വെടിനിര്‍ത്തലിന് കരാര്‍ ഒപ്പുവെച്ച ഇസ്രാഈല്‍ തിരിഞ്ഞുകൊത്തി. കരാറിന് പുല്ലുവില കല്‍പ്പിച്ചാണ് ഇസ്രാഈല്‍ ലബാനിനെ ആക്രമിച്ചത്.
ഇന്നലെ പ്രാബല്യത്തിൽ വന്ന വെടിനിർത്തൽ കരാർ ലംഘിച്ച് ലബനാനിൽ ഇസ്രാഈല്‍ വ്യോമാക്രമണം. തെക്കൻ ലബനാനിലാണ് ഇസ്രായേൽ അധി​നിവേശ സൈന്യം ആക്രമണം നടത്തിയത്. ഹിസ്ബുല്ലയുടെ റോക്കറ്റ് കേന്ദ്രം എന്നാരോപിച്ചാണ് യുദ്ധവിമാനം ഉപയോഗിച്ച് ആക്രമണം നടത്തിയത്.

കൂടാതെ തെക്കൻ ലബാനനിൽ ജനങ്ങളുടെ സഞ്ചാര സ്വാതന്ത്ര്യത്തിന് ഇസ്രാഈല്‍ സൈന്യം വീണ്ടും നിയന്ത്രണം ഏർപ്പെടുത്തി. നാളെ വൈകുന്നേരം 5 മണി മുതൽ രാവിലെ 7 മണി വരെ ലിറ്റാനി നദിയുടെ തെക്ക് ഭാഗത്തേക്ക് സഞ്ചരിക്കുന്നത് കർശനമായി നിരോധിച്ചാണ് ഇസ്രായേൽ സൈനിക മേധാവിയുടെ അറബിക് വക്താവ് അവിചയ് അദ്രേയി അറിയിപ്പ് നൽകിയത്.

ലബനാൻ പൗരന്മാർക്ക് നേരെ ഇസ്രാഈല്‍ നടത്തിയ വെടിവെപ്പ് വെടിനിർത്തൽ കരാർ ലംഘനമാ​ണെന്ന് ഹിസ്ബുല്ല എം.പി ഹസൻ ഫദ്‌ലല്ല ചൂണ്ടിക്കാട്ടി. ലബനാന്റെ തെക്കൻ അതിർത്തിയിലുള്ള ഗ്രാമങ്ങളിലേക്ക് മടങ്ങുന്ന സാധാരണക്കാർക്ക് നേരെയാണ് ഇസ്രാഈല്‍
വെടിയതിർത്തതെന്ന് അദ്ദേഹം പറഞ്ഞു. അതിർത്തി ഗ്രാമങ്ങളിലേക്ക് മടങ്ങുന്നവരെ ഇസ്രാഈല്‍ സേന ആക്രമിക്കുകയാണെന്ന് പാർലമെൻ്റ് സമ്മേളനത്തിന് ശേഷം ഫദ്‌ലല്ല മാധ്യമങ്ങ​​ളോട് പറഞ്ഞു.

14 മാ​സം നീ​ണ്ട അ​തി​ക്ര​മ​ങ്ങ​ൾ​ക്ക് താ​ൽ​ക്കാ​ലി​ക അ​റു​തികു​റി​ച്ച് പ്രാ​ദേ​ശി​ക സ​മ​യം ബു​ധ​നാ​ഴ്ച പു​ല​ർ​ച്ച നാ​ലോ​ടെ​യാ​ണ് ല​ബ​നാ​നി​ൽ ​ഹി​സ്ബു​ല്ല​യു​മാ​യി ഇ​സ്രാ​ഈല്‍ പ്ര​ഖ്യാ​പി​ച്ച വെ​ടി​നി​ർ​ത്ത​ൽ പ്രാ​ബ​ല്യ​ത്തി​ൽ വന്നത്. 60 ദി​വ​സ​ത്തേ​ക്കാണ് വെ​ടി​നി​ർ​ത്ത​ൽ കരാർ. ഇ​തോ​ടെ, തെ​ക്ക​ൻ ല​ബ​നാ​നി​ൽ കു​ടുംബ​ങ്ങ​ൾ സ്വ​ന്തം വീ​ടു​ക​ളി​ലേ​ക്ക് മ​ട​ക്കം ആ​രം​ഭി​ച്ചു. ഇ​സ്രാ​ഈല്‍ സൈ​നി​ക പി​ന്മാ​റ്റ​വും തു​ട​ങ്ങി.

ബൈ​റൂ​തി​ലും ല​ബ​നാ​ന്റെ മ​റ്റു ഭാ​ഗ​ങ്ങ​ളി​ലും സ​മീ​പ​നാ​ളു​ക​ളി​ലെ ഏ​റ്റ​വും വ​ലി​യ ര​ക്ത​ച്ചൊ​രി​ച്ചി​ൽ ന​ട​ത്തി​യ രാ​ത്രി​യി​ലാ​യി​രു​ന്നു ഇ​സ്രാഈല്‍
സു​ര​ക്ഷ മ​ന്ത്രി​സ​ഭ വെ​ടി​നി​ർ​ത്ത​ലി​ന് അം​ഗീ​കാ​രം ന​ൽ​കി​യ​ത്.

തെ​ക്ക​ൻ ല​ബ​നാ​നി​ൽ ഇ​സ്രാഈല്‍ സേ​ന നി​ല​യു​റ​പ്പി​ച്ച ഭാ​ഗ​ങ്ങ​ളി​ൽ പ്ര​വേ​ശി​ക്ക​രു​തെ​ന്നും ഒ​ഴി​ഞ്ഞു​പോ​കാ​ൻ ഉ​ത്ത​ര​വി​ട്ട ഭാ​ഗ​ങ്ങ​ളി​ലേ​ക്ക് പൗ​ര​ന്മാ​ർ മ​ട​ങ്ങ​രു​തെ​ന്നു​മ​ട​ക്കം ഉ​പാ​ധി​ക​ളോ​ടെ​യാ​ണ് വെ​ടി​നി​ർ​ത്ത​ൽ. ല​ബ​നാ​ൻ- ഇ​സ്രാ​ഈല്‍ അ​തി​ർ​ത്തി​യി​ൽ​നി​ന്ന് 28 കി​ലോ​മീ​റ്റ​ർ അ​ക​ലെ​യൊ​ഴു​കു​ന്ന ലി​റ്റാ​നി പു​ഴ​യു​ടെ വ​ട​ക്കു​ഭാ​ഗ​ത്തു​ള്ള ഹി​സ്ബു​ല്ല പോ​രാ​ളി​ക​ൾ പി​ൻ​വാ​ങ്ങ​ണ​മെ​ന്നും ഉ​പാ​ധി​യു​ണ്ട്. പ​ക​രം, അ​തി​ർ​ത്തി​യി​ൽ 5000 ല​ബ​നാ​ൻ സൈ​നി​ക​രെ വി​ന്യ​സി​ക്ക​ണം.

ചൊ​വ്വാ​ഴ്ച വൈ​കീ​ട്ടാ​ണ് ഇ​സ്രാ​ഈല്‍ , ഫ്രാ​ൻ​സ്, യു.​എ​സ് എ​ന്നി​വ സം​യു​ക്ത​മാ​യി ല​ബ​നാ​ൻ വെ​ടി​നി​ർ​ത്ത​ൽ ക​രാ​ർ പ്ര​ഖ്യാ​പി​ച്ച​ത്. ‘ശ​ത്രു​ത ശാ​ശ്വ​ത​മാ​യി അ​വ​സാ​നി​പ്പി​ക്കു​ന്ന​തി​നൊ​പ്പം ഇ​സ്രാ​യേ​ലി​നെ ഹി​സ്ബു​ല്ല​യു​ടെ​യും മ​റ്റ് തീ​വ്ര​വാ​ദ സം​ഘ​ട​ന​ക​ളു​ടെ​യും ഭീ​ഷ​ണി​യി​ൽ​നി​ന്ന് മോ​ചി​പ്പി​ക്കാ​നു​മാ​ണ് വെ​ടി​നി​ർ​ത്ത​ലെ’​ന്ന് ​യു.​എ​സും ഫ്രാ​ൻ​സും സം​യു​ക്ത പ്ര​സ്താ​വ​ന​യി​ൽ പ​റ​ഞ്ഞു.

അ​തേ​സ​മ​യം, ബു​ധ​നാ​ഴ്ച പു​ല​ർ​ച്ച പ്രാ​ബ​ല്യ​ത്തി​ൽ വ​രു​ന്ന​തി​ന് നാ​ലു മ​ണി​ക്കൂ​ർ മു​മ്പ് കു​ടി​യൊ​ഴി​പ്പി​ക്ക​ൽ ഉ​ത്ത​ര​വി​റ​ക്കി​യും ഒ​രു മ​ണി​ക്കൂ​ർ മു​മ്പും വ്യോ​മാ​ക്ര​മ​ണം തു​ട​ർ​ന്നും ല​ബ​നാ​നി​ൽ ഭീ​തി വി​ത​ച്ചാ​യി​രു​ന്നു ഇ​സ്രാ​യേ​ൽ താ​ൽ​ക്കാ​ലി​ക വെ​ടി​നി​ർ​ത്ത​ൽ. അ​തി​ർ​ത്തി​യി​ലെ ഹി​സ്ബു​ല്ല പോ​രാ​ളി​ക​ൾ പി​ന്മാ​റു​ന്ന​തി​നൊ​പ്പം സം​ഘ​ട​ന​യു​ടെ എ​ല്ലാ സൈ​നി​ക സം​വി​ധാ​ന​ങ്ങ​ളും ത​ക​ർ​ത്ത് പ​ക​രം ല​ബ​നാ​ൻ സൈ​ന്യ​ത്തി​ലാ​ക്കാ​നും വ്യ​വ​സ്ഥ​യു​ണ്ട്. ഇ​തി​ന് യു.​എ​സും ഫ്രാ​ൻ​സും മേ​ൽ​നോ​ട്ടം വ​ഹി​ക്കും.

ഫ്ര​ഞ്ച് സേ​ന നേ​രി​ട്ടും അ​മേ​രി​ക്ക പു​റ​ത്തു​നി​ന്ന് പി​ന്തു​ണ ന​ൽ​കി​യു​മാ​കും ഇ​ത് പ്രാ​ബ​ല്യ​ത്തി​ൽ വ​രു​ത്ത​ൽ. അ​തി​ർ​ത്തി​യി​ൽ തു​ര​ങ്കം നി​ർ​മി​ക്കു​ക​യോ റോ​ക്ക​റ്റ് വ​ർ​ഷി​ക്കു​ക​യോ ചെ​യ്താ​ൽ ആ​ക്ര​മ​ണം പു​ന​രാ​രം​ഭി​ക്കു​​മെ​ന്ന് ഇ​സ്രാ​യേ​ൽ പ്ര​ധാ​ന​മ​ന്ത്രി ബി​ന്യ​മി​ൻ നെ​ത​ന്യാ​ഹു പ​റ​ഞ്ഞു. ആ​ക്ര​മ​ണം പു​ന​രാ​രം​ഭി​ക്കാ​ൻ ക​രാ​റി​ൽ വ്യ​വ​സ്ഥ​യി​ല്ലെ​ങ്കി​ലും ഇ​തി​നാ​വ​ശ്യ​മാ​യ ക​ത്ത് യു.​എ​സ് ന​ൽ​കു​മെ​ന്നാ​ണ് മാ​ധ്യ​മ റി​പ്പോ​ർ​ട്ടു​ക​ൾ.