സ്വർണ്ണ കള്ളക്കടത്തുമായി മുസ്ലിം സമുദായത്തെ പ്രതിക്കൂട്ടിൽ നിർത്തി കെ.ടി ജലീൽ എം.എൽ.എ നടത്തിയ പരാമർശങ്ങൾ ആർ.എസ്.എസ്സുകാർ പോലും പറയാത്തതാമെന്നും നികൃഷ്ടമായ ഈ പ്രസ്താവനക്കെതിരെ മാപ്പ് പറയണമെന്നും മുസ്ലിംലീഗ് സംസ്ഥാന ജനറൽ സെക്രട്ടറി അഡ്വ. പി.എം.എ സലാം.

കുറ്റകൃത്യത്തിന്റെ മുഴുവൻ ഉത്തരവാദിത്തവും ഒരു സമുദായത്തിന്റെ തലയിലിടുന്നത് വിചിത്രമായ കാര്യമാണ്. സാദിഖലി തങ്ങളെ മതശാസന പുറപ്പെടുവിക്കാനുള്ള ഔദ്യോഗിക വക്താവായി അംഗീകരിച്ചതിൽ സന്തോഷമുണ്ട്, പക്ഷേ ആർ.എസ്.എസ് പോലും പറയാത്ത കാര്യമാണ് ജലീൽ പറഞ്ഞത്. മുസ്ലിം സമുദായത്തെ കുറ്റവാളികളായി ചിത്രീകരിക്കാനുള്ള ജലീലിന്റെ ശ്രമം സി.പി.എമ്മിന്റെ ഉന്നത നേതാക്കളെ തൃപ്തിപ്പെടുത്താനായിരിക്കും. ഇതിനെതിരെ ശക്തമായ പ്രതിഷേധം ഉയരുമെന്നും പി.എം.എ സലാം പറഞ്ഞു.

എഡിജിപി എം.ആര്‍ അജിത് കുമാറിനെതിരായ റിപ്പേര്‍ട്ട് മുഖ്യമന്ത്രി പിണറായി വിജയന് കൈമാറി. ഡിജിപിയുടെ നേതൃത്വത്തില്‍ തയാറാക്കിയ അന്വേഷണ റിപ്പോര്‍ട്ട് ആഭ്യന്തര സെക്രട്ടറിയാണ് കൈമാറിയത്. മുഖ്യമന്ത്രിയുടെ പ്രൈവറ്റ് സെക്രട്ടറി സി.എം രവീന്ദ്രനും കെ.കെ രാഗേഷും പൊളിറ്റിക്കല്‍ സെക്രട്ടറി പി. ശശിയും ക്ലിഫ് ഹൗസില്‍ മുഖ്യമന്ത്രിയുമായി ചര്‍ച്ച നടത്തുന്നുണ്ട്. ഡിജിപിയും ഉടന്‍ ക്ലിഫ് ഹൗസിലെത്തുമെന്നാണ് വിവരം.

ഗുരുതര കണ്ടെത്തലുകളടങ്ങിയ അന്വേഷണ റിപ്പോര്‍ട്ടാണ് ഇന്നലെ ഡിജിപി ഷെയ്ഖ് ദര്‍വേശ് സാഹിബ് ആഭ്യന്തര സെക്രട്ടറിക്ക് കൈമാറിയത്. ഈ റിപ്പോര്‍ട്ട് പരിശോധിച്ച ശേഷമായിരിക്കും മുഖ്യമന്ത്രി എഡിജിപിക്കെതിരെ നടപടിയെടുക്കുന്നത്.

കണ്ടെത്തലുകളുടെ ഗുരുതര സ്വഭാവംവെച്ച് സസ്പെന്‍ഷനാകുമെന്നാണ് വിവരം. നടപടിയെടുക്കുന്നതില്‍ ഡിജിപിയുടെ തുടര്‍നടപടികള്‍ക്കുള്ള ശിപാര്‍ശയും ആഭ്യന്തര സെക്രട്ടറിയുടെ ശിപാര്‍ശയും നിര്‍ണായകമാവും. എഡിജിപിക്കെതിരെ തിങ്കളാഴ്ചയ്ക്കകം നടപടിയെടുക്കണമെന്നാണ് സിപിഐ ആവശ്യപ്പെട്ടിരിക്കുന്നത്.

വരുന്ന തെരഞ്ഞെടുപ്പില്‍ കേരളത്തിലെ സി.പി.എം സ്ഥാനാര്‍ഥികള്‍ കെട്ടിവെച്ച് കാശ് പോലും കിട്ടാത്ത രീതിയിലേക്കെത്തുമെന്ന് പി.വി അന്‍വര്‍. കേരളത്തിലെ സി.പി.എം പശ്ചിമബംഗാളിനേക്കാളും മോശമായ സ്ഥിതിയിലേക്കെത്തുമെന്നും പിവി അന്‍വര്‍ പറഞ്ഞു. രാഷ്ട്രീയനീക്കത്തിന്റെ ഭാഗമായാണ് ചെന്നൈയില്‍ പോയതെന്നും അദ്ദേഹം പറഞ്ഞു.

മതേതരത്വത്തിന്റെ മുഖമാണ് ഡി.എം.കെയെന്നും പാര്‍ട്ടി പ്രഖ്യാപന സമ്മേളന വേദിയില്‍ ഡി.എം.കെ നിരീക്ഷകര്‍ ഉണ്ടാകുമെന്നും പിവി അന്‍വര്‍ പറഞ്ഞു. എ.ഡി.ജി.പിയെ മുഖ്യമന്ത്രി സംരക്ഷിക്കുകയാണെന്നും പൊഴിറ്റിക്കല്‍ സെക്രട്ടറിക്കെതിരായ ആരോപണങ്ങള്‍ പരിശോധിക്കട്ടെയെന്നും പി.വി അന്‍വര്‍ പറഞ്ഞു. പൂരം കലക്കിയതിന് പിന്നില്‍ എ.ഡി.ജി.പിയാണെന്നും പി.വി അന്‍വര്‍ ആവര്‍ത്തിച്ചു.

പി.വി. അന്‍വര്‍ ഇന്ന് പുതിയ പാര്‍ട്ടി പ്രഖ്യാപിക്കും. ഡെമോക്രാറ്റിക് മൂവ്‌മെന്റ് ഓഫ് കേരള (ഡി.എം.കെ) എന്നാണ് പുതിയ പാര്‍ട്ടിയുടെ പാര് എന്നാണ് വിവരം. മഞ്ചേരിയില്‍ ഇന്ന് വൈകീട്ട് നടക്കുന്ന സമ്മേളനത്തില്‍ പിവി അന്‍വര്‍ പാര്‍ട്ടിയെ കുറിച്ച് ഔദ്യോഗികമായി പ്രഖ്യാപിക്കും. ഡി.എം.കെ നേതാവും തമിഴ്‌നാട് മുഖ്യമന്ത്രിയുമായ സ്റ്റാലിനുമായി കഴിഞ്ഞ ദിവസം ചെന്നൈയില്‍വെച്ച് അന്‍വര്‍ കൂടിക്കാഴ്ച നടത്തിയെന്നാണ് വിവരം.