kerala
കേരള ചിക്കന് പദ്ധതിയിലും ചതി; കര്ഷകര്ക്ക് കിട്ടാനുള്ളത് മൂന്ന് കോടിയിലേറെ രൂപ
2018ല് പിണറായി സര്ക്കാര് പ്രഖ്യാപിച്ച കേരള ചിക്കന് പദ്ധതിയില് ചതിക്കപ്പെട്ട് കര്ഷകര്. പദ്ധതിയുടെ ഭാഗമായി ബ്രഹ്മഗിരി ഡവലപ്മെന്റ് സൊസൈറ്റിക്കു കീഴില് കോഴി വളര്ത്തലില് ഏര്പ്പെട്ട മലബാറിലെ കര്ഷകര്ക്ക് കിട്ടാനുള്ളത് മൂന്നര കോടിയിലധികം രൂപ.
2018ല് പിണറായി സര്ക്കാര് പ്രഖ്യാപിച്ച കേരള ചിക്കന് പദ്ധതിയില് ചതിക്കപ്പെട്ട് കര്ഷകര്. പദ്ധതിയുടെ ഭാഗമായി ബ്രഹ്മഗിരി ഡവലപ്മെന്റ് സൊസൈറ്റിക്കു കീഴില് കോഴി വളര്ത്തലില് ഏര്പ്പെട്ട മലബാറിലെ കര്ഷകര്ക്ക് കിട്ടാനുള്ളത് മൂന്നര കോടിയിലധികം രൂപ. വിത്തുധനം, പരിപാലനച്ചെലവ് ഇനങ്ങളിലാണ് ഇത്രയും തുക കര്ഷകര്ക്ക് ബ്രഹ്മഗിരി സൊസൈറ്റിയില് നിന്ന് ലഭിക്കാനുള്ളത്. ജനുവരി 23ന് നടത്തിയ സമരത്തിന്റെ ഭാഗമായി മാര്ച്ച് അവസാനത്തോടെ എല്ലാവര്ക്കും പണം ലഭ്യമാക്കുമെന്നാണ് സൊസൈറ്റി അധികൃതര് അറിയിച്ചിരുന്നെങ്കിലും ഏപ്രില് അവസാനിക്കാറായിട്ടും ഒരാള്ക്കുപോലും തുക ലഭിച്ചില്ല. ധനകാര്യ സ്ഥാപനങ്ങളില്നിന്നും മറ്റും വായ്പ വാങ്ങി വിത്തുധനം നല്കുകയും പരിപാലനച്ചെലവ് വഹിക്കുകയും ചെയ്ത കര്ഷകര് ഇപ്പോള് കടക്കെണിയിലാണ്. പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലെ കര്ഷകര്ക്കാണ് തുക ലഭിക്കാനുള്ളത്. സംസ്ഥാനത്ത് ഉപഭോഗത്തിനു ആവശ്യമായ കോഴി മാംസം ഇവിടെത്തന്നെ ഉത്പാദിപ്പിക്കുകയെന്ന ലക്ഷ്യത്തോടെ 2018 ഡിസംബര് 30ന് മുഖ്യമന്ത്രി പിണറായി വിജയനാണ് കേരള ചിക്കന് പദ്ധതി മലപ്പുറത്ത് ഉദ്ഘാടനം ചെയ്തത്.
ബ്രഹ്മഗിരി ഡെവലപ്മെന്റ് സൊസൈറ്റി, കേരള പൗള്ട്രി മിഷന്, കെപ്കോ, കുടുംബശ്രീ എന്നിവയെയാണ് പദ്ധതി നിര്വഹണത്തിനു ചുമതലപ്പെടുത്തിയത്. അംഗങ്ങളാകുന്ന കര്ഷകര്ക്ക് കോഴിക്കുഞ്ഞ്, തീറ്റ, മരുന്ന് എന്നിവ ബ്രഹ്മഗിരി നല്കുകയും 40 ദിവസം വളര്ച്ചയെത്തുന്ന മുറയ്ക്ക് കോഴികളെ തിരികെ വാങ്ങി പരിപാലനചെലവായി കിലോഗ്രാമിനു എട്ടു മുതല് 11 വരെ രൂപ ലഭ്യമാക്കുകയും ചെയ്യുന്ന വിധത്തിലായിരുന്നു പദ്ധതി ക്രമീകരണം. കോഴിക്കുഞ്ഞുങ്ങളെ വളര്ത്താനുള്ള ഷെഡ്, വൈദ്യുതി, വെള്ളം മുതലായവ കര്ഷകരുടെ ഉത്തരവാദിത്തമാണ്. കോഴിക്കുഞ്ഞ് ഒന്നിന് 130 രൂപയാണ് വിത്തുധനമായി ബ്രഹ്മഗിരി സൊസൈറ്റി കര്ഷകരില്നിന്നു വാങ്ങിയത്. ഒരേ സമയം 15,000 വരെ കോഴിക്കുഞ്ഞുങ്ങളെ വളര്ത്തിയ കര്ഷകര് ലക്ഷക്കണക്കിനു രൂപയാണ് വിത്തുധനമായി സൊസൈറ്റിക്കു നല്കിയത്.
പദ്ധതിയില്നിന്നു പിന്മാറുന്ന പക്ഷം ഒരു മാസത്തിനകം തിരികെ ലഭ്യമാക്കുമെന്ന വ്യവസ്ഥയിലായിരുന്നു ഇത്. ഏജന്സികളില് ബ്രഹ്മഗിരി സൊസൈറ്റി മാത്രമാണ് കര്ഷകരില്നിന്നു വിത്തുധനം വാങ്ങിയത്. തമിഴ്നാട്ടിലെ പൊള്ളാച്ചിയില് സ്വന്തം ഉടമസ്ഥതയിലുള്ള സ്ഥാപനത്തില് വിരിയിക്കുന്ന കോഴിക്കുഞ്ഞുങ്ങളെയാണ് സൊസൈറ്റി കര്ഷകര്ക്കു എത്തിച്ചിരുന്നത്. കുറച്ചുകാലം നല്ലനിലയിലായിരുന്ന പദ്ധതി പിന്നീട് താളം തെറ്റി. കോഴിക്കുഞ്ഞും തീറ്റയും മരുന്നും മറ്റും കര്ഷകര്ക്ക് യഥാസമയം കിട്ടാതായി. പരിപാലനച്ചെലവ് സമയബന്ധിതമായി നല്കുന്നതില് വീഴ്ചയുണ്ടായി.
ഈ സാഹചര്യത്തില് പദ്ധതിയില്നിന്നു പിന്വാങ്ങിയ കര്ഷകര്ക്ക് നേരത്തേ വ്യവസ്ഥ ചെയ്തതുപ്രകാരം വിത്തുധനം തിരികെ നല്കാനും സൊസൈറ്റിക്കു കഴിഞ്ഞില്ല. ഈ സാഹചര്യത്തിലാണ് കര്ഷകര് സംഘടിച്ച് ജനുവരിയില് സമരം സംഘടിപ്പിച്ചതെന്ന് കര്ഷക ഫെഡറേഷന് പ്രതിനിധികള് പറഞ്ഞു.
kerala
‘ചികിത്സ നിഷേധിക്കരുത്, ചികിത്സാ നിരക്ക് മലയാളത്തിലും ഇംഗ്ലീഷിലും പ്രദര്ശിപ്പിക്കണം’; ആശുപത്രികള്ക്ക് മാര്ഗനിര്ദേശങ്ങളുമായി ഹൈക്കോടതി
ആശുപത്രികളുടെ പ്രവര്ത്തനത്തിന് കേരള ക്ലിനിക്കല് എസ്റ്റാബ്ലിഷ്മെന്റ് ആക്റ്റ് പ്രകാരമുള്ള മാനദണ്ഡങ്ങള് പാലിക്കണം എന്നും ഹൈക്കോടതി നിര്ദേശിച്ചു.
കൊച്ചി: രോഗികള്ക്ക് പണമില്ലാത്തതോ രേഖകകളില്ലാത്തതോ കാരണങ്ങള്കൊണ്ട് ചികിത്സാ നിഷേധിക്കരുതെന്ന് കേരള ഹൈക്കോടതി. ആശുപത്രികളുടെ പ്രവര്ത്തനത്തിന് കേരള ക്ലിനിക്കല് എസ്റ്റാബ്ലിഷ്മെന്റ് ആക്റ്റ് പ്രകാരമുള്ള മാനദണ്ഡങ്ങള് പാലിക്കണം എന്നും ഹൈക്കോടതി നിര്ദേശിച്ചു. വിഷയത്തില് സര്ക്കാര് സ്വീകരിക്കുന്ന നടപടി 30 ദിവസത്തിനകം അറിയിക്കണം എന്നും ആശുപത്രി മാനേജുമെന്റുകളുടെ ഹര്ജി തള്ളിക്കൊണ്ട് ഹൈക്കോടതി വ്യക്തമാക്കി.
രോഗികളുടെ അവകാശങ്ങള് സുതാര്യമായ ചികിത്സാ രീതിയിലൂടെ ഉറപ്പാക്കണം, അത്യാഹിതത്തില് എത്തുന്ന രോഗികളെ പരിശോധിക്കണം, പണമോ രേഖകളോ ഇല്ലാത്തതിനാല് ചികിത്സ നിഷേധിക്കരുത്, തുടര്ചികിത്സ വേണമെങ്കില് ആശുപത്രി മാറ്റണം, ഇതിനുള്ള ഉത്തരവാദിത്വം പ്രാഥമികമായി പ്രവേശിപ്പിക്കുന്ന ആശുപത്രിയുടേതാണെന്നും ഹൈക്കോടതി വ്യക്തമാക്കുന്നു.
രോഗികള്ക്ക് ആവശ്യമായ വിവരങ്ങള് സമയബന്ധിതമായി നല്കണം, ഡിസ്ചാര്ജ് സമയം, പരിശോധനാ ഫലങ്ങള് കൈമാറണം, ചികിത്സാ നിരക്ക് മലയാളത്തിലും ഇംഗ്ലീഷിലും പ്രദര്ശിപ്പിക്കണം, ആശുപത്രികളില് പരാതി പരിഹാര ഡെസ്ക് വേണം, പരാതികള് ഏഴ് ദിവസത്തിനുള്ളില് പരിഹരിക്കണം. പരിഹരിക്കപ്പെടാത്തവ ഡി എം ഒക്ക് കൈമാറണമെന്നും ഹൈക്കോടതി വ്യക്തമാക്കി.
2018 ല് നിലവില് വന്ന ക്ലിനിക്കല് എസ്റ്റാബ്ലിഷ്മെന്റ് ആക്റ്റിനെതിരെ ആയിരുന്നു ആശുപത്രി മാനേജുമെന്റുകള് ഹൈക്കോടതിയെ സമീപിച്ചത്. ഹര്ജി നേരത്തെ സിംഗിള് ബെഞ്ച് തള്ളിയിരുന്നു. ഈ നടപടി ചോദ്യം ചെയ്താണ് ഹര്ജിക്കാര് ഡിവിഷന് ബെഞ്ചിനെ സമീപിച്ചത്.
ആരോഗ്യത്തോടെ ജീവിക്കാനുള്ള ഭരണഘടനാപരമായ അവകാശത്തിന്റെ ഭാഗമാണ് നിയമം എന്ന സര്ക്കാര് വാദം കോടതി അംഗീകരിച്ചു.
EDUCATION
കേരളത്തില് ഒരു കിലോമീറ്ററില് സര്ക്കാര് എല്പി സ്കൂള് വേണം; നിര്ണായക നിര്ദേശവുമായി സുപ്രീം കോടതി
കേരളത്തില് ഒരു കിലോമീറ്റര് ചുറ്റളവില് എല്പി സ്കൂള് ഇല്ലെങ്കില് അവിടെ സര്ക്കാര് എല്പി സ്കൂള് സ്ഥാപിക്കണമെന്ന് സുപ്രീം കോടതി
ന്യൂഡല്ഹി:-കേരളത്തില് ഒരു കിലോമീറ്റര് ചുറ്റളവില് എല്പി സ്കൂള് ഇല്ലെങ്കില് അവിടെ സര്ക്കാര് എല്പി സ്കൂള് സ്ഥാപിക്കണമെന്ന് സുപ്രീം കോടതി. വിദ്യാഭ്യാസ അവകാശനിയമപ്രകാരം അത് സര്ക്കാര് ചെയ്യേണ്ടതാണെന്നും മഞ്ചേരിയിലെ എളാമ്പ്രയില് അടിയന്തരമായി എല്പി സ്കൂള് നിര്മിക്കണമെന്നും കോടതി നിര്ദേശിച്ചു. എളാമ്പ്രയില് എല്പി സ്കൂള് നിര്മിക്കണമെന്ന ഹൈക്കോടതി വിധിക്കെതിരായ സംസ്ഥാന സര്ക്കാരിന്റെ അപ്പീലീല് ആണ് സുപ്രീം കോടതിയുടെ നിര്ണായ നിര്ദേശം.
മഞ്ചേരി എളാമ്പ്രയില് ഒരു എല്പി സ്കൂള് എന്ന ആവശ്യവുമായി നാട്ടുകാര് സംസ്ഥാന സര്ക്കാരിനെ സമീപിച്ചിരുന്നു. എന്നാല് ഇക്കാര്യത്തില് സര്ക്കാരിന്റെ ഭാഗത്ത് നിന്ന് അനുകൂല നടപടിയുണ്ടായില്ല. തുടര്ന്ന് നാട്ടുകാര് ഹൈക്കോടതിയെ സമീപിക്കുയും അനുകൂല വിധി നേടുകയും ചെയ്തു. എളാമ്പ്രയിലെ ഒരുകിലോമീറ്റര് ചുറ്റളവില് സര്ക്കാര് എല്പി സ്കൂള് ഇല്ലെന്നും അവിടെ വിദ്യാഭ്യാസത്തിന് സാധ്യതയില്ലെന്നുമായിരുന്നു ഹര്ജിയിലെ വാദം. എന്നാല് എളാമ്പ്രയില് ശാസ്ത്രീയ പഠനം നടത്തിയിരുന്നെന്നും അവിടെ ഒരു സ്കൂളിന്റെ ആവശ്യമില്ലെന്നും അഥവാ വിദ്യാര്ഥികള്ക്ക് മറ്റ് എവിടെയെങ്കിലും പോയി പഠിക്കണമെങ്കില് അതിനുള്ള യാത്രാസൗകര്യം ഒരുക്കാമെന്നുമായിരുന്നു സര്ക്കാര് സുപ്രീം കോടതിയെ അറിയിച്ചത്.
വിദ്യാഭ്യാസമേഖലയില് പണം ചെലവഴിച്ചതുകൊണ്ടാണ് കേരളം നൂറ് ശതമാനം സാക്ഷരത കരസ്ഥമാക്കിയത്. എളമ്പ്രയില് അടിന്തരമായി സ്കൂള് സ്ഥാപിക്കണം. കൂടാതെ കേരളത്തില് എവിടെയെങ്കിലും ഒരുകിലോമീറ്റര് ചുറ്റളവില് എല്പി സ്കൂള് ഇല്ലെങ്കില് അവിടെ സര്ക്കാര് എല്പി സ്കൂള് ആരംഭിക്കണം. മൂന്ന് കിലോമീറ്റര് ചുറ്റളവില് യുപി സ്കൂള് ഇല്ലെങ്കില് അവിടെ യുപി സ്കൂള് സ്ഥാപിക്കണമെന്നുമാണ് കോടതിയുടെ നിര്ദേശം. ചീഫ് ജസ്റ്റിസ് സൂര്യകാന്ത് അധ്യക്ഷനായ ബെഞ്ചിന്റെതാണ് നിര്ദേശം.
kerala
‘തെരഞ്ഞെടുപ്പ് പ്രചാരണത്തിൽ ഐപിഎസ് വേണ്ട’; ബിജെപി സ്ഥാനാർഥി ആർ ശ്രീലേഖക്കെതിരെ തെരഞ്ഞെടുപ്പ് കമ്മീഷൻ
മുൻ ഡിജിപിയും തിരുവനന്തപുരം കോർപറേഷനിലെ ബിജെപി സ്ഥാനാർഥിയുമായ ആർ ശ്രീലേഖക്കെതിരെയാണ് തെരഞ്ഞെടുപ്പ് കമ്മീഷൻ നടപടി. സർവീസിൽ നിന്ന് വിരമിച്ച ശ്രീലേഖ പ്രചാരണത്തിൽ ഐപിഎസ് ഉപയോഗിക്കുന്നത് നിയമവിരുദ്ധമാണെന്നാരോപിച്ച് ആം ആദ്മി സ്ഥാനാർഥി നൽകിയ പരാതിയിലാണ് തെരഞ്ഞെടുപ്പ് കമ്മീഷൻ തീരുമാനം.
സര്വീസില്നിന്നു വിരമിച്ച ശേഷം പേരിനൊപ്പം ഐപിഎസ് എന്ന് ഉപയോഗിക്കുന്നത് നിയമവിരുദ്ധമാണെന്നാണ് രശ്മി പരാതിയിൽ ചൂണ്ടിക്കാട്ടിയിരുന്നത്. പരാതിയുടെ അടിസ്ഥാനത്തില് കുറേ സ്ഥലങ്ങളിലെ പ്രചാരണ പോസ്റ്ററുകളില് ശ്രീലേഖയുടെ പേരിനൊപ്പം ഐപിഎസ് എന്നെഴുതിയത് തെരഞ്ഞെടുപ്പ് കമ്മിഷന് മായ്ച്ചു.
കോർപ്പറേഷനിലേക്ക് ശാസ്തമംഗലം വാർഡിൽ നിന്നാണ് ശ്രീലേഖ ബിജെപി സ്ഥാനാർത്ഥിയായി ജനവിധി തേടുന്നത്. ശ്രീലേഖയുടെ പോസ്റ്ററുകളിലും ഫ്ളക്സുകളിലും ഐപിഎസ് എന്നും ചുവരെഴുത്തില് ഐപിഎസ് (റിട്ട) എന്നുമാണ് രേഖപ്പെടുത്തിയിരുന്നത്.
-
world3 days agoയു കെ പ്രവിസികളുടെ കരുത്തും കരുതലും -ബ്രിട്ടൻ കെഎംസിസി
-
News2 days agoഇത്യോപ്യയില് അഗ്നിപര്വ്വത സ്ഫോടനം; കണ്ണൂർ-അബൂദബി വിമാനം വഴിതിരിച്ചുവിട്ടു, കൊച്ചിയിൽ നിന്നുള്ള രണ്ടുവിമാനങ്ങൾ റദ്ദാക്കി
-
kerala2 days agoശബരിമലയില് നിന്ന് ഡ്യൂട്ടി കഴിഞ്ഞ് വാ..; സി.പി.ഒയെ ഭീഷണിപ്പെടുത്തിയ പൊലീസ് അസോ. ജില്ല സെക്രട്ടറിക്ക് സസ്പെന്ഷന്
-
Health3 days agoബിഹാറിലെ അമ്മമാരുടെ മുലപ്പാലിൽ യുറേനിയം; ശിശുക്കൾക്ക് ഗുരുതര ആരോഗ്യപ്രശ്നങ്ങൾ ഉണ്ടാക്കുമെന്ന് പഠനം
-
kerala2 days agoവന്നത് ആളൂരിനെ കാണാന്, മരിച്ചത് അറിയില്ലായിരുന്നു; കുപ്രസിദ്ധ മോഷ്ടാവ് ബണ്ടി ചോറിനെ വിട്ടയച്ചു
-
kerala2 days agoമോഷണത്തിന് ശ്രമിച്ച പ്രായപൂര്ത്തിയാകാത്ത കുട്ടികളെ ക്രൂരമായി മര്ദിച്ചു; രണ്ട് പേര് പിടിയില്
-
gulf2 days agoസൗദിയില് കെട്ടിടത്തിന് മുകളില് നിന്ന് വീണ് മലയാളി യുവാവ് മരിച്ചു.
-
india2 days agoനീലഗിരിയില് കടുവ ആക്രമണം; വയോധികയെ കൊലപ്പെടുത്തി ശരീരഭാഗങ്ങള് ഭക്ഷിച്ചതായി റിപ്പോര്ട്ട്