ടൊറന്റോയില്‍ പിറന്നാള്‍ പാര്‍ട്ടിക്കിടെ വെടിവെപ്പ്: ഒമ്പതു പേര്‍ക്ക് പരിക്ക്; അക്രമി ആത്മഹത്യ ചെയ്തു

ടൊറന്റോ: കാനഡയിലെ ഗ്രീക്ക് ടൗണില്‍ അജ്ഞാതന്റെ വെടിയേറ്റ് ഒമ്പത് പേര്‍ക്ക് പരിക്കേറ്റു. റെസ്‌റ്റോറന്റില്‍ പിറന്നാള്‍ പാര്‍ട്ടി നടക്കുന്നതിനിടെയാണ് വെടിവെപ്പുണ്ടായത്. ഒമ്പതു പേരുടെയും നില ഗുരുതരമാണെന്ന് ആസ്പത്രി വൃത്തങ്ങള്‍ പറഞ്ഞു.

ആളുകള്‍ക്ക് നേരെ വെടിയുതിര്‍ത്ത ശേഷം ഇയാള്‍ സ്വയം വെടിയുതിര്‍ത്തു മരിച്ചു. ‘വെടിയേറ്റവരില്‍ ഒരു പെണ്‍കുട്ടിയും ഉള്‍പ്പെടുന്നു. ഇവരെകുറിച്ചുള്ള കൂടുതല്‍ വിവരങ്ങള്‍ ലഭ്യമാകുന്നതേയുള്ളൂ. ഇത്തരത്തിലുള്ള ഒരു ആക്രമണത്തിന് ഇയാളെ പ്രേരിപ്പിച്ചതിന്റെ കാരണം അന്വേഷിച്ചു വരികയാണെന്ന് ടൊറന്റോ പൊലീസ് ട്വീറ്റ് ചെയ്തു. സംഭവസ്ഥലത്തുണ്ടായ ആളുകളില്‍ നിന്ന് കൂടുതല്‍ വിവരങ്ങള്‍ ശേഖരിക്കാനുള്ള ശ്രമത്തിലാണ് പൊലീസ്.

SHARE