Connect with us

Culture

പ്രചോദനമായി ക്യുഒസിയുടെ രാജ്യാന്തര വനിതാ ദിനാഘോഷം

Published

on

ദോഹ: ഖത്തര്‍ ഒളിമ്പിക് കമ്മിറ്റി രാജ്യാന്തര വനിതാദിനത്തോടനുബന്ധിച്ച് സംഘടിപ്പിച്ച പരിപാടി ശ്രദ്ധേയമായി. വനിതാ കായികേേമഖലയില്‍ മികവുതെളിയിച്ച വനിതകളുടെ ഒത്തുചേരലും അനുഭവം പങ്കുവയ്ക്കലും പുതുതലമുറയ്ക്ക് പ്രചോദനമായി. ഖത്തര്‍ ഉള്‍പ്പടെ ലോകത്തുള്ളവരെല്ലാം പുരോഗതിയ്ക്കും പ്രതീക്ഷകള്‍ക്കപ്പുറമുള്ള വെല്ലുവിളികള്‍ നേരിടാന്‍ ഒന്നിക്കണമെന്നും ഈ വനിതകള്‍ ആഹ്വാനം ചെയ്തു.
ആസ്പയര്‍ സോണിന്റെ സഹകരണത്തോടെ സംഘടിപ്പിച്ച ചര്‍ച്ചയില്‍ ആറു വനിതാ വ്യക്തിത്വങ്ങള്‍ കായിക, ആരോഗ്യ മേഖലയിലെ തങ്ങളുടെ വിജയത്തിന്റെ അനുഭവങ്ങള്‍ സദസ്സുമായി പങ്കുവച്ചു. ഖത്തര്‍ ഒളിമ്പിക് കമ്മിറ്റി പാനലിസ്റ്റും മാര്‍ക്കറ്റിങ് ആന്റ് കമ്യൂണിക്കേഷന്‍സ് ഡയറക്ടറും സാഹസികയാത്രകളില്‍ തല്‍പ്പരയുമായ ശൈഖ അസ്മ അല്‍താനിയുടെ മേല്‍നോട്ടത്തിലായിരുന്നു പരിപാടികള്‍. ശൈഖ അസ്മയ്‌ക്കൊപ്പം 2014ല്‍ കിളിമഞ്ചാരോ കീഴടക്കിയ ദനാ അല്‍ അനസി, സംരംഭകയും ഖത്തറിലെ ആദ്യ വെഗാന്‍ കഫേയുടെയും യോഗ സ്റ്റുഡിയോയുടെയും ഉടമയായ ജവഹര്‍ അല്‍ഫര്‍ദാന്‍, നീന്തല്‍ താരവും രണ്ടുതവണ ഒളിമ്പിക്‌സില്‍ ഖത്തറിനെ പ്രതിനിധീകരിക്കുകയും ചെയ്ത നദാ മുഹമ്മദ്, അത്‌ലറ്റ് മരിയം ഫരീദ്, ഖത്തര്‍ പാരാലിമ്പിക് കമ്മിറ്റിയില്‍ നിന്നുള്ള സുഹൈല്‍ ചുകോകു എന്നിവരാണ് പങ്കെടുത്തത്. നിങ്ങളുടെ ലക്ഷ്യങ്ങള്‍ നേടിയെടുക്കുന്നതിലും നിങ്ങള്‍ കാണാന്‍ ആഗ്രഹിക്കുന്ന യാഥാര്‍ഥ്യത്തെ സൃഷ്ടിക്കുന്നതിലും ഏറ്റവും നിര്‍ണായകം ദൃഢനിശ്ചയമാണെന്ന് ജവഹര്‍ അല്‍ഫര്‍ദാന്‍ ചൂണ്ടിക്കാട്ടി. അടുത്തവര്‍ഷം ദോഹയില്‍ നടക്കുന്ന ലോക അത്‌ലറ്റിക് ചാമ്പ്യന്‍ഷിപ്പില്‍ മത്സരിക്കാനാകുമെന്ന പ്രതീക്ഷയിലാണ് മരിയം ഫരീദ്.
ഒളിമ്പിക്‌സ്, ഫിഫ ലോകകപ്പ് എന്നിവ കഴിഞ്ഞാല്‍ ലോകത്തെ ഏറ്റവും വലിയ കായിക പരിപാടിയാണ് ലോക അത്‌ലറ്റിക്‌സ്. ഖത്തറിലെ വനിതകള്‍ കായികം, രാഷ്ട്രീയം, ചലച്ചിത്രം തുടങ്ങി വിവിധ മേഖലകളില്‍ തങ്ങളുടെ ശബ്ദവും സ്ഥലവും കണ്ടെത്തിയിട്ടുണ്ടെന്ന് സാഹസികയും കിളിമഞ്ചാരോ കീഴടക്കിയ ആദ്യ ഖത്തരി വനിതകളിലൊരാളുമായ ദന അല്‍ അനസി പറഞ്ഞു.
എങ്കില്‍ത്തന്നെയും രാജ്യവികസനത്തില്‍ പിന്തുണ നല്‍കുന്നതിന് നാം ഇനിയുമേറെ സഞ്ചരിക്കാനുണ്ടെന്നും അവര്‍ പറഞ്ഞു. ലക്ഷ്യങ്ങള്‍ നേടുന്നതിന് തന്നെ പ്രചോദിപ്പിച്ചത് വെല്ലുവിളികളാണെന്ന് ശൈഖ അസ്മ അല്‍താനി പറഞ്ഞു. വടക്കന്‍ ധ്രുവത്തില്‍ സ്‌കീയിങ് നടത്തുന്ന ആദ്യ ഖത്തരിയാകാന്‍ ഒരുങ്ങുകയാണ് ശൈഖ അസ്മ.
ഏപ്രിലില്‍ യൂറോപ്യന്‍, അറേബ്യന്‍ രാജ്യങ്ങളില്‍നിന്നുള്ള വനിതാതാരങ്ങള്‍ക്കൊപ്പമാണ് വടക്കന്‍ധ്രുവത്തില്‍ ഹിമപ്പരപ്പ് കീഴടക്കാനൊരുങ്ങുന്നത്. അതേക്കുറിച്ചും അവര്‍ വിശദീകരിച്ചു. ആസ്പയര്‍ സോണിലെ അല്‍ഷൂല ഹാളിലായിരുന്നു പരിപാടി. വനിതകള്‍ക്കായി സൈക്ലിങ്, യോഗ, ബോക്‌സിങ് ഉള്‍പ്പടെ കായിക പരിപാടികളും ഇതോടനുബന്ധിച്ച് സംഘടിപ്പിച്ചിരുന്നു.

 

Continue Reading
Advertisement
Click to comment

Leave a Reply

Your email address will not be published. Required fields are marked *

Film

മരുഭൂമിയിൽ പെയ്ത ദുരിതമഴയിൽ നിന്ന് ഗൾഫ് ജനത കരകയറട്ടെ, ആശ്വാസവാക്കുകളുമായി മമ്മൂട്ടിയും ടോവിനോയും

ഈ ദുരിതത്തില്‍ നിന്ന് ദുബൈയിലെ ജനങ്ങള്‍ എത്രയും വേഗം കരകയറട്ടെ എന്ന ആശ്വാസ വാക്കുകളുമായെത്തിയിരിക്കുകയാണ് മോളിവുഡിലെ പ്രമുഖരായ താരങ്ങള്‍.

Published

on

കഴിഞ്ഞ ദിവസങ്ങളില്‍ ദുബൈയില്‍ പെയ്ത കനത്ത മഴയില്‍ പ്രധാന നഗരങ്ങളും ഹൈവേകളും വിമാനത്താവളങ്ങളും വെള്ളത്തിനടിയിലായിരുന്നു. കഴിഞ്ഞ ഏഴുദശകത്തിനിടയില്‍ പ്രദേശത്ത് പെയ്ത ഏറ്റവും വലിയ മഴയായിരുന്നു ഇത്. ഈ ദുരിതത്തില്‍ നിന്ന് ദുബൈയിലെ ജനങ്ങള്‍ എത്രയും വേഗം കരകയറട്ടെ എന്ന ആശ്വാസ വാക്കുകളുമായെത്തിയിരിക്കുകയാണ് മോളിവുഡിലെ പ്രമുഖരായ താരങ്ങള്‍.

‘ഗള്‍ഫ് നാടുകളിലെ പ്രകൃതിക്ഷോഭം അവിടെയുള്ള സകലമാന ജീവിതങ്ങളെയും ദുരിതത്തില്‍ ആഴ്ത്തിയിരിക്കുന്നു എന്നത് വേദനയോടെ അറിയുന്നു. ആശങ്കകള്‍ മനസിലാക്കുന്നു. പരമാവധി സുരക്ഷിതരായിരിക്കുക. എല്ലാം എത്രയും പെട്ടന്ന് ശരിയാകട്ടെ എന്നാണ് മമ്മൂട്ടി പറയുന്നത്.

‘മരുഭൂമിയില്‍ സ്വപ്നനഗരിയില്‍ പടുത്തുയര്‍ത്തിയ അതേ ആര്‍ജ്ജവത്തോടെ ഈ ദുരിതപെയ്തിയില്‍ നിന്നും എത്രയും പെട്ടന്ന് സാധാരണ ജീവിതത്തിലേക്ക് തിരിച്ചെത്തുവാന്‍ നമ്മുടെ സഹോദരര്‍ ഉള്‍പ്പടെയുള്ള ഗള്‍ഫ് ജനതയ്ക്ക് സാധിക്കട്ടെ’ എന്നാണ് ടോവിനോ തോമസ് കുറിച്ചത്. നിരവധിപേര്‍ ദുബൈയി ജനതയ്ക്ക് പിന്തുണ അറിയിച്ചിട്ടുണ്ട്.

Continue Reading

Film

തർക്കം പരിഹരിച്ചു; പിവിആറിൽ മലയാള സിനിമകൾ പ്രദർശിപ്പിക്കും

നാളെ മുതൽ പിവിആർ സിനിമാസിൽ മലയാളം സിനിമകൾ പ്രദർശിപ്പിക്കും.

Published

on

പിവിആർ സിനിമാസും – പ്രൊഡ്യൂസേഴ്സ് അസോസിയേഷനുമായുള്ള തർക്കം പരിഹരിച്ചു. നാളെ മുതൽ പിവിആർ സിനിമാസിൽ മലയാളം സിനിമകൾ പ്രദർശിപ്പിക്കും.വ്യവസായി എം എ യുസഫ് അലിയുടെ മാധ്യസ്ഥതയിൽ ഫെഫ്ക്കയും പിവിആർ അധികൃതരും നടത്തി ചർച്ചയിലാണ് തീരുമാനം.

പിവിആർ തീരുമാനം പിൻവലിച്ചില്ലെങ്കിൽ ഭാവിയിൽ മൊഴിമാറ്റ ചിത്രങ്ങൾ അടക്കം പ്രദർശിപ്പിക്കാൻ അനുമതി നൽകില്ലെന്ന് സാങ്കേതിക ഫെഫ്ക നിലപാട് എടുത്തിരുന്നു. ഇതിന് പിന്നാലെയാണ് തിരുമാനത്തിൽ നിന്നും പിവിആർ അധികൃതർ പിന്മാറിയത്.

പിവിആര്‍ കയ്യൂക്ക് കാണിക്കുകയാണെന്നും പ്രദര്‍ശനം നിര്‍ത്തിവച്ച ദിവസങ്ങളിലെ നഷ്ടപരിഹാരം നല്‍കാതെ പ്രസ്തുത മള്‍ട്ടിപ്ലെക്സ് ശൃംഖലയ്ക്ക് ഇനി മലയാള സിനിമകള്‍ നല്‍കില്ലെന്നും ഫെഫ്ക അറിയിച്ചിരുന്നു. പരിഹാരം ഉണ്ടായില്ലെങ്കിൽ പ്രതിഷേധം പിവിആർ സ്ക്രീനുകളിലേക്ക് വ്യാപിപ്പിക്കും. പിവിആറിന്‍റെ നീക്കം പുതിയ സിനിമകള്‍ക്ക് വലിയ തിരിച്ചടിയാണെന്നും ഫെഫ്ക അറിയിച്ചിരുന്നു.

പിവിആറും നിർമാതാക്കളും തമ്മിലുള്ള ഡിജിറ്റൽ കണ്ടന്റ് പ്രൊഡക്ഷൻ സംബന്ധിച്ച തർക്കമാണ് സിനിമകളുടെ പ്രദർശനം നിർത്തിവെക്കുന്നതിലേക്ക് എത്തിയത്. വൻതുക നൽകുന്നത് ഒഴിവാക്കാൻ നിർമാതാക്കൾ സ്വന്തമായി ഇതിനുള്ള സംവിധാനം ഒരുക്കിയത് അ‌ംഗീകരിക്കാൻ തയ്യാറല്ലാത്തതാണ് തർക്കത്തിന് കാരണം.

Continue Reading

Film

‘പിവിആർ സിനിമാസിനെ ബഹിഷ്ക്കരിക്കും’; മലയാള സിനിമ പ്രദർശിപ്പിക്കില്ലെന്ന നിലപാടിനെതിരെ ഫെഫ്ക

ഇന്ത്യയിലെ മുഴുവൻ സ്ക്രീനുകളിലെയും മലയാള സിനിമകളുടെ ബുക്കിങ്ങാണ് പിവിആർ ഏപ്രിൽ 11-ന് ബഹിഷ്കരിച്ചത്

Published

on

പിവിആർ– മലയാള സിനിമ തർക്കം പുതിയ തലത്തിലേക്ക്. പ്രദർശനം നിർത്തിയതിനെ തുടർന്നുണ്ടായ നഷ്ടം നികത്താതെ മലയാള സിനിമകൾ ഇനി പിവിആർ തിയറ്ററുകളിൽ പ്രദർശിപ്പിക്കില്ലെന്നു ഫെഫ്ക അറിയിച്ചു. വിർച്വൽ പ്രിന്റ് ഫീ (വിപിഎഫ്) വിഷയത്തിൽ പിവിആറും പ്രൊഡ്യൂസേഴ്സ് അസോസിയേഷനുമായുള്ള ചർച്ചകൾ നടക്കുന്നതിനിടെ ഏകപക്ഷീയമായി രാജ്യത്താകെയുള്ള പിവിആർ സ്ക്രീനുകളിൽ മലയാള സിനിമകൾ ബഹിഷ്കരിച്ചെന്നു ഫെഫ്ക ജനറൽ സെക്രട്ടറി ബി.ഉണ്ണികൃഷ്ണൻ പറഞ്ഞു.

ഇന്ത്യയിലെ മുഴുവൻ സ്ക്രീനുകളിലെയും മലയാള സിനിമകളുടെ ബുക്കിങ്ങാണ് പിവിആർ ഏപ്രിൽ 11-ന് ബഹിഷ്കരിച്ചത്. ഡിജിറ്റൽ കണ്ടന്റ് പ്രൊജക്‌ഷനെ തുടർന്നുള്ള തർക്കവുമായി ബന്ധപ്പെട്ടായിരുന്നു തീരുമാനം. 11-ന് റിലീസിനൊരുങ്ങിയ മൂന്നിലധികം മലയാള സിനിമകളുടെ പിവിആറിലെ ഷോകളാണ് ഇതോടെ മുടങ്ങിയത്. കൊച്ചി, തിരുവനന്തപുരം എന്നിവിടങ്ങളിലൊന്നും മലയാള സിനിമകളുടെ പ്രദർശനം പിവിആർ് ഇപ്പോൾ നടത്തുന്നില്ല.

ഉണ്ണികൃഷ്ണനെ കൂടാതെ സിബി മലയിൽ, രൺജി പണിക്കർ, സോഹൻ സീനുലാൽ, നിലവിൽ തിയറ്ററുകളിൽ പ്രദർശിപ്പിക്കുന്ന സിനിമകളെ പ്രതിനിധീകരിച്ച് ബ്ലെസി, വിനീത് ശ്രീനിവാസൻ, വിശാഖ് സുബ്രഹ്മണ്യം, അൻവർ റഷീദ്, സൗബിൻ ഷാഹിർ, ജിത്തു മാധവന്‍ തുടങ്ങിയവർ ചേർന്നാണു തീരുമാനങ്ങള്‍ പ്രഖ്യാപിച്ചത്. മുൻകൂറായി വിപിഎഫ് തുക അടച്ചിട്ടുപോലും ആടുജീവിതത്തിന്റെ പ്രദർശനം നിർത്തുന്നതു ഫോൺ വഴി പോലും അറിയിച്ചില്ലെന്നു ബ്ലെസി പറഞ്ഞു. മറ്റു സംസ്ഥാനങ്ങളിലെങ്കിലും പ്രദർശിപ്പിക്കണമെന്ന് ആവശ്യപ്പെട്ടിട്ടും അംഗീകരിച്ചില്ലെന്നും അദ്ദേഹം ചൂണ്ടിക്കാട്ടി.

Continue Reading

Trending