Connect with us

kerala

ഇന്‍ഷൂറന്‍സ് അടച്ചില്ലെന്ന കാരണം പറഞ്ഞ് അമിതമായി പിഴ ഈടാക്കുന്നു. പരാതിയുമായി വാഹനഉടമകള്‍

നിയമപ്രകാരംഇന്‍ഷൂറന്‍സ് നിലവിലില്ലെങ്കില്‍വാഹനം പിടിച്ചുവെക്കുകയും ഇന്‍ഷൂറന്‍സ് അടച്ചശേഷം വാഹനം വിട്ടുകൊടുക്കുകയുമാണ് വേണ്ടതെന്ന് .

Published

on

ഇന്‍ഷൂറന്‍സ് തുക അടച്ചില്ലെന്ന് കാരണം പറഞ്ഞ് വാഹനഉടമകളില്‍നിന്ന് അമിതമായി പിഴ ഈടാക്കുന്നതായി പരാതി. ഇതിനെതിരെ കോടതിയെ സമീപിക്കാന്‍ വാഹനഉടമകള്‍. കഴിഞ്ഞദിവസം പാലക്കാട്- മണ്ണാര്ക്കാട്‌റോഡില്‍ പൊട്ടിപ്പൊളിഞ്ഞിട്ടും പ്രയാസപ്പെട്ട് യാത്ര ചെയ്തിരുന്ന വാഹനഉടമകളോടാണ് പിഴ ഈടാക്കിയത്. ഇന്‍ഷൂറന്‍സ് നിലവിലില്ലെന്ന് പറഞ്ഞ് ഇരുചക്രവാഹനക്കാരനില്‍നിന്ന് 2000 രൂപയാണ് പിഴയായി ഈടാക്കിയത്. ലോറികള്‍ മുതലായ ചരക്കുവാഹനങ്ങളെ പിഴ വാങ്ങാതെ കൈക്കൂലിവാങ്ങി വിട്ടയക്കുന്നതായും പരാതിയുണ്ട്. പൊലീസുകാരുടെ മനുഷ്യത്വരഹിതമായ പെരുമാറ്റത്തിനെതിരെയും നികുതിക്കാനുപാതികമായി പാതകള്‍ നന്നാക്കാത്തതിനെതിരെയുമാണ് കോടതിയെസമീപിക്കുകയെന്ന് പൊതുപ്രവര്‍ത്തകനായബോബന്‍ മാട്ടുമന്ത ചന്ദ്രികയോട് പറഞ്ഞു.
നിയമപ്രകാരംഇന്‍ഷൂറന്‍സ് നിലവിലില്ലെങ്കില്‍വാഹനം പിടിച്ചുവെക്കുകയും ഇന്‍ഷൂറന്‍സ് അടച്ചശേഷം വാഹനം വിട്ടുകൊടുക്കുകയുമാണ് വേണ്ടതെന്ന് ഡെപ്യൂട്ടി ഡയറക്ടര്‍ ഓഫ് പ്രോസിക്യൂഷന്‍ അഡ്വ.പ്രേം നാഥ് പറഞ്ഞു.

ബോബന്‍ മാട്ടുമന്തയുടെ ഫെയ്‌സ്ബുക്ക് കുറിപ്പില്‍നിന്ന്:

പാലക്കാട് – മണ്ണാര്‍ക്കാട് റോഡ് പൊളിഞ്ഞും പൊടിപാറി കിടപ്പാണെങ്കിലും മണ്ണാര്‍ക്കാട് ഹൈവേ പോലിസ് വക പിടിച്ചു പറിക്ക് മുടക്കമില്ല. മുണ്ടൂര്‍ വേലിക്കാടായിരുന്നു. ഇന്നലത്തെ പിരിവ്. പാണ്ടി ലോറികളുമാണ് പ്രധാന ലക്ഷ്യം. ഇടവേളകളില്‍ ടൂ വിലര്‍ യാത്രികരും..

രണ്ടു പോലീസുകാരെ റോഡിന്റെ ഇരുവശത്തും നിര്‍ത്തിയിട്ടുണ്ട്.ഏമാന്‍ വണ്ടിക്കുള്ളിലിരിപ്പാണ്. പോലീസുകാരന്‍ വണ്ടി തടഞ്ഞു.ഏമാനെ കാണാനാവശ്യപ്പെട്ടു. ഏമാന്‍ വണ്ടി നമ്പര്‍ ചോദിച്ചു . നമ്പര്‍ പരിശോധിച്ചപ്പോള്‍ ഇന്‍ഷൂറന്‍സ് കാലാവധി കഴിഞ്ഞിരിക്കുന്നു. അദ്ധേഹം കുറ്റവാളിയെന്ന പോലെ എന്നെ നോക്കി.. സാറെ … സാറെ … സാറെ വിളികളും വിധേയത്വവുമാണ് ഏമാന്‍ പ്രതീക്ഷിച്ചത്. എന്നില്‍ നിന്നതുണ്ടായില്ല. പൗരബോധത്താല്‍ ഞാന്‍ നിശ്ചലനായി അദ്ധേഹത്തെ നോക്കി നിന്നു.ഏമാനെത്തേടി ഒരു മിനിലോറി ഡ്രൈവര്‍ എത്തി. അതിവിധേയത്വത്തോടെ സാറെ എന്ന് നീട്ടി വിളിച്ച് അദ്ധേഹം പതുങ്ങി നിന്നു. ഏമാന്‍ എന്റെ ലൈസന്‍സും ഫോണ്‍ നമ്പറും വാങ്ങി 2000 രൂപ പിഴ രസീതി നല്കി ഖജനാവിലേക്ക് വരവ് വച്ചു.

ലോറിക്കാരന്റെ ഊഴമായിരുന്നു അടുത്തത്. അന്യസംസ്ഥാന ലോറിക്കാരാണ് പ്രധാന ഇര. നിയമ ലംഘനം ഉണ്ടെങ്കിലും ഇല്ലെങ്കിലും പതിവു തെറ്റിക്കുത് എന്നാണ് ചട്ടം.നിയമ ലംഘനങ്ങളുടെ ടോറസ്. ലോറി ,കട്ടി പുക തുപ്പുന്ന റൂട്ട് ബസ് ‘ എന്നിവ തടസ്സമില്ലാതെ പോവുന്നുണ്ടായിരുന്നു. അവരെ തടസ്സപ്പെടുത്തുന്നതെങ്ങനെ? സ്വകാര്യ ഖജനാവിന് മുതല്‍കൂട്ടല്ലെ ? റോഡ് ടാക്‌സ് അടച്ച് പൊട്ടിപൊളിഞ്ഞ റോഡിലൂടെ യാത്ര ചെയ്യേണ്ടി വരുന്ന യാത്രികന്റെ ദുരിതം കാണാനും പരിശോധിക്കാനും പിഴയിടാക്കാനും നിയമം ഉണ്ടാവണം.

india

മുന്‍ സംസ്ഥാന തെരഞ്ഞെടുപ്പ് കമീഷ്ണര്‍ എന്‍.മോഹന്‍ദാസ് അന്തരിച്ചു

തിങ്കളാഴ്ച രാവിലെയോടെയായിരുന്നു അന്ത്യം

Published

on

വയനാട്: മുന്‍ സംസ്ഥാന തെരഞ്ഞെടുപ്പ് കമീഷ്ണര്‍ എന്‍.മോഹന്‍ദാസ് (73) അന്തരിച്ചു. തിങ്കളാഴ്ച രാവിലെയോടെയായിരുന്നു അന്ത്യം.2001 മുതല്‍ അഞ്ച് വര്‍ഷക്കാലം സംസ്ഥാന തെരഞ്ഞെടുപ്പ് കമ്മിഷണര്‍ ആയിരുന്നു. ജില്ല ജഡ്ജി, പൊലീസ് കംപ്ലെയ്ന്റ് അതോറിറ്റി ദക്ഷിണമേഖല ചെയര്‍മാന്‍ എന്നീ നിലകളില്‍ പ്രവര്‍ത്തിച്ചു. ആറ്റിങ്ങല്‍ നഗരസഭാ തെരഞ്ഞെടുപ്പില്‍ ഇടതുസ്ഥാനാര്‍ഥിയായും മത്സരിച്ചു.തിരുവനന്തപുരം ആറ്റിങ്ങല്‍ കുഴിയില്‍മുക്ക് കുന്നില്‍വീട്ടില്‍ നാണുക്കുട്ടന്‍-നളിനി ദമ്ബതികളുടെ മകനാണ്.

ഏറെക്കാലമായി വയനാട്ടിലായിരുന്നു താമസം. ഭാര്യ: സൂക്ഷ്മ മോഹന്‍ദാസ്, മക്കള്‍: മനു മോഹന്‍ദാസ്, നീനു മോഹന്‍ദാസ്. മരുമക്കള്‍: ഇന്ദു, സേതു. സംസ്കാരം ചൊവ്വാഴ്ച വൈകിട്ട് നാലിന് വയനാട്ടിലെ ഇരുളത്തെ വസതിയായ ഗീത ഗാര്‍ഡന്‍സില്‍ നടക്കും.

Continue Reading

india

ഡല്‍ഹിയില്‍ ഒറ്റക്കു താമസിച്ചിരുന്ന 88കാരിയെ കൊലപ്പെടുത്തി പണം കവര്‍ന്നു

ദയാല്‍പൂര്‍ പൊലീസ് മോഷണം, കൊലപാതകം എന്നീ കുറ്റങ്ങള്‍ ചുമത്തി കേസെടുത്തു.

Published

on

വടക്കുകിഴക്കന്‍ ഡല്‍ഹിയില്‍ ഒറ്റക്കു താമസിച്ചിരുന്ന വയോധികയെ അജ്ഞാതര്‍ കൊലപ്പെടുത്തി. ഇവരുടെ വീട്ടില്‍ നിന്ന് പണവും ലക്ഷക്കണക്കിന് രൂപ വില വരുന്ന സാധനങ്ങളും കവര്‍ന്നതായും പൊലീസ് പറഞ്ഞു.ഞായറാഴ്ചയാണ് സംഭവം. ദയാല്‍പൂര്‍ പൊലീസ് മോഷണം, കൊലപാതകം എന്നീ കുറ്റങ്ങള്‍ ചുമത്തി കേസെടുത്തു.

ഞായറാഴ്ച രാവിലെ വിവരമറിഞ്ഞ് വയോധികയുടെ വീട്ടിലെത്തുമ്ബോഴേക്കും അവര്‍ കൊല്ലപ്പെട്ടിരുന്നു. ഭര്‍ത്താവ് മരിച്ചതിനെ തുടര്‍ന്നാണ് വയോധിക വീട്ടില്‍ ഒറ്റക്കായത്. അവരുടെ മൂന്ന് ആണ്‍മക്കള്‍ മറ്റിടങ്ങളിലാണ് താമസം. കൊലപാതകത്തിനു മുമ്ബ് ഇവരുടെ വീട്ടിലെത്തിയവരുടെ ദൃശ്യങ്ങള്‍ സി.സി.ടി.വിയില്‍ പൊലീസ് പരിശോധിക്കുകയാണ്.

Continue Reading

india

സിനിമ നടൻ ഇടവേള ബാബുവിനെതിരെ സോഷ്യൽ മീഡിയയിൽ അധിക്ഷേപം നടത്തിയ വ്ലോഗ്ഗർ പിടിയില്‍

വ്ളോഗര്‍ കൃഷ്ണപ്രസാദാണ് കാക്കനാട് സൈബര്‍ പൊലീസിന്‍റെ പിടിയിലായത്.

Published

on

സിനിമ നടൻ ഇടവേള ബാബുവിനെതിരെ സോഷ്യൽ മീഡിയയിൽ അധിക്ഷേപം നടത്തിയ ആള്‍ പിടിയില്‍. വ്ളോഗര്‍ കൃഷ്ണപ്രസാദാണ് കാക്കനാട് സൈബര്‍ പൊലീസിന്‍റെ പിടിയിലായത്.
ഇടവേള ബാബുവിന്‍റെ പരാതിയിലാണ് നടപടി . സൈബര്‍ പൊലീസിനെതിരെയും ഇയാള്‍ അധിക്ഷേപം നടത്തിയിരുന്നു.

തന്നെയും താരസംഘടനയായ അമ്മയെയും അപകീര്‍ത്തിപ്പെടുത്തുന്ന തരത്തില്‍ വീഡിയോ പ്രസിദ്ധീകരിച്ചെന്ന് കാട്ടിയായിരുന്നു പരാതി. വിനീത് ശ്രീനിവാസന്‍ നായകനായ ‘മുകുന്ദന്‍ ഉണ്ണി അസോസിയേറ്റ്സ്’ എന്ന ചിത്രത്തെക്കുറിച്ച്‌ ഇടവേള ബാബു നടത്തിയ പ്രസ്താവന വിവാദമായിരുന്നു. ഇതിനെ തുടര്‍ന്നാണ് വ്ളോഗറുടെ വീഡിയോയും പുറത്തുവന്നത്.

Continue Reading

Trending