Football
മറഡോണയെ കുറിച്ച് ഇപി ജയരാജന്റെ അനുസ്മരണം ഇങ്ങനെ
കഴിഞ്ഞ ദാവസമാണ് ഫുട്ബോള് ഇതിഹാസം ഡിയേഗോ മറഡോണ (60) അന്തരിച്ചത്. ഈ മാസം തലച്ചോറില് രക്തം കട്ടപിടിച്ചതിനെ തുടര്ന്ന് അടിയന്തിര ശസ്ത്രക്രിയയ്ക്കു വിധേയനാക്കിയ അദ്ദേഹത്തിന് പിന്വാങ്ങല് ലക്ഷണങ്ങളും (വിത്ത്ഡ്രോവല് സിംപ്റ്റംസ്) ഉണ്ടായിരുന്നു. ഹൃദയാഘാതത്തെ തുടര്ന്ന് ടിഗ്രെയിലെ സ്വവസതിയിലായിരുന്നു അന്ത്യം
മരിച്ച ഇതിഹാസതാരം ഡീഗോ മറഡോണയെ അനുസ്മരിച്ച് മന്ത്രി ഇപി ജയരാജന്. ക്യൂബയുമായും ഫിദല് കാസ്ട്രോയുമായും നല്ല അടുപ്പമായിരുന്നു അദ്ദേഹത്തിന് ഉണ്ടായിരുന്നതെന്ന് ഇപി ജയരാജന് പറഞ്ഞു.
കേരളത്തില് ഏറ്റവും കുടുതല് ആരാധകരുള്ള ടീമായി അര്ജന്റീന മാറാനുള്ള കാരണം മറഡോണയായിരുന്നുവെന്ന് അദ്ദേഹം പറഞ്ഞു. ഡിഗോ മറഡോണയ്ക്ക് ആദരാഞ്ജലിയുമായി നടത്തിയ ഫേസ്ബുക്ക് കുറിപ്പിലാണ് പരാമര്ശം. ഇടതുപക്ഷ ചിന്താഗതിക്കാരനായ മറഡോണയുടെ പ്രതികരണങ്ങള്ക്ക് എന്നും മഹത്തായ ആശയത്തിന്റെ ഉള്ക്കരുത്തുണ്ടായിരുന്നു.
ക്യൂബയുമായും ഫിദല് കാസ്ട്രോയുമായും നല്ല അടുപ്പമായിരുന്നു അദ്ദേഹത്തിന് ഉണ്ടായിരുന്നതെന്നും ഇപി ജയരാജന് കുറിക്കുന്നു. മറഡോണയെന്ന ഇതിഹാസത്തിനും ആ കളിമികവിനും ഫുട്ബോള് ആരാധകരുടെ മനസ്സില് ഒരിക്കലും മരണമില്ലെന്നും മന്ത്രി കുറിച്ചു.
കഴിഞ്ഞ ദിവസമാണ് ഫുട്ബോള് ഇതിഹാസം ഡിഗോ മറഡോണ (60) അന്തരിച്ചത്. ഈ മാസം തലച്ചോറില് രക്തം കട്ടപിടിച്ചതിനെ തുടര്ന്ന് അടിയന്തിര ശസ്ത്രക്രിയയ്ക്കു വിധേയനാക്കിയ അദ്ദേഹത്തിന് പിന്വാങ്ങല് ലക്ഷണങ്ങളും (വിത്ത്ഡ്രോവല് സിംപ്റ്റംസ്) ഉണ്ടായിരുന്നു. ഹൃദയാഘാതത്തെ തുടര്ന്ന് ടിഗ്രെയിലെ സ്വവസതിയിലായിരുന്നു അന്ത്യം.
1960 ഒക്ടോബര് 30ന് അര്ജന്റീനയിലെ ബ്യൂണസ് അയേഴ്സിലാണ് അദ്ദേഹം ജനിച്ചത്. അര്ജന്റീനയെ 1986ലെ ലോകകപ്പ് കിരീടത്തിലേക്കു നയിച്ചതില് ശ്രദ്ധേയമായ പങ്കുവഹിച്ചു. ഇരുപതാം നൂറ്റാണ്ടിലെ മികച്ച ഫുട്ബോള് കളിക്കാരന് എന്ന ഫിഫയുടെ ബഹുമതി പെലെക്കൊപ്പം മറഡോണ പങ്കുവക്കുന്നു.
അര്ജന്റീനോസ് ജൂനിയേഴ്സ്, ബോക്ക ജൂനിയേഴ്സ്, ബാഴ്സലോണ, നാപ്പോളി, സെവിയ്യ, നെവെല്സ് ഓള്ഡ് ബോയ്സ് എന്നീ പ്രമുഖ ക്ലബുകള്ക്ക് വേണ്ടി കളിച്ചിട്ടുണ്ട്. അന്താരാഷ്ട്രഫുട്ബോളില് അര്ജന്റീനക്ക് വേണ്ടി 91 കളികള് കളിച്ച മറഡോണ 34 ഗോളുകള് നേടിയിട്ടുണ്ട്.
1982 മുതല് 1994 വരെയുള്ള നാല് ലോകകപ്പുകളില് അര്ജന്റീനക്കു വേണ്ടി കളിച്ചിട്ടുണ്ട്. അതില് 1986ലെ ലോകകപ്പാണ് ഏറ്റവും അവിസ്മരണീയമാക്കിയത്. മറഡോണയുടെ നായകത്വത്തില് കളിച്ച അര്ജന്റീന ടീം ഫൈനലില് പശ്ചിമ ജര്മ്മനിയെ പരാജയപ്പെടുത്തി ലോകകപ്പ് നേടി. മികച്ച കളിക്കാരനുള്ള ഗോള്ഡന് ബോള് മറഡോണയെ തേടിയെത്തുകയും ചെയ്തു.
ഈ ടൂര്ണമെന്റിലെ ക്വാര്ട്ടര് ഫൈനലില് ഇംഗ്ലണ്ടിനെതിരെയുള്ള കളിയില് മറഡോണ നേടിയ രണ്ടു ഗോളുകള് ചരിത്രത്തിലിടംപിടിച്ചു. റഫറിയുടെ ശ്രദ്ധയില്പ്പെടാതെ കൈ കൊണ്ട് തട്ടിയിട്ട് നേടിയ ആദ്യത്തെ ഗോള് ‘ദൈവത്തിന്റെ കൈ’ എന്ന പേരിലും, ആറ് ഇംഗ്ലണ്ട് കളിക്കാരെ വെട്ടിച്ച് 60 മീറ്റര് ഓടി നേടിയ രണ്ടാം ഗോള് ‘നൂറ്റാണ്ടിന്റെ ഗോള്’ എന്നും വിശേഷിപ്പിക്കപ്പെടുന്നു. കളിയില് ഒന്നിനെതിരെ രണ്ടു ഗോളുകള്ക്ക് അര്ജന്റീന ഇംഗ്ലണ്ടിന്റെ തോല്പ്പിച്ചു.
Football
10 മിനിറ്റിനുള്ളില് മെസ്സിയുടെ കൊല്ക്കത്ത പരിപാടിയില് അരാജകത്വം; രോഷാകുലരായ ആരാധകര് കുപ്പികള് എറിഞ്ഞു
കൊല്ക്കത്തയില് ലയണല് മെസ്സിയെ കാണാന് 5000 രൂപയും അതില് കൂടുതലും നല്കിയ ആരാധകര്ക്ക് ജീവിതത്തില് ഒരിക്കല് മാത്രം സംഭവിക്കുന്ന നിമിഷം വിവേകാനന്ദ യുവഭാരതി സാള്ട്ട്ലേക്ക് സ്റ്റേഡിയത്തില് അരാജകത്വത്തിലേക്ക് ഇറങ്ങി. തങ്ങളുടെ ഫുട്ബോള് ആരാധനാപാത്രത്തെ കാണാന് മാസങ്ങളോളം കാത്തിരുന്ന ഫാന്സ് മൈതാനത്തെ അര്ജന്റീന ഐക്കണിന്റെ രൂപം ഗണ്യമായി വെട്ടിക്കുറച്ചപ്പോള് നിരാശരായി. തിരക്കിനും ആശയക്കുഴപ്പത്തിനും ഇടയില് സ്ഥിതിഗതികള് പരന്നു.
സ്റ്റേഡിയത്തില് മെസ്സിയുടെ ആസൂത്രിത ലാപ്പ് ഒരിക്കലും ശരിയായി യാഥാര്ത്ഥ്യമായില്ല. അദ്ദേഹം മൈതാനത്തിറങ്ങിയപ്പോള്, രാഷ്ട്രീയക്കാരും ഉദ്യോഗസ്ഥരും സെലിബ്രിറ്റികളും അവരുടെ കുടുംബാംഗങ്ങളും പാപ്പരാസികളുടെ സാന്നിധ്യവും അദ്ദേഹത്തെ ഉടന് വളഞ്ഞു. മെസ്സിക്ക് ചുറ്റുമുള്ള തിരക്ക് വളരെ തീവ്രമായിത്തീര്ന്നു. അദ്ദേഹത്തിന്റെ സുരക്ഷാ ടീം ലാപ്പ് പൂര്ണ്ണമായും ഉപേക്ഷിക്കാന് നിര്ബന്ധിതരായി. വിശാലമായ ജനക്കൂട്ടവുമായുള്ള അദ്ദേഹത്തിന്റെ ആശയവിനിമയം ഗണ്യമായി പരിമിതപ്പെടുത്തി. സൂപ്പര്താരം അധികനേരം നില്ക്കില്ലെന്ന വാര്ത്ത പരന്നതോടെ സ്റ്റാന്ഡില് അശാന്തി പടര്ന്നു.
10 മിനിറ്റിനുള്ളില് മെസ്സി മൈതാനം വിട്ടതോടെ പിരിമുറുക്കം ഉയര്ന്നു. ഇത് കാണികളുടെ ഒരു വിഭാഗത്തില് രോഷത്തിന് കാരണമായി. അതിരാവിലെ തന്നെ സ്റ്റേഡിയത്തില് എത്തിയിരുന്ന ആരാധകര്, ആസൂത്രണത്തെയും പ്രവേശന ക്രമീകരണങ്ങളെയും ചോദ്യം ചെയ്തു. പ്രത്യേകിച്ചും അവിസ്മരണീയമായ അനുഭവം പ്രതീക്ഷിച്ച് പ്രീമിയം വിലകള് നല്കിയ ശേഷം. കുപ്പികള് വലിച്ചെറിയുകയും ഹോര്ഡിംഗുകള്ക്ക് കേടുപാടുകള് സംഭവിക്കുകയും വേദിക്കുള്ളില് പ്രതിഷേധം പൊട്ടിപ്പുറപ്പെട്ടതോടെ സുരക്ഷാ ഉദ്യോഗസ്ഥര്ക്ക് ഇടപെടേണ്ടി വരികയും ചെയ്തു.
മെസ്സിയുടെ ഹ്രസ്വമായ രൂപം അശാന്തിയുടെ ഫ്ലാഷ് പോയിന്റായി മാറി. മറ്റ് വിവിഐപികള്ക്കൊപ്പം കനത്ത സുരക്ഷയില് അകമ്പടിയായി, ലോകകപ്പ് ജേതാവ് സ്റ്റേഡിയത്തില് നിന്ന് പുറത്തിറങ്ങി. ആയിരക്കണക്കിന് അനുയായികളെ അമ്പരപ്പിക്കുകയും നിരാശരാക്കുകയും ചെയ്തു.
Football
ആവേശത്തേരില് ഇതിഹാസം ഇന്ത്യയില്
മൂന്ന് ദിവസത്തെ പര്യടനത്തിന്റെ ആദ്യ നാള് കൊല്ക്ക ത്തയിലും ഹൈദരാബാദിലുമായി വിവിധ പരിപാടികളില് അദ്ദേഹം പങ്കെടുത്തു.
കൊല്ക്കത്ത ഇന്ത്യന് ഫുട്ബോള് ആവേശത്തിലേക്ക് ഇതിഹാസ താരം ലിയോ മെസി പറന്നിറങ്ങി. മൂന്ന് ദിവസത്തെ പര്യടനത്തിന്റെ ആദ്യ നാള് കൊല്ക്ക ത്തയിലും ഹൈദരാബാദിലുമായി വിവിധ പരിപാടികളില് അദ്ദേഹം പങ്കെടുത്തു. രാവിലെ സാള്ട്ട്ലെക്ക് സ്റ്റേഡിയത്തിലെ പരിപാടി സുരക്ഷാ പ്രശ്നനങ്ങളില് അലങ്കോലമായി. ഇതിഹാസത്തെ നേരില് കാണാന് വിലക്ക് ടിക്കറ്റ് വാങ്ങി സാള്ട്ട്ലെക്കില് രാവിലെ തന്നെ തടിച്ചുകൂടിയത് 80,000 ത്തോളം ഫാന്സ്. അത്രത്തോളം ആരാധകര് പുറത്തും. എന്നാല് സുരക്ഷാ സംവിധാനങ്ങള് പാളിയപ്പോള് സംഘാടകര്ക്ക് പിടിച്ചുനില്ക്കാനായില്ല. വി.വി.ഐ.പികള് മെസിക്ക് ചുറ്റും നിറഞ്ഞതായിരുന്നു പ്രശ്നമായത്. വലിയപരിപാടികള് നടത്തി മുന് പരിചയമില്ലാത്ത മുഖ്യ സംഘാടകന് വലിയ ആള്ക്കൂട്ടത്തിന് നടുവില് ഒന്നും ചെയ്യാനായില്ല. സാള്ട്ട്ലെക്കില് മെസി 30 മിനുട്ട് മാത്രമായിരുന്നു ഉണ്ടായിരുന്നത്. ഇതോടെ സംഘാടകര്ക്കെതിരെ ശക്തമായ ശബ്ദം ഉയര്ത്തി ജനമിറങ്ങി. മെസി പോയതും അ വര് മൈതാനത്തേക്കിറങ്ങി പവിലിയന് തല്ലി തകര്ത്തു. ഒടുവില് പൊലീസെത്തിയാണ് രംഗം ശാന്തമാക്കിയത്. മുഖ്യസംഘാടകരെ അറസ്റ്റ് ചെയ്ത പൊലിസ് ടിക്കറ്റ് നിരക്ക് റിഫണ്ട് ചെയ്യാനും നിര്ദ്ദേശിച്ചതായി കൊല്ക്കത്ത ഡി.ജിപി രാജീവ് കുമാര് അറിയിച്ചു. രണ്ട് മണിക്കൂറോളം മെസി സാള്ട്ട്ലെക്കിലുണ്ടാവുമെന്നായിരുന്നു സംഘാടകര് അറിയിച്ചത്. പുലര്ച്ചെ ദുബൈയില് നിന്നും കൊല്ക്കത്തയില് വിമാനമിറങ്ങിയ മെസി സ്വന്തം കുറ്റന് പ്രതിമ വെര്ച്വലായി അനാഛാദനം ചെയ്താണ് മഹാനഗരത്തിലെ പരിപാടികള്ക്ക് തുടക്കമിട്ടത്. സഹതാരങ്ങളും പ്രിയമിത്രങ്ങളുമായ റോഡ്രിഗോ ഡി പോള്, ലുയിസ് സുവാരസ് എന്നിവരും ഇതിഹാസത്തിനൊപ്പമുണ്ടായിരുന്നു. കൊല്ക്കത്തയില് നിന്നും ഉച്ചതിരിഞ്ഞ് അദ്ദേഹം ഹൈദരാബാദിലേക്ക് പോയി. തെലങ്കാന മുഖ്യമന്ത്രി രേവന്ത് റെഡ്ഡി, ലോക്സഭയി ലെ പ്രതിപക്ഷ നേതാവ് രാഹുല് ഗാന്ധി തുടങ്ങിയവര്ക്കൊപ്പം പങ്കെടുത്ത സൂപ്പര് താരം ഇന്ന് മുംബൈയിലുണ്ട്. കൊല്ക്കത്ത സംഭവങ്ങളുടെ പശ്ചാത്തലത്തില് മുംബൈയില് വന് സുരക്ഷയാണ്. നാളെ ഡല്ഹിയിലെത്തി മെസി പ്രധാനമന്ത്രി നരേന്ദ്ര മോദിയെ കാണും. അതിന് ശേഷം അദ്ദേഹം മടങ്ങും.
Football
സൂപ്പര് ലീഗ് കേരളയുടെ സെമി ഫൈനല് മത്സരം മാറ്റിവെച്ചു
തൃശൂര് മാജിക് എഫ്സിയും മലപ്പുറം എഫ്സിയും തമ്മിലുള്ള മത്സരമാണ് മാറ്റിവെച്ചത്
തൃശൂര്: പൊലീസിന്റെ നിര്ദേശത്തെ തുടര്ന്ന് ഇന്ന് നടക്കാനിരുന്ന സൂപ്പര് ലീഗ് കേരളയുടെ സെമി ഫൈനല് മത്സരം മാറ്റിവെച്ചു. ഇന്ന് രാത്രി 7:30ന് തൃശൂര് കോര്പറേഷന് സ്റ്റേഡിയത്തില് നടക്കേണ്ട തൃശൂര് മാജിക് എഫ്സി – മലപ്പുറം എഫ്സി മത്സരം മാറ്റിവയ്ക്കാന് സിറ്റി പൊലീസ് കമ്മീഷണര് നിര്ദേശം നല്കിയിരുന്നു.
മത്സരത്തില് പങ്കാളികളാവരുതെന്ന് ടീമുകള്ക്ക് തൃശൂര് സിറ്റി പൊലീസ് കമ്മീഷണര് കത്ത് നല്കി. തദേശ തെരഞ്ഞെടുപ്പ് വോട്ടെണ്ണല് കഴിഞ്ഞ് മറ്റൊരു ദിവസം മത്സരം സംഘടിപ്പിക്കണമെന്നും നിര്ദേശം. തദേശ തെരഞ്ഞെടുപ്പിന് ഒപ്പം ശബരിമല ഡ്യൂട്ടി കൂടി ഉള്ളതുകൊണ്ട് ആവശ്യത്തിന് സേനയെ വിന്യസിക്കാന് കഴിയില്ലെന്ന് പൊലീസ് അറിയിച്ചു.
തുടര്ന്നാണ് മത്സരം മാറ്റിവെക്കാനുള്ള നിര്ദേശം പുറപ്പെടുവിച്ചത്. നിര്ദേശം മറികടന്ന് മത്സരം നടത്തിയാല് നടപടിയുണ്ടാകുമെന്നും മുന്നറിയിപ്പ് നല്കിയിരുന്നു. സംഘാടകരായ സൂപ്പര് ലീഗ് കേരള, തൃശൂര് മാജിക് എഫ്സി, മലപ്പുറം എഫ് സി ടീമുകള്ക്ക് പൊലീസ് കത്തു നല്കിയിട്ടുണ്ട്.
അതേസമയം പത്താം തീയതി നടക്കാനിരുന്ന കാലിക്കറ്റ് എഫ്സി കണ്ണൂര് വാരിയേഴ്സ് രണ്ടാം സെമി മത്സരവും മാറ്റി. പുതുക്കിയ തീയതികള് പിന്നീട് അറിയിക്കും.
-
kerala16 hours agoയുഡിഎഫില് വിശ്വാസം അര്പ്പിച്ച കേരള ജനതയ്ക്ക് സല്യൂട്ട്; രാഹുല് ഗാന്ധി
-
news2 days agoനടി ആക്രമിക്കപ്പെട്ട കേസ്; പ്രതികള്ക്ക് 20 വര്ഷം തടവും 50000 രൂപ പിഴയും
-
Sports3 days agoകൂച്ച് ബെഹാര് ട്രോഫിയില് ഇഞ്ചോടിഞ്ച് പോരാട്ടം; ആറു റണ്സിന് കേരളത്തിന് തോല്വി
-
kerala2 days agoഅമ്മയില് ദിലീപിനെ തിരിച്ചെടുക്കുന്നതില് യാതൊരു ചര്ച്ചയും നടന്നിട്ടില്ല; ശ്വേത മേനോന്
-
india3 days agoഇന്ത്യന് ജലാതിര്ത്തിയില് പാക് മത്സ്യബന്ധന ബോട്ട് പിടികൂടി; 11 പേര് കസ്റ്റഡിയില്
-
kerala3 days agoഇരട്ടവോട്ട് ശ്രമം; രണ്ട് പേരെ പൊലീസ് പിടികൂടി
-
india3 days agoസ്കൂള് വിദ്യാര്ത്ഥിനികളോട് മോശമായി പെരുമാറിയ അധ്യാപകനെ രക്ഷിതാക്കളും നാട്ടുകാരും മര്ദിച്ച് പൊലീസിന് കൈമാറി
-
kerala2 days agoനീതി ലഭിച്ചില്ലെന്ന് അതിജീവിത പറയുമ്പോള്, നീതി ലഭിച്ചു എന്ന് നമുക്കെങ്ങനെ പറയാന് കഴിയും; പ്രേംകുമാര്