ന്യൂഡല്‍ഹി: രാജ്യത്ത് കോവിഡ് വ്യാപനത്തില്‍ ആശങ്ക കുറയുന്നു. കഴിഞ്ഞ 24 മണിക്കൂറിനിടെ 54,044 പേര്‍ക്കാണ് കോവിഡ് സ്ഥീരീകരിച്ചത്. കഴിഞ്ഞ ദിവസം കോവിഡ് കണക്കുകള്‍ അമ്പതിനായിരത്തിന് താഴേക്ക് വന്നിരുന്നു. കോവിഡ് വ്യാപനത്തില്‍ ചെറിയ രീതിയില്‍ കുറവ് വന്നതാണ് ഇത് കാണിക്കുന്നത്.

രാജ്യത്തെ ആകെ കോവിഡ് ബാധിതരുടെ എണ്ണം 76,51,108 ആയി. രാജ്യത്ത് 24 മണിക്കൂറിനുള്ളില്‍ 717 പേര്‍ മരിച്ചു. ഇതോടെ മരണ സംഖ്യ 1,15,914 ആയി ഉയര്‍ന്നു.

രാജ്യത്തെ വിവിധ സംസ്ഥാനങ്ങളിലായി 7,40,090 പേര്‍ ചികിത്സയില്‍ കഴിയുന്നുണ്ട്. 67,95,103 പേര്‍ രോഗമുക്തരായി. മഹാരാഷ്ട്ര, തമിഴ്‌നാട്, ആന്ധ്രാപ്രദേശ്, ഡല്‍ഹി തുടങ്ങിയ സംസ്ഥാനങ്ങളിലാണ് കോവിഡ് രോഗികളുടെ എണ്ണം ക്രമാതീതമായി വര്‍ധിക്കുന്നത്.