india
മധ്യപ്രദേശില് സിന്ധ്യയെ നേരിടാന് സച്ചിന് പൈലറ്റ്; കിടിലന് പോരാട്ടത്തിന് കളമൊരുങ്ങുന്നു
ഉപതെരഞ്ഞെടുപ്പില് പൈലറ്റ്-സിന്ധ്യ പോരാട്ടം അതീവ കൗതുകത്തോടെയാണ് രാഷ്ട്രീയവൃത്തങ്ങള് വീക്ഷിക്കുന്നത്.
ജയ്പൂര്: നേതൃത്വത്തിനെതിരെ വിമത പ്രവര്ത്തനം നടത്തി തിരിച്ചെത്തിയ യുവനേതാവ് സച്ചിന് പൈലറ്റിന് കോണ്ഗ്രസില് പുതിയ നിയോഗം. ഈയിടെ പാര്ട്ടി വിട്ട മുതിര്ന്ന നേതാവ് ജ്യോതിരാദിത്യ സിന്ധ്യയെ തളയ്ക്കാന് പഴയ സുഹൃത്തു കൂടിയായ പൈലറ്റിനെ നിയോഗിക്കാന് ഒരുങ്ങുകയാണ് കോണ്ഗ്രസ്.
ഇതിന്റെ ഭാഗമായി മധ്യപ്രദേശിലെ 28 അസംബ്ലി മണ്ഡലങ്ങളിലേക്ക് നടക്കുന്ന ഉപതെരഞ്ഞെടുപ്പില് പൈലറ്റ് കോണ്ഗ്രസിന് വേണ്ടി പ്രചാരണത്തിന് ഇറങ്ങും. മാര്ച്ചില് കോണ്ഗ്രസ് വിട്ട സിന്ധ്യയ്ക്കൊപ്പം പോയ എംഎല്എമാരുടെ മണ്ഡലത്തിലാണ് ഉപതെരഞ്ഞെടുപ്പ് നടക്കുന്നത്. 22 പേരാണ് കോണ്ഗ്രസില് നിന്ന് രാജിവച്ച് ബിജെപിയില് ചേര്ന്നിരുന്നത്. സാമാജികളുടെ മരണം മൂലം ഒഴിവു വന്നവയാണ് മറ്റു മണ്ഡലങ്ങള്.
മധ്യപ്രദേശില് പ്രചാരണത്തിന് പോകുമെന്ന് സചിന് പൈലറ്റ് മുംബൈ മിററിനോട് വ്യക്തമാക്കി. ‘സംസ്ഥാന കോണ്ഗ്രസ് പ്രസിഡണ്ട് കമല്നാഥ് ഉപതെരഞ്ഞെടുപ്പുകളില് പ്രചാരണത്തിന് ഇറങ്ങാന് അഭ്യര്ത്ഥിച്ചിട്ടുണ്ട്. തീര്ച്ചയായും പ്രചാരണത്തിന് എത്തിയിരിക്കും. കൂറുള്ള കോണ്ഗ്രസുകാരന് എന്ന നിലയില് എനിക്ക് കഴിയുന്ന എല്ലാം പാര്ട്ടിക്കായി ചെയ്യാന് ഞാന് ബാധ്യസ്ഥനാണ്. മധ്യപ്രദേശ് എനിക്ക് പരിചിതമാണ്. രാജസ്ഥാനുമായി അടുത്തു നില്ക്കുന്ന പ്രദേശങ്ങളാണ് തെരഞ്ഞെടുപ്പിലേക്ക് പോകുന്നത്’ – പൈലറ്റ് പറഞ്ഞു.
ഉപതെരഞ്ഞെടുപ്പ് നടക്കുന്ന 28 സീറ്റില് 16 ഉം ഗ്വാളിയോര്-ചമ്പര് മേഖലയിലാണ്. സിന്ധ്യയുടെ തട്ടകമായാണ് ഈ പ്രദേശം അറിയപ്പെടുന്നത്. മേഖലയിലെ ഗുജ്ജര് വോട്ടുകളിലാണ് കോണ്ഗ്രസിന്റെയും പൈലറ്റിന്റെയും കണ്ണ്. 28ല് പകുതി സീറ്റെങ്കിലും പിടിക്കാനായാല് പാര്ട്ടിക്കുള്ളില് പൈലറ്റിന്റെ ഗ്രാഫ് ഉയരും. പ്രചാരണത്തിനായി സോണിയ, രാഹുല്, പ്രിയങ്ക എന്നിവര് രംഗത്തിറങ്ങാത്ത സാഹചര്യത്തില് വിശേഷിച്ചും.
ഉപതെരഞ്ഞെടുപ്പ് നടക്കുന്ന മറ്റൊരിടമായ മാല്വ-നിമാര് മേഖലയില് 2015ല് കോണ്ഗ്രസ് സ്ഥാനാര്ത്ഥിക്കു വേണ്ടി പൈലറ്റ് പ്രചാരണത്തിന് ഇറങ്ങിയിരുന്നു. കോണ്ഗ്രസിന്റെ കാന്തിലാല് ഭുരിയയാണ് ഇവിടെ നിന്ന് ലോക്സഭയിലേക്ക് തെരഞ്ഞെടുക്കപ്പെട്ടിരുന്നത്.
ഉപതെരഞ്ഞെടുപ്പില് പൈലറ്റ്-സിന്ധ്യ പോരാട്ടം അതീവ കൗതുകത്തോടെയാണ് രാഷ്ട്രീയവൃത്തങ്ങള് വീക്ഷിക്കുന്നത്. ജൂലൈയിലാണ് പൈലറ്റ് രാജസ്ഥാന് മുഖ്യമന്ത്രി അശോക് ഗെഹ്ലോട്ടിനെതിരെ വിമത നീക്കങ്ങള്ക്ക് തുടക്കമിട്ടത്. മധ്യപ്രദേശില് സിന്ധ്യ പുറത്തു പോയതു പോലെ സച്ചിനും ബിജെപിയിലേക്ക് ചേക്കേറുമെന്ന് കരുതപ്പെട്ടിരുന്നു എങ്കിലും അതുണ്ടായില്ല. സച്ചിന് ഉയര്ത്തിയ പ്രശ്നങ്ങള് പരിശോധിക്കാന് അഹമ്മദ് പട്ടേല്, അജയ് മാക്കന്, കെസി വേണുഗോപാല് എന്നിവര് അടങ്ങുന്ന സമിതിയെ കോണ്ഗ്രസ് നിയോഗിച്ചിട്ടുണ്ട്.
india
ഇന്ത്യന് ജലാതിര്ത്തിയില് പാക് മത്സ്യബന്ധന ബോട്ട് പിടികൂടി; 11 പേര് കസ്റ്റഡിയില്
ബോട്ടിലുണ്ടായിരുന്ന 11 ജീവനക്കാരെയും കസ്റ്റഡിയില് എടുത്തിട്ടുണ്ട്
അഹമ്മദാബാദ്: ഇന്ത്യന് ജലാതിര്ത്തിയില് അനധികൃതമായി പ്രവര്ത്തിച്ചിരുന്ന പാകിസ്ഥാനി മത്സ്യബന്ധന ബോട്ട് ഇന്ത്യന് കോസ്റ്റ് ഗാര്ഡ് പിടികൂടി. ബോട്ടിലുണ്ടായിരുന്ന 11 ജീവനക്കാരെയും കസ്റ്റഡിയില് എടുത്തിട്ടുണ്ട്. ബുധനാഴ്ച നടന്ന ഓപ്പറേഷന് തുടര്ന്ന് ഇവരെ കൂടുതല് അന്വേഷണത്തിനായി ജഖാവു മറിന് പൊലീസിന് കൈമാറി.
ഗുജറാത്ത് ഡിഫന്സ് പിആര്ഒ വിംഗ് കമാന്ഡര് അഭിഷേക് കുമാര് തിവാരി എക്സിലൂടെ പ്രതികരിക്കുമ്പോള്, ഇന്ത്യയുടെ എക്സ്ക്ലൂസീവ് ഇക്കണോമിക് സോണില് (EEZ) പ്രവര്ത്തിച്ചിരുന്ന പാകിസ്ഥാന് ബോട്ടിനെയാണ് പിടികൂടിയത് എന്ന് അറിയിച്ചു. ദേശീയ സമുദ്രസുരക്ഷാ തന്ത്രത്തിന്റെ ഭാഗമായുള്ള തുടര്ച്ചയായ ജാഗ്രതയുടെ ഫലമാണിതെന്നും അദ്ദേഹം വ്യക്തമാക്കി.
കോസ്റ്റ് ഗാര്ഡ് എക്സില് പോസ്റ്റ് ചെയ്തതില്, സമുദ്രാതിര്ത്തി സംരക്ഷണത്തില് തീരസംരക്ഷണ സേനയുടെ അചഞ്ചല ജാഗ്രതയാണ് ഈ നടപടിയിലൂടെ തെളിയുന്നതെന്ന് വ്യക്തമാക്കിയിട്ടുണ്ട്. നിരന്തര നിരീക്ഷണവും കൃത്യമായ പ്രവര്ത്തനവുമാണ് ഇന്ത്യയുടെ സമുദ്രസുരക്ഷയുടെ അടിത്തറയെന്നുമാണ് കോസ്റ്റ് ഗാര്ഡിന്റെ വിശദീകരണം.
india
എസ്ഐആര് സമയപരിധി നീട്ടി
അഞ്ച് സംസ്ഥാനങ്ങളിലും ഒരു കേന്ദ്രഭരണ പ്രദേശത്തുമാണ് പുതുക്കിയ തീയതികള് പ്രഖ്യാപിച്ചത്.
ന്യൂഡല്ഹി: വോട്ടര് പട്ടികയുടെ തീവ്ര പരിശോധനാ പ്രക്രിയയ്ക്കുള്ള സമയപരിധി കേന്ദ്ര തെരഞ്ഞെടുപ്പ് കമ്മിഷന് നീട്ടി. അഞ്ച് സംസ്ഥാനങ്ങളിലും ഒരു കേന്ദ്രഭരണ പ്രദേശത്തുമാണ് പുതുക്കിയ തീയതികള് പ്രഖ്യാപിച്ചത്.
തമിഴ്നാട്, ഗുജറാത്ത് സംസ്ഥാനങ്ങളില് ഡിസംബര് 14 വരെയും മധ്യപ്രദേശ്, ഛത്തീസ്ഗഢ്, ആന്ഡമാന്-നിക്കോബാര് ദ്വീപുസമൂഹങ്ങളില് ഡിസംബര് 18 വരെയും പരിശോധനാ സമയം നീട്ടിയതായി കമ്മിഷന് അറിയിച്ചു. ഉത്തര്പ്രദേശില് സമയപരിധി ഡിസംബര് 26 വരെ ദീര്ഘിപ്പിച്ചിട്ടുണ്ട്.
കേരളത്തില് എസ്ഐആര് നടപടികള് നേരത്തെ തന്നെ നീട്ടിയിരുന്നു. എന്്യൂമറേഷന് ഫോം സമര്പ്പിക്കാനുള്ള അവസാന തീയതി ഡിസംബര് 18 വരെയാണുള്ളത്. ഡിസംബര് 23ന് കരട് വോട്ടര് പട്ടിക പ്രസിദ്ധീകരിക്കും. അന്തിമ പട്ടിക ഫെബ്രുവരി 21ന് പുറത്തിറങ്ങും.
india
ഇന്ഡിഗോ വിമാന സര്വീസ് റദ്ദാക്കിയതില് നഷ്ടപരിഹാരം; 5,000 മുതല് 10,000 വരെ, കൂടാതെ ട്രാവല് വൗച്ചറും
പുറപ്പെടാനിരിക്കെ 24 മണിക്കൂറിനുള്ളില് റദ്ദാക്കിയ സര്വീസുകളാണ് നഷ്ടപരിഹാര പദ്ധതിയില് ഉള്പ്പെടുന്നത്.
വിമാന സര്വീസ് റദ്ദാക്കിയതിനെ തുടര്ന്ന് വലഞ്ഞ യാത്രക്കാര്ക്ക് നഷ്ടപരിഹാരം നല്കുമെന്ന് ഇന്ഡിഗോ പ്രഖ്യാപിച്ചു. പുറപ്പെടാനിരിക്കെ 24 മണിക്കൂറിനുള്ളില് റദ്ദാക്കിയ സര്വീസുകളാണ് നഷ്ടപരിഹാര പദ്ധതിയില് ഉള്പ്പെടുന്നത്. ഇതിന്റെ ഭാഗമായി യാത്രക്കാര്ക്ക് 5,000 മുതല് 10,000 വരെ തുക നല്കും. പ്രതിസന്ധി ഏറ്റവുമധികം ബാധിച്ച യാത്രക്കാര്ക്ക് 10,000 വിലവരുന്ന ട്രാവല് വൗച്ചറുകളും ഇന്ഡിഗോ നല്കും.
ഈ വൗച്ചറുകള് അടുത്ത 12 മാസം കാലയളവില് ഇന്ഡിഗോയുടെ ഏത് യാത്രക്കും ഉപയോഗിക്കാവുന്നതാണ്. ഡിസംബര് 3, 4, 5 തീയതികളില് നിരവധി യാത്രക്കാര് മണിക്കൂറുകളോളം വിമാനത്താവളങ്ങളില് കുടുങ്ങിപ്പോയ സംഭവത്തെത്തുടര്ന്ന്, കാര്യങ്ങള് വിശദീകരിക്കാന് ഇന്ഡിഗോ സിഇഒ പീറ്റര് എല്ബേഴ്സ് ഡിജിസിഎ ആസ്ഥാനത്തെത്തി. സ്ഥിതിഗതികള് വിലയിരുത്തുന്നതിന്റെ ഭാഗമായാണ് ഡിജിസിഎ ഇന്ഡിഗോയുടെ പ്രവര്ത്തനങ്ങള് നിരീക്ഷിക്കാന് എട്ടംഗ മേല്നോട്ട സമിതിയെ നിയമിച്ചത്.
പ്രതിസന്ധി പരിഹരിക്കുംവരെ, ഈ സംഘത്തില് നിന്നുള്ള രണ്ട് പേര് ദിവസവും ഇന്ഡിഗോയുടെ കോര്പ്പറേറ്റ് ഓഫീസില് സാന്നിദ്ധ്യം ഉറപ്പാക്കും. യാത്രക്കാര്ക്ക് നഷ്ടപരിഹാരം നല്കാനുള്ള മാര്ഗനിര്ദേശങ്ങള് കര്ശനമായി പാലിക്കണമെന്ന് ഡല്ഹി ഹൈക്കോടതിയും ഇന്ഡിഗോയെ നിര്ദേശിച്ചിട്ടുണ്ട്. 10% സര്വീസുകള് വെട്ടിക്കുറച്ചതോടെ പ്രതിദിനം ഏകദേശം 400 സര്വീസുകള് കുറയുന്ന സാഹചര്യമാണിപ്പോള് ഉണ്ടാകുന്നത്.
-
india2 days agoരാജ്യസ്നേഹം പഠിപ്പിക്കാന് അമിത് ഷാ വളര്ന്നിട്ടില്ല; നെഹ്റുവിനെ അപമാനിച്ചതിനെതിരെ ഖാര്ഗെ
-
kerala2 days ago‘ഒരു സ്ത്രീക്കും അനുഭവിക്കാനാകാത്ത ക്രൂരത ആ നടുക്കം ഇന്നും മനസില്’; നടിയുടെ മൊഴി രേഖപ്പെടുത്തിയ എസ്എച്ച്ഒയുടെ വെളിപ്പെടുത്തല്
-
kerala2 days agoമലയാറ്റൂരില് രണ്ട് ദിവസം മുമ്പ് കാണാതായ പെണ്കുട്ടി മരിച്ചനിലയില്
-
india2 days agoആര്എസ്എസ് പിന്തുടരുന്നത് അരാജകത്വമാണ്, അവര് സമത്വത്തെ പിന്തുണക്കുന്നില്ല; രാഹുല് ഗാന്ധി
-
kerala2 days agoവയനാട് പുല്പ്പള്ളിയില് കാട്ടാന ആക്രമണത്തില് വയോധികയ്ക്ക് പരിക്ക്
-
kerala3 days agoഇലക്ഷൻ ഡ്യൂട്ടിയ്ക്കെത്തിയ പൊലീസ് ഉദ്യോഗസ്ഥന് പാമ്പുകടിയേറ്റു
-
kerala2 days agoഎറണാകുളത്ത് കള്ളവോട്ടിന് ശ്രമിച്ച സിപിഎം പ്രവര്ത്തകന് പിടിയില്
-
india1 day ago‘മോദിജി പകുതി സമയവും വിദേശത്ത്, പിന്നെ രാഹുലിന്റെ യാത്രയെ ചോദ്യം ചെയ്യുന്നത് എന്തിന്?’: പ്രിയങ്ക ഗാന്ധി