നിപ: മൂന്ന് കേന്ദ്ര സംഘങ്ങൾ ഇന്ന് കോഴിക്കോട്ടെത്തും

കോഴിക്കോട്ട് നിപ സ്ഥീരീകരിച്ച സാഹചര്യത്തിൽ മൂന്ന് കേന്ദ്ര സംഘങ്ങൾ ഇന്ന് കേരളത്തിലെത്തും. പൂനൈ വൈറോളജി ഇന്‍സ്റ്റിറ്റ്യൂട്ടില്‍ നിന്നുള്ള മൊബൈൽ പരിശോധനാ സംഘമാണ് ഇതിലൊന്ന്. നാലു മണിക്കൂർ കൊണ്ട് നൂറുപേരുടെ സാമ്പിൾ പരിശോധിക്കാൻ കഴിയുന്നതാണ് മൊബൈൽ യൂണിറ്റ്. വവ്വാലിന്റെ സർവെ നടത്താനും പരിശോധന നടത്താനും കഴിയുന്നതാണ് ഐ സി എം ആറിന്റെ ആഭിമുഖ്യത്തിലുള്ള രണ്ടാമത്തെ സംഘം. പകർച്ചവ്യാധി പ്രതിരോധ വിദഗ്ധരടങ്ങുന്നതാണ് സംസ്ഥാനത്തെത്തുന്ന മൂന്നാമത്തെ സംഘം. അതിനിടെ കോഴിക്കോട്ടെ രണ്ട് ആരോഗ്യപ്രവർത്തകരുടെ സാമ്പിൾ കൂടി പൂനെയിലേക്ക് പരിശോധനക്ക് അയച്ചു.