Connect with us

Video Stories

കേരളം കേള്‍ക്കാന്‍ കൊതിച്ച വിധി

Published

on

കൊടും കുറ്റവാളികള്‍ക്ക് അര്‍ഹിച്ച ശിക്ഷ ഉറപ്പുവരുത്തുന്ന ഇന്ത്യന്‍ ശിക്ഷാ നിയമങ്ങള്‍ക്കും നീതിന്യായ വ്യവസ്ഥയ്ക്കും മുമ്പില്‍ രാജ്യം ഒരിക്കല്‍കൂടി നമിക്കുകയാണ്. കരഞ്ഞുകലങ്ങിയ കണ്ണുകളുമായി പെരുമ്പാവൂരിലെ രാജേശ്വരിക്കൊപ്പം കേരളമാകെ കാതോര്‍ത്തു കാത്തിരുന്ന വിധിയില്‍, ജിഷയെ കാമാഗ്നിയില്‍ കടിച്ചുകീറി കൊന്നുതള്ളിയ അമീറുല്‍ ഇസ്‌ലാമിന് കഠിന തടവും കഴുമരവുമാണ് ശിക്ഷ. അപൂര്‍വങ്ങളില്‍ അത്യപൂര്‍വവും അതിക്രൂരവുമായ കിരാതകൃത്യത്തിന് എറണാകുളം പ്രിന്‍സിപ്പല്‍ സെഷന്‍സ് കോടതി ജഡ്ജിയുടെ വിധി പ്രസ്താവം രാജ്യത്തെ നീതി നിര്‍വഹണ സംവിധാനങ്ങളുടെ വിശ്വാസ്യത വര്‍ധിപ്പിക്കുന്നതാണ്. ‘നീതിപീഠത്തിനു മുമ്പില്‍ ദൈവത്തെ കാണുന്നതു പോലെ’ എന്ന ജിഷയുടെ അമ്മ രാജേശ്വരിയുടെ പ്രതികരണം കോടതിയുടെ ആത്മാഭിമാനത്തിന് അലങ്കാരപ്പട്ടമാണ്. പഴുതടച്ച കേസന്വേഷണവും ശാസ്ത്രീയ തെളിവുകളുടെ ശക്തമായ സമര്‍ത്ഥനവും കോടതിയുടെ കൃത്യമായ ജാഗ്രതയും സമഞ്ജസമായി സമ്മേളിച്ചതാണ് ജിഷ വധക്കേസിലെ സുപ്രധാന വിധി. ഇനി ഒരു കുറ്റവാളിയും ഇവ്വിധം പൈശാചികത പ്രാപിച്ചു പെണ്‍കുട്ടികളെ പിച്ചിച്ചീന്തി വലിച്ചെറിയാതിരിക്കാന്‍ ഈ വിധി പാഠമാകട്ടെ എന്ന് ആശിക്കുകയും ആശ്വസിക്കുകയും ചെയ്യാം.
പത്തൊമ്പതു മാസത്തെ നിയമ പോരാട്ടങ്ങള്‍ക്കും കാത്തിരിപ്പിനും ഒടുവിലാണ് ഏറെ പ്രമാദമായ കേസില്‍ കീഴ്‌ക്കോടതി വിധി പറഞ്ഞിരിക്കുന്നത്. കൊലക്കുറ്റത്തിന് ഐ.പി.സി 302 വകുപ്പ് പ്രകാരം വധശിക്ഷയും മാനഭംഗത്തിന് 376 വകുപ്പ് പ്രകാരം ജീവപര്യന്തം കഠിന തടവും പിഴയും 376 (എ) പ്രകാരം മരണ കാരണമായ പീഡന കുറ്റത്തിന് 10 വര്‍ഷം കഠിന തടവും പിഴയും 449 വകുപ്പ് പ്രകാരം അന്യായമായി തടഞ്ഞുവച്ചതിന് ഏഴു വര്‍ഷം കഠിന തടവും വീട്ടില്‍ അതിക്രമിച്ചു കടന്നതിന് ഒരു വര്‍ഷം തടവും പിഴയും ഉള്‍പ്പെടെ വധശിക്ഷയും അഞ്ചുലക്ഷം രൂപ പിഴയുമാണ് അമീറുല്‍ ഇസ്്‌ലാമിന് കോടതി ശിക്ഷ വിധിച്ചത്. ദൃസാക്ഷി മൊഴികളേക്കാള്‍ ശാസ്ത്രീയ- സാഹചര്യ തെളിവുകളുടെ പിന്‍ബലത്തിലാണ് കോടതി വിധി എന്നുള്ളതാണ് ഏറെ ശ്രദ്ധേയം. നൂറോളം സാക്ഷികളെ വിസ്തരിച്ചെങ്കിലും രക്തം, ഉമിനീര്, നഖം, മുടി, പല്ല് തുടങ്ങിയവടക്കം ഡി.എന്‍.എ പരിശോധനാ റിപ്പോര്‍ട്ടുകളാണ് പ്രതിക്കുമേല്‍ അഞ്ചു വകുപ്പുകളില്‍ കുറ്റം കണ്ടെത്തിയത്. അതുകൊണ്ടു തന്നെ മേല്‍ക്കോടതികളില്‍ അപ്പീലിനു പോയാലും പ്രതിഭാഗത്തിന് പ്രോസുക്യൂഷന്‍ വാദങ്ങളെ പ്രതിരോധിക്കാന്‍ പാടുപെടേണ്ടി വരുമെന്ന കാര്യം തീര്‍ച്ച. നിയമങ്ങളുടെ നൂലിഴയിലൂടെ വധശിക്ഷയില്‍ നിന്ന് രക്ഷപ്പെട്ട സൗമ്യ കേസിലെ പ്രതി ഗോവിന്ദച്ചാമിയുടെ മുഖം പ്രോസിക്യൂഷന്റെ ഗുരുതര വീഴ്ചയായി കണ്‍മായാതെ നിലനില്‍ക്കുന്ന സാഹചര്യത്തില്‍ മേല്‍ക്കോടതിയില്‍ കൂടുതല്‍ ജാഗ്രത വേണമെന്ന പാഠം ഇനിയും വിസ്മരിക്കരുത്.
2016 ഏപ്രില്‍ 28ന് വൈകീട്ട് പെരുമ്പാവൂര്‍ കുറുപ്പംപടി വട്ടോളിപ്പടിയില്‍ വൈകീട്ടാണ് നിയമ വിദ്യാര്‍ത്ഥിയായ ജിഷ ദാരുണമായി കൊല്ലപ്പെടുന്നത്. കനാല്‍ബണ്ട് പുറമ്പോക്കിലെ അടച്ചുറപ്പില്ലാത്ത ഒറ്റമുറി വീട്ടില്‍ അതിക്രമിച്ചു കയറി മാനഭംഗത്തിന് ശ്രമിച്ച അമീറുല്‍ ഇസ്്‌ലാം ചെറുത്തുനിന്ന ജിഷയെ രഹസ്യഭാഗങ്ങള്‍ ഉള്‍പ്പെടെ ശരീരത്തില്‍ മാരകമായി മുറിവേല്‍പ്പിച്ചാണ് കൊലപ്പെടുത്തിയത്. തൊട്ടടുത്ത ദിവസം പൊലീസെത്തി പോസ്റ്റ്‌മോര്‍ട്ടം നടത്തിയ രാത്രി തന്നെ അതീവ രഹസ്യമായി മൃതദേഹം മറവു ചെയ്തതു മുതല്‍ ഇതുസംബന്ധിച്ച വിവാദം പൊട്ടിപ്പുറപ്പെട്ടു. നാലു ദിവസങ്ങള്‍ക്കു ശേഷമാണ് ഇതിന്റെ നിജസ്ഥിതിയെ കുറിച്ച് പൊലീസ് പുറത്തു പറയുന്നതും അന്വേഷണം ആരംഭിക്കുന്നതും. യു.ഡി.എഫ് സര്‍ക്കാര്‍ വിഷയം ഗൗരവമായി ഏറ്റെടുക്കുകയും ഉന്നതതല സംഘത്തെ അന്വേഷണത്തിനായി നിയമിക്കുകയും ചെയ്തു. സംസ്ഥാന ചരിത്രത്തിലെ തന്നെ ഏറ്റവും വേഗതയേറിയ പ്രാഥമികാന്വേഷണമാണ് കേസില്‍ പിന്നീട് കണ്ടത്. തുടക്കത്തില്‍ തന്നെ ഇതര സംസ്ഥാന തൊഴിലാളിയിലേക്ക് അന്വേഷണ സംഘം വിരല്‍ ചൂണ്ടുകയും ലൈംഗിക പീഡനം നടന്നതായി ഫോറന്‍സിക് റിപ്പോര്‍ട്ട് സമര്‍പ്പിക്കുകയും ചെയ്തു. പിന്നീട് പ്രതിയുടെ ചെരുപ്പ് കണ്ടെത്തുകയും അതടിസ്ഥാനത്തില്‍ അന്വേഷണം വ്യാപിപ്പിക്കുകയും ഒടുവില്‍ ഇതര സംസ്ഥാന തൊഴിലാളികളുടെ താമസസ്ഥലത്ത് പരിശോധന ഊര്‍ജിതമാക്കുകയും ചെയ്തു. ഈ സന്ദര്‍ഭത്തില്‍ പൊലീസ് നടപടികളെ പരിഹസിക്കുകയും ദലിത് വിദ്യാര്‍ത്ഥി കൊല്ലപ്പെട്ട സംഭവം രാഷ്ട്രീയ മുതലെടുപ്പിനു വേണ്ടി ദുരുപയോഗപ്പെടുത്താന്‍ ഇടതുപക്ഷം ആവനാഴിയിലെ അവസാന അസ്ത്രവും ഉപയോഗിച്ചത് കേരളം കണ്ടു. യു.ഡി.എഫിന്റെ സമുന്നത നേതാവിനെതിരെ കള്ളക്കഥ പ്രചരിപ്പിച്ച് ആത്മരതിയടയുകയായിരുന്നു ഇടതുപക്ഷം. എന്നാല്‍ സംഭവസ്ഥലത്തെ കൗണ്‍സിലര്‍ മുതല്‍ എം.എല്‍.എയും എം.പിയും ഉള്‍പ്പെടെയുള്ള ഇടതു പ്രതിനിധികള്‍ക്കു നേരെ ജനരോഷം ആളിക്കത്തിയപ്പോള്‍ ആക്ഷേപങ്ങളും ആരോപണങ്ങളുമെല്ലാം അവരെ തന്നെ തിരിഞ്ഞുകൊത്തി. ജിഷ വധക്കേസ് പ്രധാന പ്രചാരണായുധമായി ഉപയോഗപ്പെടുത്തിയ ഇടതുപക്ഷം കഴിഞ്ഞ നിയസമഭാ തെരഞ്ഞെടുപ്പില്‍ നേട്ടം കൊയ്‌തെങ്കിലും അധികാരത്തില്‍ വന്നതിനു ശേഷം കേസിന്റെ മെല്ലെപ്പോക്കില്‍ നിരന്തരം പഴികേള്‍ക്കുകയും ചെയ്തു. യു.ഡി.എഫ് സര്‍ക്കാറിന്റെ കാലത്തെ പ്രാഥമിക കണ്ടെത്തലുകള്‍ക്കും ഫോറന്‍സിക് തെളിവുകള്‍ക്കുമപ്പുറം പറയത്തക്ക പുരോഗതി ഈ കേസില്‍ ഇടതു സര്‍ക്കാറിന് അവകാശപ്പെടാനാവില്ല. മാത്രവുമല്ല, പ്രതിക്കെതിരെ പ്രോസിക്യൂഷന്‍ ആരോപിച്ച ഏഴു പ്രധാന കുറ്റകൃത്യങ്ങളില്‍ അഞ്ചെണ്ണമാണ് കഴിഞ്ഞ ദിവസം കോടതി അംഗീകരിച്ചത്. ഈ ഏഴു കുറ്റകൃത്യങ്ങളും തെളിയിക്കപ്പെടുന്ന ശാസ്ത്രീയ-സാഹചര്യ തെളിവുകളെല്ലാം യു.ഡി.എഫ് സര്‍ക്കാറിന്റെ അന്വേഷണ സംഘം കണ്ടെത്തിയതാണ് എന്നത് ശ്രദ്ധേയമാണ്. എന്നിട്ടും സര്‍ക്കാറിന്റെ സ്ത്രീ സുരക്ഷാ നയങ്ങള്‍ക്കുള്ള അംഗീകാരമാണ് കോടതി വിധിയെന്ന് ആത്മപ്രശംസ നടത്തിയ മുഖ്യമന്ത്രി പിണറായി വിജയന്‍ സ്വയം അപഹാസ്യനാവുകയാണ്. ശാസ്ത്രീയ കുറ്റാന്വേഷണ സംഘത്തിന്റെ വിജയമാണിതെന്നു തറപ്പിച്ചു പറയുന്ന ഡി.ജി.പി ലോക്‌നാഥ് ബെഹ്‌റയുടെ സാമാന്യബോധം പോലും മുഖ്യമന്ത്രിക്കില്ലാതെ പോയത് നാണക്കേടാണ്.
കേസിന്റെ വിധി കേട്ടയുടനെ എട്ടുകാലി മമ്മൂഞ്ഞി ചമയുന്ന ഇടതുപക്ഷത്തിന് ജിഷ വധത്തിനു ശേഷം (പിണറായി സര്‍ക്കാര്‍ അധികാരത്തിലേറിയതു മുതല്‍) ഇന്നുവരെ സംസ്ഥാനം കണ്ട സ്ത്രീ പീഡന കേസുകളെ കുറിച്ച് എന്തുപറയാനുണ്ട്?. സമീപകാലങ്ങളിലെ സംസ്ഥാനത്തിന്റെ സ്ത്രീ സുരക്ഷാ വീഴ്ചകളെ കുറിച്ചുള്ള ക്രൈം റിക്കാര്‍ഡ്‌സ് ബ്യൂറോയുടെ കണക്കും ഇതുസംബന്ധമായി പൊതുസമൂഹം ചര്‍ച്ചക്കെടുത്ത സമയവും കേരളത്തിലെ പ്രബുദ്ധജനതക്ക് നന്നായറിയാം. ഇത്തരം വിലകുറഞ്ഞ അവകാശവാദങ്ങള്‍ക്കപ്പുറം ഇനിയും ഈ കേസിലെ നീതിയെയും നിയമത്തെയും പരിരക്ഷിക്കാനുള്ള നടപടികളാണ് സര്‍ക്കാര്‍ സ്വീകരിക്കേണ്ടത്. പ്രതിഭാഗത്തിന്റെ മുമ്പില്‍ ഹൈക്കോടതിയും സുപ്രീംകോടതിയും പ്രതീക്ഷയായുണ്ട്. അവിടെ നിയമത്തിന്റെ പഴുതിലൂടെ പ്രതി രക്ഷപ്പെട്ടുകൂടാ. വധശിക്ഷയുടെ മാനവികതയെയും പരിഷ്‌കൃത സമൂഹത്തിലെ പ്രസക്തിയെയും കുറിച്ച് ലോകത്ത് ചര്‍ച്ചകള്‍ സജീവമെങ്കിലും ഇത്തരം കൊടുംകുറ്റവാളികള്‍ക്ക് ഇതല്ലാതെ മറ്റെന്തു ശിക്ഷ? അതിനാല്‍ കരഞ്ഞുണങ്ങിയ കണ്ണുകളുമായി കേരള ജനത പ്രാര്‍ത്ഥിച്ചു നേടിയ കോടതിവിധിയെ പരിരക്ഷിക്കാന്‍ കൂടുതല്‍ കരുതലുണ്ടാകുമെന്നാണ് പ്രതീക്ഷ.

Health

ജാഗ്രത വേണമെന്ന് ആരോഗ്യവകുപ്പ് വേനല്‍ കനത്തതോടെ ചിക്കന്‍ പോക്‌സ് പടരുന്നു

സ്വയം ചികിത്സ പാടില്ല. രോഗ ലക്ഷണങ്ങള്‍ ശ്രദ്ധയില്‍പ്പെട്ടാല്‍ എത്രയും വേഗം ചികിത്സ തേടണം.

Published

on

തിരുവനന്തപുരം: സംസ്ഥാനത്ത് ചൂട് തുടരുന്ന സാഹചര്യത്തില്‍ ചിക്കന്‍ പോക്സിനെതിരെ ജാഗ്രത പാലിക്കണമെന്ന് ആരോഗ്യ വകുപ്പ്. സ്വയം ചികിത്സ പാടില്ല. രോഗ ലക്ഷണങ്ങള്‍ ശ്രദ്ധയില്‍പ്പെട്ടാല്‍ എത്രയും വേഗം ചികിത്സ തേടണം. ശിശുക്കള്‍, കൗമാരപ്രായക്കാര്‍, മുതിര്‍ന്നവര്‍, ഗര്‍ഭിണികള്‍, പ്രതിരോധശേഷി കുറഞ്ഞവര്‍, കാന്‍സര്‍ ബാധിതര്‍, അവയവമാറ്റ ശസ്ത്രക്രിയ കഴിഞ്ഞവര്‍, കീമോതെറാപ്പി, സ്റ്റീറോയിഡ് മരുന്നുകള്‍ ഉപയോഗിക്കുന്നവര്‍, ദീര്‍ഘകാലമായി ശ്വാസകോശ/ ത്വക്ക് രോഗമുള്ളവര്‍ എന്നിവര്‍ക്ക് രോഗം ഗുരുതരമാകാന്‍ സാധ്യതയുള്ളതിനാല്‍ പ്രത്യേകം ശ്രദ്ധിക്കണം.

എന്താണ് ചിക്കന്‍ പോക്സ്

വേരിസെല്ലാ സോസ്റ്റര്‍ എന്ന വൈറസ് മൂലമുളള പകര്‍ച്ചവ്യാധിയാണ് ചിക്കന്‍ പോക്സ്. ഇതുവരെ ചിക്കന്‍ പോക്സ് വരാത്തവര്‍ക്കോ, വാക്സിന്‍ എടുക്കാത്തവര്‍ക്കോ ഈ രോഗം വരാന്‍ സാധ്യതയുണ്ട്.
രോഗപ്പകര്‍ച്ച

ചിക്കന്‍ പോക്സ്, ഹെര്‍പ്പിസ് സോസ്റ്റര്‍ രോഗമുളളവരുമായി അടുത്ത സമ്പര്‍ക്കത്തിലൂടെയും കുമിളകളിലെ സ്രവങ്ങളിലൂടെയും ചുമ, തുമ്മല്‍ എന്നിവയിലൂടെയുള്ള കണങ്ങള്‍ ശ്വസിക്കുന്നത് വഴിയും ചിക്കന്‍ പോക്സ് ബാധിക്കാം. ശരീരത്തില്‍ കുമിളകള്‍ പൊന്തി തുടങ്ങുന്നതിന് രണ്ട് ദിവസം മുന്‍പ് മുതല്‍ അവ ഉണങ്ങുന്നതു വരെ രോഗം പകരാം. 10 മുതല്‍ 21 ദിവസം വരെ രോഗലക്ഷണങ്ങള്‍ പ്രകടമാകും.

രോഗ ലക്ഷണങ്ങള്‍

പനി, ക്ഷീണം, ശരീരവേദന, വിശപ്പില്ലായ്മ, തലവേദന, ശരീരത്തില്‍ കുമിളകള്‍ എന്നിവയാണ് രോഗ ലക്ഷണങ്ങള്‍. മുഖം, ഉദരഭാഗം, നെഞ്ച്, പുറം, കൈകാലുകള്‍ എന്നിവിടങ്ങളില്‍ തടിപ്പുകളായി ആരംഭിച്ച് പിന്നീട് വെള്ളം കെട്ടിനില്‍ക്കുന്ന കുമിളകള്‍ വന്ന് നാലു മുതല്‍ ഏഴ് ദിവസത്തിനുള്ളില്‍ അവ പൊട്ടുകയോ ഉണങ്ങുകയോ ചെയ്യും.

കൂടുതല്‍ ശ്രദ്ധിക്കേണ്ടത്

4 ദിവസത്തില്‍ കൂടുതലുളള പനി, കഠിനമായ പനി, കുമിളകളില്‍ കഠിനമായ വേദന/ പഴുപ്പ്, അമിതമായ ഉറക്കം, ആശയകുഴപ്പം, സംഭ്രമാവസ്ഥ, നടക്കാനുള്ള ബുദ്ധിമുട്ട്, കഴുത്ത് വേദന, അടിക്കടിയുളള ഛര്‍ദ്ദില്‍, ശ്വാസംമുട്ട്, കഠിനമായ ചുമ, കഠിനമായ വയറുവേദന, രക്തസ്രാവം എന്നീ രോഗ ലക്ഷണങ്ങള്‍ കാണുന്നെങ്കില്‍ വളരെ ശ്രദ്ധിക്കണം. ഇവ ചിക്കന്‍ പോക്സിന്റെ സങ്കീര്‍ണതകളായ ന്യുമോണിയ, മസ്തിഷ്‌കജ്വരം, കരള്‍ വീക്കം, സെപ്സിസ് തുടങ്ങിയവയുടെ ലക്ഷണങ്ങളായതിനാല്‍ എത്രയും വേഗം ചികിത്സ തേടേണ്ടതാണ്.

രോഗം വന്നാല്‍ ശ്രദ്ധിക്കേണ്ടവ

വായു സഞ്ചാരമുളള മുറിയില്‍ പരിപൂര്‍ണമായി വിശ്രമിക്കുക. ധാരാളം വെളളം കുടിക്കുക. പഴവര്‍ഗങ്ങള്‍ കഴിക്കുക. മറ്റുളളവരുമായി നേരിട്ടുള്ള സമ്പര്‍ക്കം ഒഴിവാക്കുക. രോഗി ഉപയോഗിച്ച വസ്ത്രങ്ങളും മറ്റ് വസ്തുക്കളും മറ്റുളളവരുമായി പങ്കിടരുത്. അവ ബ്ലീച്ചിംഗ് ലായനി പോലുള്ള അണുനാശിനി ഉപയോഗിച്ച് അണുവിമുക്തമാക്കുക. ചൊറിച്ചിലുള്ള ഭാഗത്ത് കലാമിന്‍ ലോഷന്‍ പുരട്ടുക. ശരീരം മൃദുവായ നനഞ്ഞ തുണി കൊണ്ട് ഇടയ്ക്കിടെ ഒപ്പിയെടുക്കുക.ചിക്കന്‍ പോക്സ് ചികിത്സയിലാണെങ്കിലും സ്ഥിരമായി ഉപയോഗിച്ചു കൊണ്ടിരിക്കുന്ന മരുന്നുകള്‍ ഒന്നും തന്നെ നിര്‍ത്തരുത്.

Continue Reading

india

അരവിന്ദ് കെജ്രിവാളിന്റെ അറസ്റ്റ്: മാര്‍ച്ച് 31ന് ഇന്ത്യ മുന്നണിയുടെ മഹാറാലി

മാര്‍ച്ച് 31ന് രാംലീല മൈതാനിയിലാണ് പരിപാടിയെന്ന് ഡല്‍ഹി മന്ത്രിയും ആപ്പ് നേതാവുമായ ഗോപാല്‍ റായ് പറഞ്ഞു.

Published

on

ഡല്‍ഹി മുഖ്യമന്ത്രിയും ആം ആദ്മി പാര്‍ട്ടി നേതാവുമായ അരവിന്ദ് കെജ്രിവാളിനെ എന്‍ഫോഴ്‌സ്‌മെന്റ് ഡയറക്ടറേറ്റ് അറസ്റ്റ് ചെയ്തതില്‍ പ്രതിഷേധിച്ച് മഹാറാലിയുമായി ഇന്ത്യ മുന്നണി. മാര്‍ച്ച് 31ന് രാംലീല മൈതാനിയിലാണ് പരിപാടിയെന്ന് ഡല്‍ഹി മന്ത്രിയും ആപ്പ് നേതാവുമായ ഗോപാല്‍ റായ് പറഞ്ഞു.

രാജ്യത്ത് പ്രധാനമന്ത്രി നരേന്ദ്ര മോദിയുടെ ഏകാധിപത്യമാണ്. പ്രതിപക്ഷ പാര്‍ട്ടികളെ തകര്‍ക്കാന്‍ പ്രധാനമന്ത്രി അന്വേഷണ ഏജന്‍സികളെ ഉപയോഗിക്കുന്നു. അറസ്റ്റ് മാത്രമല്ല ബി.ജെ.പി ചെയ്തത്. ആം ആദ്മി പാര്‍ട്ടിയുടെ ഓഫീസ് സീല്‍ ചെയ്യുകയുമുണ്ടായി. നേതാക്കള്‍ക്ക് പാര്‍ട്ടി ആസ്ഥാനത്ത് എത്താന്‍ പോലും സാധിച്ചില്ല.

രണ്ട് വര്‍ഷമായി ഡല്‍ഹി മദ്യനയ അഴിമതിയില്‍ അന്വേഷണം നടത്തിയിട്ടും ഒന്നും കണ്ടെത്തിയിട്ടില്ല. ഇലക്ടറല്‍ ബോണ്ട് വിവരങ്ങള്‍ പുറത്തുവന്നപ്പോള്‍ അഴിമതി പണം എവിടെപ്പോയെന്നു വ്യക്തമായതാണ്. ബി.ജെ.പിക്കാണ് എല്ലാ അഴിമതി പണവും ലഭിച്ചത്. ബി.ജെ.പി ഇലക്ടറല്‍ ബോണ്ടിലൂടെ അഴിമതി നടത്തുകയായിരുന്നുവെന്നും അദ്ദേഹം പറഞ്ഞു.

ജനാധിപത്യത്തെ സംരക്ഷിക്കാനുള്ള പോരാട്ടമാണിതെന്ന് കോണ്‍ഗ്രസ് നേതാവ് അരവിന്ദര്‍ സിങ് ലൗലി പറഞ്ഞു. പ്രതിപക്ഷ സഖ്യത്തിലെ എല്ലാ പാര്‍ട്ടികളും ഒറ്റക്കെട്ടാണ്. ഞായറാഴ്ച നടക്കുന്ന റാലിയില്‍ ഇന്ത്യ സഖ്യത്തിലെ മുതിര്‍ന്ന നേതാക്കള്‍ പങ്കെടുക്കും. രാജ്യത്തെ സംരക്ഷിക്കാനാണ് റാലി.

ജനാധിപത്യവും സ്വാതന്ത്ര്യവും അട്ടിമറിക്കപ്പെടുകയാണ്. കോണ്‍ഗ്രസിന്റെ ബാങ്ക് അക്കൗണ്ടുകള്‍ മരവിപ്പിച്ചു. മുഖ്യമന്ത്രിമാര്‍ അറസ്റ്റിലാകുന്നു. എല്ലാ വിഭാഗം ജനങ്ങളെയും റാലിയിലേക്ക് സ്വാഗതം ചെയ്യുകയാണെന്നും അരവിന്ദര്‍ സിങ് ലൗലി കൂട്ടിച്ചേര്‍ത്തു.

Continue Reading

kerala

സ്വർണവില 50,000ലേക്ക്; പവന് 800 രൂപയാണ് ഇന്ന് വർധിച്ചത്

ഇന്ന് 800 രൂപ വര്‍ധിച്ച് ഒരു പവന്‍ സ്വര്‍ണത്തിന്റെ വില 49,440 രൂപയായി.

Published

on

സംസ്ഥാനത്ത് സ്വര്‍ണവില 50,000ലേക്ക്. ഓരോ ദിവസം കഴിയുന്തോറും റെക്കോര്‍ഡുകള്‍ ഭേദിച്ച് മുന്നേറുന്ന സ്വര്‍ണവില ഇന്ന് 49,000 കടന്നു. ഇന്ന് 800 രൂപ വര്‍ധിച്ച് ഒരു പവന്‍ സ്വര്‍ണത്തിന്റെ വില 49,440 രൂപയായി. ഗ്രാമിന് 100 രൂപയാണ് വര്‍ധിച്ചത്. 6180 രൂപയാണ് ഒരു ഗ്രാം സ്വര്‍ണത്തിന്റെ വില.

ഈ മാസത്തിന്റെ തുടക്കത്തില്‍ 46,320 രൂപയായിരുന്നു സ്വര്‍ണവില. മൂന്നാഴ്ചയ്ക്കിടെ 3000 രൂപയിലധികമാണ് വര്‍ധിച്ചത്. ഒന്‍പതിന് 48,600 രൂപയായി ഉയര്‍ന്നാണ് ആദ്യം സര്‍വകാല റെക്കോര്‍ഡിട്ടത്. ചൊവ്വാഴ്ച 48,640 രൂപയായി ഉയര്‍ന്ന് റെക്കോര്‍ഡ് തിരുത്തി. ഈ റെക്കോര്‍ഡ് മറികടന്നാണ് ഇന്ന് സ്വര്‍ണവില പുതിയ ഉയരം കുറിച്ചത്.

Continue Reading

Trending