Connect with us

india

മുസ്‌ലിംലീഗ് ജനങ്ങളെ ഒരുമിപ്പിക്കുന്ന പ്രസ്ഥാനം: പി.കെ കുഞ്ഞാലിക്കുട്ടി

പാര്‍ട്ടി ഓഫീസുകളും അവശത അനുഭവിക്കുന്ന ജനങ്ങളുടെ ആശ്രയ കേന്ദ്രങ്ങളാണെന്നും അദ്ദേഹം പറഞ്ഞു.

Published

on

തൃക്കുന്നപ്പുഴ: സമൂഹത്തിലെ എല്ലാവിഭാഗം ജനങ്ങളെയും ഒരുമിപ്പിച്ച് നിര്‍ത്തിയ പാരമ്പര്യമാണ് മുസ്‌ലിംലീഗിനുള്ളതെന്ന് ദേശീയ ജനറല്‍ സെക്രട്ടറി പി. കെ കുഞ്ഞാലിക്കുട്ടി പറഞ്ഞു. ആലപ്പുഴ ജില്ലയിലെ തൃക്കുന്നപ്പുഴ പഞ്ചായത്ത് ലീഗ് ഹൗസ് ഉദ്ഘാടനത്തോട് അനുബന്ധിച്ച് നടന്ന പൊതു സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. സമൂഹത്തില്‍ ഭിന്നത സൃഷ്ടിക്കാന്‍ ശ്രമിക്കുന്നവര്‍ക്കെതിരെ ജാഗ്രതവേണം. ഫാസിസ്റ്റ് ശക്തികള്‍ക്കെതിരെ ശക്തമായ മുന്നേറ്റമാണ് രാജ്യത്ത് ഉയര്‍ന്നു വരേണ്ടത്.

ഫാസിസ്റ്റുകളുടെ വര്‍ഗീയ പ്രചാരണത്തിന് സഹായകമാകുന്ന പ്രവര്‍ത്തനങ്ങള്‍ ആരില്‍ നിന്നും ഉണ്ടാകരുത്. ജീവകാരുണ്യ പ്രവര്‍ത്തനങ്ങളാണ് മുസ്‌ലിംലീഗിന്റെ മുഖമുദ്ര. സേവനവും പരോപകാരവും മുഖ്യഅജണ്ടയായി സ്വീകരിച്ച പാരമ്പര്യമാണ് പാര്‍ട്ടിക്കുള്ളത്. പാര്‍ട്ടി ഓഫീസുകളും അവശത അനുഭവിക്കുന്ന ജനങ്ങളുടെ ആശ്രയ കേന്ദ്രങ്ങളാണെന്നും അദ്ദേഹം പറഞ്ഞു.

ലീഗ് ഹൗസിന്റെ ഭാഗമായുള്ള അണ്ടോളില്‍ ഉസ്മാന്‍ കുട്ടി സാഹിബ് സ്മാരക ഓഫീസ്, എ.എ ഗഫൂര്‍ സ്മാരക ലൈബ്രറി, കാട്ടില്‍ അബ്ദുറഹീം സാഹിബ് സ്മാരക ഷോപ്പിംഗ് കോംപ്ലക്‌സ് എന്നിവയുടെ ഉദ്ഘാടനം സമ്മേളനത്തിന് മുന്നോടിയായി പാണക്കാട് സയ്യിദ് മുനവ്വറലി ശിഹാബ് തങ്ങള്‍ നിര്‍വഹിച്ചു. അഭിമാനബോധമുള്ള തലമുറയെ വളര്‍ത്തിയെടുക്കാനാണ് മുസ്‌ലിംലീഗ് പരിശ്രമിക്കുന്നതെന്ന് തങ്ങള്‍ പറഞ്ഞു.
മുസ്‌ലിംലീഗ് പഞ്ചായത്ത് കമ്മിറ്റി പ്രസിഡന്റ് സിയാര്‍ തൃക്കുന്നപ്പുഴ അധ്യക്ഷത വഹിച്ചു.

സിദ്ദീഖലി രാങ്ങാട്ടൂര്‍ രാഷ്ട്രീയ വിശദീകരണം നടത്തി. ആമുഖ പ്രഭാഷണം ഒ. ഹാരിസ് അണ്ടോളിലും അനുസ്മരണ പ്രഭാഷണം എ. ഷാജഹാനും നിര്‍വഹിച്ചു. പി. ഉബൈദുല്ല എം.എല്‍.എ, മുസ്‌ലിംലീഗ് ജില്ലാ പ്രസിഡന്റ് എ.എം നസീര്‍, ജനറല്‍ സെക്രട്ടറി അഡ്വ.എച്ച്.ബഷീര്‍ കുട്ടി, ട്രഷറര്‍ കമാല്‍ എം.മാക്കിയില്‍, സ്വതന്ത്ര കര്‍ഷക സംഘം സംസ്ഥാന സെക്രട്ടറി സി. ശ്യാംസുന്ദര്‍, മുസ്‌ലിംലീഗ് ഭാരവാഹികളായ ഇ.വൈ.എം. ഹനീഫ മൗലവി, അഡ്വ. നസീം ഹരിപ്പാട്, അഡ്വ. എസ്. കബീര്‍, എസ്. എ അബ്ദുല്‍ സലാം ലബ്ബ, അഡ്വ. എ. എ റസാഖ്, വനിതാലീഗ് സംസ്ഥാന ട്രഷറര്‍ സീമ യഹിയ, ഗ്രാമ പഞ്ചായത്ത് പ്രസിഡന്റ് എസ്. വിനോദ്കുമാര്‍,വൈസ് പ്രസിഡന്റ് റജില ടീച്ചര്‍, എം. എ ലത്തീഫ്, എ. ഫക്രുദ്ദീന്‍ അലി അഹമ്മദ്, പി. ബിജു, ഷാഫി കാട്ടില്‍, എസ്. ദീപു, മുജീബ് വൈലിത്തിറ, അഡ്വ. അല്‍ത്താഫ് സുബൈര്‍, ഉവൈസ് ഫൈസി പതിയാങ്കര, സദ്ദാം ഹരിപ്പാട്, ഹുസൈന്‍ പാനൂര്‍, എ. എ റഷീദ് പ്രസംഗിച്ചു. സുഹൈല്‍ ദാരിമി പതിയാങ്കര ഖിറാഅത്ത ്‌നിര്‍വ്വഹിച്ചു. പഞ്ചായത്ത് കമ്മിറ്റി ജനറല്‍ സെക്രട്ടറി കെ.അബ്ദുറഹ്മാന്‍കുട്ടി സ്വാഗതവും ട്രഷറര്‍ ഉവൈസ് കുഞ്ഞിത്തയ്യില്‍ നന്ദിയും പറഞ്ഞു.

Continue Reading
Advertisement
Click to comment

Leave a Reply

Your email address will not be published. Required fields are marked *

india

മുന്‍ കേന്ദ്ര നിയമ മന്ത്രി ശാന്തി ഭൂഷണ്‍ അന്തരിച്ചു

1977 മുതല്‍ 1979 വരെ മൊറാര്‍ജി ദേശായി മന്ത്രിസഭയില്‍ നിയമമന്ത്രിയായിരുന്നു.

Published

on

മുൻ കേന്ദ്ര നിയമ മന്ത്രിയും മുതിര്‍ന്ന അഭിഭാഷകനുമായ ശാന്തി ഭൂഷണ്‍ അന്തരിച്ചു. 97 വയസായിരുന്നു. ചൊവ്വാഴ്ച രാത്രി ഏഴിന് ഡല്‍ഹിയിലെ വസതിയിലായിരുന്നു അന്ത്യം.1977 മുതല്‍ 1979 വരെ മൊറാര്‍ജി ദേശായി മന്ത്രിസഭയില്‍ നിയമമന്ത്രിയായിരുന്നു.

1980-ല്‍ ഭാരതീയ ജനതാ പാര്‍ട്ടിയില്‍ ചേര്‍ന്ന അദ്ദേഹം 1986-ല്‍ ബി.ജെ.പിയില്‍ നിന്ന് രാജിവച്ചു. 2012 നവംബര്‍ 26-ന് ആം ആദ്മി പാര്‍ട്ടിയുടെ സ്ഥാപക അംഗമായി. 1980ല്‍ പ്രമുഖ എന്‍.ജി.ഒയായ ‘സെന്‍റര്‍ ഫോര്‍ പബ്ലിക് ഇന്‍ററസ്റ്റ് ലിറ്റിഗേഷന്‍’ സ്ഥാപിച്ചു.

1975 ജൂണില്‍ അലഹബാദ് ഹൈക്കോടതി ഇന്ദിര ഗാന്ധിയുടെ തെരഞ്ഞെടുപ്പ് അസാധുവാക്കിയ വിധിയില്‍ എതിര്‍വിഭാഗമായ രാജ് നരെയ്നു വേണ്ടി ഹാജരായത് ശാന്തി ഭൂഷണായിരുന്നു. പ്രമുഖ അഭിഭാഷകനും ആക്ടിവിസ്റ്റുമായ പ്രശാന്ത് ഭൂഷണ്‍ മകനാണ്.

Continue Reading

india

കോഴിക്കോട് പുഴയരികില്‍ സ്റ്റീല്‍ ബോംബുകള്‍ കണ്ടെത്തി

ബോംബുകള്‍ പുതിയതും ഉഗ്ര സ്ഫോടന ശേഷിയുള്ളതായിരുന്നുവെന്ന് ബോംബ് സ്ക്വാഡ് അറിയിച്ചു

Published

on

കോഴിക്കോട്: പേരാമ്ബ്രയില്‍ അഞ്ച് സ്റ്റീല്‍ ബോംബുകള്‍ കണ്ടെത്തി. കൈതേരി റോഡില്‍ തോട്ടത്താങ്കണ്ടി പുഴയരികില്‍ നിന്നാണ് ബോംബുകള്‍ കണ്ടെത്തിയത്.പശുവിനെ പുല്ല് തീറ്റിക്കുന്നതിനിടെ പരിസരവാസിയാണ് പുഴയരികിലെ പുറമ്ബോക്ക് ഭൂമിയില്‍ പ്ലാസ്റ്റിക് ബക്കറ്റില്‍ സൂക്ഷിച്ച നിലയില്‍ ബോംബുകള്‍ കണ്ടത്.

പേരാമ്ബ്ര പൊലീസില്‍ വിവരം അറിയിച്ചതിനെ തുടര്‍ന്ന് പയ്യോളിയില്‍ നിന്ന് ബോംബ് സ്ക്വാഡെത്തി ബോംബുകള്‍ കസ്റ്റഡിയിലെടുത്തു. തുടര്‍ന്ന് സമീപത്തെ ക്വാറിയില്‍ വച്ച്‌ ബോംബുകള്‍ നിര്‍വീര്യമാക്കി.

ബോംബുകള്‍ പുതിയതും ഉഗ്ര സ്ഫോടന ശേഷിയുള്ളതായിരുന്നുവെന്ന് ബോംബ് സ്ക്വാഡ് അറിയിച്ചു. ആരാണ് ഇവിടെ വച്ചതെന്ന് വ്യക്തമായിട്ടില്ല. ഇതുസംബന്ധിച്ച്‌ കൂടുതല്‍ അന്വേഷണം നടത്തുമെന്ന് പേരാമ്ബ്ര പൊലീസ് അറിയിച്ചു.

Continue Reading

india

കണ്ണൂര്‍ അർബൻനിധി നിക്ഷേപ തട്ടിപ്പ് ; വായ്പ അനുവദിച്ചത് കുറച്ച് ഇപപാടുകാര്‍ക്ക് മാത്രം

  ധനകാര്യം സ്ഥാപനം എന്ന നിലയിൽ പ്രവർത്തിച്ച കാലയളിൽ ചുരുക്കം ഇടപാടുകാര്‍ക്ക് മാത്രമാണ് വായ്പ അനുവദിച്ചതെന്നും വിവരം.

Published

on

കണ്ണൂർ: മോഹന വാഗ്ദാനം നല്‍കി നിക്ഷേപകരില്‍ നിന്ന് കോടികൾ നിക്ഷേപം സ്വീകരിച്ച് വഞ്ചിച്ച അർബൻ നിധി, എനിടൈം മണി സ്ഥാപനങ്ങളിൽ നിക്ഷേപം സ്വീകരണം മാത്രമാണ് നടന്നിരുന്നതെന്ന് പൊലീസ്.  ധനകാര്യം സ്ഥാപനം എന്ന നിലയിൽ പ്രവർത്തിച്ച കാലയളിൽ ചുരുക്കം ഇടപാടുകാര്‍ക്ക് മാത്രമാണ് വായ്പ അനുവദിച്ചതെന്നും വിവരം.

12 ശതമാനം പലിശ വാഗ്ദാനം ചെയ്ത് ജീവനക്കാരെ ഉൾപ്പടെ ഉപയോഗിച്ച് കൂടുതൽ ഇടപാടുകാരെ സ്ഥാപനത്തിൽ പണം നിക്ഷേപിപ്പിക്കുക എന്ന ലക്ഷ്യം മാത്രമായിരുന്നു ഡയറക്ടർമാർക്കുണ്ടായിരുന്നത്. കുറച്ച് ഇടപാടുകാർക്ക് മാത്രമാണ്. ചെറിയ തുകൾ വായ്പ അനുദിച്ചിരുന്നതായാണ് അന്വേഷണത്തിൽ കണ്ടെത്തിയത്. ധനകാര്യസ്ഥാപനം നടത്തുക എന്നതായിരുന്നില്ല പ്രതികളുടെ ഉദ്ദേശം. നിക്ഷേപം സ്വീകരിച്ച് ആ തുക ഉപയോഗിച്ച് സാമ്പത്തിക ബാധ്യതകൾ പരിഹരിക്കുന്നതിനൊപ്പം മറ്റ് ബിസിനസുകൾ നടത്താനുമാണ് സ്ഥാപന ഡയറക്ടർമാരായ പ്രതികൾ ലക്ഷ്യമിട്ടിരുന്നതെന്ന് പൊലീസ് പറയുന്നു. ഒരു ധനകാര്യം സ്ഥാപനം പാലിക്കേണ്ട മാനദണ്ഡങ്ങൾ ഒന്നും തന്നെ ഇരു സ്ഥാപനങ്ങളും പാലിച്ചിരുന്നില്ലെന്നും പൊലീസ് കണ്ടെത്തിട്ടുണ്ട്. കണ്ണൂർ ടൗൺ സ്റ്റേഷനിൽ രജിസ്റ്റർ ചെയ്ത 23 കേസുകൾ ക്രൈംബ്രാഞ്ചിന്റെ സാമ്പത്തിക കുറ്റാന്വേഷണ വിഭാഗത്തിന് നേരത്തെ കൈമാറിയിരുന്നു. കേസിൽ റിമാന്റിൽ തുടരുന്ന രണ്ടാം പ്രതി ആൻറണി സണ്ണിയെ കസ്റ്റഡിയിൽ വിട്ടുകിട്ടാൻ പൊലീസ് കണ്ണൂർ ഫസ്റ്റ് ക്ലാസ് ജുഡീഷ്യൽ കോടതിയിൽ അപേക്ഷ സമർപ്പിച്ചിട്ടുണ്ട്. ഇയാളെ കസ്റ്റഡിയിൽ കിട്ടിയാൽ തൃശ്ശൂരിൽ എത്തിച്ച് തെളിവെടുക്കും.

കള്ളപണം വെളുപ്പിക്കാൻ സ്ഥാപനങ്ങളെ ഉപയോഗിച്ചിട്ടുണ്ടോ എന്നും പൊലീസ് അന്വഷിക്കുന്നുണ്ട്. സ്ഥാപനത്തിലേക്ക് മറ്റ് സംസ്ഥാനങ്ങളിൽ നിന്ന് എത്തിയ പണത്തെക്കുറിച്ചും ഭീമമായ തുക അർബൻനിധിയിൽ നിക്ഷേപിച്ചവരുടെ സാമ്പത്തിക ശ്രോതസുകളെക്കുറിച്ചും പൊലീസ് അന്വേഷണം പുരോഗമിക്കുകയാണ്.

Continue Reading

Trending