Culture
ഗോവ വിശ്വാസ വോട്ടെടുപ്പ്: ഭൂരിപക്ഷം തെളിയിച്ച് മനോഹര്‍ പരീക്കര്‍
പനാജി: ഗോവ നിയമസഭയില്‍ ഭൂരിപക്ഷം തെളിയിച്ച് ബിജെപി സര്‍ക്കാര്‍. സുപ്രീം കോടതിയുടെ നിര്‍ദേശ പ്രകാരം വിളിച്ചു ചേര്‍ത്ത പ്രത്യേക നിയമസഭാ സമ്മേളനത്തിലാണ് പരീക്കര്‍ സര്‍ക്കാര്‍ വിശ്വാസ വോട്ട് നേടിയത്. മനോഹര്‍ പരീക്കര്‍ സര്‍ക്കാരിന് 22 അംഗങ്ങളുടെ പിന്തുണയാണ് ലഭിച്ചത്. മൂന്ന് സ്വതന്ത്രരും ബിജെപിയെ പിന്തുണച്ചു.
അതേ സമയം വിശ്വാസ പ്രമേയത്തെ എതിര്‍ത്ത് വോട്ട് ചെയ്ത 17 എംഎല്‍എമാരുള്ള കോണ്‍ഗ്രസിന് 16 വോട്ടുകള്‍ മാത്രമാണ് കിട്ടിയത്. കോണ്‍ഗ്രസ് എംഎല്‍എ വിശ്വജിത് റാണെ വോട്ടെടുപ്പിനിടയില്‍ ഇറങ്ങിപ്പോയതാണ് കോണ്‍ഗ്രസിന്റെ വോട്ടില്‍ ചോര്‍ച്ചയുണ്ടാക്കിയത്. ഗോവയില്‍ 13 സീറ്റില്‍ വിജയിച്ച ബിജെപി രണ്ടാമത്തെ വലിയ ഒറ്റകക്ഷി മാത്രമായിരുന്നു. പക്ഷേ പ്രാദേശിക പാര്‍ട്ടികളേയും സ്വതന്ത്രരേയും ഒപ്പം നിര്‍ത്താന്‍ ബിജെപിക്ക് സാധിച്ചതോടെയാണ് സര്‍ക്കാര്‍ രൂപീകരണം സാധ്യമായത്.
ബിജെപിയുടെ പഴയ സഖ്യകക്ഷിയായ മഹാരാഷ്ട്രവാദി ഗോമന്തക് പാര്‍ട്ടിയും (എംജിപി), ഗോവ ഫോര്‍വേഡ് പാര്‍ട്ടിയും മൂന്ന് സീറ്റുകളില്‍ വിജയിച്ചിരുന്നു. ഈ രണ്ട് പാര്‍ട്ടികളും പിന്തുണ പ്രഖ്യാപിച്ചതോടെയാണ് ബിജെപിക്ക് കാര്യങ്ങള്‍ എളുപ്പമായത്. മൂന്ന് സ്വതന്ത്രര്‍ കൂടി ഒപ്പം നിന്നതോടെ ബിജെപിക്ക് 22 എന്ന നിലയില്‍ കേവല ഭൂരിപക്ഷത്തിലും ഒരു വോട്ട് അധികം കിട്ടി. കേന്ദ്ര പ്രതിരോധമന്ത്രി സ്ഥാനം രാജിവെച്ച് പരീക്കറുടെ ഗോവയിലേക്കുള്ള മടങ്ങിവരവാണ് പ്രാദേശിക പാര്‍ട്ടികള്‍ ബിജെപിക്ക് ഒപ്പം നില്‍ക്കാന്‍ കാരണം. എന്‍.സി.പി ബി.ജെ.പിക്കു പിന്തുണ നല്‍കുമെന്ന് നേരത്തെ അറിയിച്ചിരുന്നെങ്കിലും വോട്ടെടുപ്പില്‍ നിന്നും വിട്ടു നില്‍ക്കുകയായിരുന്നു. 17 സീറ്റ് നേടിയിട്ടും വലിയ ഒറ്റ കക്ഷിയായിട്ടും കേവല ഭൂരിപക്ഷത്തിനുള്ള 21 തികയ്ക്കാന്‍ ചെറുകക്ഷികളെ ഒപ്പം നിര്‍ത്താന്‍ കോണ്‍ഗ്രസ് ദേശീയ നേതൃത്വത്തിന് കഴിയാതെ വന്നത് ഗോവ കോണ്‍ഗ്രസില്‍ പൊട്ടിത്തെറിക്ക് കാരണമായിരുന്നു. സര്‍ക്കാര്‍ രൂപീകരിക്കാന്‍ മുന്നിട്ടിറങ്ങുന്നതില്‍ പാര്‍ട്ടി നേതൃത്വം കാണിച്ച അലംഭാവമാണ് ബിജെപി മുതലെടുത്തതെന്നും വിജയിച്ചിട്ടും കേവല ഭൂരിപക്ഷത്തിന് നാല് പേരെ കൂടി ഒപ്പം നിര്‍ത്താന്‍ കഴിയാത്തത് വലിയ വീഴ്ചയാണെന്നുമാണ് ഗോവയിലെ കോണ്‍ഗ്രസുകാരുടെ പൊതുവികാരം. സര്‍ക്കാര്‍ രൂപീകരണത്തില്‍ വീഴ്ച്ച വരുത്തിയ നേതാക്കള്‍ക്കെതിരെ നടപടി ആവശ്യപ്പെട്ട് ഗോവ കോണ്‍ഗ്രസ് എംഎല്‍എമാരില്‍ ഒരു വിഭാഗം പാര്‍ട്ടി ഉപാധ്യക്ഷന്‍ രാഹുല്‍ ഗാന്ധിയെ സമീപിച്ചിരുന്നു. അതേ സമയം വിശ്വാസ വോട്ട് നേടിയ ശേഷം കോണ്‍ഗ്രസ് നേതൃത്വത്തെ പരിഹസിച്ച് മുഖ്യമന്ത്രി പരീക്കര്‍ രംഗത്തെത്തി. ഗോവയില്‍ അവധി ആഘോഷിക്കാന്‍ മാത്രമായെത്തിയാല്‍ ഇങ്ങനെയിരിക്കും കാര്യങ്ങളെന്നായിരുന്നു അദ്ദേഹത്തിന്റെ പ്രതികരണം. നിയമസഭയില്‍ വിശ്വാസവോട്ട് നേടിയതിന് ശേഷം പ്രതികരിക്കവെയാണ് കോണ്‍ഗ്രസ് ദേശീയ നേതൃത്വത്തേയും ഗോവയുടെ ചുമതലയുള്ള എഐസിസി ജനറല്‍ സെക്രട്ടറി ദിഗ് വിജയ് സിങിനേയും കുത്തിയുള്ള പരീക്കറുടെ പ്രതികരണം.
Film
തർക്കം പരിഹരിച്ചു; പിവിആറിൽ മലയാള സിനിമകൾ പ്രദർശിപ്പിക്കും
നാളെ മുതൽ പിവിആർ സിനിമാസിൽ മലയാളം സിനിമകൾ പ്രദർശിപ്പിക്കും.
Film
‘പിവിആർ സിനിമാസിനെ ബഹിഷ്ക്കരിക്കും’; മലയാള സിനിമ പ്രദർശിപ്പിക്കില്ലെന്ന നിലപാടിനെതിരെ ഫെഫ്ക
ഇന്ത്യയിലെ മുഴുവൻ സ്ക്രീനുകളിലെയും മലയാള സിനിമകളുടെ ബുക്കിങ്ങാണ് പിവിആർ ഏപ്രിൽ 11-ന് ബഹിഷ്കരിച്ചത്
Film
ലാഭവിഹിതം വാഗ്ദാനം ചെയ്ത് കബളിപ്പിച്ചതായി പരാതി; ‘മഞ്ഞുമ്മല്‍ ബോയ്സ്’ നിര്‍മ്മാതാക്കളുടെ ബാങ്ക് അക്കൗണ്ട് മരവിപ്പിച്ചു
സിനിമയ്ക്കായി 7 കോടി രൂപ മുടക്കിയിട്ടു ലാഭവിഹിതമോ മുടക്കുമുതലോ നൽകിയില്ലെന്നു പരാതിയിൽ പറയുന്നു
-
FOREIGN3 days agoഇറാനുമായി ഏറ്റുമുട്ടാനിലെന്ന് അമേരിക്ക; ഇസ്രാഈലിനോട് നയം വ്യക്തമാക്കിയെന്ന് റിപ്പോര്ട്ട്
-
News3 days agoഇസ്രാഈലിനെതിരായ ആക്രമണം: ഇറാന് ഉപയോഗിച്ചത് 185 ഡ്രോണുകളും 36 ക്രൂയിസ് മിസൈലുകളും
-
crime3 days agoപാലക്കാട്ട് യുവതിയെ കുത്തിവീഴ്ത്തി കത്തിച്ചുകൊന്നു; പ്രതി ആത്മഹത്യ ചെയ്തു
-
Education3 days agoകീം 2024 : ഏപ്രിൽ 17 വരെ അപേക്ഷിക്കാം
-
kerala3 days ago‘വടകരയിൽ ആദ്യത്തെ വിഷു സ്നേഹത്തിന്റെ വിഷുവായി മാറും’: ഷാഫി പറമ്പിൽ
-
india3 days agoബെംഗളൂരുവിൽ മുതിർന്ന പൗരൻമാരുടെ പോസ്റ്റൽ വോട്ട് ചെയ്യിക്കാൻ ഉദ്യോഗസ്ഥർക്കൊപ്പം ബി.ജെ.പി ഏജന്റും എത്തിയതായി പരാതി
-
gulf2 days agoറഹീമിനായുള്ള ദയാധനം നാളെ ഇന്ത്യൻ എംബസിക്കു കൈമാറും
-
india3 days ago‘ബി.ജെ.പി ഞങ്ങളെ ചൂഷണം ചെയ്തുകൊണ്ടേയിരുന്നു’; കശ്മീരി പണ്ഡിറ്റുകളുടെ സംഘടന കോണ്‍ഗ്രസില്‍ ലയിച്ചു