കുവൈത്ത് സിറ്റി: നാട്ടിലേക്ക് മടങ്ങാന്‍ വിമാനത്താവളത്തിലെത്തിയ പ്രവാസി വിമാനം പുറപ്പെടുന്നതിന് അരമണിക്കൂര്‍ മുമ്പ് മരിച്ചു. കുവൈത്തില്‍ ജോലി ചെയ്യുന്ന 56 കാരനായ ബംഗ്ലാദേശ് സ്വദേശിയാണ് ഹൃദയാഘാതം മൂലം മരിച്ചത്.

വിമാനം പുറപ്പെടുന്നതിന് വെറും അരമണിക്കൂര്‍ മുമ്പാണ് ഇയാള്‍ മരിച്ചതെന്ന് പ്രാദേശിക ദിനപ്പത്രത്തെ ഉദ്ധരിച്ച് അറബ് ടൈംസ് റിപ്പോര്‍ട്ട് ചെയ്തു. മൃതദേഹം പരിശോധനക്കായി ഫോറന്‍സിക് വിഭാഗത്തിന് കൈമാറി.