Connect with us

india

നിങ്ങളുടെ പോരാട്ടത്തിന് ഞാന്‍ സാക്ഷിയാണ്; അന്തസ്സോടെ ശക്തനായി നിലനില്‍ക്കൂ- അനുരാഗിന് പിന്തുണയുമായി കല്‍ക്കി

എല്ലാത്തിനേയും തകര്‍ക്കുന്ന ഈ വെര്‍ച്വല്‍ ലോകത്തിപ്പുറം നിങ്ങള്‍ക്ക് പരിചിതമായ അന്തസ്സുള്ളൊരു സ്ഥലമുണ്ട്. നിങ്ങള്‍ ചെയ്യാനുള്ളതെല്ലാം ചെയ്തുകൊണ്ട് ആ അന്തസ്സില്‍ നിങ്ങള്‍ ശക്തനായി നിലനില്‍ക്കൂ, എ്ന്നും മുന്‍ ഭാര്യ പിന്തുണ നല്‍കി കുറിച്ചു
വീട്ടിലേക്ക് വിളിച്ച് ലൈംഗിക ബന്ധത്തിന് നിര്‍ബന്ധിച്ചു എന്ന ആരോപണമാണ് നടി നടി പായല്‍ ഘോഷ് ഉയര്‍ത്തിയത്. പറയുന്നത്. എന്നാല്‍, ആരോപണം നിക്ഷേധിച്ചുകൊണ്ട് അനുരാഗ് രംഗത്തെത്തി. തപ്‌സി പന്നു അടക്കം ബോളിവുഡിലെ നിരവധി നടിമാരാണ് അനുരാഗിനെ പിന്തുണച്ചുകൊണ്ട് രംഗത്തെത്തിയത്.

Published

on

മുബൈ: ലൈംഗിക ആരോപണം നേരിടുന്ന ആക്ടിവിസ്റ്റും സംഘ്പരിവാര്‍ വിരുദ്ധനുമായ സംവിധായകന്‍ അനുരാഗ് കശ്യപിന് പിന്തുണയുമായി അദ്ദേഹത്തിന്റെ മുന്‍ ഭാര്യയും നടിയുമായ കല്‍ക്കി. വിവാഹബന്ധം വേര്‍പെട്ടതിന് ശേഷവും തന്റെ അവകാശത്തിനുവേണ്ടി നിലകൊണ്ട ആളാണ് അനുരാഗെന്നും വ്യക്തി ജീവിതത്തിലും പ്രൊഫഷണല്‍ ജീവിതത്തിലും സ്ത്രീകളുടെ അവകാശത്തിനുവേണ്ടി സംസാരിക്കുന്ന ആളാണ് അദ്ദേഹമെന്നതില്‍ താന്‍ സാക്ഷിയാണെന്നും, ഏറെ വൈകാരികമായ കുറിപ്പില്‍ കല്‍ക്കി പറഞ്ഞു. അനുരാഗിനെതിരെ ബോളിവുഡ് നടി പായല്‍ ഘോഷ് ലൈംഗിക ആരോപണവുമായി രംഗത്തെത്തിയതിന് പിന്നാലെയാണ് ട്വിറ്ററില്‍ കല്‍ക്കി തന്റെ അനുഭവം കുറിച്ചത്. എല്ലാത്തിനേയും തകര്‍ക്കുന്ന ഈ വെര്‍ച്വല്‍ ലോകത്തിപ്പുറം നിങ്ങള്‍ക്ക് പരിചിതമായ അന്തസ്സുള്ളൊരു സ്ഥലമുണ്ട്. നിങ്ങള്‍ ചെയ്യാനുള്ളതെല്ലാം ചെയ്തുകൊണ്ട് ആ അന്തസ്സില്‍ നിങ്ങള്‍ ശക്തനായി നിലനില്‍ക്കൂ, എ്ന്നും മുന്‍ ഭാര്യ പിന്തുണ നല്‍കി കുറിച്ചു.

കല്‍ക്കിയുടെ കുറിപ്പ് വായിക്കാം

പ്രിയപ്പെട്ട അനുരാഗ്, ഈ സോഷ്യല്‍ മീഡിയ സര്‍ക്കസ് നിങ്ങളെ ബാധിക്കാതിരിക്കാന്‍ ശ്രദ്ധിക്കൂ. സ്ത്രീകളുടെ സ്വാതന്ത്ര്യത്തിനുവേണ്ടി നിങ്ങളുടെ സ്‌ക്രിപ്റ്റിലൂടെ പോരാടിയിട്ടുള്ള ആളാണ് നിങ്ങള്‍. അവരുടെ അവകാശത്തിനായി വ്യക്തി ജീവിതത്തിലും പ്രൊഫഷണല്‍ ജീവിതത്തിലും നിങ്ങള്‍ പോരാടി. ഞാന്‍ അതിന് സാക്ഷിയായിട്ടുണ്ട്. വ്യക്തി ജീവിതത്തിലും പ്രൊഫണല്‍ ജീവിതത്തിലും എന്നെ തുല്യയായിട്ടാണ് നിങ്ങള്‍ എന്നും കണ്ടത്. വിവാഹത്തിന് ശേഷം പോലും എന്റെ അവകാശങ്ങള്‍ക്കായി നിങ്ങള്‍ നിലകൊണ്ടു. നമ്മള്‍ ഒരുമിക്കുന്നതിന് മുന്‍പ് തന്നെ ജോലി സ്ഥലത്ത് ഞാന്‍ അരക്ഷിതത്വം അനുഭവിച്ചപ്പോഴൊക്കെ എന്നെ പിന്തുണച്ചിട്ടുണ്ട്. തെറ്റായ പ്രചരണങ്ങളിലൂടെ ആര്‍ക്കും ആരെയും താറടിക്കാന്‍ കഴിയുന്ന വിചിത്രമായ സമയമാണ് ഇത്. ഇത് കുടുംബങ്ങളേയും സുഹൃത്തുക്കളേയും രാജ്യങ്ങളേയും തകര്‍ക്കും. എന്നാല്‍ ഈ ക്രൂരമായ വെര്‍ച്വല്‍ ലോകത്തിന് അപ്പുറം അന്തസ്സുള്ള ഒരു സ്ഥലമുണ്ട്. ചുറ്റുമുള്ളവരുടെ ആവശ്യങ്ങളെ കേള്‍ക്കുന്ന, കരുണയുള്ള ആരും നോക്കാത്ത ഒരു സ്ഥലം. നിങ്ങള്‍ക്ക് അത് പരിചിതമാണെന്ന് എനിക്കറിയാം. ആ അന്തസ്സില്‍ നിങ്ങള്‍ പിടിച്ചുനില്‍ക്കൂ. നിങ്ങള്‍ ചെയ്യാനുള്ളതെല്ലാം ചെയ്തുകൊണ്ട് ശക്തനായി നിലനില്‍ക്കൂ. സ്നേഹത്തോടെ മുന്‍ ഭാര്യ

വീട്ടിലേക്ക് വിളിച്ച് ലൈംഗിക ബന്ധത്തിന് നിര്‍ബന്ധിച്ചു എന്ന ആരോപണമാണ് നടി നടി പായല്‍ ഘോഷ് ഉയര്‍ത്തിയത്. പറയുന്നത്. എന്നാല്‍, ആരോപണം നിക്ഷേധിച്ചുകൊണ്ട് അനുരാഗ് രംഗത്തെത്തി. തപ്‌സി പന്നു അടക്കം ബോളിവുഡിലെ നിരവധി നടിമാരാണ് അനുരാഗിനെ പിന്തുണച്ചുകൊണ്ട് രംഗത്തെത്തിയത്.

Continue Reading
Advertisement
Click to comment

Leave a Reply

Your email address will not be published. Required fields are marked *

india

ടി.ആര്‍.എസ് ഇനി ബി.ആര്‍.എസ്; പുതിയ ദേശീയ പാര്‍ട്ടി പ്രഖ്യാപിച്ച് ചന്ദ്രശേഖര്‍ റാവു

ഇതോടെ തെലങ്കാന രാഷ്ട്രസമിതി പാര്‍ട്ടി ഇനി മുതല്‍ ഭാരത് രാഷ്ട്ര സമിതി എന്ന പേരില്‍ അറിയപ്പെടും.

Published

on

ദേശീയ രാഷ്ട്രീയത്തിലേക്കുള്ള പ്രവേശനമറിയിച്ച് തെലങ്കാന മുഖ്യമന്ത്രി ചന്ദ്രശേഖര്‍ റാവു. പുതിയ പാര്‍ട്ടിയുടെ പേര് പ്രഖ്യാപിച്ചിരിക്കുകയാണ് അദ്ദേഹം. ഇതോടെ തെലങ്കാന രാഷ്ട്രസമിതി പാര്‍ട്ടി ഇനി മുതല്‍ ഭാരത് രാഷ്ട്ര സമിതി എന്ന പേരില്‍ അറിയപ്പെടും.

ചന്ദ്രശേഖര്‍ റാവുവിന്റെ നേതൃത്വത്തില്‍ നടന്ന പാര്‍ട്ടി യോഗത്തിന് പിന്നാലെയാണ് പുതിയ പാര്‍ട്ടിയുടെ പേര് പ്രഖ്യാപിച്ചത്. ഇന്ന് ഉച്ച 1.19ഓടെയായിരുന്നു പ്രഖ്യാപനം. ചിഹ്നമായി കാറും പിങ്ക് നിറവും പാര്‍ട്ടി നിലനിര്‍ത്തിയേക്കുമെന്നാണ് സൂചന.

2024ലെ ലോക്‌സഭ തെരഞ്ഞെടുപ്പിന് മുന്നോടിയായാണ് കെ.സി.ആര്‍ ദേശീയ പാര്‍ട്ടി രൂപീകരിക്കുന്നത്. ബി.ജെ.പിക്കും കോണ്‍ഗ്രസിനും ബദല്‍ എന്ന നിലയില്‍ ദേശീയ രാഷ്ട്രീയത്തില്‍ ശക്തിയുറപ്പിക്കുകയെന്നതാണ് പുതിയ പാര്‍ട്ടിയിലൂടെ ചന്ദ്ര ശേഖര്‍ റാവുവിന്റെ ലക്ഷ്യം. നേരത്തെ പുതിയ ദേശീയ പാര്‍ട്ടി രൂപവത്കരിക്കുമെന്ന് ചന്ദ്രശേഖര്‍ റാവു പ്രഖ്യാപനം നടത്തിയിരുന്നു.

Continue Reading

india

മുംബൈയില്‍ അപകടസ്ഥലത്തേക്ക് കാര്‍ ഇടിച്ചുകയറി; 5 പേര്‍ മരിച്ചു

അപകട മരണത്തിന് കേസ് രജിസ്റ്റര്‍ ചെയ്ത പൊലീസ് അന്വേഷണം പുരോഗമിക്കുകയാണെന്ന് അറിയിച്ചു.

Published

on

മുംബൈയിലെ ബാന്ദ്രവര്‍ളി സീ ലിങ്ക് റോഡിലുണ്ടായ വാഹനങ്ങളുടെ കൂട്ടയിടിയില്‍ അഞ്ച് പേര്‍ മരണപ്പെട്ടു. 12 പേര്‍ക്ക് പരിക്കേല്‍ക്കുകയും ചെയ്തു. ബുധനാഴ്ച പുലര്‍ച്ചയോടെയാണ് അപകടം നടന്നത്.

നിമിഷങ്ങള്‍ക്ക് മുമ്പുണ്ടായ വാഹനാപകടത്തെ തുടര്‍ന്ന് പരിക്കേറ്റവരെ ആശുപത്രിയിലെത്തിക്കാനായി ആംബുലന്‍സ് എത്തിയതായിരുന്നു. ഇതിനിടയിലേക്ക് കാര്‍ ഇടിച്ച്  കയറിയാണ് അപകടമുണ്ടായത്. അപകട മരണത്തിന് കേസ് രജിസ്റ്റര്‍ ചെയ്ത പൊലീസ് അന്വേഷണം പുരോഗമിക്കുകയാണെന്ന് അറിയിച്ചു.

ഇടിയുടെ ആഘാതത്തില്‍ ആംബുലന്‍സ് ഉള്‍പ്പടെ 5 വാഹനങ്ങളാണ് തകര്‍ന്നത്. ദൃശ്യങ്ങള്‍ സിസിടിവിയില്‍ പതിഞ്ഞിട്ടുണ്ട്. സംഭവത്തില്‍ പ്രധാനമന്ത്രി നരേന്ദ്ര മോദി ദുഃഖം രേഖപ്പെടുത്തി.

Continue Reading

india

വിവാഹസംഘം സഞ്ചരിച്ച ബസ് കൊക്കയിലേക്ക് മറിഞ്ഞു; 25 മരണം

ബസില്‍ 50 ഓളം പേര്‍ ഉണ്ടായിരുന്നു. പോലീസും സംസ്ഥാന ദുരന്തനിവാരണ സംഘവും ചേര്‍ന്ന് 21 പേരെ രക്ഷപ്പെടുത്തി.

Published

on

ഉത്തരാഖണ്ഡില്‍ ബസ് താഴ്ചയിലേക്ക് മറിഞ്ഞ് 25 പേര്‍ മരിച്ചു. പൗഡി ഗഢ്‌വാളില്‍ ചൊവ്വാഴ്ച  രാത്രിയാണ് അപകടം നടന്നത്. വിവാഹസംഘം സഞ്ചരിച്ച വാഹനമായിരുന്നു ഇത്. 500 മീറ്റര്‍ താഴ്ചയുള്ള കൊക്കയിലേക്കാണ് ബസ് മറിഞ്ഞത്.  ഹരിദ്വാറിലെ ലാല്‍ദാംഗില്‍ നിന്നാണ് ബസ് പുറപ്പെട്ടത്.

ബസില്‍ 50 ഓളം പേര്‍ ഉണ്ടായിരുന്നു. പോലീസും സംസ്ഥാന ദുരന്തനിവാരണ സംഘവും ചേര്‍ന്ന് 21 പേരെ രക്ഷപ്പെടുത്തി. പരിക്കേറ്റവരെ ആശുപത്രിയില്‍ പ്രവേശിപ്പിച്ചു. നാട്ടുകാരും രക്ഷാപ്രവര്‍ത്തനത്തിന്റെ ഭാഗമായി. ഡ്രൈവര്‍ക്ക് നിയന്ത്രണം നഷ്ടപ്പെട്ടാണ് അപകടമുണ്ടായത്.

Continue Reading

Trending