kerala
ലോക് തന്ത്ര് സംരക്ഷണ് മാര്ച്ച് ഇന്ന്; മോദി സര്ക്കാരിന് തുടരാന് അവകാശമില്ല: യൂത്ത് ലീഗ്
വോട്ട് കൊള്ളയെ സംബന്ധിക്കുന്ന ഞെട്ടിക്കുന്ന വിവരങ്ങള് പുറത്തുവന്നതോടെ മോദി സര്ക്കാരിന് ഭരണത്തില് തുടരാനുള്ള ധാര്മിക അവകാശം നഷ്ടമായെന്ന് യൂത്ത് ലീഗ് ദേശീയ ജനറല് സെക്രട്ടറി ടി.പി അഷ്റഫലി.
ന്യൂഡല്ഹി: വോട്ട് കൊള്ളയെ സംബന്ധിക്കുന്ന ഞെട്ടിക്കുന്ന വിവരങ്ങള് പുറത്തുവന്നതോടെ മോദി സര്ക്കാരിന് ഭരണത്തില് തുടരാനുള്ള ധാര്മിക അവകാശം നഷ്ടമായെന്ന് യൂത്ത് ലീഗ് ദേശീയ ജനറല് സെക്രട്ടറി ടി.പി അഷ്റഫലി. വോട്ട് ചോരി, അസം കൂട്ട കുടിയൊഴിപ്പിക്കല് എന്നിവയില് പ്രതിഷേധിച്ച് ജന്ദര് മന്ദറില് ഇന്ന് മുസ്ലിം യൂത്ത് ലീഗ് ദേശീയ കമ്മിറ്റി സംഘടിപ്പിക്കുന്ന ലോക് തന്ത്ര് സംരക്ഷണ് മാര്ച്ചിനെ കുറിച്ച് വിശദീകരിക്കാന് വിളിച്ച വാര്ത്ത സമ്മേളനത്തില് സംസാരിക്കുകയായിരുന്നു അദ്ദേഹം. രാവിലെ 10.30ന് ആരംഭിക്കുന്ന മാര്ച്ചില് ഉത്തരേന്ത്യയില് നിന്നുള്ള യൂത്ത് ലീഗ് കേഡര്മാര് പങ്കെടുക്കുമെന്നു നേതാക്കള് അറിയിച്ചു. മുസ്ലിം ലീഗ് ദേശീയ ഓര്ഗനൈസിംഗ് സെക്രട്ടറി ഇ.ടി മുഹമ്മദ് ബഷീര് എം.പി മാര്ച്ച് ഉദ്ഘാടനം ചെയ്യും. അഡ്വ. ഹാരിസ് ബീരാന് എം.പി, ഇമ്രാന് പ്രതാപ്ഗര്ഹി എം.പി, അല്ക ലാംബ, യോഗേന്ദ്ര യാദവ് അഭിസംബോധന ചെയ്യും.
അസമില്, ഹിമന്ത ബിശ്വ ശര്മയുടെ ബി.ജെ.പി സര്ക്കാര് നിയമവാഴ്ച നഗ്നമായി ലംഘിക്കുകയാണ്. രാഷ്ട്രീയ മുതലെടുപ്പിനായി സര്ക്കാര് സമൂഹത്തെ വര്ഗീയമായി വിഭജിക്കാന് ശ്രമിക്കുന്നു. ക്ഷേമ പ്രവര്ത്തനങ്ങള് നടത്തുന്നതിനുപകരം ബി.ജെ.പി നേത്യത്വ ത്തിലുള്ള സര്ക്കാറുകള് ആളുകളെ വിഭജിക്കുന്ന തിരക്കിലാണ്. അനധികൃത കുടിയേറ്റ പ്രശ്നത്തിന്റെ മറവില് സംസ്ഥാനത്തെ മുസ്ലിംകളെ സംശയത്തിന്റെ നിഴലില് നിര്ത്തുകയാണ്. സുപ്രീംകോടതി മാര്ഗനിര്ദ്ദേശങ്ങള് പാലിക്കാതെ സര്ക്കാര് ജനങ്ങളുടെ വീടുകള് തകര്ക്കുന്നത് കോടതിയ ലക്ഷ്യ നടപടിയാണെന്നും നേതാക്കള് പറഞ്ഞു.
വാര്ത്ത സമ്മേളനത്തില് മുസ്ലിം ലീഗ് ദേശീയ സെക്രട്ടറി ആസിഫ് അന്സാരി, യൂത്ത് ലീഗ് ദേശീയ ഓര്ഗനൈസിംഗ് സെക്രട്ടറി അഡ്വ. ഷിബു മീരാന്, സെക്രട്ടറി സി.കെ ഷാക്കിര്, എക്സിക്യൂട്ടിവ് അംഗം അഡ്വ. മര്സുഖ് ബാഫഖി എന്നിവരും സംബന്ധിച്ചു.
kerala
ടി പി വധക്കേസ്;പ്രതി ജ്യോതിബാബുവിന് ജാമ്യം നല്കാനാകില്ല: സുപ്രീംകോടതി
കൊലപാതക കേസ് ആയതുകൊണ്ട് വിചാരണക്കോടതിയിലെ രേഖകള് പരിശോധിക്കണമെന്ന് കോടതി വ്യക്തമാക്കി.
ടി പി ചന്ദ്രശേഖരന് വധക്കേസ് പ്രതി ജ്യോതി ബാബുവിന് എളുപ്പത്തില് ജാമ്യം നല്കാന് സാധിക്കില്ലെന്ന് സുപ്രീംകോടതി. കൊലപാതക കേസ് ആയതുകൊണ്ട് വിചാരണക്കോടതിയിലെ രേഖകള് പരിശോധിക്കണമെന്ന് കോടതി വ്യക്തമാക്കി. രേഖകള് പരിശോധിച്ച ശേഷം ജാമ്യാപേക്ഷയില് തീരുമാനമെടുക്കാമെന്നും കോടതി അറിയിച്ചു. ആവശ്യമായ നടപടി സ്വീകരിക്കാന് രജിസ്ട്രാര്ക്ക് സുപ്രീംകോടതി നിര്ദ്ദേശം നല്കി. ഡയാലിസിസിന് വിധേയനാകണമെന്നും വിദഗ്ധ ചികിത്സ ആവശ്യമാണെന്നുമായിരുന്നു ജ്യോതി ബാബുവിന്റെ വാദം.
ടി പി ചന്ദ്രശേഖരന്റെ ഭാര്യ കെ കെ രമ എംഎല്എയും ജാമ്യം നല്കുന്നതിനെ എതിര്ത്തു. ജ്യോതിബാബുവിന് ജാമ്യം നല്കുന്നത് അപകടകരമെന്ന് വ്യക്തമാക്കി കെ കെ രമ സുപ്രീം കോടതിയില് സത്യവാങ്മൂലം നല്കിയിരുന്നു.
kerala
വെള്ളാപ്പള്ളിയുടെ നോമിനിയെ സ്ഥാനാര്ത്ഥിയാക്കി; മാരാരിക്കുളത്ത് സിപിഎമ്മില് പൊട്ടിത്തെറി
മൂന്ന് ലോക്കല് കമ്മിറ്റി അംഗങ്ങള് രാജിക്കത്ത് നല്കി
ആലപ്പുഴ: മാരാരിക്കുളത്ത് സിപിഎമ്മില് പൊട്ടിത്തെറി. മൂന്ന് ലോക്കല് കമ്മിറ്റി അംഗങ്ങള് രാജിക്കത്ത് നല്കി. മാരാരിക്കുളം ചെത്തി ലോക്കല് കമ്മിറ്റിയിലാണ് തര്ക്കം. വാര്ഡ് കമ്മിറ്റി തെരഞ്ഞെടുത്ത ആളെ സ്ഥാനാര്ത്ഥി ആക്കിയില്ലെന്നും എസ്എന്ഡിപി ജനറല് സെക്രട്ടറി വെള്ളാപ്പള്ളി നടേശന്റെ നോമിനിയെ സ്ഥാനാര്ത്ഥിയാക്കിയെന്നുമാണ് ആരോപണം.
kerala
മൂവാറ്റുപുഴയില് ബൈക്ക് നിയന്ത്രണം വിട്ട് മറിഞ്ഞ് രണ്ട് പേര് മരിച്ചു
മൂവാറ്റുപുഴയില് നിന്ന് മടങ്ങുകയായിരുന്ന ഇവര് സഞ്ചരിച്ച ബൈക്ക് മിങ്കുന്നം പള്ളിക്കു സമീപം നിയന്ത്രണം വിട്ട് റോഡിലേക്ക് മറിഞ്ഞുവീണതാണ് അപകട കാരണം
മൂവാറ്റുപുഴ: മൂവാറ്റുപുഴകൂത്താട്ടുകുളം എം.സി. റോഡില് മിങ്കുന്നത്ത് ഞായറാഴ്ച രാത്രി നടന്ന അപകടത്തില് രണ്ട് യുവാക്കളുടെ ജീവന് നഷ്ടമായി. ആറൂര് മൂഞ്ഞേലിലെ ആല്ബിന് (16), കൈപ്പം തടത്തില് ശ്യാംജിത്ത് (21) എന്നിവരാണ് മരിച്ചത്.
മൂവാറ്റുപുഴയില് നിന്ന് മടങ്ങുകയായിരുന്ന ഇവര് സഞ്ചരിച്ച ബൈക്ക് മിങ്കുന്നം പള്ളിക്കു സമീപം നിയന്ത്രണം വിട്ട് റോഡിലേക്ക് മറിഞ്ഞുവീണതാണ് അപകട കാരണം. സ്ഥലത്തേക്ക് ഓടിയെത്തിയ നാട്ടുകാര് ഇരുവരെയും ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
-
GULF9 hours agoമക്കമദീന ഹൈവേയില് ഭീകരാപകടം: ഉംറ ബസ് കത്തി, 40 പേര് മരിച്ചു
-
india2 days agoമുഹമ്മദ് അഖ്ലാഖ് കേസിലെ പ്രതികള്ക്കെതിരായ കേസ് പിന്വലിക്കാന് യു.പി. സര്ക്കാര് നീക്കം തുടങ്ങി
-
kerala2 days ago500 രൂപയുടെ കള്ളനോട്ടുകളുമായി വിദ്യാര്ത്ഥികള് ഉള്പ്പെടെ അഞ്ചുപേര് അറസ്റ്റില്
-
kerala2 days agoതദ്ദേശ തെരഞ്ഞെടുപ്പില് സ്ഥാനാര്ത്ഥി നിര്ണയത്തില് അവഗണിക്കപ്പെട്ടതില് മനംനൊന്ത് ആര്എസ്എസ് പ്രവര്ത്തകന് ആത്മഹത്യ ചെയ്തു
-
kerala2 days agoസഹപ്രവര്ത്തകയെ പീഡിപ്പിക്കാന് ശ്രമിച്ച പൊലീസ് അസോസിയേഷന് നേതാവിനെതിരെ കേസ്
-
kerala2 days agoപ്ലസ് ടു വിദ്യാര്ത്ഥിനിയെ പീഡിപ്പിച്ച കേസില് യുവാവ് അറസ്റ്റില്
-
Video Stories21 hours agoജാതി വിവേചനം; മലപ്പുറം ബിജെപിയില് പൊട്ടിത്തെറി, ബിജെപി നേതാവ് രാജിവച്ചു
-
News2 days agoസൂപ്പര് ലീഗ് കേരള: കൊച്ചിക്ക് തുടര്ച്ചയായ ഏഴാം തോല്വി; തിരുവനന്തപുരം കൊമ്പന്സ് ഏക ഗോളിന് വിജയം