Connect with us

india

മുട്ടുമടക്കി; കര്‍ഷകരുമായി നാളെ തന്നെ ചര്‍ച്ചയ്ക്ക് തയ്യാറെന്ന് കേന്ദ്രസര്‍ക്കാര്‍

നേരത്തെ ഡിസംബര്‍ മൂന്നിന് ചര്‍ച്ച നടത്താം എന്നായിരുന്നു സര്‍ക്കാര്‍ നിലപാട്. എന്നാല്‍ കര്‍ഷകര്‍ അതു തള്ളിയിരുന്നു.

Published

on

ന്യൂഡല്‍ഹി: കാര്‍ഷിക നിയമത്തിനെതിരെ പ്രതിഷേധിക്കുന്ന കര്‍ഷകരുമായി നാളെ ചര്‍ച്ചയ്ക്ക് തയ്യാറെന്ന് കേന്ദ്രസര്‍ക്കാര്‍. പ്രക്ഷോഭം അഞ്ചാം ദിവസത്തിലെത്തിയ വേളയിലാണ് സര്‍ക്കാര്‍ ഇക്കാര്യം വ്യക്തമാക്കിയത്. നേരത്തെ ഡിസംബര്‍ മൂന്നിന് ചര്‍ച്ച നടത്താം എന്നായിരുന്നു സര്‍ക്കാര്‍ നിലപാട്. എന്നാല്‍ കര്‍ഷകര്‍ അതു തള്ളിയിരുന്നു.

തങ്ങളുടെ ആവശ്യങ്ങള്‍ അംഗീകരിച്ചില്ലെങ്കില്‍ ഡല്‍ഹിയിലേക്കുള്ള വഴികള്‍ ഉപരോധിക്കുമെന്ന് കര്‍ഷകര്‍ മുന്നറിയിപ്പ് നല്‍കിയിരുന്നു. ഇതിന് പിന്നാലെ സ്ഥിതിഗതികള്‍ വിലയിരുത്താന്‍ ഞായറാഴ്ച രാത്രി ആഭ്യന്തരമന്ത്രി അമിത് ഷാ അടിയന്തര യോഗം വിളിച്ചു. പ്രതിരോധ മന്ത്രി രാജ്‌നാഥ് സിങ്, കൃഷിമന്ത്രി നരേന്ദ്ര സിങ് തോമര്‍, ബിജെപി അധ്യക്ഷന്‍ ജെ.പി. നഡ്ഡ എന്നിവര്‍ യോഗത്തില്‍ പങ്കെടുത്തു.

സോണിപത്, റോഹ്തക്, ജയ്പുര്‍, ഗാസിയാബാദ്-ഹപൂര്‍, മഥുര എന്നിവിടങ്ങളില്‍ നിന്ന് ഡല്‍ഹിയിലേക്കുള്ള യാത്രാ മാര്‍ഗം തടസ്സപ്പെടുത്തും എന്നാണ് കര്‍ഷകര്‍ മു്ന്നറിയിപ്പു നല്‍കിയിട്ടുള്ളത്.

ബുറാഡി പാര്‍ക്കില്‍ പ്രതിഷേധമിരിക്കാനാണ് സര്‍ക്കാര്‍ കര്‍ഷകരോട് ആവശ്യപ്പെട്ടിരുന്നത്. എന്നാല്‍ പാര്‍ക്ക് തുറന്ന ജയിലാക്കാനാണ് സര്‍ക്കാര്‍ ശ്രമിക്കുന്നത് എന്ന് കര്‍ഷക സംഘടനകള്‍ ആരോപിക്കുന്നു.

പഞ്ചാബ്, ഹരിയാന, ഗുജറാത്ത്, മഹാരാഷ്ട്ര തുടങ്ങിയ സംസ്ഥാനങ്ങളില്‍ നിന്നുള്ള 36 കര്‍ഷക സംഘടനകളാണ് സമരത്തിനിരിക്കുന്ന്. രണ്ടു മാസം മുമ്പെ ആസൂത്രണം ചെയ്ത പ്രതിഷേധത്തില്‍ മൂന്നു ലക്ഷത്തോളം കര്‍ഷകര്‍ പങ്കെടുക്കുന്നുണ്ട് എന്നാണ് കര്‍ഷക നേതാക്കള്‍ പറയുന്നത്. അഞ്ചൂറിലേറെ കര്‍ഷക സംഘടനകളുടെ പിന്തുണ സമരത്തിനുണ്ട്.

അതിനിടെ, കാര്‍ഷിക നിയമങ്ങളെ ന്യായീകരിച്ച് പ്രധാനമന്ത്രി നരേന്ദ്രമോദി രംഗത്തെത്തി. നിയമങ്ങള്‍ കര്‍ഷകരെ ശാക്തീകരിക്കാനാണ്. അവരുടെ മുമ്പില്‍ വലിയ വിപണികള്‍ തുറക്കുകയാണ്. ഭാവിയെ കുറിച്ചുള്ള തെറ്റിദ്ധാരണ പരത്തുകയാണ് ചിലര്‍. കര്‍ഷകരെ വിഞ്ചിച്ചവരാണ് പ്രശ്‌നങ്ങള്‍ ഉണ്ടാക്കുന്നത്- വാരാണസിയില്‍ മോദി പറഞ്ഞു.

 

 

india

സാരിയിലും സല്‍വാറിലും സുന്ദരി,ധരിക്കാതിരുന്നാലും സ്ത്രീകളെ കാണാന്‍ നന്നായിരിക്കും; വിവാദമായി രാംദേവിന്റെ അഭിപ്രായം

മഹാരാഷ്ട്ര ഉപമുഖ്യമന്ത്രി ദേവേന്ദ്ര ഫഡ്നാവിസിന്റെ ഭാര്യ അമൃത ഫഡ്നാവിസ് ക്യാമ്പില്‍ പങ്കെടുത്തിരുന്നു.

Published

on

വിവാദമായി യോഗാ ഗുരു രാംദേവിന്റെ അഭിപ്രായപ്രകടനം.സാരിയിലും സല്‍വാറിലും സത്രീകള്‍ സുന്ദരിയായിരിക്കും.
ധരിക്കാതിരുന്നാലും സ്ത്രീകളെ കാണാന്‍ നന്നായിരിക്കും എന്ന പരമാര്‍ശമാണ് വിവാദമായിരിക്കുന്നത്.
താനെയില്‍ യോഗാ ക്യാമ്പില്‍ സംസാരിക്കവെയാണ് വിവാദ പരാമര്‍ശം ഉണ്ടായത്.

രാംദേവിന്റെ അഭിപ്രായപ്രകടനത്തിന്റെ വീഡിയോ സോഷ്യല്‍ മീഡിയയില്‍ വൈറലായിരിക്കുകയാണ്. പരാമര്‍ശത്തെ അപലപിച്ച് ഡല്‍ഹി വനിതാ കമ്മീഷന്‍ മേധാവി സ്വാതി മലിവാള്‍ വീഡിയോ പങ്കുവെച്ചു. സ്ത്രീകളെ അപമാനിക്കുന്ന തരത്തില്‍ നടത്തിയ പരാമര്‍ശത്തില്‍ രാംദേവ് മാപ്പ് പറയണം, സ്വാതി മലിവാള്‍ ട്വീറ്റ് ചെയ്തു.

‘മഹാരാഷ്ട്ര ഉപമുഖ്യമന്ത്രിയുടെ ഭാര്യക്ക് മുന്നില്‍ സ്ത്രീകളെ കുറിച്ച് സ്വാമി രാംദേവ് നടത്തിയ പരാമര്‍ശം അപലപനീയമാണ്. ഈ പ്രസ്താവന എല്ലാ സ്ത്രീകളെയും വേദനിപ്പിച്ചു, ഈ പ്രസ്താവനയ്ക്ക് ബാബാ രാംദേവ്ജി രാജ്യത്തോട് മാപ്പ് പറയണം!’ സ്വാതി മലിവാള്‍ ട്വീറ്റ് ചെയ്തു.

 

 

Continue Reading

india

കോഴിക്കോട് നിന്ന് ബിഹാറിലേക്ക് പോയ ആംബുലന്‍സിന് നേരെ ആക്രമണം

കഴിഞ്ഞ നവംബര്‍ 23ന് കോഴിക്കോട് ട്രെയിന്‍ തട്ടി മരിച്ചയാളുടെ മൃതദേഹവുമായി ബീഹാറിലേക്ക് പോയ ആംബുലന്‍സിന് നേരെയാണ് ആക്രമണം ഉണ്ടായത്.

Published

on

കേരളത്തില്‍ നിന്നും ബീഹാറിലേക്ക് പോയ ആംബുലന്‍സിന് നേരെ ആക്രമണം. മധ്യപ്രദേശിലെ ജബല്‍പൂരില്‍ വച്ചാണ് ആക്രമണം ഉണ്ടായത്. കഴിഞ്ഞ നവംബര്‍ 23ന് കോഴിക്കോട് ട്രെയിന്‍ തട്ടി മരിച്ചയാളുടെ മൃതദേഹവുമായി ബീഹാറിലേക്ക് പോയ ആംബുലന്‍സിന് നേരെയാണ് ആക്രമണം ഉണ്ടായത്. എയര്‍ഗണ്‍ ഉപയോഗിച്ചാണ് വെടിവെച്ചതയാണ് സംശയം.

ബീഹാര്‍ പോലീസിനോട് സഹായം ആവശ്യപ്പെട്ടെങ്കിലും നടപടി ഉണ്ടായില്ലെന്ന് ഡ്രൈവര്‍ പറയുന്നു. നിലവില്‍ മൃതദേഹവുമായി ബീഹാറില്‍ കുടുങ്ങിക്കിടക്കുകയാണ് ആംബുലന്‍സ്.

Continue Reading

india

യുകെ പ്രധാനമന്ത്രി ഋഷി സുനക്കിന്റെ മകള്‍ കുച്ചിപ്പുടി അവതരിപ്പിച്ചു

യുണൈറ്റഡ് കിംഗ്ഡത്തിന്റെ 57-ാമത് പ്രധാനമന്ത്രിയും ഈ പദവിയിലെത്തുന്ന ആദ്യ ഇന്ത്യന്‍ വംശജനുമായ ഋഷി സുനകിന്റെ മകള്‍ കുച്ചിപ്പുടി അവതരിപ്പിച്ചു.

Published

on

 

യുകെ പ്രധാനമന്ത്രി ഋഷി സുനക്കിന്റെ മകള്‍ അനൗഷ്‌ക സുനക് ലണ്ടനില്‍ നിരവധി കുട്ടികള്‍ക്കൊപ്പം കുച്ചിപ്പുടി അവതരിപ്പിച്ചു.
യുകെയിലെ ഏറ്റവും വലിയ അന്തര്‍-തലമുറ ഉത്സവമായ ‘രംഗ്’- ഇന്റര്‍നാഷണല്‍ കുച്ചിപ്പുടി ഡാന്‍സ് ഫെസ്റ്റിവല്‍ 2022-ന്റെ ഭാഗമായിരുന്നു ഒമ്പതു വയസ്സുകാരിയുടെ പ്രകടനം.

തത്സമയ സംഗീതജ്ഞര്‍, പ്രായമായ സമകാലീന നൃത്ത കലാകാരന്മാര്‍ (65 വയസ്സിനു മുകളിലുള്ള നൃത്ത സംഘം), പഠന വൈകല്യമുള്ള വീല്‍ചെയര്‍ നര്‍ത്തകി, പോളണ്ടിലെ നടരാംഗ് ഗ്രൂപ്പിലെ അന്താരാഷ്ട്ര ബര്‍സറി വിദ്യാര്‍ത്ഥികള്‍ എന്നിവരുള്‍പ്പെടെ 4-85 വയസ്സിനിടയിലുള്ള 100 ഓളം കലാകാരന്മാര്‍ പരിപാടിയുടെ ഭാഗമായി. .
ഋഷി സുനക്കിന്റെ മാതാപിതാക്കള്‍ക്കൊപ്പം ഇന്‍ഫോസിസ് സഹസ്ഥാപകന്‍ നാരായണ മൂര്‍ത്തിയുടെ മകളും അനൗഷ്‌കയുടെ അമ്മ അക്ഷത മൂര്‍ത്തിയും നൃത്ത പരിപാടിയില്‍ പങ്കെടുത്തു.

യുണൈറ്റഡ് കിംഗ്ഡത്തിന്റെ 57-ാമത് പ്രധാനമന്ത്രിയും ഈ പദവിയിലെത്തുന്ന ആദ്യ ഇന്ത്യന്‍ വംശജനുമാണ് ഋഷി സുനക്.200 വര്‍ഷത്തെ ഏറ്റവും പ്രായം കുറഞ്ഞ ബ്രിട്ടീഷ് പ്രധാനമന്ത്രിയാണ് 42 വയസ്സുള്ള സുനക്.

 

 

Continue Reading

Trending