Connect with us

More

ഇന്ത്യക്ക് ജീവന്മരണം, ദക്ഷിണാഫ്രിക്കക്കും

Published

on

england-won-the-toss-and-elect-1 britain-cricket-champions-trophy_08f9e208-4dfa-11e7-88f6-6a3facb665a5
ലണ്ടന്‍: ദക്ഷിഫ്രിക്കയെ തോല്‍പ്പിക്കുക എളുപ്പമല്ല-അത് തന്നെയാണ് ഇന്ത്യ നേരിടുന്ന വെല്ലുവിളിയും. ഐ.സി.സി ചാമ്പ്യന്‍സ് ട്രോഫി ക്രിക്കറ്റില്‍ ഇന്ത്യ ഇന്ന് ദക്ഷിണാഫ്രിക്കയെ നേരിടുമ്പോള്‍ ജയം മാത്രമാണ് രണ്ട് പേരുടെയും മുദ്രാവാക്യം. തോറ്റാല്‍ പുറത്താവും. ആദ്യ മല്‍സരത്തില്‍ അനായാസം പാക്കിസ്താനെ തോല്‍പ്പിച്ച വിരാത് കോലിയുടെ സംഘത്തിന് ശ്രീലങ്കയാണ് രണ്ടാം മല്‍സരത്തില്‍ ഷോക്ക് ട്രീറ്റ്‌മെന്റ് നല്‍കിയത്.
അതോടെ ഇന്നത്തെ പോരാട്ടം ശരിക്കും ക്വാര്‍ട്ടര്‍ ഫൈനലായി. നിലവിലെ ചാമ്പ്യന്മാര്‍ എന്ന നിലയില്‍ അല്‍പ്പമധികം സമ്മര്‍ദ്ദം ഇന്ത്യന്‍ ക്യാമ്പിലാണ്. ബാറ്റിംഗിലും ബൗളിംഗിലും മികവ് പ്രകടിപ്പിക്കുമ്പോള്‍ തന്നെ ഫീല്‍ഡിംഗ് ടീമിന്റെ ദയനീയതയായി മാറുന്നു. രണ്ട് മല്‍സരത്തിലും നാല്‍പ്പതോളം റണ്‍സ് ഫീല്‍ഡര്‍മാരുടെ പിഴവില്‍ പിറന്നതായിരുന്നു. ഫീല്‍ഡിംഗില്‍ ജാഗ്രത പാലിക്കാത്ത പക്ഷം ദക്ഷിണാഫ്രിക്കയെ പോലെ ബാറ്റിംഗ് മികവുളള ടീമിനെ ചെറുക്കുക പ്രയാസമാണെന്ന് കോലി പറഞ്ഞു. ഡി കോക്ക്, എബി ഡി വില്ലിയേഴ്‌സ്, ഹാഷിം അംല തുടങ്ങിയ ശക്തരായ ബാറ്റ്‌സ്മാന്മാരെ നിയന്ത്രിക്കാന്‍ ഇന്ത്യന്‍ സീമര്‍മാര്‍ക്ക് കഴിഞ്ഞാല്‍ മാത്രമാണ് രക്ഷ. ഭുവനേശ്വര്‍, ജസ്പ്രീത് ബുംറ, ഉമേഷ് യാദവ് എന്നിവരെല്ലാം ലങ്കയുടെ അനുഭവം കുറഞ്ഞവര്‍ക്ക് മുന്നില്‍ പതറിയിരുന്നു. ഇത് വരെ അവസരം നല്‍കാതിരുന്ന മുഹമ്മദ് ഷമിക്ക് ഇന്ന് അവസരമുണ്ടാവും. സ്പിന്നര്‍ അശ്വിനെയും പരീക്ഷിക്കേണ്ടി വരും.
ഇംഗ്ലീഷ് പിച്ചുകളില്‍ ബാറ്റിംഗ് എളുപ്പമാവുന്ന സാഹചര്യത്തില്‍ എത്ര വലിയ സ്‌ക്കോറും ഭദ്രമല്ല എന്ന തിരിച്ചറിവാണ് കോച്ച് അനില്‍ കുംബ്ലെ പ്രകടിപ്പിക്കുന്നത്.

kerala

ലോക്‌സഭാ തിരഞ്ഞെടുപ്പ് : വ്യാജ പ്രചാരണങ്ങൾക്കെതിരെ കർശന നടപടി സ്വീകരിക്കും: ചീഫ് ഇലക്ടറൽ ഓഫീസർ

Published

on

തിരുവനന്തപുരം: ലോക്‌സഭാ തിരഞ്ഞെടുപ്പുമായി ബന്ധപ്പെട്ട് സാമൂഹ്യ മാധ്യമങ്ങളിലൂടെ വ്യാജ പ്രചാരണം നടത്തുന്നവർക്കെതിരെ നിയമ നടപടിയടക്കം സ്വീകരിക്കുമെന്ന് ചീഫ് ഇലക്ടറൽ ഓഫീസർ സഞ്ജയ്  കൗൾ  പറഞ്ഞു. ജില്ലകളിലെ തിരഞ്ഞെടുപ്പ് മുന്നൊരുക്കം സംബന്ധിച്ച് ജില്ലാ കളക്ടർമാരുമായി നടത്തിയ കൂടിക്കാഴ്ചയിൽ സംസാരിക്കുകയായിരുന്നു അദ്ദേഹം. ജനങ്ങളിൽ തെറ്റിദ്ധാരണ ഉണ്ടാക്കുന്ന പ്രചാരണങ്ങൾ സാമൂഹ്യ മാധ്യമങ്ങൾ ഉപയോഗിച്ച് നടത്തുന്നത് നിരീക്ഷിക്കാൻ ജില്ലകളിൽ വിപുലമായ സംവിധാനങ്ങൾ ഒരുക്കിയിട്ടുണ്ട്. ഇവ യഥാസമയം കണ്ടെത്തി റിപ്പോർട്ട് ചെയ്യുന്നതിനും നടപടിയെടുക്കുന്നതിനും ഉദ്യോഗസ്ഥർക്ക് നിർദ്ദേശം നൽകി.

തിരഞ്ഞെടുപ്പിനുള്ള ജില്ലകളിലെ ക്രമീകരണങ്ങൾ പൂർണമാണ്. ഉദ്യോഗസ്ഥർക്കുള്ള പരിശീലന പരിപാടികൾ അവസാന ഘട്ടത്തിലാണ്. തിരഞ്ഞെടുപ്പ് വിജ്ഞാപനം വന്നു കഴിഞ്ഞാൽ പെരുമാറ്റച്ചട്ടം പാലിക്കുന്നുണ്ടെന്ന് ഉറപ്പാക്കുന്നതിനുള്ള ക്രമീകരണങ്ങൾ ഒരുക്കി. തിരഞ്ഞെടുപ്പ് സംബന്ധിച്ച് ബോധവൽക്കരണത്തിനുള്ള പ്രവർത്തനങ്ങൾ സജീവമാണ്. പ്രശ്‌ന സാധ്യത ബൂത്തുകൾ നിർണയിക്കുന്നതിനുള്ള നടപടികൾ പുരോഗമിക്കുന്നു. ജില്ലകളിലെ പോസ്റ്റൽ വോട്ടിനുള്ള സൗകര്യങ്ങൾബൂത്തുകൾവോട്ടിംഗ് മെഷീൻ സൂക്ഷിക്കുന്നതിനുള്ള സ്‌ട്രോങ്ങ് റൂംവോട്ടെണ്ണൽ  കേന്ദ്രങ്ങൾ എന്നിവയ്ക്കുള്ള ക്രമീകരണം സംബന്ധിച്ച് ജില്ലാ കളക്ടർമാർ വിശദീകരിച്ചു.

ലോക്സഭാ തെരഞ്ഞെടുപ്പിന്റെ ഭാഗമായി ജില്ലയ്ക്കു പുറത്തേക്ക് ഉദ്യോഗസ്ഥരെ സ്ഥലംമാറ്റി വിന്യസിക്കുമ്പോൾ ജോലി ചെയ്തിരുന്ന അതേ പാർലമെന്റ് മണ്ഡല പരിധിയിൽത്തന്നെ നിയമിക്കരുതെന്ന തെരഞ്ഞെടുപ്പു  കമ്മീഷന്റെ നിർദ്ദേശം കർശനമായി പാലിക്കണമെന്ന് ചീഫ് ഇലക്ടറൽ ഓഫീസർ പറഞ്ഞു. 

Continue Reading

kerala

മലപ്പുറത്ത് സ്‌കൂളില്‍ ഭക്ഷ്യവിഷബാധ; 19 വിദ്യാര്‍ഥികളും രണ്ട്‌ അധ്യാപകരും ആശുപത്രിയില്‍

എല്‍എസ്എസ് പരീക്ഷ എഴുതാനെത്തിയ വിദ്യാര്‍ത്ഥികള്‍ക്കാണ് ദേഹാസ്വാസ്ഥ്യം അനുഭവപ്പെട്ടത്

Published

on

മലപ്പുറം: സ്‌കൂളില്‍ ഭക്ഷ്യവിഷബാധയെ തുടര്‍ന്ന് 19 വിദ്യാര്‍ത്ഥികളും അധ്യാപികയും ആശുപത്രിയില്‍ ചികിത്സ തേടി. എല്‍എസ്എസ് പരീക്ഷ എഴുതാനെത്തിയ വിദ്യാര്‍ത്ഥികള്‍ക്കാണ് ദേഹാസ്വാസ്ഥ്യം അനുഭവപ്പെട്ടത്. ഒരു അധ്യാപികയ്ക്കും ദേഹാസ്വസ്ഥ്യമുണ്ടായി.

വിദ്യാര്‍ഥികളെയും അധ്യാപകരെയും തിരൂരങ്ങാടി താലൂക്ക് ആശുപത്രിയില്‍ പ്രവേശിപ്പിച്ചു. ഭക്ഷ്യവിഷബാധയുടെ കാരണം വ്യക്തമായിട്ടില്ല. സംഭവത്തില്‍ അന്വേഷണം നടക്കുകയാണെന്ന് ആരോഗ്യവകുപ്പ് വ്യക്തമാക്കി.

Continue Reading

kerala

പുരാവസ്തു തട്ടിപ്പിലെ കള്ളപ്പണ ഇടപാട്: മോൻസൺ മാവുങ്കലിന്റെ സ്വത്ത് ഇ.ഡി കണ്ടുകെട്ടി

1.88 കോടിയുടെ സ്വത്താണ് എന്‍ഫോഴ്‌സ്‌മെന്റ് ഡയറക്ടറേറ്റ് കണ്ടുകെട്ടിയത്

Published

on

കൊച്ചി: പുരാവസ്തു തട്ടിപ്പിലെ കള്ളപ്പണ ഇടപാട് കേസില്‍ മോന്‍സണ്‍ മാവുങ്കലിന്റെ സ്വത്ത് കണ്ടുകെട്ടി. 1.88 കോടിയുടെ സ്വത്താണ് എന്‍ഫോഴ്‌സ്‌മെന്റ് ഡയറക്ടറേറ്റ് കണ്ടുകെട്ടിയത്. വീട്, കെഎസ്എഫ്ഇയിലെ ഡിപ്പോസിറ്റുകള്‍ അടക്കമാണ് ഇഡി കണ്ടുകെട്ടിയിരിക്കുന്നത്.

Continue Reading

Trending