Connect with us

More

തോപ്പില്‍ ജോപ്പന്‍ നാലു ദിവസം കൊണ്ട് വിതരണ വിഹിതത്തിന്റെ ഇരട്ടി വാരി

Published

on

ഒപ്പം പ്രദര്‍ശനത്തിനെത്തിയ താരരാജാകന്മാരുടെ ചിത്രങ്ങള്‍ കാശുവാരുന്നതിലും ഒരേ പോലെ കുതിക്കുന്നു. മോഹന്‍ലാല്‍ പുതിയ ചിത്രം പുലിമുരുകനോടൊപ്പം മമ്മൂട്ടി ചിത്രമായ തോപ്പില്‍ ജോപ്പനനും തീയേറ്ററുകളില്‍ കാശു വാരുന്നതായി റിപ്പോര്‍ട്ട്. നാല് ദിവസം കൊണ്ട് 8 കോടിയിലധികം രൂപയാണ് തോപ്പില്‍ ജോപ്പന്‍ കേരളത്തില്‍ നിന്ന് മാത്രം നേടിയത്. സംവിധായകന്‍ ജോണി ആന്റണിയാണ് പുതിയ കണക്കുകള്‍ പുറത്ത് വിട്ടിരിക്കുന്നത്. 4.02 കോടിയാണ് ചിത്രത്തിന്റെ വിതരണ വിഹിതം.

താപ്പാനക്ക് ശേഷം മമ്മൂട്ടിയും ജോണി ആന്റണിയും ഒന്നിക്കുന്ന സിനിമ കൂടിയാണ് തോപ്പില്‍ ജോപ്പന്‍. എന്നാല്‍ താപ്പാന സാമ്പത്തികമായി വിജയമായിരുന്നില്ല.

നഷ്ടപ്രണയത്തിന്റെ പശ്ചാത്തലത്തില്‍ കബഡി കളിക്കാരനായ തോപ്രാംകുടിയില്‍ ജോപ്പന്റെ കഥയാണ് ജോണി ആന്റണി നര്‍മത്തില്‍ ചാലിച്ച് ഒരുക്കിയിരിക്കുന്നത്. പ്രണയവും വിരഹവും പിന്നെ ലോലനുമായ അച്ചായന്റെ സംഭാഷണങ്ങളുമൊക്കെയായി സിനിമ പ്രേഷകനെ കയ്യിലെടുക്കുന്നു. പ്രധാനമായും കുടുംബപ്രേഷകരെ ലക്ഷ്യം വെച്ചാണ് സിനിമ ഒരുക്കിയിരിക്കുന്നത്. വരും ദിവസങ്ങളിലും ചിത്രം ഇതേ രീതിയില്‍ മുന്നേറുമെന്നാണ് തീയേറ്ററുകാരുടേയും പ്രതീക്ഷ.

Continue Reading
Advertisement
Click to comment

Leave a Reply

Your email address will not be published. Required fields are marked *

india

പലസ്തീനെ പിന്തുണച്ച് റഫയുടെ ചിത്രവുമായി രോഹിത് ശർമയുടെ ഭാര്യ

1.4 ദശലക്ഷത്തിലധികം പലസ്തീനികള്‍ അഭയം തേടുന്ന ഗസയിലെ റഫയില്‍ നടന്നുകൊണ്ടിരിക്കുന്ന വംശഹത്യയെ സൂചിപ്പിക്കുന്ന സോഷ്യല്‍ മീഡിയ ക്യാമ്പയിനാണ് ‘ഓള്‍ ഐസ് ഓണ്‍ റാഫ’

Published

on

ഡല്‍ഹി: ഗസ്സയില്‍ താമസിക്കുന്ന പലസ്തീനികളെ പിന്തുണച്ച് ലോകമെമ്പാടുമുള്ള നിരവധി പേര്‍ രംഗത്തെത്തിയിരിക്കുകയാണ്. ഇതിനിടയിലാണ് ഇന്ത്യന്‍ ക്രിക്കറ്റ് ക്യാപ്റ്റന്‍ രോഹിത് ശര്‍മ്മയുടെ ഭാര്യ റിതിക റാഫയില്‍ താമസിക്കുന്നവര്‍ക്ക് പിന്തുണയുമായി സോഷ്യല്‍ മീഡിയയില്‍ പങ്കുവെച്ച പോസ്റ്റ് വൈറലാവുകയാണ്. ‘ഓള്‍ ഐസ് ഓണ്‍ റാഫ’ എന്ന ഫോട്ടോയാണ് റിതിക ഇന്‍സ്റ്റഗ്രാമില്‍ ഷെയര്‍ ചെയ്തിരിക്കുന്നത്.

1.4 ദശലക്ഷത്തിലധികം പലസ്തീനികള്‍ അഭയം തേടുന്ന ഗസയിലെ റഫയില്‍ നടന്നുകൊണ്ടിരിക്കുന്ന വംശഹത്യയെ സൂചിപ്പിക്കുന്ന സോഷ്യല്‍ മീഡിയ ക്യാമ്പയിനാണ് ‘ഓള്‍ ഐസ് ഓണ്‍ റാഫ’. ആഗോള രോഷവും അന്താരാഷ്ട്ര നീതിന്യായ കോടതി (ഐസിജെ) പുറപ്പെടുവിച്ച ഉത്തരവും അവഗണിച്ചാണ് ഇസ്രാഈല്‍ നരഹത്യ തുടരുന്നത്.

Continue Reading

Film

‘മഞ്ഞുമ്മല്‍ ബോയ്‌സ്’ നിര്‍മാതാക്കള്‍ നടത്തിയത് സാമ്പത്തിക തട്ടിപ്പെന്ന് പൊലീസ് റിപ്പോര്‍ട്ട്; പരാതിക്കാരന് മുടക്കുമുതല്‍ പോലും തിരിച്ചു നല്‍കിയിട്ടില്ലെന്ന് അന്വേഷണ റിപ്പോര്‍ട്ട്‌

സാമ്പത്തിക തട്ടിപ്പ് കേസില്‍ നിര്‍മാതാക്കള്‍ സമര്‍പ്പിച്ച മുന്‍കൂര്‍ ജാമ്യാപേക്ഷ ഇന്ന് കോടതി പരിഗണിക്കും

Published

on

സാമ്പത്തിക തട്ടിപ്പ് പരാതിയില്‍ മഞ്ഞുമ്മല്‍ ബോയ്‌സ് സിനിമയുടെ നിര്‍മാതാക്കള്‍ക്കെതിരെ പൊലീസ് റിപ്പോര്‍ട്ട്. സിനിമാ നിര്‍മാതാക്കള്‍ സാമ്പത്തിക തട്ടിപ്പ് നടത്തിയെന്ന് പൊലീസ് റിപ്പോര്‍ട്ട്. പറവ ഫിലിംസ് നടത്തിയത് കരുതിക്കൂട്ടിയുള്ള ചതിയെന്നാണ് പൊലീസ് റിപ്പോര്‍ട്ട്. സിനിമയുടെ നിര്‍മാണത്തില്‍ പങ്കാളിയാക്കാമെന്നും ലാഭവിഹിതം നല്‍കാമെന്നും പറഞ്ഞ് പണം വാങ്ങിയെന്ന സിറാജ് വലിയത്തറ ഹമീദ് എന്നയാളുടെ പരാതിയിലാണ് പൊലീസിന്റെ റിപ്പോര്‍ട്ട്.

ഈ സിനിമയുടെ നിര്‍മാണത്തിനായി ഒരു രൂപ പോലും നിര്‍മാണ കമ്പനിയായ പറവ ഫിലിംസ് ചെലവഴിച്ചിട്ടില്ലെന്നും ഏഴു കോടി മുതല്‍മുടക്കിയ പരാതിക്കാരന് മുടക്കുമുതല്‍ പോലും തിരിച്ചുനല്‍കിയില്ലെന്നും അന്വേഷണ റിപ്പോര്‍ട്ടിലുണ്ട്. സാമ്പത്തിക തട്ടിപ്പ് കേസില്‍ നിര്‍മാതാക്കള്‍ സമര്‍പ്പിച്ച മുന്‍കൂര്‍ ജാമ്യാപേക്ഷ ഇന്ന് കോടതി പരിഗണിക്കും. ഒരു മാസത്തേക്ക് നിര്‍മാതാക്കളെ അറസ്റ്റ് ചെയ്യരുതെന്ന് കോടതി നേരത്തേ നിര്‍ദേശിച്ചിരുന്നു. തുടര്‍ന്ന് ഇക്കാര്യത്തില്‍ അന്വേഷണ റിപ്പോര്‍ട്ട് സമര്‍പ്പിക്കാനും ഉത്തരവിടുകയായിരുന്നു.

Continue Reading

kerala

പ്ലസ് വണ്‍ പ്രവേശനത്തിനുള്ള ട്രയൽ അലോട്ട്മെന്‍റ് ഇന്ന് പ്രസിദ്ധീകരിക്കും; ജൂൺ 5ന് ആദ്യ അലോട്ട്മെൻ്റ്

ട്രയൽ അലോട്ട്മെൻ്റിന് ശേഷം അപേക്ഷയിലെ തെറ്റുകൾ തിരുത്താൻ അവസരം നൽകും

Published

on

തിരുവനന്തപുരം: സംസ്ഥാനത്ത് പ്ലസ് വണ്‍ പ്രവേശനത്തിനുള്ള ട്രയൽ അലോട്ട്മെന്‍റ് ഇന്ന് പ്രസിദ്ധീകരിക്കും. ട്രയൽ അലോട്ട്മെൻ്റിന് ശേഷം അപേക്ഷയിലെ തെറ്റുകൾ തിരുത്താൻ അവസരം നൽകും. അപേക്ഷ നൽകിയ സ്കൂളുകളും വിഷയ കോമ്പിനേഷനുകളുമടക്കം ഈ ഘട്ടത്തിൽ മാറ്റാം. ജൂൺ അഞ്ചിനാണ് ആദ്യ അലോട്ട്മെൻ്റ് പ്രസിദ്ധീകരിക്കുക. 4,65,960 വിദ്യാർഥികളാണ് ഇത്തവണ ഏകജാലകം മുഖേന അപേക്ഷിച്ചിട്ടുള്ളത്. മലപ്പുറം ജില്ലയിലാണു കൂടുതൽ അപേക്ഷകർ.

അതേസമയം മലബാറിലെ ജില്ലകളിൽ കൂടുതൽ പ്ലസ് വൺ ബാച്ചുകൾ അനുവദിക്കണമെന്ന ആവശ്യവുമായി മുസ്‍ലിം ലീഗ് സംഘടിപ്പിക്കുന്ന കലക്ടറേറ്റ് ധർണ ഇന്ന് നടത്തി. പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർകോട് കലക്ടറേറ്റുകൾക്ക് മുന്നിലാണ് ധർണ. മലപ്പുറത്ത് ദേശീയ ജനറൽ സെക്രട്ടറി പി.കെ കുഞ്ഞാലിക്കുട്ടി,, കോഴിക്കോട്ട് ദേശീയ ഓർഗനൈസിങ് സെക്രട്ടറി ഇ.ടി മുഹമ്മദ് ബഷീർ എം.പി, പാലക്കാട്ട് സംസ്ഥാന ജനറൽ സെക്രട്ടറി പി.എം.എ സലാം കണ്ണൂരിൽ- എൻ. ഷംസുദ്ദീൻ എം.എൽ.എ,, കാസർക്കോട് യൂത്ത് ലീഗ് സംസ്ഥാന ജനറൽ സെക്രട്ടറി പി.കെ ഫിറോസ് എന്നിവർ ഉദ്ഘാടനം ചെയ്തു.

Continue Reading

Trending