Connect with us

Video Stories

ചവറ കോളേജിലെ സര്‍ക്കാര്‍ പദ്ധതി എസ്.എഫ്.ഐ റാഞ്ചുന്നു

Published

on

അരുൺ ചാമ്പക്കടവ്

കൊല്ലം: സംസ്ഥാന സർക്കാർ പച്ചക്കറി കൃഷി വികസന പദ്ധതിയുടെ ഭാഗമായി ചവറ ഗവ:കോളേജിൽ നടപ്പിലാക്കിയ പരിപാടി എസ്എഫ്ഐ ഹൈജാക്ക് ചെയ്തതായി പരാതി.കോളേജ് പ്രിൻസിപ്പൽ നൽകിയ അപേക്ഷ പ്രകാരം ചവറ കൃഷിഭവനാണ് 75000 രുപ ആധുനിക കൃഷിക്കായി ചവറ ബേബി ജോൺ മെമ്മോറിയൽ ഗവ കോളേജിന് അനുവദിച്ച് നൽകിയത്.

സർക്കാർ ഓഫീസുകൾ ,സ്ക്കുളുകൾ, കോളേജുകൾ എന്നിവിടങ്ങളിൽ ഭൂമി ഒഴിഞ്ഞ് കിടന്നാൽ അവിടെ കൃഷി നടത്തുന്നതിനായാണ് കൃഷിഭവൻ വഴി സർക്കാർ അപേക്ഷ ക്ഷണിച്ചത്.ഇത്തരത്തിൽ തുക ലഭിക്കാൻ അർഹത ലഭിക്കുന്ന സ്ക്കൂളുകളും കോളേജുകളും കേന്ദ്രികരിച്ച് അധ്യാപകരുടെ നേത്യത്വത്തിൽ എല്ലാ വിഭാഗത്തിൽ പെടുന്ന കുട്ടികളെയും ഉൾപെടുത്തി ഹരിത ക്ലബ് രൂപികരിക്കുകയും അവർ കൃഷിക്ക് മേൽനോട്ടം വഹിക്കണമെന്നുമാണ് ചട്ടം.

എന്നാൽ ചവറ കോളേജിൽ കൃഷി തുടങ്ങിയത് തന്നെ എസ്എഫ് ഐ യുടെ മാത്രം പരിപാടിയെന്ന പ്രചാരണമാണ് അവർ നടത്തിയത്. വിളവെടുപ്പ് ഉൽസവം ഉദ്ഘാടനം നിർവഹിച്ചത് മുൻ രാജ്യാ സഭ എംപിയും സിപിഎം കൊല്ലം ജില്ലാസെക്രട്ടറിയുമായ കെഎൻ.ബാലഗോപാലാണ്. ഡിവൈഎഫ്ഐ സംസ്ഥാന സെക്രട്ടറിയേറ്റ് അംഗം ചിന്താ ജെറോം,സിപിഎം ചവറ ഏരിയാ സെക്രട്ടറി റ്റി മനോഹരൻ,സിപിഎം നേതാക്കളായ കെഎ.നിയാസ്, വിക്രമ കുറുപ്പ് ,എസ്എഫ്ഐ സംസ്ഥാന വൈസ് പ്രസിഡന്റ് ശ്യാം മോഹൻ എന്നിവരാണ് പരിപാടിയിൽ പങ്കെടുത്തത്.

മണ്ഡലത്തിലെ ഗ്രാമപഞ്ചായത്ത് പ്രസിഡന്റ് ഉൾപ്പെടെയുള്ള ഉദ്യേഗസ്ഥരും ജനപ്രതിനിധികളും ജില്ലാ സെക്രട്ടറിയോട് പരാതി പറഞ്ഞു. എസ്എഫ്ഐ നേതാക്കളെ താക്കീത് ചെയ്താണ് അദ്ദേഹം മടങ്ങിയത്.ചവറയിലെ എസ്എഫ്ഐ നേതൃത്വം സിപിഎമ്മിന് കഴിഞ്ഞ കുറേ നാളുകളായി തലവേദനയായി മാറുകയാണ്. ചവറയിൽ എ.എസ് ഐയെ മർദ്ധിച്ച കേസിലും, പെൺകുട്ടിയെ റാഗ് ചെയ്ത കേസിലും കോളേജിലെ എസ്എഫ്ഐ നേതൃത്വം സിപിഎമ്മിനെ വെട്ടിലാക്കിയിരുന്നു.

Video Stories

കത്ത് വിവാദം ; ക്രൈംബ്രാഞ്ച് ഇന്ന് മേയറുടെ മൊഴിയെടുക്കും

തുടര്‍ന്ന് ഓഫീസിലെ ജീവനക്കാരെ ചോദ്യം ചെയ്യും.

Published

on

തിരുവനന്തപുരം കോര്‍പറേഷനിലെ ശുപാര്‍ശ കത്ത് അന്വേഷിക്കുന്ന ക്രൈം ബ്രാഞ്ച് സംഘം ഇന്ന് മേയര്‍ ആര്യ രാജേന്ദ്രന്റെ മൊഴിയെടുക്കും.തുടര്‍ന്ന് ഓഫീസിലെ ജീവനക്കാരെ ചോദ്യം ചെയ്യും.

നവമാധ്യമങ്ങള്‍ വഴി പ്രചരിച്ച കത്ത്, കോര്‍പ്പറേഷനില്‍ തന്നെ തയ്യാറാക്കിയിരിക്കാമെന്ന നിഗമനത്തിലാണ് പൊലീസ്.
ആരാണ് ഇത് തയ്യാറാക്കി വാട്സ് ആപ്പിലേക്ക് അയച്ചതെന്ന് കണ്ടെത്താന്‍ ശാസ്ത്രീയ തെളിവുകള്‍ പൊലീസിന് ശേഖരിക്കേണ്ടിവരും.പ്രാഥമിക അന്വേഷണം നടത്തിയപ്പോള്‍ ആര്യ രാജേന്ദ്രന്റെ മൊഴി ക്രൈം ബ്രാഞ്ച് രേഖപ്പെടുത്തിയിരുന്നു.

 

Continue Reading

Video Stories

ഖത്തറില്‍ ഡെന്മാര്‍ക്കും തുണീഷ്യയും ഇന്ന് നേര്‍ക്കുനേര്‍

Published

on

ഇന്ത്യന്‍ സമയം വൈകീട്ട് 6.30 നാണ് ഗ്രൂപ്പ് ഡി മല്‍സരങ്ങളുടെ തുടക്കം. അട്ടിമറിക്കാരായ ഡെന്മാര്‍ക്കിനെതിരെ ഖത്തറില്‍ ധാരാളം പിന്തുണക്കാരുള്ള തുണീഷ്യ. ലോക ചാമ്പ്യന്മാരായ ഫ്രാന്‍സ് കളിക്കുന്ന ഗ്രൂപ്പായതിനാല്‍ ഡെന്മാര്‍ക്കിനും തുണീഷ്യക്കും അടുത്ത റൗണ്ട് എന്ന ലക്ഷ്യത്തില്‍ ഇന്ന് വിജയിക്കാനാവണം.

ഒരു വര്‍ഷം മുമ്പ് നടന്ന യൂറോയില്‍ ആരും സാധ്യത കല്‍പ്പിക്കാതിരുന്ന ടീമായിരുന്നല്ലോ ഡെന്മാര്‍ക്ക്. നായകന്‍ ക്രിസ്റ്റിയന്‍ എറിക്‌സണെ നഷ്ടമായിട്ടും റഷ്യ, വെയില്‍സ്, ചെക് റിപ്പബ്ലിക് എന്നിവരെയെല്ലാം മറികടന്നവര്‍ ഇംഗ്ലണ്ടിനോട് തോല്‍ക്കുകയായിരുന്നു. പിയറി എമിലി ഹോജ്ബര്‍ഗും ശ്രദ്ധിക്കേണ്ട താരം. പുതിയ കോച്ച് ജലീല്‍ കാദ്‌രിക്ക് കീഴില്‍ കരുത്തരായിരിക്കുന്നു അവര്‍. പ്രീമീയര്‍ ലീഗില്‍ സണ്ടര്‍ലന്‍ഡിനായി കളിച്ച വഹബി കസ്‌രിയാണ് തുണീഷ്യക്കാരിലെ അപകടകാരി.

Continue Reading

Video Stories

അര്‍ജന്റീനക്കാര്‍ ചില്ലറക്കാരല്ല; വേങ്ങരയില്‍ 500 പേര്‍ക്കുള്ള ബിരിയാണി ഒരുക്കി അര്‍ജന്റീന ഫാന്‍സ്

500 പേര്‍ക്കുള്ള ബിരിയാണിയാണ് ഇവിടുത്തെ അര്‍ജന്റീന ഫാന്‍സ് ഒരുക്കിയിരിക്കുന്നത്

Published

on

ആദില്‍ മുഹമ്മദ്

കളി ഖത്തറില്‍ ആണെങ്കിലും ആവേശം മലപ്പുറത്താണെന്ന് പറയുന്നത് എന്തായാലും വെറുതെയല്ല. അത് തെളിയിക്കുകയാണ് മലപ്പുറത്തെ ഓരോരോ സംഭവങ്ങളും. ഇന്നത്തെ സംഭവം മലപ്പുറം വേങ്ങരയിലാണ്. 500 പേര്‍ക്കുള്ള ബിരിയാണിയാണ് ഇവിടുത്തെ അര്‍ജന്റീന ഫാന്‍സ് ഒരുക്കിയിരിക്കുന്നത്.

മലപ്പുറം വേങ്ങര എടയാട്ടുപറമ്പിലെയും ചേക്കാലിമാടിലെയും അര്‍ജന്റീന ഫാന്‍സ് സംയുക്തമായിയാണ് തങ്ങളുടെ ടീമിന്റെ ഉദ്ഘാടനമത്സരത്തിന്റെ ഭാഗമായി 500 പേര്‍ക്കുള്ള ബിരിയാണി ഒരുക്കുന്നത്.മത്സരത്തിനു മുന്‍പ് ഇത് വിതരണം ചെയ്യുകയും ചെയ്യും. നാട്ടിലുള്ള അര്‍ജന്റീന ഫാന്‍സ് എല്ലാവരും ഒത്തുചേര്‍ന്നാണ് ഭക്ഷണത്തിനുള്ള ഫണ്ട് കണ്ടെത്തിയത്. 80 കിലോയോളം വരുന്ന ഭക്ഷണത്തിന്റെ തയ്യാറെടുപ്പുകള്‍ കഴിഞ്ഞ ദിവസം തന്നെ തുടങ്ങിയിരുന്നു.

ഇന്ന് വൈകിട്ട് മൂന്നര മണിക്കാണ് ഖത്തര്‍ വേള്‍ഡ് കപ്പില്‍ അര്‍ജന്റീനയുടെ ആദ്യ പോരാട്ടം. സൗദി അറേബ്യയാണ് എതിരാളി.

 

Continue Reading

Trending