Connect with us

kerala

വോട്ടിന്റെ വഴിയില്‍ മണിനാദമായി മുസ്‌ലിംലീഗ് സ്ഥാനാര്‍ഥി കലാഭവന്‍ രാജു

നാടറിയുന്ന കലാകാരന്‍ മാത്രമല്ല, പഞ്ചായത്ത് അംഗമായി നാടിന്റെ മനസറിഞ്ഞ രാജു ഇനി ബ്ലോക്ക് പഞ്ചായത്തംഗമാകാനുള്ള ജനവിധി തേടുകയാണ്

Published

on

ശരീഫ് കരിപ്പൊടി
കാസര്‍കോട്

നടന്‍ കലാഭവന്‍ മണിയുടെ ഡ്യൂപ്പായി നിരവധി കലാവേദികളില്‍ തിളങ്ങിയ കലാഭവന്‍ രാജു ഇന്ന് വോട്ടുവഴിയില്‍ പാട്ടിന്റെ പാലാഴി തീര്‍ക്കുകയാണ്. നാടറിയുന്ന കലാകാരന്‍ മാത്രമല്ല, പഞ്ചായത്ത് അംഗമായി നാടിന്റെ മനസറിഞ്ഞ രാജു ഇനി ബ്ലോക്ക് പഞ്ചായത്തംഗമാകാനുള്ള ജനവിധി തേടുകയാണ്.

‘മണിക്കിലുക്ക’ത്തിലൂടെ ശ്രദ്ധേയനായ ഈ 45കാരന്‍ മുസ്്‌ലിംലീഗിന്റെ ഉറച്ച സീറ്റായ കാസര്‍കോട് ബ്ലോക്ക് പഞ്ചായത്ത് കളനാട് ഡിവിഷനില്‍ നിന്ന് കോണി ചിഹ്നത്തിലാണ് ജനവിധി തേടുന്നത്. നേരത്തെ ചെമ്മനാട് പഞ്ചായത്ത് ബെണ്ടിച്ചാലില്‍ നിന്ന് മുസ്്‌ലിംലീഗ് ടിക്കറ്റില്‍ തന്നെയാണ് മത്സരിച്ച് ജയിച്ചത്. ഇത്തവണ കളനാട് ഡിവിഷന്‍ പട്ടികജാതി സംവരണ സീറ്റായപ്പോള്‍ പഞ്ചായത്തംഗമായി അഞ്ചുവര്‍ഷം നാടിന്റെ കൂടെ നിന്ന ദളിത് ലീഗ് ജില്ലാ ജനറല്‍ സെക്രട്ടറി കൂടിയായ രാജുവിനെ മുസ്്‌ലിം ലീഗ് പഞ്ചായത്ത് നേതൃത്വം ഈ സീറ്റിലേക്ക് നിര്‍ദേശിക്കുകയായിരുന്നു.

സിപിഎമ്മിലെ ചന്ദ്രന്‍ കൊക്കാലാണ് രാജുവിന്റെ എതിര്‍ സ്ഥാനാര്‍ഥി. ബിജെപി സ്ഥാനാര്‍ഥിയുടെ പത്രിക തള്ളിയതിനെ തുടര്‍ന്ന് ആകെ വാര്‍ഡില്‍ രണ്ടുസ്ഥാനാര്‍ഥികള്‍ മാത്രം. കഴിഞ്ഞ 2015ലെ തെരഞ്ഞെടുപ്പില്‍ മുസ്്‌ലിംലീഗിലെ ആയിഷ സഹദുള്ളയായിരുന്നു ഇവിടെ നിന്ന് വിജയിച്ചത്. അന്ന് 1200ല്‍പരം വോട്ടുകള്‍ക്കാണ് സിപിഐയിലെ അനിതാരാജിനെ ആയിഷ തോല്‍പ്പിച്ചത്.

ഇരുപത് വര്‍ഷം ബിഎസ്എന്‍എല്ലില്‍ മസ്ദുര്‍ കരാര്‍ ജീവനക്കാരനായിരുന്ന രാജു നാട്ടുകാര്‍ക്കിടയില്‍ സര്‍വസമ്മതനായ പൊതുപ്രവര്‍ത്തകനാണ്. കലാഭവന്‍ ഫാന്‍സ് അസോസിയേഷന്റെ മുന്‍ ജില്ലാ പ്രസിഡന്റു കൂടിയാണ്. കലാഭവന്‍ മണിയോടുള്ള ചങ്ങാത്തവും അസോസിയേഷനോടൊത്തുള്ള പ്രവര്‍ത്തനവുമാണ് പേരിനൊപ്പം കലാഭവന്‍ എന്ന് ചേര്‍ന്നത്. മണി നായകനായ നന്മ എന്ന സിനിമയില്‍ ചെറിയ വേഷം ചെയ്തതോടെ നാടറിഞ്ഞ കലാകാരനായി. പിന്നീട് ജനപ്രതിനിധിയായപ്പോഴും മിമിക്രിയെയും നാടന്‍പാട്ടിനെയും മറന്നില്ല. ഇന്ന് മണിയെ പോലെ പൊട്ടിച്ചിരിച്ചും പാടിത്തിമര്‍ത്തും കലാഭവന്‍ രാജു വോട്ടിന്റെ വഴിയില്‍ സജീവമാവുകയാണ്. ചട്ടഞ്ചാല്‍ കാവുംപള്ളം സ്വദേശിയാണ് രാജു. ഭാര്യ: ജിഷ. വിദ്യാര്‍ത്ഥികളായ റോഷന്‍ രാജ്, റോഷ്‌ന മക്കളാണ്.

kerala

നടന്‍ ശ്രീനാഥ് ഭാസിക്ക് സിനിമയില്‍ താല്‍ക്കാലിക വിലക്ക്

ഫിലിം പ്രൊഡ്യൂസേഴ്‌സ് അസോസിയേഷന്റേതാണ് തീരുമാനം.

Published

on

ഓണ്‍ലൈന്‍ മാധ്യമപ്രവര്‍ത്തകയെ അഭിമുഖത്തിനിടെ അപമാനിച്ച നടന്‍ ശ്രീനാഥ് ഭാസിക്ക് വിലക്കേര്‍പ്പെടുത്തി സിനിമ നിര്‍മാതാക്കളുടെ സംഘടന. ഫിലിം പ്രൊഡ്യൂസേഴ്‌സ് അസോസിയേഷന്റേതാണ് തീരുമാനം. നടനെ സിനിമയില്‍ നിന്ന് താല്‍ക്കാലികമായി  മാറ്റിനിര്‍ത്തുമെന്ന് സംഘടന അറിയിച്ചു.

തെറ്റ് പറ്റിയതായി ശ്രീനാഥ് ഭാസി സമ്മതിച്ചു. ഇനി ആവര്‍ത്തിക്കില്ലെന്ന് പറഞ്ഞെങ്കിലും നടപടി സ്വീകരിക്കുകയാണെന്ന് സംഘടന വ്യക്തമാക്കി. നിലവില്‍ അഭിനയിക്കുന്ന സിനിമകള്‍ പൂര്‍ത്തിയാക്കിയാല്‍ ശ്രീനാഥ് ഭാസിയോട് മാറിനില്‍ക്കാന്‍ ആവശ്യപ്പെടും. പോലീസിന് പരാതി നല്‍കിയതിനൊപ്പം സിനിമ നിര്‍മാതാക്കളുടെ സംഘടനയ്ക്കും  യുവതി പരാതി നല്‍കിയിരുന്നു. ഇത് പരിഗണിച്ചാണ് സംഘടന തീരുമാനമെടുത്തത്.

ഓണ്‍ലൈന്‍ മാധ്യമപ്രവര്‍ത്തകയോട് അഭിമുഖത്തിനിടെ അസഭ്യം പറഞ്ഞെന്ന കേസില്‍ കഴിഞ്ഞ ദിവസമാണ് ശ്രീനാഥ് ഭാസിയെ അറസ്റ്റ് ചെയ്ത് ജാമ്യത്തില്‍ വിട്ടയച്ചത്.  മരട് പോലീസ് സ്‌റ്റേഷനിലായുന്നു നടന്‍ ചോദ്യം ചെയ്യലിന് ഹാജരായത്. സ്‌റ്റേഷന്‍ ജാമ്യത്തിലാണ് വിട്ടയച്ചത്. സ്ത്രീത്വത്തെ അപമാനിച്ചുവെന്നതാണ് നടന്‍ എതിരെയുള്ള കേസ്.

Continue Reading

kerala

പോപ്പുലര്‍ ഫ്രണ്ട് 5.06 കോടി രൂപ നഷ്ടപരിഹാരം നല്‍കണം; കെഎസ്ആര്‍ടിസി ഹൈക്കോടതിയില്‍

ഹര്‍ത്താലിനെതുടര്‍ന്നുണ്ടായ അക്രമത്തില്‍ 58 ബസുകളാണ് തകര്‍ക്കപ്പെട്ടത്.

Published

on

ഇക്കഴിഞ്ഞ വെള്ളിയാഴ്ച പോപ്പുലര്‍ ഫ്രണ്ട് ആഹ്വാനം ചെയ്ത ഹര്‍ത്താലിനെതുടര്‍ന്നുണ്ടായ നഷ്ട പരിഹാരം ആവശ്യപ്പെട്ട് കെഎസ്ആര്‍ടിസി ഹൈക്കോടതിയില്‍ ഹര്‍ജി നല്‍കി.ഹര്‍ത്താല്‍ പ്രഖ്യാപിച്ചരില്‍ നിന്ന് 5 കോടി 6 ലക്ഷം രൂപ നഷ്ടപരിഹാരം വേണമെന്നാണ് ആവശ്യം.

ഹര്‍ത്താലിനെതുടര്‍ന്നുണ്ടായ അക്രമത്തില്‍ 58 ബസുകളാണ് തകര്‍ക്കപ്പെട്ടത്. 10 ജീവനക്കാര്‍ക്ക് പരിക്കേറ്റു. ഹൈക്കോടതി സ്വമേധയ എടുത്ത കേസിലാണ്.കക്ഷി ചേരാന്‍ കെഎസ്ആര്‍ടിസി ഹര്‍ജി നല്‍കിയത്.

Continue Reading

kerala

മുസ്‌ലിം യൂത്ത് ലീഗ് ജനസഹായി കേന്ദ്രം പ്രവർത്തനം തുടങ്ങി

Published

on

വാടാനപ്പള്ളി: മുസ്‌ലിം യൂത്ത് ലീഗ് ജനസഹായി കേന്ദ്രം വാടാനപ്പള്ളിയിൽ പ്രവർത്തനം തുടങ്ങി.പി എ മുഹമ്മദ്‌ സാഹിബിന്റെ
ആധാർ, വോട്ടർ ഐ ഡിയുമായി ബന്ധിപ്പിച്ച് ടി എൻ പ്രതാപൻ എം പി പ്രവർത്തനോദ്‌ഘാടനം നിർവഹിച്ചു.

ജനസേവന രംഗത്തെ മാതൃകാ കാൽവെപ്പാണ് യൂത്ത് ലീഗിന്റെ ജനസഹായി കേന്ദ്രങ്ങളെന്ന് ടി എൻ പ്രതാപൻ എം പി അഭിപ്രായപ്പെട്ടു.

സർക്കാർ സേവനങ്ങൾ 90%വും ഓൺലൈൻ മുഖേനയാക്കിയ സാഹചര്യത്തിൽ ഡിജിറ്റലൈസ് ചെയ്ത സേവന കേന്ദ്രങ്ങളായി ഓഫീസുകളെ നവീകരിക്കുകയെന്നത് കാലത്തിനനുസരിച്ചുള്ള അപ്ഡേഷനാണ്. ജനങ്ങളെ സഹായിക്കാൻ ആധുനികവൽക്കരിച്ച ഓഫീസുകൾ സജ്ജീകരിച്ച യൂത്ത് ലീഗിന്റെ പ്രവർത്തനം ശ്ലാഖനീയമാണെന്ന് എം പി പറഞ്ഞു.

സേവന സന്നദ്ധമായ യൗവനങ്ങളാണ് നാടിന്റെ സമ്പത്ത്. അതിനെ ഗുണപ്രദമായി ഉപയോഗപ്പെടുത്തുന്നതിനുള്ള അജണ്ടകളും ആസൂത്രണങ്ങളും രൂപപ്പെടുത്താന്‍ ഭരണകൂടങ്ങള്‍ക്കും മത-രാഷ്ട്രീയ സംഘടനകള്‍ക്കും ഉത്തരവാദിത്തമുണ്ടെന്ന് അദ്ദേഹം കൂട്ടിച്ചേർത്തു.

പ്രവാസി കൂട്ടായ്മയായ ഗ്രീൻ റഹ് മയുടെ സഹകരണത്തോടെ ലീഗ് പഞ്ചായത്ത്‌ ഓഫീസായ എം എം ഹനീഫ സൗധത്തിലാണ് ജനസഹായി കേന്ദ്രം പ്രവർത്തിക്കുന്നത്.

യൂത്ത് ലീഗ് പഞ്ചായത്ത്‌ പ്രസിഡണ്ട്‌ എ വൈ ഹർഷാദ് അധ്യക്ഷനായി.
മുസ്‌ലിം ലീഗ് ജില്ല വൈസ് പ്രസിഡണ്ട്‌ കെ എ ഹാറൂൺ റഷീദ്, ഡി സി സി സെക്രട്ടറി സി എം നൗഷാദ്, യൂത്ത് ലീഗ് ജില്ല പ്രസിഡണ്ട്‌ എ എം സനൗഫൽ, ലീഗ് പഞ്ചായത്ത്‌ പ്രസിഡണ്ട്‌ കെ എം അബ്ദുള്ള, ജനറൽ സെക്രട്ടറി എ എ ഷജീർ, നൂറുദ്ദീൻ യമാനി, എ എം നിയാസ്, പി കെ അഹമ്മദ്, പി എം ഷെരീഫ്, പി എം ഖാലിദ്, എ സി അബ്ദുറഹിമാൻ, കെ എസ് ഹുസൈൻ, ഗ്രാമ പഞ്ചായത്ത് അംഗം രേഖ അശോകൻ, വി എം മുഹമ്മദ്‌ സമാൻ, അറക്കൽ അൻസാരി, താഹിറ സാദിഖ്, രജനി കൃഷ്ണാനന്ദ്, അഷ്‌റഫ്‌ ലബ്ബ, എ എ മുഹമ്മദ്‌, അറക്കൽ ലത്തീഫ്, എം എൻ സലീം പ്രസംഗിച്ചു.

Continue Reading

Trending