Connect with us

More

പാര്‍ലമെന്റിന്റെ ഇരുസഭകളും സ്തംഭിച്ചു

Published

on

ന്യൂഡല്‍ഹി: പശുവിന്റെ പേരിലുള്ള കൊലപാതകങ്ങള്‍, കര്‍ഷക ആത്മഹത്യ, ദളിത് വേട്ട തുടങ്ങിയ വിഷയങ്ങള്‍ ഉന്നയിച്ച് പാര്‍ലമെന്റിന്റെ ഇരു സഭകളും പ്രതിപക്ഷം സ്തംഭിപ്പിച്ചു. ആദ്യദിനം അന്തരിച്ച അംഗങ്ങള്‍ക്ക് അനുശോചനം രേഖപ്പെടുത്തി പിരിഞ്ഞ സഭ ഇന്നലെ നടപടികളിലേക്ക് കടക്കാന്‍ നിശ്ചയിച്ചതായിരുന്നു. എന്നാല്‍ സഭ ചേര്‍ന്ന ഉടന്‍ തന്നെ പ്രതിപക്ഷ അംഗങ്ങള്‍ കേന്ദ്ര സര്‍ക്കാറിനെതിരെ രംഗത്തെത്തുകയായിരുന്നു. ലോക്‌സഭ രണ്ടു തവണയും രാജ്യസഭ മൂന്നു തവണയും നിര്‍ത്തിവെച്ച് വീണ്ടും ചേര്‍ന്നെങ്കിലും പ്രതിപക്ഷ ബഹളം കാരണം നടപടികളിലേക്ക് കടക്കാനായില്ല. ഇതേതുടര്‍ന്ന് ഇരുസഭകളും പിരിയുകയായിരുന്നു.
ഗോരക്ഷയുടെ മറവില്‍ രാജ്യത്ത് ദളിതുകള്‍ക്കും ന്യൂനപക്ഷങ്ങള്‍ക്കും നേരെ വര്‍ധിച്ചു വരുന്ന ആക്രമണത്തിനെതിരെ രൂക്ഷമായ കടന്നാക്രമണമാണ് പ്രതിപക്ഷ പാര്‍ട്ടികള്‍ നടത്തിയത്. ഈ വിഷയങ്ങള്‍ ചര്‍ച്ച ചെയ്യാതെ സഭാ നടപടികളുമായി സഹകരിക്കില്ലെന്നു വ്യക്തമാക്കിയ പ്രതിപക്ഷ അംഗങ്ങള്‍ കര്‍ഷക വിരുദ്ധ സര്‍ക്കാര്‍, ദളിത് വിരുദ്ധ സര്‍ക്കാര്‍ തുടങ്ങിയ മുദ്രാവാക്യം വിളികളുമായി നടുത്തളത്തിലിറങ്ങി. അതേസമയം വിഷയം ചര്‍ച്ച ചെയ്യാന്‍ സര്‍ക്കാര്‍ തയ്യാറാണെന്ന് സര്‍ക്കാറിനെ പ്രതിനിധീകരിച്ച് കേന്ദ്രമന്ത്രിമാരായ ജെ.പി നദ്ദ, അരുണ്‍ ജെയ്റ്റ്‌ലി, പ്രകാശ് ജാവദേക്കള്‍ എന്നിവര്‍ ഇരുസഭകളിലും അറിയിച്ചു. മുദ്രാവാക്യം വിളികളുമായി സഭ തടസ്സപ്പെടുത്തി പ്രതിപക്ഷം ചര്‍ച്ചകളില്‍ നിന്ന് ഒളിച്ചോടുകയാണെന്നായിരുന്നു ജാവദേക്കറിന്റെ ആരോപണം.
അതേസമയം ഈ വാദത്തെ തൃണമൂല്‍ കോണ്‍ഗ്രസ് അംഗം ദെരക് ഒബ്രിയാന്‍ ഖണ്ഡിച്ചു. കാലത്ത് സഭ സമ്മേളിച്ചപ്പോള്‍ പ്രതിപക്ഷം ബഹളമുണ്ടാക്കിയിരുന്നില്ല. വിവിധ പ്രതിപക്ഷ അംഗങ്ങള്‍ പശുവിന്റെ പേരിലുള്ള ആക്രമണം ഉള്‍പ്പെടെ ചര്‍ച്ച ചെയ്യണമെന്നാവശ്യപ്പെട്ട് 12 നോട്ടീസുകള്‍ നല്‍കിയിട്ടുണ്ട്. ഇത് ചര്‍ച്ചക്കെടുക്കാന്‍ എന്തുകൊണ്ട് തയ്യാറായില്ലെന്ന് അദ്ദേഹം ചോദിച്ചു. രാവും പകലും ഇരുന്ന് ബില്ലുകള്‍ ചര്‍ച്ച ചെയ്ത് പാസാക്കാന്‍ പ്രതിപക്ഷം സഹകരിച്ചിട്ടും കഴിഞ്ഞ സെഷനില്‍ കേന്ദ്ര സര്‍ക്കാര്‍ ദളിത് വേട്ട ഉള്‍പ്പെടെയുള്ള വിഷയങ്ങള്‍ ചര്‍ച്ച ചെയ്യാന്‍ തയ്യാറായില്ലെന്ന് എസ്.പി അംഗം നരേഷ് അഗര്‍വാളും കുറ്റപ്പെടുത്തി.
കാലത്ത് 11 മണിക്ക് രാജ്യസഭ സമ്മേളിച്ചപ്പോള്‍ തന്നെ ലക്ഷദ്വീപ് വികസനം, ഗതാഗതം, ടൂറിസം, സാംസ്‌കാരികം തുടങ്ങിയ വിഷയങ്ങളുമായി ബന്ധപ്പെട്ട പാര്‍ലമെന്ററി സ്റ്റാന്റിങ് കമ്മിറ്റികളുടെ റിപ്പോര്‍ട്ടുകള്‍ സഭയുടെ മേശപ്പുറത്ത് വെച്ചു. നീറ്റ് വിഷയം ഉന്നയിച്ച് തമിഴ്‌നാട്ടിലെ അംഗങ്ങളും ദളിത് വേട്ട ഉന്നയിച്ച് ബി.എസ്.പി നേതാവ് മായാവതിയുമാണ് ആദ്യം രംഗത്തെത്തിയത്. മായാവതിയെ സംസാരിക്കാന്‍ ചെയറിലുണ്ടായിരുന്ന പി.ജെ കുര്യന്‍ അനുവദിച്ചു. മതത്തിന്റെയും ജാതിയുടേയും പേരില്‍ രാജ്യത്തെ ഭിന്നിപ്പിക്കുകയാണ് ബി.ജെ.പിയും കേന്ദ്ര സര്‍ക്കാറുമെന്ന് മായാവതി ആരോപിച്ചു. അംബേദ്കര്‍ ദിനത്തില്‍പോലും ദളിതുകള്‍ക്ക് റാലി നടത്താന്‍ അനുമതി നല്‍കുന്നില്ലെന്നും അവര്‍ പറഞ്ഞു. ഇതിനിടെ മായാവതിക്ക് അനുവദിച്ച സമയം ഡപ്യൂട്ടി സ്പീക്കര്‍ വെട്ടിക്കുറച്ചു. ഇതില്‍ പ്രതിഷേധിച്ച് മായാവതി രാജിഭീഷണി മുഴക്കിയെങ്കിലും ഫലമുണ്ടായില്ല. വൈകീട്ടോടെ മായാവതി രാജ്യസഭാ ചെയര്‍മാന് രാജിക്കത്ത് കൈമാറുകയും ചെയ്തു.
ഇതിനിടെ മുദ്രാവാക്യം വിളികളുമായി പ്രതിപക്ഷം നടുത്തളത്തിലേക്ക് നീങ്ങി. 11.25നും 12.03നും രണ്ടു മണിക്കും സഭ നിര്‍ത്തിവെച്ച് വീണ്ടും ചേര്‍ന്നെങ്കിലും പ്രതിപക്ഷ പ്രതിഷേധം കാരണം നടപടികളിലേക്ക് കടക്കാനായില്ല. ഇതേതുടര്‍ന്ന് സഭ ഇന്നലത്തേക്ക് പിരിയുകയായിരുന്നു. ലോക്‌സഭയിലെ സ്ഥിതിയും സമാനമായിരുന്നു. പ്രതിപക്ഷ ബഹളത്തെതുടര്‍ന്ന് ഉച്ചവരെ സഭ നിര്‍ത്തിവെക്കുന്നതായി 11.10ന് സ്പീക്കര്‍ സുമിത്ര മഹാജന്‍ വ്യക്തമാക്കി. 12 മണിക്ക് വീണ്ടും സമ്മേളിച്ചെങ്കിലും 12.10ന് ബഹളം കാരണം നടപടികളിലേക്ക് കടക്കാതെ ഇന്നലത്തേക്ക് പിരിയുകയായിരുന്നു.

Career

കേരള കേന്ദ്ര സര്‍വകലാശാലക്ക് എ ഗ്രേഡ്

കഴിഞ്ഞ തവണ ബി പ്ലസ് പ്ലസ് ഗ്രേഡിലായിരുന്ന സര്‍വകലാശാല ഇത്തവണ എ ഗ്രേഡിലേക്ക് കുതിച്ചു. 2.76 പോയിന്റ് 3.14 ആയി ഉയര്‍ത്തിയാണ് ഈനേട്ടം.

Published

on

കാസര്‍കോട്: നാഷണല്‍ അസസ്മെന്റ് ആന്റ് അക്രഡിറ്റേഷന്‍ കൗണ്‍സില്‍ (നാക്) ഗ്രേഡിങ്ങില്‍ കേരള കേന്ദ്ര സര്‍വകലാശാലക്ക് ചരിത്ര നേട്ടം. കഴിഞ്ഞ തവണ ബി പ്ലസ് പ്ലസ് ഗ്രേഡിലായിരുന്ന സര്‍വകലാശാല ഇത്തവണ എ ഗ്രേഡിലേക്ക് കുതിച്ചു. 2.76 പോയിന്റ് 3.14 ആയി ഉയര്‍ത്തിയാണ് ഈനേട്ടം.

കരിക്കുലര്‍ ആസ്പെക്ട്സ്, റിസര്‍ച്ച്-ഇന്നവേഷന്‍സ് ആന്റ് എക്സ്റ്റന്‍ഷന്‍, ഇന്‍ഫ്രാസ്ട്രക്ചര്‍ ആന്റ് ലേണിംഗ് റിസോഴ്സസ്, ഗവേണന്‍സ്-ലീഡര്‍ഷിപ്പ് ആന്റ് മാനേജ്മെന്റ്, ഇന്‍സ്റ്റിറ്റിയൂഷണല്‍ വാല്യൂസ് ആന്റ് ബെസ്റ്റ് പ്രാക്ടീസസ് എന്നീ മേഖലകളില്‍ പോയിന്റ് വര്‍ധിച്ചു.

മിസോറാം യൂണിവേഴ്സിറ്റി വൈസ് ചാന്‍സലര്‍ പ്രൊഫ.കെ.ആര്‍.എസ്. സാംബശിവ റാവു ചെയര്‍മാനായ ആറംഗ സംഘമാണ് ഗ്രേഡ് നിര്‍ണയത്തിനെത്തിയത്. 2009ല്‍ സ്ഥാപിതമായ കേരള കേന്ദ്ര സര്‍വകലാശാലക്ക് ചുരുങ്ങിയ വര്‍ഷങ്ങള്‍ക്കുള്ളിലാണ് എ ഗ്രേഡ് നേടാന്‍ സാധിച്ചത്.

Continue Reading

Career

career chandrika: ബിരുദം കഴിഞ്ഞവര്‍ക്ക് തുടര്‍പഠനാവസരമൊരുക്കി ‘ജാം’

ബിരുദത്തിന് ശേഷം മികവാര്‍ന്ന സ്ഥാപനങ്ങളില്‍ തുടര്‍പഠനാവസരമൊരുക്കുന്ന ശ്രദ്ധേയമായ എന്‍ട്രന്‍സ് പരീക്ഷയാണ് ‘ജാം’ എന്ന ചുരുക്കപ്പേരിലറിയപ്പെടുന്ന ജോയന്റ് അഡ്മിഷന്‍ ടെസ്റ്റ് ഫോര്‍ മാസ്‌റ്റേഴ്‌സ്.

Published

on

ബിരുദത്തിന് ശേഷം മികവാര്‍ന്ന സ്ഥാപനങ്ങളില്‍ തുടര്‍പഠനാവസരമൊരുക്കുന്ന ശ്രദ്ധേയമായ എന്‍ട്രന്‍സ് പരീക്ഷയാണ് ‘ജാം’ എന്ന ചുരുക്കപ്പേരിലറിയപ്പെടുന്ന ജോയന്റ് അഡ്മിഷന്‍ ടെസ്റ്റ് ഫോര്‍ മാസ്‌റ്റേഴ്‌സ്. ബയോടെക്‌നോളജി, കെമിസ്ട്രി, എക്കൊണോമിക്‌സ്, ജിയോളജി, മാത്തമാറ്റിക്‌സ്, മാത്തമാറ്റിക്കല്‍ സ്റ്റാറ്റിസ്റ്റിക്‌സ്, ഫിസിക്‌സ് എന്നിങ്ങനെ 7 വിഷയങ്ങളിലാണ് പരീക്ഷ നടക്കുന്നത്. കമ്പ്യൂട്ടര്‍ അധിഷ്ഠിത പരീക്ഷയാണ്. 2023 ഫെബ്രുവരി 12 ന് നടക്കുന്ന പരീക്ഷക്ക് ഒക്ടോബര്‍ 11 നകം https://jam.iitg.ac.in/ എന്ന വെബ്‌സൈറ്റ് വഴി അപേക്ഷിക്കണം.

21 ഐഐടികളിലായുള്ള 3,000 ത്തിലധികം ബിരുദാനന്തര ബിരുദ പ്രോഗ്രാമുകള്‍ക്ക് പുറമെ വിവിധ എന്‍.ഐ.ടികള്‍, ശിബ്പൂരിലുള്ള ഐ.ഐ. ഇ.എസ്.ടി, പഞ്ചാബിലുള്ള എസ്.എല്‍.ഐ. ഇ.ടി, പൂനയിലെ ഡിഫന്‍സ് ഇന്‍സ്റ്റിറ്റ്യൂട്ട് ഓഫ് അഡ്വാന്‍സ്ഡ് ടെക്‌നോളജി, ഐ.ഐ.എസ്.സി, ജവാഹര്‍ലാല്‍ നെഹ്‌റു സെന്റര്‍ ഫോര്‍ അഡ്വാന്‍സ്ഡ് സയന്റിഫിക് റിസര്‍ച്ച്, ഐസറുകള്‍, ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് പെട്രോളിയം ആന്‍ഡ് എനര്‍ജി തുടങ്ങിയ സ്ഥാപനങ്ങളിലെ കോഴ്‌സുകളിലെ പ്രവേശനത്തിനും ‘ജാം’ സ്‌കോര്‍ മാനദണ്ഡമാണ്.

വിവിധ വിഷയങ്ങളില്‍ എം.എസ്.സി, ജോയന്റ് എം.എസ്.സിപി.എച്ച്.ഡി. എം.എസ്.സിപി.എച്ച്.ഡി ഡ്യുവല്‍ ഡിഗ്രി, എം.എസ്.സി (ടെക്), എം.എസ്.സിഎം.ടെക് ഡ്യുവല്‍ ഡിഗ്രി എന്നിവയാണ് പ്രധാന പ്രോഗ്രാമുകള്‍. പാലക്കാട് ഐ.ഐ.ടിയില്‍ കെമിസ്ട്രി, ഫിസിക്‌സ്, മാത്തമാറ്റിക്‌സ് എന്നീ വിഷയങ്ങളിലാണ് എം.എസ്.സി പ്രോഗ്രാമാണുള്ളത്.

ഓരോ വിഷയത്തിലും 60 ചോദ്യങ്ങളിലായി 100 മാര്‍ക്കാണ് പരമാവധി ലഭിക്കുക. തന്നിട്ടുള്ള ഓപ്ഷനുകളില്‍ നിന്ന് ശരിയുത്തരം തിരഞ്ഞെടുക്കേണ്ട മള്‍ട്ടിപ്പിള്‍ ചോയ്‌സ്, ഒരു ചോദ്യത്തിന് ഒന്നോ അതിലധികമോ ശരിയുത്തരങ്ങള്‍ ഉണ്ടാവുന്ന മള്‍ട്ടിപ്പിള്‍ സെലക്ട്, സംഖ്യകള്‍ ഉത്തരമായി വരുന്ന ന്യൂമെറിക്കല്‍ ആന്‍സര്‍ ടൈപ്പ് എന്നീ വിഭാഗങ്ങളിലുള്ള ചോദ്യങ്ങള്‍ ഉണ്ടാവും. മള്‍ട്ടിപ്പിള്‍ ചോയ്‌സ് വിഭാഗത്തില്‍ തെറ്റുത്തരങ്ങള്‍ക്ക് നെഗറ്റീവ് മാര്‍ക്കുണ്ടാവും.

കെമിസ്ട്രി, ജിയോളജി, മാത്തമാറ്റിക്‌സ് എന്നിവയില്‍ ഒരു വിഷയവും ബയോടെക്‌നോളജി, എക്കണോമിക്‌സ്, മാത്തമാറ്റിക്കല്‍ സ്റ്റാറ്റിസ്റ്റിക്‌സ്, ഫിസിക്‌സ് എന്നിവയില്‍ ഒരു വിഷയവുമടക്കം പരമാവധി രണ്ട് വിഷയങ്ങള്‍ തിരഞ്ഞെടുക്കാം. ഒരു വിഷയം മാത്രം തിരഞ്ഞെടുത്താല്‍ 1800 രൂപയും രണ്ട് വിഷയങ്ങള്‍ തിരഞ്ഞെടുത്താല്‍ 2500 രൂപയുമാണ് അപേക്ഷാ ഫീസ്. പെണ്‍കുട്ടികള്‍, പട്ടിക വിഭാഗങ്ങള്‍, ഭിന്നശേഷിക്കാര്‍ എന്നിവര്‍ക്ക് ഇത് യഥാക്രമം 900 രൂപ, 1250 രൂപ എന്നിങ്ങനെയാണ്.

തിരഞ്ഞെടുക്കാനുദ്ദേശിക്കുന്ന പ്രോഗ്രാമിന് ബാധകമായ അര്‍ഹത, വിദ്യാഭ്യാസ യോഗ്യത എന്നിവ ഉറപ്പ് വരുത്തണം. അവസാന വര്‍ഷ ബിരുദ വിദ്യാര്‍ഥികള്‍ക്കും അപേക്ഷിക്കാവുന്നതാണ്. ഓരോ വിഷയത്തിന്റെയും സിലബസ് പ്രോസ്‌പെക്ടസിലുണ്ട്. തിരുവനന്തപുരം, കൊല്ലം, കോട്ടയം, ആലപ്പുഴ, എറണാകുളം, തൃശൂര്‍, പാലക്കാട്, കോഴിക്കോട്, വടകര, കണ്ണൂര്‍, മംഗളുരു, മൈസൂരു, ചെന്നൈ, കോയമ്പത്തൂര്‍, ബംഗളുരു എന്നിവിടങ്ങളിലടക്കം നിരവധി പരീക്ഷാ കേന്ദ്രങ്ങളുണ്ട്.

നിയമം പഠിക്കാന്‍ ആള്‍ ഇന്ത്യാ ലോ എന്‍ട്രന്‍സ് ടെസ്റ്റ്

ഡല്‍ഹിയിലുള്ള ദേശീയ നിയമ സര്‍വകലാശാലയിലെ പഞ്ചവര്‍ഷ നിയമബിരുദ പ്രോഗ്രാമായ ബി.എ.എല്‍.എല്‍.ബി (ഓണേഴ്‌സ്) കോഴ്‌സിന്റെ പ്രവേശനത്തിനുള്ള മാനദണ്ഡമായ ആള്‍ ഇന്ത്യാ ലോ എന്‍ട്രന്‍സ് ടെസ്റ്റിനു (‘ഐലറ്റ്’2023). 45 ശതമാനം മാര്‍ക്കോടെ പ്ലസ്ടു വിജയിച്ചവര്‍ക്ക് (പട്ടിക വിഭാഗങ്ങള്‍, ഭിന്നശേഷിക്കാര്‍ എന്നിവര്‍ക്ക് 40 ശതമാനം) നവംബര്‍ 15 വരെ അപേക്ഷിക്കാം. 2023 ല്‍ പ്ലസ്ടു പരീക്ഷ എഴുതുന്നവര്‍ക്കും അപേക്ഷിക്കാം.

2022 ഡിസംബര്‍ 11 ന് നടക്കുന്ന ഒന്നര മണിക്കൂര്‍ ദൈര്‍ഘ്യമുള്ള പ്രവേശന പരീക്ഷയില്‍ ഇംഗ്ലീഷ് ഭാഷ, പൊതുവിജ്ഞാനം & ആനുകാലികം, ലോജിക്കല്‍ റീസണിങ് എന്നിങ്ങനെ മൂന്ന് കാറ്റഗറികളിലായി 150 മള്‍ട്ടിപ്പിള്‍ ചോയ്‌സ് രീതിയിലുള്ള ചോദ്യങ്ങളാണുണ്ടാവുക. തെറ്റുത്തരങ്ങള്‍ക്ക് നെഗറ്റീവ് മാര്‍ക്കുണ്ടാവും. പൊതുവിഭാഗത്തില്‍ 3,500 രൂപയാണ് പരീക്ഷാ ഫീസ്. തിരുവനന്തപുരം, കൊച്ചി, ബംഗളുരു, ചെന്നൈ, മംഗളൂരു, എന്നിവയടക്കം നിരവധി പരീക്ഷാ കേന്ദ്രങ്ങളുണ്ട്. 110 സീറ്റുകളിലേക്കാണ് പ്രവേശന പരീക്ഷയനുസരിച്ച് അഡ്മിഷന്‍ നടത്തുന്നത്. അപേക്ഷിക്കാനും മറ്റു വിശദ വിവരങ്ങള്‍ക്കും https://nationallaw universtiydelhi.in/ എന്ന വെബ്‌സൈറ്റ് സന്ദര്‍ശിക്കാം.നിയമബിരുദം പൂര്‍ത്തിയാക്കിയവര്‍ക്കും അവസാന വര്‍ഷ പരീക്ഷ എഴുതുന്നവര്‍ക്കും ‘ഐലറ്റ്’ പരീക്ഷ വഴി ഒരു വര്‍ഷം ദൈര്‍ഘ്യമുള്ള എല്‍.എല്‍.എം കോഴ്‌സിനും ഇപ്പോള്‍ അപേക്ഷിക്കാം.

Continue Reading

kerala

രേഖാ രാജിന്റെ നിയമനം റദ്ദാക്കിയത് സുപ്രീംകോടതി ശരിവെച്ചു

Published

on

ന്യൂഡല്‍ഹി: മഹാത്മാഗാന്ധി സര്‍വകലാശാലയില്‍ ദളിത് സ്ത്രീ ചിന്തക രേഖാരാജിനെ അസിസ്റ്റന്റ് പ്രൊഫസറായി നിയമിച്ചത് റദ്ദാക്കിയ ഹൈക്കോടതി വിധി സുപ്രീംകോടതി ശരിവെച്ചു. മഹാത്മാഗാന്ധി സര്‍വകലാശാലക്കെതിരെ രൂക്ഷ വിമര്‍ശനം ഉന്നയിച്ചാണ് പരമോന്നത കോടതി ഹര്‍ജി തള്ളിയത്. നിയമന രീതി ശുദ്ധ അസംബന്ധമാണെന്നും അംഗീകരിക്കാനാവില്ലെന്നും കോടതി വ്യക്തമാക്കി.

Continue Reading

Trending