More
കൊച്ചി മെട്രോയുടെ ഭാഗ്യ ചിഹ്നത്തിന് പേര്: ‘കുമ്മനാന’ മുന്നില്
ഭാഗ്യചിഹ്നമായ ആനക്കുട്ടിക്ക് ‘വറൈറ്റി’ പേരുകള് നിര്ദേശിക്കാന് ഫേസ്ബുക്കിലൂടെ ആവശ്യപ്പെട്ട കൊച്ചി മെട്രോയ്ക്ക് മലയാളികളുടെ വക എട്ടിന്റെ പണി. ‘അപ്പു, തൊപ്പി, കുട്ടന്’ തുടങ്ങിയ പേരുകളൊന്നും നിര്ദേശിക്കേണ്ടെന്ന് നേരത്തെ തന്നെ വ്യക്തമാക്കിയ മെട്രോയ്ക്ക് ‘കുമ്മനാന’, ‘കുമ്മന്’ എന്നീ പേരുകളാണ് ഏറ്റവും കൂടുതലായി നിര്ദേശിക്കപ്പെട്ടിരിക്കുന്നത്. ഏറ്റവുമധികം ലൈക്ക് നേടുന്ന മൂന്നു പേരുകളാവും അന്തിമ പരിഗണനക്കെടുക്കുക എന്ന് കൊച്ചി മെട്രോ നേരത്തെ വ്യക്തമാക്കിയിരുന്നു.
കൊച്ചി മെട്രോ ഉദ്ഘാടന വേളയില് ഔദ്യോഗിക ക്ഷണമൊന്നും ഇല്ലാതിരുന്നിട്ടും പങ്കെടുത്ത ബി.ജെ.പി സംസ്ഥാന പ്രസിഡണ്ട് കുമ്മനം രാജശേഖരനെ ഉദ്ദേശിച്ചാണ് ‘കുമ്മനാന’, ‘കുമ്മന്’ എന്നീ പേരുകള് നിര്ദേശിക്കപ്പെട്ടിരിക്കുന്നത്. വിവാദമായ സംഭവത്തിനു ശേഷം കുമ്മനത്തെപ്പറ്റി നിരവധി ട്രോളുകളാണ് സാമൂഹ്യ മാധ്യമങ്ങളില് പ്രചരിച്ചിരുന്നത്. അനുവദാമില്ലാതെ പങ്കെടുക്കുന്നതിനെപ്പറ്റി ‘കുമ്മനടി’ എന്നൊരു ഭാഷാ പ്രയോഗം തന്നെ സൈബര് ലോകത്ത് പരിചിതമായി. ഇഥിനു പിന്നാലെയാണ് കൊച്ചി മെട്രോയുടെ ഭാഗ്യ ചിഹ്നത്തിന്റെ കുമ്മനത്തിന്റെ പേരിനോട് സാമ്യമുള്ള പേര് നല്കണമെന്ന നിര്ദേശം ഉയര്ന്നു വന്നിരിക്കുന്നത്.
ഓസ്ട്രേലിയന് മലയാളി ലിജോ വര്ഗീസ് ആണ് ‘കുമ്മനാന’ എന്ന പേര് നിര്ദേശിച്ചത്. 24 മണിക്കൂറിനുള്ളില് 5,000-ലധികം പേര് ഇതിന് ലൈക്ക് നല്കിക്കഴിഞ്ഞു. നിലവില് ഏറ്റവുമധികം ലൈക്ക് ഉള്ളത് ‘കുമ്മനാന’ക്കാണ്.
മിലന് തോമസ് നിര്ദേശിച്ച ‘കുമ്മന്’ എന്ന പേരിന് ആയിരത്തിലേറെ പേരുടെ പിന്തുണയുണ്ട്. എന്നാല് തന്റെ കമന്റ് മെട്രോ അധികൃതര് Hide ചെയ്തു എന്ന ആരോപണവുമായി മിലന് തോമസ് രംഗത്തെത്തി.
വറൈറ്റി വേണമെന്ന് കൊച്ചി മെട്രോ പരസ്യത്തില് തന്നെ വ്യക്തമാക്കിയതിനാല് ‘പുതുമയുള്ള’ പേരുകളാണ് മിക്കവരും നിര്ദേശിക്കുന്നത്. അശ്വതി അച്ചു, ജിംബ്രു, ഷാജി പാപ്പന്, അല് അപ്പു എന്നിങ്ങനെ രസകരമായ പേരുകള് നിര്ദേശിക്കപ്പെടുന്നുണ്ട്. കൊച്ചിയുടെയും മെട്രോയുടെയും പ്രത്യേകതകള് മുന്നിര്ത്തിയും പേരു നിര്ദേശം വരുന്നുണ്ട്.
കൂടുതല് ലൈക്ക് നേടുന്ന മൂന്ന് പേരുകള് അന്തിമ പരിഗണനക്കെടുക്കുമെന്നും അതില് നിന്ന് ഒന്നാവും അധികൃതര് തെരഞ്ഞെടുക്കുകയെന്നും തുടക്കത്തില് തന്നെ വ്യക്തമാക്കിയതിനാല് ‘കുമ്മനാന’യും ‘കുമ്മനും’ പരിഗണിക്കപ്പെടുമോ എന്നാണ് ഇനി കാണേണ്ടത്.
News
അറിയാത്ത നമ്പര് വിളികള്ക്ക് ഇനി പരിഭ്രമം വേണ്ട: സിഎന്എപി സംവിധാനം കൊണ്ടുവരാന് ട്രായ്
ഇനി ട്രൂകോളര് പോലുള്ള മൂന്നാം കക്ഷി ആപ്പുകളില് ആശ്രയിക്കാതെ തന്നെ, വിളിക്കുന്നയാളുടെ യഥാര്ത്ഥ പേര് നേരിട്ട് കാള് സമയത്ത് മൊബൈലില് പ്രത്യക്ഷപ്പെടും.
അറിയാത്ത നമ്പരുകളില് നിന്നുള്ള ഫോണ്കോളുകള് വഴി വഞ്ചിക്കപ്പെടുന്ന സംഭവങ്ങള് ആവര്ത്തിക്കുമ്പോള്, ഇത്തരം പ്രശ്നങ്ങള്ക്ക് പരിഹാരമായി ടെലികോം റെഗുലേറ്ററി അതോറിറ്റി ഓഫ് ഇന്ത്യ പുതിയ സംവിധാനവുമായി മുന്നോട്ട് വന്നു. ഇനി ട്രൂകോളര് പോലുള്ള മൂന്നാം കക്ഷി ആപ്പുകളില് ആശ്രയിക്കാതെ തന്നെ, വിളിക്കുന്നയാളുടെ യഥാര്ത്ഥ പേര് നേരിട്ട് കാള് സമയത്ത് മൊബൈലില് പ്രത്യക്ഷപ്പെടും.
കോളര് നെയിം പ്രസെന്റഷന് (സിഎന്എപി) എന്നാണ് പുതിയ സംവിധാനത്തിന്റെ പേര്. രാജ്യത്തെ എല്ലാ ടെലികോം സേവനങ്ങളിലും 2026 മാര്ച്ചോടെ ഇത് നിര്ബന്ധമായും നടപ്പാക്കണമെന്ന് ടെലികോം വകുപ്പ് നിര്ദേശം നല്കിയിട്ടുണ്ട്.
വിശ്വാസ്യത വര്ധിപ്പിക്കുകയും തട്ടിപ്പ്, സ്പാം, ആള്മാറാട്ടം എന്നീ പ്രശ്നങ്ങള് കുറയ്ക്കുകയും ചെയ്യുകയാണ് സംവിധാനത്തിന്റെ ലക്ഷ്യം. 4ജി
, 5ജി നെറ്റ്വര്ക്കുകളില് ചില നഗരങ്ങളിലെ പരീക്ഷണ പ്രവര്ത്തനങ്ങള് വിജയകരമായി പൂര്ത്തിയായതായി ട്രായ് അറിയിച്ചു.
നിലവില് ട്രൂകോളര് തുടങ്ങിയ ആപ്പുകള് കാള് ചെയ്യുന്നയാളുടെ പേര് പ്രദര്ശിപ്പിക്കുന്നുണ്ടെങ്കിലും, ഉപയോക്താവിന് ഇഷ്ടമുള്ള പേരിടാന് സാധിക്കുന്നതിനാല് അതിന് വിശ്വാസ്യതാ പ്രശ്നങ്ങളുണ്ട്. പക്ഷേ ഇചഅജ വഴി, സിം കണക്ഷന് എടുക്കുമ്പോള് കെ.വൈ.സി അടിസ്ഥാനത്തില് നല്കിയ സര്ക്കാര് അംഗീകരിച്ച പേരാണ് കാള് സമയത്ത് കാണുക.
സ്പാം കോളുകളും തട്ടിപ്പുകളും കാര്യമായി കുറയുമെന്നാണ് ട്രായിയുടെ പ്രതീക്ഷ. ഉപയോക്താക്കള്ക്ക് അപേക്ഷകളൊന്നും നല്കാതെ ഈ സേവനം ലഭ്യമാകും. അതേസമയം ഈ ഫീച്ചര് ഉപയോഗിക്കാനില്ലെന്ന് ആഗ്രഹിക്കുന്നവര്ക്ക് ഒഴിവാക്കാനുള്ള ഓപ്ഷന് ലഭ്യമായിരിക്കും.
News
നാനോ ബനാന 2 ഉടന് വരുന്നു; പുതിയ ഇമേജ് ജനറേഷന് മോഡലിനെ കുറിച്ച് റിപ്പോര്ട്ടുകള് ആവേശം കൂട്ടുന്നു
സങ്കീര്ണമായ ഇമേജ് എഡിറ്റുകളും സ്വാഭാവിക ഭാഷ നിര്ദേശങ്ങളില് നിന്ന് ദൃശ്യങ്ങള് സൃഷ്ടിക്കുന്ന കഴിവുമാണ് ഇതിനെ ജനപ്രിയമാക്കിയത്.
ജെമിനിയുടെ ഇമേജ് ജനറേഷന് ടൂളായ നാനോ ബനാന പുറത്തിറങ്ങി മാസങ്ങള്കൊണ്ടുതന്നെ ഉപയോക്താക്കളെ ആകര്ഷിച്ചിരുന്നു. സങ്കീര്ണമായ ഇമേജ് എഡിറ്റുകളും സ്വാഭാവിക ഭാഷ നിര്ദേശങ്ങളില് നിന്ന് ദൃശ്യങ്ങള് സൃഷ്ടിക്കുന്ന കഴിവുമാണ് ഇതിനെ ജനപ്രിയമാക്കിയത്. ഇപ്പോള് ഇതിന്റെ അടുത്ത പതിപ്പായ നാനോ ബനാന 2-നെക്കുറിച്ച് വലിയ പ്രതീക്ഷകളാണ്. പുറത്ത് വരുന്ന സൂചനകള് പ്രകാരം പുതിയ പതിപ്പിന്റെ ഔദ്യോഗിക ലോഞ്ചിങ് ഉടന് നടക്കാനാണ് സാധ്യത.
പ്രതീക്ഷ ഉയര്ത്തിയത്, കഴിഞ്ഞ ദിവസങ്ങളില് ചില ഉപയോക്താക്കള്ക്ക് നാനോ ബനാന 2 ഉപയോഗിക്കാന് കഴിഞ്ഞതും അവര് സൃഷ്ടിച്ച ചിത്രങ്ങള് സമൂഹമാധ്യമങ്ങളില് പ്രചരിക്കുകയും ചെയ്തതുമാണ്. എന്നാല് ലോഞ്ചിങ് തീയതിയെക്കുറിച്ച് ഗൂഗിള് ഇതുവരെ പ്രതികരിച്ചിട്ടില്ല.
ജെമിനി 2.5 ഫ്ലാഷ് മോഡലിന്റെ തുടര്ച്ചയായ നാനോ ബനാന 2 ചിത്രങ്ങളുടെ കൃത്യത, റെന്ഡറിങ് ഗുണനിലവാരം, ഇന്ഫോഗ്രാഫിക്സ്, ചാര്ട്ടുകള്, നിര്ദ്ദേശങ്ങള് പിന്തുടരല് തുടങ്ങിയ മേഖലകളില് വലിയ പരിഷ്കാരങ്ങളോടെയാണ് വരുന്നതെന്നാണ് റിപ്പോര്ട്ടുകള്. ഉയര്ന്ന റെസല്യൂഷന് ഡൗണ്ലോഡുകളും ഒന്നിലധികം വീക്ഷണാനുപാതങ്ങളും (9:16, 16:9 എന്നിവ) പിന്തുണയ്ക്കുന്ന പുതിയ പതിപ്പ് സോഷ്യല് മീഡിയ പോസ്റ്റുകള്ക്കും പ്രൊഫഷണല് അവതരണങ്ങള്ക്കും കൂടുതല് അനുയോജ്യമാകും.
പുതിയ മോഡലില് ചിത്ര നിര്മ്മാണം പല ഘട്ടങ്ങളിലായാണ് നടക്കുകപ്ലാന് ചെയ്യല്, വിലയിരുത്തല്, സ്വയം അവലോകനം എന്നിവയിലൂടെ അന്തിമ ചിത്രം കൂടുതല് യാഥാര്ഥ്യത്തോടും കൃത്യതയോടും കൂടി ലഭ്യമാക്കും. നാനോ ബനാന 2 ജെമിനി 3 പ്രോ ഇമേജ് മോഡലിലാണ് പ്രവര്ത്തിക്കുന്നത്.
പ്രശസ്തരുടേതടക്കം ഉയര്ന്ന കൃത്യതയുള്ള ചിത്രങ്ങള് സൃഷ്ടിക്കാനും വ്യത്യസ്ത പശ്ചാത്തലങ്ങളില് ക്രിയേറ്റീവ് പ്രോംപ്റ്റുകള് ഉപയോഗിച്ച് അവയെ ഇഷ്ടാനുസൃതമാക്കാനും നാനോ ബനാന 2 സഹായിക്കുന്നുവെന്നാണ് റിപ്പോര്ട്ടുകള്. ഉപയോക്താക്കളുടെ ചിത്രങ്ങള് എഡിറ്റ് ചെയ്യാനായി ‘എഡിറ്റ് വിത്ത് ജെമിനി’ എന്ന ഫീച്ചറും ലഭ്യമാകും.
kerala
മത്സരിക്കാന് ആകുമോ എന്നത് രണ്ടാമത്തെ കാര്യം, പിന്നില് വേറെയും ആളുകളുണ്ടാകും; വൈഷ്ണ
“25 വര്ഷമായി സിപിഎമ്മിന്റെ സിറ്റിംഗ് സീറ്റാണ് മുട്ടട. അതിന്റെ ഭാഗമായായിരിക്കും ഇത്തരം സംഭവങ്ങള് ഉണ്ടായത്”
തിരുവനന്തപുരം: സ്ഥാനാര്ഥി പട്ടികയില് നിന്ന് പേര് നീക്കം ചെയ്തെന്ന വിവരം ഇതുവരെ ലഭിച്ചിട്ടില്ലെന്ന് മുട്ടട യുഡിഎഫ് സ്ഥാനാര്ഥിയായി തീരുമാനിച്ചിരുന്ന വൈഷ്ണ. മാധ്യമങ്ങളിലൂടെയാണ് താന് കാര്യങ്ങള് അറിഞ്ഞത്. മറ്റു കാര്യങ്ങള് പാര്ട്ടി നോക്കുമെന്നും മത്സരിക്കാന് കഴിയുമോ ഇല്ലയോ എന്നുള്ളത് രണ്ടാമത്തെ കാര്യമാണെന്നും വൈഷ്ണ പറഞ്ഞു.
പരാതിപ്പെട്ടത് സിപിഎം ബ്രാഞ്ച് കമ്മറ്റി അംഗം ആണെങ്കിലും അത് അദേഹത്തിന്റെ പരാതി മാത്രം ആയി കാണുന്നില്ല. മറ്റു ആളുകളും ഇതിന് പിന്നില് കാണും. ആദ്യം മുതല് ജയിക്കും എന്ന ഒരു ട്രെന്ഡ് വന്നിട്ടുണ്ടായിരുന്നു. 25 വര്ഷമായി സിപിഎമ്മിന്റെ സിറ്റിംഗ് സീറ്റാണ് മുട്ടട. അതിന്റെ ഭാഗമായായിരിക്കും ഇത്തരം സംഭവങ്ങള് ഉണ്ടായതെന്നും വൈഷ്ണ പ്രതികരിച്ചു.
കോടതിയെ സമീപിക്കണോ തെരഞ്ഞെടുപ്പ് കമ്മീഷനെ സമീപിക്കണമോ എന്ന് പാര്ട്ടി തീരുമാനിക്കുമെന്നും വൈഷ്ണ വ്യക്തമാക്കി.
അതേസമയം, പരാതിക്കാരനായ ധനേഷ് കുമാര് അയാളുടെ വിലാസത്തില് 20 പേരുടെ വോട്ട് ചേര്ത്തിട്ടുണ്ടെന്ന് ഡിസിസി ഭാരവാഹി മുട്ടട അജിത് പറഞ്ഞു. മുട്ടട വാര്ഡിലെ അഞ്ചാം നമ്പര് ബൂത്തില് ആണ് വോട്ട് ചേര്ത്തത്. രണ്ടു മുറി വീട്ടില് എങ്ങനെയാണ് 20 പേര് താമസിക്കുക എന്നും ഇതിനെതിരെയും കോടതിയെ സമീപിക്കുമെന്നും അജിത് കൂട്ടിച്ചേര്ത്തു.
-
GULF7 hours agoമക്കമദീന ഹൈവേയില് ഭീകരാപകടം: ഉംറ ബസ് കത്തി, 40 പേര് മരിച്ചു
-
india2 days agoമുഹമ്മദ് അഖ്ലാഖ് കേസിലെ പ്രതികള്ക്കെതിരായ കേസ് പിന്വലിക്കാന് യു.പി. സര്ക്കാര് നീക്കം തുടങ്ങി
-
kerala2 days ago500 രൂപയുടെ കള്ളനോട്ടുകളുമായി വിദ്യാര്ത്ഥികള് ഉള്പ്പെടെ അഞ്ചുപേര് അറസ്റ്റില്
-
kerala2 days agoതദ്ദേശ തെരഞ്ഞെടുപ്പില് സ്ഥാനാര്ത്ഥി നിര്ണയത്തില് അവഗണിക്കപ്പെട്ടതില് മനംനൊന്ത് ആര്എസ്എസ് പ്രവര്ത്തകന് ആത്മഹത്യ ചെയ്തു
-
kerala2 days agoസഹപ്രവര്ത്തകയെ പീഡിപ്പിക്കാന് ശ്രമിച്ച പൊലീസ് അസോസിയേഷന് നേതാവിനെതിരെ കേസ്
-
Video Stories19 hours agoജാതി വിവേചനം; മലപ്പുറം ബിജെപിയില് പൊട്ടിത്തെറി, ബിജെപി നേതാവ് രാജിവച്ചു
-
kerala2 days agoപ്ലസ് ടു വിദ്യാര്ത്ഥിനിയെ പീഡിപ്പിച്ച കേസില് യുവാവ് അറസ്റ്റില്
-
News2 days agoസൂപ്പര് ലീഗ് കേരള: കൊച്ചിക്ക് തുടര്ച്ചയായ ഏഴാം തോല്വി; തിരുവനന്തപുരം കൊമ്പന്സ് ഏക ഗോളിന് വിജയം