കഴിഞ്ഞ വര്‍ഷം നവംബറിലായിരുന്നു വാട്‌സ്ആപ്പ് ‘ഡിസപ്പിയറിങ് മെസ്സേജ്’ ഫീച്ചര്‍ അവതരിപ്പിച്ചത്. ഗ്രൂപ്പ് ചാറ്റുകളിലോ, പേഴ്‌സണല്‍ ചാറ്റുകളിലോ ഡിസപ്പിയറിങ് മോഡ് ഓണാക്കി വെച്ചാല്‍, ഏഴ് ദിവസങ്ങള്‍ കൊണ്ട് യൂസര്‍മാര്‍ അയക്കുന്ന സന്ദേശങ്ങളും ചിത്രങ്ങളും വിഡിയോകളും താനെ അപ്രത്യക്ഷമാകുമെന്നതായിരുന്നു അതിന്റെ സവിശേഷത.
സ്വയം അപ്രത്യക്ഷമാകുന്ന സന്ദേശങ്ങള്‍ക്ക് നേരത്തെ കമ്പനി നിശ്ചയിച്ച ഏഴ് ദിവസങ്ങളെന്ന കാലാവധിക്കൊപ്പം 24 മണിക്കൂറെന്ന അധിക ഓപ്ഷനും നല്‍കുമെന്നായിരുന്നു പുതിയ റിപ്പോര്‍ട്ടില്‍ പറഞ്ഞിരുന്നത്. എന്നാല്‍, 24 മണിക്കൂര്‍, ഏഴ് ദിവസങ്ങള്‍ എന്നിവക്കൊപ്പം ’90 ദിവസ’മെന്ന കാലാവധി കൂടി വാട്‌സ്ആപ്പ് ഇതേ ഫീച്ചറില്‍ ചേര്‍ക്കാന്‍ പോവുകയാണെന്നാണ് WABetaInfo സൂചന നല്‍കുന്നത്.
സന്ദേശങ്ങള്‍ അപ്രത്യക്ഷമാകുന്നതിന് ഉപയോക്താക്കള്‍ക്ക് ഒന്നിലധികം സമയ പരിധി ഓപ്ഷനുകള്‍ ലഭിക്കും. 24 മണിക്കൂര്‍, 7 ദിവസം അല്ലെങ്കില്‍ 90 ദിവസം.
എന്തായാലും പുതിയ സമയ പരിധി ഓപ്ഷനുകള്‍ നിലവില്‍ വികസിച്ചുകൊണ്ടിരിക്കുകയാണെന്നാണ് WABetaInfo റിപ്പോര്‍ട്ട് ചെയ്യുന്നത്.