kerala
കളഞ്ഞുകിട്ടിയ എടിഎംകാര്ഡ് ഉപയോഗിച്ച് ബി.ജെ.പി നേതാവ് പണംതട്ടിയ സംഭവം; നാണംകെട്ട് പുറത്താക്കല്, രാജി
കളഞ്ഞുകിട്ടിയ എടിഎംകാര്ഡ് ഉപയോഗിച്ച് മൂന്ന് എടിഎമ്മുകളില് നിന്നായി പണം തട്ടിയ സംഭവത്തില് സുജന്യയും സുഹൃത്ത് സലിഷ് മോനും അറസ്റ്റിലായതിന് പിന്നാലെയാണ് പാര്ട്ടി നടപടി.

കളഞ്ഞുകിട്ടിയ എ.ടി.എം കാര്ഡ് ഉപയോഗിച്ച് ബി.ജെ.പി വനിതാ നേതാവ് പണം തട്ടിയ സംഭവത്തിനു പിന്നാലെ നാണക്കേടായതോടെ പാര്ട്ടിയില്നിന്ന് പുറത്താക്കി. കേസില് അറസ്റ്റിലായ ബി.ജെ.പി നേതാവും ചെങ്ങന്നൂര് ബ്ലോക്ക് പഞ്ചായത്ത് തിരുവന്വണ്ടൂര് ഡിവിഷന് അംഗവുമായ സുജന്യ ഗോപിയെയാണ് പാര്ട്ടിയില്നിന്ന് പുറത്താക്കി. ഇതിനുപിന്നാലെ ബ്ലോക്ക് പഞ്ചായത്തംഗത്വം സുജന്യ രാജിവെച്ചു.
കളഞ്ഞുകിട്ടിയ എടിഎംകാര്ഡ് ഉപയോഗിച്ച് മൂന്ന് എടിഎമ്മുകളില് നിന്നായി പണം തട്ടിയ സംഭവത്തില് സുജന്യയും സുഹൃത്ത് സലിഷ് മോനും അറസ്റ്റിലായതിന് പിന്നാലെയാണ് പാര്ട്ടി നടപടി.
ചെങ്ങന്നൂര് വാഴാര്മംഗലം കണ്ടത്തുംകുഴിയില് വിനോദ് ഏബ്രഹാമിന്റെ കളഞ്ഞുപോയ എ.ടി.എം ഉപയോഗിച്ചാണ് ബിജെപി നേതാവും സുഹൃത്തും പണം തട്ടിയത്. മാര്ച്ച് 14ന് രാത്രി കല്ലിശ്ശേരിയിലെ സ്വകാര്യ ആശുപത്രിയില് ജീവനക്കാരിയായ ഭാര്യയെ ജോലിക്കായി കൊണ്ടു വിട്ട ശേഷം തിരിച്ചു വീട്ടിലേക്ക് വരുന്നതിനിടെയാണ് വിനോദ് ഏബ്രഹാമിന്റെ എ.ടി.എം കാര്ഡ് അടങ്ങിയ പേഴ്സ് നഷ്ടമായത്. വഴിയില് നിന്നും സലിഷ് മോന് പേഴ്സ് ലഭിക്കുകയും ഈ വിവരം സുജന്യയെ അറിയിക്കുകയായിരുന്നു.
തുടര്ന്ന് ഇരുവരും സ്കൂട്ടറില് 15ന് ബുധനൂര്, പാണ്ടനാട്, മാന്നാര് എന്നിവിടങ്ങളിലെ എ.ടി.എം കൗണ്ടറുകളില് എത്തി 25,000 രൂപ പിന്വലിച്ചു. അക്കൗണ്ടില് 28,000 രൂപയാണ് ഉണ്ടായിരുന്നത്. എ.ടി.എം കാര്ഡിനോടൊപ്പം എഴുതി സൂക്ഷിച്ചിരുന്ന പിന് നമ്പര് ഉപയോഗിച്ചാണ് തുക പിന്വലിച്ചത്. എന്നാല് തുക പിന്വലിച്ചതായുള്ള ബാങ്കിന്റെ സന്ദേശങ്ങള് വിനോദിന്് ലഭിച്ചതോടെയാണ് പണം നഷ്ടമായ വിവരം അറിഞ്ഞത്. ശേഷം ഇയാള് ചെങ്ങന്നൂര് പൊലീസില് പരാതി നല്കി.
അതിനിടെ, നഷ്ടമായ പേഴ്സ് 16ന് പുലര്ച്ചെ കല്ലിശ്ശേരി-ഓതറ റോഡിലെ റെയില്വേ മേല്പ്പാലത്തിനു സമീപത്ത് ഉപേക്ഷിച്ച നിലയില് കണ്ടെത്തി. ചെങ്ങന്നൂര് എസ്.എച്ച്.ഒ എ.സി. വിപിന്റെ നേതൃത്വത്തില് നടത്തിയ അന്വേഷണത്തിന് എ.ടി.എം കൗണ്ടറുകളുടെയും സമീപത്തുള്ള വ്യാപാര സ്ഥാപനങ്ങളിലെയും സി.സി.ടി.വി ദൃശ്യങ്ങള് പരിശോധിച്ചു. ഇരുവരും സ്കൂട്ടറില് സഞ്ചരിക്കുന്ന ദ്യശ്യങ്ങളും എ.ടി.എം കൗണ്ടറിലെ ദൃശ്യങ്ങളും തെളിവായി ലഭിച്ചു.
kerala
ദേശീയപാത തകര്ച്ച: ഗഡ്കരിയെ നേരില് കണ്ട് ഇ.ടി. മുഹമ്മദ് ബഷീര് എം.പി
ദേശീയപാത 66 ല് കൂരിയാട് ഭാഗത്ത് ഉണ്ടായ തകര്ച്ച സംബന്ധിച്ച് ഇ. ടി. മുഹമ്മദ് ബഷീര് എം.പി ഇന്ന് കേന്ദ്ര ഉപരിതല ഗതാഗത വകുപ്പ് മന്ത്രി നിതിന് ഗഡ്കരിയെ നേരില് കണ്ട് അപകടത്തിന്റെ ഗൗരവം ചൂണ്ടിക്കാട്ടി കത്ത് നല്കി.

ന്യൂഡല്ഹി: ദേശീയപാത 66 ല് കൂരിയാട് ഭാഗത്ത് ഉണ്ടായ തകര്ച്ച സംബന്ധിച്ച് ഇ. ടി. മുഹമ്മദ് ബഷീര് എം.പി ഇന്ന് കേന്ദ്ര ഉപരിതല ഗതാഗത വകുപ്പ് മന്ത്രി നിതിന് ഗഡ്കരിയെ നേരില് കണ്ട് അപകടത്തിന്റെ ഗൗരവം ചൂണ്ടിക്കാട്ടി കത്ത് നല്കി.
നിര്മ്മാണം നടക്കുന്ന ഈ ഭാഗത്ത് ഉണ്ടായ അപകടത്തില് നിന്ന് യാത്രക്കാര് തലനാരിഴക്കാണ് രക്ഷപ്പെട്ടത്. നിര്മ്മാണത്തിലെ ഗൗരവമായ പിഴവുകള് കൊണ്ടാണ് റോഡ് തകര്ന്നതെന്നാണ് മനസ്സിലാക്കുന്നതെന്ന് എംപി മന്ത്രിയോട് പറഞ്ഞു. ഇത്തരത്തില് സംഭവങ്ങള് ആവര്ത്തിക്കുന്നുണ്ടെങ്കിലും ദേശീയപാത അതോറിറ്റി അതിനെ ഗൗരവത്തോടെ കാണുന്നില്ല.
ദേശീയ പാത 66 ന്റെ നിര്മ്മാണത്തെ കുറിച്ച് ക്രമക്കേടും അപാകതയും ഉണ്ടായെന്ന പരാതിയെക്കുറിച്ചു അന്വേഷിക്കാന് വിദഗ്ധ സംഘത്തെ നിയോഗിക്കണമെന്ന് എം.പി ആവശ്യപ്പെട്ടു.
കാസര്കോട് മുതല് തിരുവനന്തപുരം വരെയുള്ള പാതയില് ഇത്തരത്തിലുള്ള അപകടങ്ങള് പതിവായിരികയാണെന്നും ഇത് സംസ്ഥാനമാകെയുള്ള പ്രശ്നമാണെന്നും അദ്ദേഹം വ്യക്തമാക്കി.
കേരളത്തിന്റെ ഭൂപ്രകൃതിയും കാലാവസ്ഥയും പരിഗണിച്ചുള്ള നിര്മ്മാണം ആവശ്യമാണെന്നും, മണ്സൂണ് കാലത്ത് വിള്ളലുകളും തകരാറുകളും പതിവാകുന്നതായും എം.പി ചൂണ്ടിക്കാട്ടി.
ഇത്തരം പ്രശ്നങ്ങള് ജനപ്രതിനിധികള് ഉള്പ്പെടെ അധികൃതരുടെ ശ്രദ്ധയില് കൊണ്ടുവന്നാലും ആവശ്യമായ നടപടികള് സ്വീകരിക്കാതെ അവ അവഗണിക്കുകയാണ് പതിവ്.
നിര്മ്മാണത്തില് പാകപ്പിഴ ഉണ്ടെങ്കില് കൃത്യമായ പരിശോധന നടത്തി ഉത്തരവാദികളായ കരാര് കമ്പനിക്കെതിരെ തിരെ നടപടി സ്വീകരിക്കണമെന്നും മന്ത്രിയോട് എംപി ആവശ്യപ്പെട്ടു.
ഭാവിയില് ഇത്തരം അപകടങ്ങള് ആവര്ത്തിക്കാതിരിക്കാനും, ജനങ്ങളുടെ സുരക്ഷ ഉറപ്പാക്കുന്നതിനും കര്ശന നടപടികള് സ്വീകരിക്കണമെന്നും എം.പി ആവശ്യപ്പെട്ടു. കരാര് കമ്പനിക്കെതിരെ കര്ശന നടപടി സ്വീകരിക്കുമെന്ന് മന്ത്രി എംപിയെ അറിയിച്ചു.
kerala
ചാവക്കാടും ആറുവരി പാതയില് വിള്ളല് രൂപപ്പെട്ടു
ചാവക്കാട് നിര്മാണം നടക്കുന്ന ദേശീയപാത 66ല് മണത്തല വിശ്വനാഥ ക്ഷേത്രത്തിനു സമീപത്തെ അടിപ്പാതയുടെ പാലത്തില് വിള്ളല് രൂപപ്പെട്ടു.

ചാവക്കാട് നിര്മാണം നടക്കുന്ന ദേശീയപാത 66ല് മണത്തല വിശ്വനാഥ ക്ഷേത്രത്തിനു സമീപത്തെ അടിപ്പാതയുടെ പാലത്തില് വിള്ളല് രൂപപ്പെട്ടു. ടാറിങ് പൂര്ത്തീകരിച്ച ഭാഗത്ത് അമ്പത് മീറ്റര് നീളത്തിലാണ് വിള്ളല് പ്രത്യക്ഷപ്പെട്ടത്. അതേസമയം ഈ പാലം ഗതാഗതത്തിന് തുറന്നുകൊടുത്തിരുന്നു. കഴിഞ്ഞ മാസവും ഈ പാലത്തില് അപകടം നടന്നിരുന്നു. നിര്മാണത്തിനിടെ പാലം ഇടിഞ്ഞ് ക്രെയിന് റോഡിലേക്ക് വീണിരുന്നു. അതേസമയം പാലത്തില് വിള്ളല് കണ്ടതോടെ നാട്ടുകാര് ആശങ്കയിലാണ്.
മലപ്പുറം കൂരിയാട് ദേശീയപാത തകര്ന്നതിന് പിന്നാലെ വടക്കന് കേളത്തില് വ്യാപകമായി ദേശീയപാതയില് വിള്ളല് കണ്ടെത്തിയിട്ടുണ്ട്. ചൊവ്വാഴ്ച മലപ്പുറം തലപ്പാറയില് ആറുവരിപ്പാതയില് വിള്ളലുണ്ടായി.
മലപ്പുറം കൂരിയാട് തിങ്കളാഴ്ച ഉച്ചയോടെയാണ് ആറുവരിപ്പാതയുടെ ഒരു ഭാഗവും സര്വിസ് റോഡും തകര്ന്നത്. അപകടത്തില് രണ്ട് കാറുകള് തകരുകയും നാല് പേര്ക്ക് ചെറിയ പരിക്കേല്ക്കുകയും ചെയ്തിരുന്നു. അപകടത്തെ തുടര്ന്ന് കോഴിക്കോട് ഭാഗത്ത് നിന്ന് തൃശൂര് ഭാഗത്തേക്കുള്ള ഗതാഗതം വഴിതിരിച്ചുവിട്ടിരിക്കുകയാണ്.
ചൊവ്വാഴ്ച രാവിലെ കാസര്കോട് കാഞ്ഞങ്ങാട് ആറുവരി ദേശീയപാതയുടെ സര്വിസ് റോഡ് കനത്ത മഴയില് തകര്ന്നു. ചെമ്മട്ടംവയലിലാണ് സര്വിസ് റോഡ് ഒരുഭാഗം പാടെ തകര്ന്നത്.
kerala
പൊലീസ് സ്റ്റേഷനില് ദലിത് യുവതിക്ക് ക്രൂരപീഡനം: എസ്ഐക്ക് സസ്പെന്ഷന്
തിരുവനന്തപുര പേരൂര്ക്കടയില് ദലിത് യുവതിയുടെ മേല് കള്ളക്കേസ് ചുമത്താന് ശ്രമിച്ച പൊലീസിനെതിരെ നടപടിയെടുത്തു.

തിരുവനന്തപുര പേരൂര്ക്കടയില് ദലിത് യുവതിയുടെ മേല് കള്ളക്കേസ് ചുമത്താന് ശ്രമിച്ച പൊലീസിനെതിരെ നടപടിയെടുത്തു. പേരൂര്ക്കട പൊലീസ് സ്റ്റേഷനിലെ എഎസ്ഐ പ്രസസന്നനെ സസ്പെന്ഡ് ചെയ്തു. പൊലീസ് സ്റ്റേഷനില് വെച്ച് ശുചിമുറിയിലെ വെള്ളം കുടിക്കാന് പറഞ്ഞതും അസഭ്യം പറഞ്ഞതും എഎസ്ഐ ആണെന്ന് പരാതിക്കാരി പറഞ്ഞിരുന്നു. ഉദ്യോഗസ്ഥരുടെ പങ്ക് അന്വേഷിക്കാന് ചുമതലപ്പെടുത്തിയ എസിപിയുടെ റിപ്പോര്ട്ടിന്റെ അടിസ്ഥാനത്തില് കമ്മീഷണറാണ് എഎസ്ഐക്കെതിരെ നടപടിയെടുത്തത്.
അതേസമയം സംഭവത്തില് കൂടുതല് പൊലീസുകാര് ഉള്പ്പെട്ടിട്ടുണ്ടോ എന്ന് പരിശോധിക്കുമെന്ന് സിറ്റി പൊലീസ് കമ്മീഷണര് അറിയിച്ചു. ഇതിനായി പേരൂര്ക്കട സ്റ്റേഷനിലെ കൂടുതല് സിസിടിവി ദൃശ്യങ്ങളും പരിശോധിക്കും.
സംഭവവുമായി ബന്ധപ്പെട്ട് കഴിഞ്ഞദിവസം പേരൂര്ക്കട സ്റ്റേഷന് എസ്ഐയെ സസ്പെന്ഡ് ചെയ്തിരുന്നു. എന്നാല് മറ്റൊരു ഉദ്യോഗസ്ഥന് കൂടി തന്നെ അപമാനിച്ചതായി യുവതി ആരോപിച്ചിരുന്നു.
മാല മോഷ്ടിച്ചെന്ന വ്യാജ പരാതിയുടെ അടിസ്ഥനത്തിലാണ് നെടുമങ്ങാട് സ്വദേശിയായ യുവതിക്ക് ക്രൂരപീഡനം നേരിടേണ്ടിവന്നത്. അതേസമയം പരാതി വ്യാജമാണെന്ന് തെളിഞ്ഞതോടെ പൊലീസ് യുവതിക്കെതിരെ രജിസ്റ്റര് ചെയ്തിരുന്ന എഫ്ഐആര് പിന്വലിക്കുകയായിരുന്നു.
യുവതി ജോലിക്ക് നിന്നിരുന്ന വീട്ടിലെ സ്വര്ണ്ണമാല കാണാനില്ലെന്ന് വീട്ടുടമ പരാതി നല്കിയിരുന്നു. ഇതിനെ തുടര്ന്ന് പേരൂര്ക്കട പൊലീസ് സ്റ്റേഷനിലെത്തിച്ച് എസ് ഐ ഉള്പ്പടെയുള്ളവര് യുവതിയോട് ക്രൂരമായി പെരുമാറിയത്.
-
kerala3 days ago
ശശി തരൂരിനെ സര്വ്വകക്ഷി പ്രതിനിധി സംഘത്തിലേക്ക് തെരഞ്ഞെടുത്തതില് രാഷ്ട്രീയം നോക്കേണ്ടതില്ല: മുസ്ലിംലീഗ്
-
Film3 days ago
‘മിസ്റ്റര് ആന്ഡ് മിസ്സിസ് ബാച്ചിലര്’ തിയറ്ററുകളിലേക്ക്
-
Cricket3 days ago
രാജസ്ഥാനെ 10 റൺസിന് വീഴ്ത്തി പഞ്ചാബ് കിങ്സ് പ്ലേ ഓഫ് ഉറപ്പിച്ചു
-
News3 days ago
ലിയോ പതിനാലാമന് മാര്പാപ്പ ചുമതലയേറ്റു
-
kerala3 days ago
കോഴിക്കോട് പുതിയ ബസ് സ്റ്റാൻഡിൽ വൻ തീപിടിത്തം; സമീപത്തെ കടകൾ ഒഴിപ്പിച്ചു
-
kerala3 days ago
കോഴിക്കോട് തീപിടിത്തം: രണ്ടുമണിക്കൂര് പിന്നിട്ടിട്ടും തീ അണക്കാനായില്ല; കരിപ്പൂര് വിമാനത്താവളത്തിലെ അഗ്നിശമന സേനയും സ്ഥലത്തെത്തി
-
kerala3 days ago
‘വേടന് എന്ന പേര് തന്നെ വ്യാജം, അവന്റെ പിന്നില് ജിഹാദികള്’: വീണ്ടും വിദ്വേഷ പ്രസ്താവനയുമായി എന്.ആര് മധു
-
kerala3 days ago
കാളികാവിലെ കടുവാ ദൗത്യത്തിനെത്തിച്ച കുങ്കിയാന പാപ്പാനെ ആക്രമിച്ചു