപെട്ട് കടത്തിവിട്ടു.
കോഴിക്കോട് ജില്ലയില് കെ.എസ്.ആര്.ടി.സി ബസുകള് ഉള്പ്പെടെ സ്വകാര്യ വാഹനങ്ങള് ഓടിയില്ല. റോഡിലിറങ്ങിയ സ്വകാര്യ കാര് ഉള്പെടെയുള്ള വാഹനങ്ങള് ഹര്ത്താല് അനുകൂലികള് പലയിടങ്ങളിലും തടഞ്ഞിട്ടു. ഇത് മിക്കയിടങ്ങളിലും വാക്കേറ്റത്തിനും സംഘര്ഷത്തിനും ഇടയാക്കി. കോഴിക്കോട് റെയില്വേ സ്റ്റേഷനിലിറങ്ങിയ യാത്രക്കാര് വാഹനം കിട്ടാതെ ആറ് മണിക്ക് ശേഷമാണ് യാത്ര തുടര്ന്നത്.
Film
മമ്മൂട്ടി-വിനായകന് ചിത്രം ‘കളങ്കാവല്’: വിനായകന് ചെയ്ത വേഷം ആദ്യം പൃഥ്വിരാജിനായി കരുതിയതെന്ന് സംവിധായകന്
ണ്ട് പ്രധാന കഥാപാത്രങ്ങളാണ് ചിത്രത്തില് ഉള്ളത്, അവയില് ഒന്നിന് പൃഥ്വിരാജ് അനുയോജ്യമെന്നാണ് ടീമിന് തോന്നിയത്. എന്നാല് മമ്മൂട്ടിയുടെ ഡേറ്റ് ലഭിച്ച സമയത്ത് പൃഥ്വിരാജ് മറ്റ് സിനിമകളില് തിരക്കിലായിരുന്നതിനാല് ആ വേഷം നടന് ചെയ്യാനായില്ല.
മമ്മൂട്ടിയും വിനായകനും പ്രധാന വേഷങ്ങളില് എത്തുന്ന ‘കളങ്കാവല്’യെ കുറിച്ച് സംവിധായകന് ജിതിന് കെ. ജോസ് രസകരമായ വിവരങ്ങള് പങ്കുവെച്ചു. സംവിധായകന്റെ പറയുന്നതനുസരിച്ച്, ഇപ്പോള് വിനായകന് അവതരിപ്പിച്ചിരിക്കുന്ന കഥാപാത്രം ആദ്യം പൃഥ്വിരാജിനെക്കായിരുന്നാണ് പദ്ധതിയിട്ടിരുന്നത്. രണ്ട് പ്രധാന കഥാപാത്രങ്ങളാണ് ചിത്രത്തില് ഉള്ളത്, അവയില് ഒന്നിന് പൃഥ്വിരാജ് അനുയോജ്യമെന്നാണ് ടീമിന് തോന്നിയത്. എന്നാല് മമ്മൂട്ടിയുടെ ഡേറ്റ് ലഭിച്ച സമയത്ത് പൃഥ്വിരാജ് മറ്റ് സിനിമകളില് തിരക്കിലായിരുന്നതിനാല് ആ വേഷം നടന് ചെയ്യാനായില്ല. തുടര്ന്ന് മമ്മൂട്ടിയുടെ നിര്ദേശപ്രകാരം കഥാപാത്രം വിനായകനായി മാറി. വേഷനിര്ണ്ണയത്തിനെക്കുറിച്ചും സംവിധായകന് പറഞ്ഞു. ഒരുകഥാപാത്രത്തിന് മമ്മൂട്ടി ഏറ്റവും അനുയോജ്യനാണെന്ന് തോന്നിയതിനാല് എക്സിക്യൂട്ടീവ് പ്രൊഡ്യൂസര് വിവേക് ദാമോദരന് വഴിയാണ് മമ്മൂട്ടിയെ സമീപിച്ചത്. ഇതിനകം തന്നെ തങ്ങള്ക്ക് മനസ്സിലുണ്ടായിരുന്നതുപോലെ തന്നെയാണ് പൃഥ്വിരാജും ആ വേഷം മമ്മൂക്ക ചെയ്യണം എന്ന് നിര്ദേശിച്ചതെന്നും അദ്ദേഹം വെളിപ്പെടുത്തി. ജിതിന് കെ. ജോസ് പറഞ്ഞു പോലെ, വിനായകന് അവതരിപ്പിച്ച വേഷം തന്നെയാണ് ആദ്യം പൃഥ്വിരാജിന് പരിഗണിച്ചത്. മമ്മൂട്ടി കമ്പനി നിര്മിച്ച ‘കളങ്കാവല്’ നവംബര് 27ന് തീയേറ്ററുകളില് റിലീസ് ചെയ്യും.
india
‘വോട്ടര്പട്ടികയില് നിന്ന് എങ്ങെനെ ആളുകളെ പുറത്താക്കാം എന്ന ലക്ഷ്യത്തോടെയാണ് sir കൊണ്ടുവന്നത്’: അഡ്വ. ഹാരിസ് ബീരാൻ എംപി
സമഗ്ര വോട്ടര്പട്ടിക പരിഷ്കരണത്തിനെതിരെ അഡ്വ. ഹാരിസ് ബീരാന് എം.പി. കേരളത്തില് ഇപ്പോള് ഒരു മാസത്തിനുള്ളില് മൂന്ന് തവണ ഒരു ബിഎല്ഒ വീടുകള് കയറിയിറങ്ങണം. ഫോമുകള് പൂരിപ്പിച്ച് വാങ്ങണം. അവര്ക്ക് ടാര്ഗറ്റുകള് കൊടുത്തുകൊണ്ടിരിക്കുകയാണ്. ഇതൊരു മനുഷ്യത്വരഹിതമായ പ്രവൃത്തിയായിട്ടാണ് നാം കാണുന്നതെന്ന് അദ്ദേഹം പറഞ്ഞു. വോട്ടര്പട്ടികയില് നിന്ന് എങ്ങെനെ ആളുകളെ പുറത്താക്കാം എന്ന ലക്ഷ്യത്തോടെയാണ് ഈ സമഗ്ര വോട്ടര്പട്ടിക പരിഷ്കരണമെന്ന് നാം ഭയപ്പെടേണ്ടിയിരിക്കുന്നുവെന്നും അദ്ദേഹം വ്യക്തമാക്കി.
Film
എസ് എസ് രാജമൗലി- മഹേഷ് ബാബു ചിത്രം വാരാണാസിയുടെ ബ്രഹ്മാണ്ഡ ട്രയ്ലർ പ്രേക്ഷകരിലേക്ക്
മഹേഷ് ബാബു, പ്രിയങ്ക ചോപ്ര, പൃഥ്വിരാജ് സുകുമാരൻ തുടങ്ങിയവർ കേന്ദ്ര കഥാപാത്രത്തിലെത്തുന്ന ചിത്രം ശ്രീ ദുർഗ ആർട്ട്സ്,ഷോവിങ് ബിസിനസ് എന്നീ ബാനറുകളിൽ കെ എൽ നാരായണ, എസ് എസ് കർത്തികേയ എന്നിവർ നിർമ്മിക്കുന്നു.
പ്രേക്ഷകർ ആകാംഷയോടെ കാത്തിരുന്ന എസ് എസ് രാജമൗലി മഹേഷ് ബാബു ചിത്രം വാരാണാസിയുടെ ബ്രഹ്മാണ്ഡ ട്രയ്ലർ റിലീസായി. ചിത്രത്തിൽ രുദ്ര എന്ന കഥാപാത്രമായി മഹേഷ് ബാബു എത്തുന്നു. ഹൈദരാബാദിലെ റാമോജി ഫിലിം സിറ്റിയിൽ നടന്ന പ്രൗഢ ഗംഭീര ഇവെന്റിലാണ് ചിത്രത്തിന്റെ ട്രയ്ലർ റിലീസ് ചെയ്തത്. മഹേഷ് ബാബു, പ്രിയങ്ക ചോപ്ര, പൃഥ്വിരാജ് സുകുമാരൻ തുടങ്ങിയവർ കേന്ദ്ര കഥാപാത്രത്തിലെത്തുന്ന ചിത്രം ശ്രീ ദുർഗ ആർട്ട്സ്,ഷോവിങ് ബിസിനസ് എന്നീ ബാനറുകളിൽ കെ എൽ നാരായണ, എസ് എസ് കർത്തികേയ എന്നിവർ നിർമ്മിക്കുന്നു. കീരവാണിയാണ് വാരണാസിയുടെ സംഗീത സംവിധാനം നിർവഹിക്കുന്നത്.
മണിക്കൂറുകൾക്കുള്ളിൽ അഞ്ചു മില്യണിൽപ്പരം കാഴ്ചക്കാരുമായി ട്രയ്ലർ ലോകവ്യാപകമായി ട്രെൻഡിങ്ങിൽ മുന്നിലാണ്.
പ്രേക്ഷകർക്ക് ദൃശ്യവിസ്മയം സമ്മാനിക്കുന്ന വാരാണസിയുടെ ട്രയ്ലർ റാമോജി ഫിലിം സിറ്റിയിൽ നടന്ന ഇവെന്റിൽ 130×100 ഫീറ്റിൽ പ്രത്യേകമായി സജ്ജീകരിച്ച സ്ക്രീനിലാണ് പ്രദർശിപ്പിച്ചത് . സിഇ 512-ലെ വാരാണസി കാണിച്ചുകൊണ്ടാണ് ട്രെയിലര് തുടങ്ങുന്നത്. പിന്നീട് 2027-ല് ഭൂമിയെ ലക്ഷ്യമാക്കി വരുന്ന ശാംഭവി എന്ന ഛിന്നഗ്രഹമാണ് കാണിക്കുന്നത്. തുടര്ന്നങ്ങോട്ട് അന്റാര്ട്ടിക്കയിലെ റോസ് ഐസ് ഷെല്ഫ്, ആഫ്രിക്കയിലെ അംബോസെലി വനം, ബിസിഇ 7200-ലെ ലങ്കാനഗരം, വാരാണസിയിലെ മണികര്ണികാ ഘട്ട് തുടങ്ങിയവയെല്ലാം വിസ്മയക്കാഴ്ചകളായി ട്രെയിലറില് അനാവരണം ചെയ്യുന്നു.കൈയില് ത്രിശൂലവുമേന്തി കാളയുടെ പുറത്തേറി വരുന്ന മഹേഷ് ബാബുവിന്റെ രുദ്ര എന്ന കഥാപാത്രം സ്ക്രീനിൽ അവസാനം എത്തിയപ്പോൾ വേദിയിലും മഹേഷ് ബാബു കാളയുടെ പുറത്തു എൻട്രി ചെയ്തപ്പോൾ അറുപത്തിനായിരത്തിൽപ്പരം കാഴ്ചക്കാർ നിറഞ്ഞ ഇവന്റിലെ സദസ്സ് ഹർഷാരവം കൊണ്ട് വേദിയെ ധന്യമാക്കി. ഐമാക്സിലാണ് ചിത്രം ഒരുങ്ങുന്നത് എന്നതിനാല് തന്നെ തിയേറ്ററുകളില് ഗംഭീരമായ കാഴ്ചാനുഭൂതി സമ്മാനിക്കുമെന്നുറപ്പാണ്.ബാഹുബലിയും ആർ ആർ ആറും ഒരുക്കിയ രാജമൗലിയുടെ ബ്രഹ്മാണ്ഡ ചിത്രം വാരണാസി 2027ൽ തിയേറ്ററുകളിലേക്കെത്തും. പി ആർ ഓ ആൻഡ് മാർക്കറ്റിംഗ് സ്ട്രാറ്റജിസ്റ്റ് : പ്രതീഷ് ശേഖർ.
-
india3 days agoമദീനയിലെ ബസ് അപകടം; മരിച്ചവരുടെ കുടുംബങ്ങള്ക്ക് അഞ്ച് ലക്ഷം വീതം ധനസഹായം നല്കുമെന്ന് തെലങ്കാന സര്ക്കാര്
-
india2 days agoപഴയ വാഹനങ്ങള്ക്ക് ഫിറ്റ്നസ് ടെസ്റ്റ് ഫീസ് 10 ഇരട്ടി; കേന്ദ്ര സര്ക്കാരിന്റെ പുതിയ നിയമം പ്രാബല്യത്തില്
-
News3 days agoകമാൽ വരദൂരിൻ്റെ 50 ഫുട്ബോൾ കഥകൾ പ്രകാശിതമായി
-
kerala17 hours agoമലപ്പുറത്ത് എല്ഡിഎഫില് ഭിന്നത; സിപിഎമ്മിനെതിരെ സിപിഐ രംഗത്ത്
-
kerala16 hours agoതദ്ദേശ തെരഞ്ഞടുപ്പില് വൈഷ്ണയ്ക്ക് മത്സരിക്കാം; വോട്ടര് പട്ടികയില് നിന്ന് പേര് നീക്കിയ നടപടി റദ്ദാക്കി
-
kerala19 hours agoബീമാപള്ളി ഉറൂസ്; ശനിയാഴ്ച പ്രാദേശിക അവധി പ്രഖ്യാപിച്ച് തിരുവനന്തപുരം ജില്ലാ കളക്ടര്
-
kerala13 hours agoസഹകരണ ബാങ്ക് ക്രമക്കേടില് ബി.ജെ.പി സംസ്ഥാന ജനറല് സെക്രട്ടറി എസ്.സുരേഷ് 43 ലക്ഷം തിരിച്ചടയ്ക്കാന് ഉത്തരവ്
-
kerala17 hours agoശബരിമലയില് സ്പോട്ട് ബുക്കിങ് കുറച്ച് ഹൈക്കോടതി; ദിവസേന 5000 പേര്ക്ക് മാത്രം അവസരം