india
ഗുജറാത്തില് ദലിത് കുടുംബത്തെ കബളിപ്പിച്ച് ഇലക്ടറല് ബോണ്ട് വാങ്ങിച്ചു; 10 കോടി ‘തട്ടി’ ബി.ജെ.പി
2023 ഒക്ടോബര് 11നാണ് സവാകര മാന്വറിന്റെ കുടുംബത്തിലെ ആറ് അംഗങ്ങളുടെ പേരില് അദാനി ഗ്രൂപ്പിനു കീഴിലുള്ള വെല്സ്പണ് എന്റര്െ്രെപസസില് സീനിയര് ജനറല് മാനേജറായ മഹേന്ദ്ര സിങ് സോധ 11,00,14,000 രൂപയുടെ ഇലക്ടോറല് ബോണ്ട് വാങ്ങിയത്.
ആദായ നികുതി വകുപ്പ് കേസ് പറഞ്ഞു ഭയപ്പെടുത്തിയും ഇരട്ടി ലാഭം വാഗ്ദാനം ചെയ്തും അദാനി ഗ്രൂപ്പ് ഉദ്യോഗസ്ഥന് 11 കോടിയിലേറെ രൂപയുടെ ബോണ്ട് എടുപ്പിച്ചെന്ന് ആരോപണവുമായി ദലിത് കര്ഷക കുടുംബം. ഇതില് 10 കോടിയും ബി.ജെ.പി സ്വന്തമാക്കിയെന്നും പരാതിയില് പറയുന്നു. ഗുജറാത്തിലെ കച്ചിലുള്ള അഞ്ജര് സ്വദേശികളാണു തട്ടിപ്പിനിരയായത്.
ഇലക്ടറല് ബോണ്ടിലെ വിചിത്രകരമായ മറ്റൊരു തട്ടിപ്പ് കഥ ‘ദി ക്വിന്റ്’ വെബ് പോര്ട്ടലാണ് പുറത്തുകൊണ്ടുവന്നത്. 2023 ഒക്ടോബര് 11നാണ് സവാകര മാന്വറിന്റെ കുടുംബത്തിലെ ആറ് അംഗങ്ങളുടെ പേരില് അദാനി ഗ്രൂപ്പിനു കീഴിലുള്ള വെല്സ്പണ് എന്റര്െ്രെപസസില് സീനിയര് ജനറല് മാനേജറായ മഹേന്ദ്ര സിങ് സോധ 11,00,14,000 രൂപയുടെ ഇലക്ടോറല് ബോണ്ട് വാങ്ങിയത്. ഒക്ടോര് 16ന് ഇതില് 10 കോടിയും ബി.ജെ.പി സ്വന്തമാക്കി. ബാക്കി ഒരു കോടിയിലേറെ വരുന്ന തുക രണ്ടു ദിവസം കഴിഞ്ഞ് ശിവസേനയുടെ അക്കൗണ്ടിലുമെത്തി.
43,000 ചതുരശ്ര മീറ്റര് വരുന്ന അഞ്ജറിലെ തങ്ങളുടെ കൃഷിഭൂമി വെല്സ്പണ് ഏറ്റെടുത്തിരുന്നുവെന്ന് മാന്വറിന്റെ മകന് ഹരേഷ് സവകാര പറയുന്നു. സ്ഥലം ഏറ്റെടുത്തതിനുള്ള നഷ്ടപരിഹാരമായി ലഭിച്ച തുകയാണ് ഇലക്ടറല് ബോണ്ടിലൂടെ ബി.ജെ.പിക്ക് നല്കിയത്. ഇത്രയും വലിയ തുക ആദായ നികുതി വകുപ്പിന്റെ കേസിനും ഗുലുമാലിനും ഇടയാക്കുമെന്ന് നഷ്ടപരിഹാരം തന്ന സമയത്ത് വെല്സ്ണ് മാനേജര് മഹേന്ദ്ര സിങ് സോധ ചൂണ്ടിക്കാട്ടി.
ഇതു മറികടക്കാനെന്നു പറഞ്ഞാണ് ഇലക്ടറല് ബോണ്ട് പദ്ധതിയെ കുറിച്ച് പരിചയപ്പെടുത്തിയത്. അഞ്ചു വര്ഷം കൊണ്ട് ഈ തുകയുടെ 1.5 ഇരട്ടി ലഭിക്കുമെന്ന് ഉറപ്പുനല്കുകയും ചെയ്തു. വിദ്യാഭ്യാസമില്ലാത്തവരായതു കൊണ്ട് ഇത്തരമൊരു പദ്ധതിയെ കുറിച്ചൊന്നും അറിയില്ലായിരുന്നുവെന്നും അതിനാല് തങ്ങളെ വേഗത്തില് കബളിപ്പിക്കാന് അവര്ക്കായെന്നും ഹരേഷ് പറയുന്നു.
2023 ആഗസ്റ്റിലാണു ജില്ലാ ഭരണകൂടം കൃഷി ഭൂമി വില്ക്കാനുള്ള അനുമതി നല്കിയത്. 16,61,21,877 രൂപയായിരുന്നു മൊത്തം സ്ഥലത്തിനു ഭരണകൂടം വില നിശ്ചയിച്ചിരുന്നത്. ഇതില് 2.80 കോടി രൂപ മുന്കൂറായി നല്കി. ബാക്കി തുക ഏഴ് ജോയിന്റ് അക്കൗണ്ടുകളിലേക്ക് അയയ്ക്കുകയും ചെയ്തു. ഇതിനുശേഷമാണ് മഹേന്ദ്ര സിങ് സോധ വെല്സ്പണ് ഗസ്റ്റ് ഹൗസില് സവാകരെ മാന്വറിനെയും മകനെയും നാലു തവണ വിളിച്ചുവരുത്തി ഇലക്ടറല് ബോണ്ടിനെ കുറിച്ചു വിവരിച്ചത്. ഒടുവില് കുടുംബത്തെ സമ്മതിപ്പിച്ച് ഇലക്ടറല് ബോണ്ട് എടുപ്പിക്കുകയും ചെയ്തു. ബി.ജെ.പി നേതാവ് ഹേമന്ത് രജിനികാന്ത് ഈ യോഗങ്ങളിലെല്ലാം പങ്കെടുത്തിരുന്നുവെന്നു കുടുംബം പറയുന്നു.
ഗുജറാത്തിലെ ഭൂപതിവ് ചട്ടപ്രകാരം കച്ച് ജില്ലാ കലക്ടറുടെ നേതൃത്വത്തിലുള്ള ലാന്ഡ് ഇവല്യൂഷന് കമ്മിറ്റി ചതുരശ്ര മീറ്ററിന് 17,500 രൂപയായിരുന്നു വില നിശ്ചയിച്ചിരുന്നതെന്ന് മാന്വര് കുടുംബത്തിന്റെ അഭിഭാഷകന് ഗോവിന്ദ് ദഫാദ പറഞ്ഞു. ഈ കണക്കിന് ആകെ 76 കോടി രൂപയായിരുന്നു വെല്സ്പണ് കുടുംബത്തിനു നല്കേണ്ടിയിരുന്നത്.
എന്നാല്, ഇത്രയും ഭീമമായ തുക നല്കാന് കമ്പനി ഒരുക്കമായിരുന്നില്ല. ഒരു വര്ഷത്തോളം സ്ഥലമേറ്റെടുപ്പ് മുടങ്ങിക്കിടന്നു. ഒടുവില് കച്ച് ഡെപ്യൂട്ടി കലക്ടറായിരുന്ന മെഹുല് ദേശായി ഇടപെട്ട് കുടുംബവുമായി പലതവണ ചര്ച്ച നടത്തി 16.61 കോടി രൂപയിലേക്ക് നഷ്ടപരിഹാരത്തുക കുത്തനെ കുറയ്ക്കുകയായിരുന്നുവെന്നും അഭിഭാഷകന് പറഞ്ഞു.
ഇലക്ടറല് ബോണ്ട് തട്ടിപ്പില് കഴിഞ്ഞ മാര്ച്ച് 18ന് അഞ്ജര് പൊലീസില് കുടുംബം പരാതി നല്കിയിരുന്നു. മഹേന്ദ്ര സിങ്ങിനു പുറമെ വെല്സ്പണ് ഡയരക്ടര്മാരായ വിശ്വനാഥന് കൊല്ലെങ്കോഡെ, സഞ്ജയ് ഗുപ്ത, ചിന്തന് താക്കര്, പ്രവീണ് ബന്സാലി, അഞ്ജര് ലാന്ഡ് അക്വിസിഷന് ഓഫിസര് വിമല് കിഷോര് ജോഷി, അഞ്ജര് സിറ്റി ബി.ജെ.പി പ്രസിഡന്റ് ഹേമന്ത് എന്ന ഡാനി രജിനികാന്ത് ഷാ എന്നിവര്ക്കെതിരെയും പരാതിയുണ്ട്. എന്നാല്, ഇതുവരെയും പൊലീസ് കേസെടുത്തിട്ടില്ലെന്നാണു വിവരം. കേസിനു മെറിറ്റ് ഉണ്ടെങ്കില് അന്വേഷിച്ചു നടപടി സ്വീകരിക്കുമെന്നാണ് പൊലീസ് ഉദ്യോഗസ്ഥനായ ശൈലേന്ദ്ര സിസോദിയ ക്വിന്റിനോട് പ്രതികരിച്ചിരിക്കുന്നത്.
india
ഹരിയാനയില് ക്രിസ്ത്യാനികള്ക്കും മുസ്ലിംകള്ക്കും നേരെ ഹിന്ദുത്വവാദികളുടെ ആക്രമണം
റോഹ്തക് ജില്ലയില് നിര്ബന്ധിച്ച് ബൈബിളും ഖുര്ആനും കത്തിക്കുകയും വിശ്വാസികളെ അസഭ്യം പറയുകയും ചെയ്തു
ഹരിയാനയില് ക്രിസ്ത്യാനികള്ക്കും മുസ്ലിംകള്ക്കും നേരെ ഹിന്ദുത്വവാദികളുടെ ആക്രമണം. റോഹ്തക് ജില്ലയില് നിര്ബന്ധിച്ച് ബൈബിളും ഖുര്ആനും കത്തിക്കുകയും വിശ്വാസികളെ അസഭ്യം പറയുകയും ചെയ്തു. വടക്കേ ഇന്ത്യയില് ന്യൂനപക്ഷ വിഭാഗങ്ങള്ക്ക് നേരെയുള്ള ഹിന്ദുത്വവാദികളുടെ അതിക്രമങ്ങള് ദിനേന വര്ധിച്ചുവരികയാണ്. ക്രിസ്ത്യാനികള് ഒറ്റുകാരാണെന്നും അവരുടെ പുസ്തകങ്ങള് വൃത്തിക്കെട്ടതാണെന്നും വിശ്വാസത്തെ തള്ളിപ്പറയാനും നിര്ബന്ധിക്കുന്ന വിഡിയോ സോഷ്യല് മീഡിയയില് വ്യാപകമായി പ്രചരിക്കുന്നു.
‘ജയ് ശ്രീറാം’, ‘ഭാരത് മാതാ കീ ജയ്’ എന്ന് ആക്രോശിച്ച് വിശ്വാസികളെ കൊണ്ടുതന്നെയാണ് പെട്രോള് ഒഴിച്ച് ബൈബിളും ഖുര്ആനും കത്തിക്കാന് നിര്ബന്ധിച്ചത്. വിശ്വാസികള് പ്രാര്ഥിക്കുന്ന ഇടങ്ങള് ആക്രമിക്കുകയും അതിക്രമ വാര്ത്തകളുടെ ദൃശ്യങ്ങള് സോഷ്യല് മീഡിയയില് പ്രചരിപ്പിക്കുകയും ചെയ്യുന്നു.
india
ജമ്മു കശ്മീരില് ക്രിസ്ത്യന് മിഷനറി സംഘത്തിന് നേരെ ബിജെപി നേതാവ് അടക്കമുള്ള ഹിന്ദുത്വവാദികളുടെ ആക്രമണം
കത്വയില് ക്രൈസ്തവ കുടുംബത്തിനൊപ്പം പ്രാര്ഥന നടത്തവെ ആയിരുന്നു ആക്രമണം.
ജമ്മു കശ്മീരില് തമിഴ്നാട്ടില് നിന്നുള്ള ക്രിസ്ത്യന് മിഷനറി സംഘത്തിന് നേരെ ഹിന്ദുത്വവാദികളുടെ ആക്രമണം. മതപരിവര്ത്തനം ആരോപിച്ചായിരുന്നു ആക്രമണമുണ്ടായത്. കത്വയില് ക്രൈസ്തവ കുടുംബത്തിനൊപ്പം പ്രാര്ഥന നടത്തവെ ആയിരുന്നു ആക്രമണം. പൊലീസ് തടയാന് ശ്രമിച്ചില്ലെന്നും നോക്കിനിന്നെന്നും മര്ദനമേറ്റവര് ആരോപിച്ചു. ആക്രമണത്തില് സ്ത്രീയടക്കം നാല് പേര്ക്ക് പരിക്കേറ്റു.
ഒക്ടോബര് 23ന് നടന്ന സംഭവം ഇപ്പോഴാണ് പുറത്തുവരുന്നത്. ഒരു കൂട്ടം ആളുകള് നിങ്ങളെ ആക്രമിക്കാന് പദ്ധതിയിടുന്നതായി മിഷനറി സംഘത്തെ എട്ട് പൊലീസ് ഉദ്യോഗസ്ഥരെത്തി അറിയിച്ചു. ഉടന് സ്ഥലംവിടാന് ആവശ്യപ്പെടുകയും ഗ്രാമത്തില് നിന്ന് സുരക്ഷിതമായി പുറത്തുകടക്കാന് സംരക്ഷണം നല്കാമെന്ന് പറയുകയും ചെയ്തു.
ഇവിടെനിന്ന് പുറപ്പെട്ട മിഷനറി സംഘത്തിന്റെ വാഹനത്തെ 500 മീറ്റര് ദൂരം പൊലീസ് സംഘം അനുഗമിച്ചു. എന്നാല് ഹിന്ദുത്വ അക്രമികള് ഇരുമ്പ് വടികളും മരക്കഷണങ്ങളുമായി ചാടിവീഴുകയും വാഹനം തടയുകയും ചെയ്തു. മിനി ബസിന്റെ വാതില് തുറക്കാനാവശ്യപ്പെട്ട അക്രമികള്, വാഹനത്തിലുണ്ടായിരുന്നവരെ അടിക്കാനും ഭീഷണിപ്പെടുത്താനും തുടങ്ങി. വാഹനത്തിന്റെ ബസിന്റെ വിന്ഡ്ഷീല്ഡും വിന്ഡോകളും തകര്ത്ത അക്രമികള് മിഷനറി സംഘത്തിനു നേരെ അസഭ്യം ചൊരിയുകയും ചെയ്തു. പ്രദേശത്തെ ഹിന്ദുക്കളെ ക്രിസ്തുമതത്തിലേക്ക് പരിവര്ത്തനം ചെയ്യാന് മിഷനറി സംഘം ശ്രമിച്ചെന്നാരോപിച്ചായിരുന്നു ആക്രമണം.
പൊലീസുകാരില് ഒരാള് മാത്രമാണ് അതിക്രമത്തിനെതിരെ ഇടപെട്ടതെന്ന് മിഷനറി സംഘം പറഞ്ഞു. മറ്റുള്ളവര് ഒന്നും ചെയ്യാതെ നോക്കിനിന്നെന്നും അക്രമിസംഘത്തെ സഹായിക്കുന്ന രീതിയിലായിരുന്നു പൊലീസുകാരുടെ പെരുമാറ്റമെന്നും അവര് ആരോപിച്ചു.
അക്രമികള്ക്കെതിരെ പരാതി നല്കാന് പൊലീസ് ഇരകളോട് ആവശ്യപ്പെട്ടു. അടുത്ത ദിവസം, കൃത്യനിര്വഹണത്തിലെ വീഴ്ചയ്ക്ക് എട്ട് ഉദ്യോഗസ്ഥരെ സസ്പെന്ഡ് ചെയ്യുകയും രവീന്ദ്ര സിങ് തേല, രോഹിത് ശര്മ എന്നീ രണ്ട് പ്രധാന അക്രമികളെ അറസ്റ്റ് ചെയ്യുകയും ചെയ്തു. ഇരുവരെയും പിന്നീട് ജാമ്യത്തില് വിട്ടു.
ഗോരക്ഷാ സംഘാം?ഗമായ പ്രാദേശിക ബിജെപി നേതാവാണ് തേല. പ്രദേശത്തെ പ്രതിഷേധങ്ങള് റിപ്പോര്ട്ട് ചെയ്യുന്നതിനിടെ ഒരു മാധ്യമപ്രവര്ത്തകനെ ആക്രമിച്ച സംഭവമുള്പ്പെടെ നിരവധി കേസുകളും ഇയാള്ക്കെതിരെയുണ്ട്. ഒരു ദിവസം കസ്റ്റഡിയിലായിരുന്ന പ്രതികള്ക്കെതിരെ തെളിവില്ലെന്ന് പറഞ്ഞ് അടുത്തദിവസം തന്നെ ജഡ്ജി ജാമ്യം നല്കുകയായിരുന്നു.
അതേസമയം, ജാമ്യം ലഭിച്ചതിനു പിന്നാലെ ഇരകള്ക്കെതിരെ അക്രമിസംഘവും പരാതി നല്കി. ഭക്ഷണവും പണവും നല്കി ഹിന്ദു ഗ്രാമീണരെ ക്രിസ്തുമതം സ്വീകരിക്കാന് പ്രലോഭിപ്പിച്ചെന്നാരോപിച്ചാണ് ഹിന്ദുത്വ സംഘം പരാതി നല്കിയത്.
india
ബീഹാർ തിരഞ്ഞെടുപ്പ് പോസ്റ്റൽ ബാലറ്റ് ഫലം: MGB 142, NDA 98; എന്തുകൊണ്ടാണ് ഇത് ഇവിഎമ്മിന് എതിരായിരിക്കുന്നത്?
ബിഹാര് നിയമസഭാ തിരഞ്ഞെടുപ്പില് ദേശീയ ജനാധിപത്യ സഖ്യം (എന്ഡിഎ) 243 സീറ്റുകളില് 202 എണ്ണം നേടി വന് വിജയം നേടിയെങ്കിലും, പോസ്റ്റല് വോട്ടുകളുടെ ഫലം തികച്ചും വിപരീതമായിരുന്നു. തേജസ്വി യാദവ് നയിക്കുന്ന മഹാഗഠ്ബന്ധന് (എംജിബി) 142 മണ്ഡലങ്ങളില് പോസ്റ്റല് വോട്ടുകളില് മുന്നിലായിരുന്നു, എന്ഡിഎ 98 മണ്ഡലങ്ങളില് മാത്രമാണ് മുന്തൂക്കം നേടിയത്. ഈ വൈരുദ്ധ്യം തിരഞ്ഞെടുപ്പ് പ്രക്രിയയിലെ അനിഷ്ട സംഭവങ്ങള്ക്ക് സൂചനയാണോ എന്ന ചോദ്യമുയര്തുന്നതായി ദേശീയ മാധ്യമങ്ങള് റിപ്പോര്ട്ട് ചെയ്തു.
പ്രതിപക്ഷ നേതാവ് രാഹുല് ഗാന്ധി ഹരിയാന തിരഞ്ഞെടുപ്പ് ഫലത്തിലെ അട്ടിമറി ചൂണ്ടിക്കാട്ടി പ്രസ് കോണ്ഫറന്സില് പോസ്റ്റല് വോട്ടുകളുടെ ഉദാഹരണം നല്കിയിരുന്നു. ഹരിയാനയില് കോണ്ഗ്രസ് 73 മണ്ഡലങ്ങളില് പോസ്റ്റല് വോട്ടുകളില് മുന്നിലായിരുന്നെങ്കിലും, മൊത്തം ഫലത്തില് 37 സീറ്റുകള് മാത്രം നേടി; ബിജെപി 17 മണ്ഡലങ്ങളില് മാത്രം പോസ്റ്റല് മുന്തൂക്കം നേടിയെങ്കിലും 48 സീറ്റുകള് കരസ്ഥമാക്കി. ബിഹാറിലെ ഈ ഡാറ്റ ഹരിയാനയുമായി താരതമ്യം ചെയ്യുമ്പോള് പ്രസക്തമാണ്.
ബിഹാറിലെ ഡാറ്റ പരിശോധിച്ചാല്, എന്ഡിഎ ഇവിഎം വോട്ടുകളില് മുന്നിലായ 110 മണ്ഡലങ്ങളില് എംജിബി പോസ്റ്റല് വോട്ടുകളില് മുന്തൂക്കം നേടി. ഉദാഹരണമായി, ജെഡി(യു) 25,000-ത്തിലധികം വോട്ടുകള്ക്ക് വിജയിച്ച ലൗകാഹ മണ്ഡലത്തില് ആര്ജെഡി 664 പോസ്റ്റല് വോട്ടുകള് നേടിയപ്പോള് ജെഡി(യു)ക്ക് 346 മാത്രമായിരുന്നു. മറുവശത്ത്, എംജിബി ഇവിഎം മുന്തൂക്കം നേടിയെങ്കിലും പോസ്റ്റല് വോട്ടുകളില് പിന്നിലായ മണ്ഡലങ്ങള് വെറും 7 മാത്രം.
പോസ്റ്റല് വോട്ടുകള് ആരാണ് ചെയ്യുന്നത്?
പ്രധാനമായും സൈന്യം, പാരാമിലിട്ടറി ഉദ്യോഗസ്ഥര്, തിരഞ്ഞെടുപ്പ് ഡ്യൂട്ടിയിലുള്ള സര്ക്കാര് ഉദ്യോഗസ്ഥര്, പൊലീസ് എന്നിവരാണ്. 85 വയസ്സിന് മുകളിലുള്ളവര്, വികലാംഗര്, അടിയന്തര സേവനങ്ങളിലുള്ളവര് (ഫയര്, ആരോഗ്യം, വൈദ്യുതി മുതലായവ), മാധ്യമപ്രവര്ത്തകര് എന്നിവര്ക്കും പോസ്റ്റല് വോട്ടിങ് അവകാശമുണ്ട്.
കോവിഡ് കാലത്ത് ചില വിഭാഗങ്ങള്ക്ക് കൂടി ഇത് വ്യാപിപ്പിച്ചു.
പോസ്റ്റല് വോട്ടുകള് സാധാരണയായി സര്ക്കാര് ജീവനക്കാരുടെയും സൈനികരുടെയും മനോഭാവത്തെ പ്രതിഫലിപ്പിക്കുന്നു.
-
GULF13 hours agoമക്കമദീന ഹൈവേയില് ഭീകരാപകടം: ഉംറ ബസ് കത്തി, 40 പേര് മരിച്ചു
-
india2 days agoമുഹമ്മദ് അഖ്ലാഖ് കേസിലെ പ്രതികള്ക്കെതിരായ കേസ് പിന്വലിക്കാന് യു.പി. സര്ക്കാര് നീക്കം തുടങ്ങി
-
kerala2 days ago500 രൂപയുടെ കള്ളനോട്ടുകളുമായി വിദ്യാര്ത്ഥികള് ഉള്പ്പെടെ അഞ്ചുപേര് അറസ്റ്റില്
-
kerala2 days agoതദ്ദേശ തെരഞ്ഞെടുപ്പില് സ്ഥാനാര്ത്ഥി നിര്ണയത്തില് അവഗണിക്കപ്പെട്ടതില് മനംനൊന്ത് ആര്എസ്എസ് പ്രവര്ത്തകന് ആത്മഹത്യ ചെയ്തു
-
kerala2 days agoസഹപ്രവര്ത്തകയെ പീഡിപ്പിക്കാന് ശ്രമിച്ച പൊലീസ് അസോസിയേഷന് നേതാവിനെതിരെ കേസ്
-
kerala24 hours agoബിഎല്ഒയുടെ മരണം; അനീഷ് ജീവനൊടുക്കിയത് സിപിഎം ഭീഷണിയെ തുടര്ന്ന്; രജിത് നാറാത്ത്
-
kerala2 days agoപ്ലസ് ടു വിദ്യാര്ത്ഥിനിയെ പീഡിപ്പിച്ച കേസില് യുവാവ് അറസ്റ്റില്
-
News2 days agoസൂപ്പര് ലീഗ് കേരള: കൊച്ചിക്ക് തുടര്ച്ചയായ ഏഴാം തോല്വി; തിരുവനന്തപുരം കൊമ്പന്സ് ഏക ഗോളിന് വിജയം