പെരിയ ഇരട്ടക്കൊലപാതകം; ഒരു പ്രതി കൂടി അറസ്റ്റില്‍

പെരിയ ഇരട്ടക്കൊലപാതകം; ഒരു പ്രതി കൂടി അറസ്റ്റില്‍

കാസര്‍കോഡ്: കാസര്‍കോഡ് ഇരട്ടക്കൊലപാതകത്തില്‍ ഒരാള്‍കൂടി അറസ്റ്റിലായി.കേസിലെ എട്ടാംപ്രതിയും വിദേശത്ത് കടക്കുകയും ചെയ്ത പാക്കം സ്വദേശി സുബീഷാണ് പിടിയിലായത്. ഇന്ന് പുലര്‍ച്ചെയാണ് മംഗലാപുരം വിമാനത്താവളത്തില്‍ വെച്ച് സുബീഷ് പിടിയിലാവുന്നത്. ഇതോടെ കേസിലെ എല്ലാവരും അറസ്റ്റിലായി.

കഴിഞ്ഞ ദിവസം പെരിയ ഇരട്ടക്കൊലപാതകത്തില്‍ രണ്ടു സി.പി.എം നേതാക്കള്‍ അറസ്റ്റിലായിരുന്നു. ഉദുമ ഏരിയാസെക്രട്ടറി മണികണ്ഠന്‍, കലോട്ട് ബ്രാഞ്ച് സെക്രട്ടറി ബാലകൃഷ്ണന്‍ എന്നിവരാണ് അറസ്റ്റിലായത്. കൊലപാതകത്തില്‍ പങ്കെടുത്തവരെ സഹായിച്ചെന്നാണ് ഇവര്‍ക്കെതിരെയുള്ള കേസ്.

ഫെബ്രുവരി 17നാണ് യൂത്ത് കോണ്‍ഗ്രസ് പ്രവര്‍ത്തകരായിരുന്ന ശരത് ലാല്‍, കൃപേഷ് എന്നിവര്‍ കൊല്ലപ്പെട്ടത്. കല്യോട്ട് കൂരാങ്കര റോഡില്‍ വച്ച് വെട്ടി കൊലപ്പെടുത്തുകയായിരുന്നു. ലോക്കല്‍ പൊലീസ് അന്വേഷിച്ചു തുടങ്ങിയ കേസ് നിലവില്‍ ക്രൈംബ്രാഞ്ച് ആണ് അന്വേഷിക്കുന്നത്. അന്വേഷണം വൈകിപ്പിക്കാനാണ് ക്രൈംബ്രാഞ്ച് സംഘം ശ്രമിക്കുന്നതെന്നാണ് ബന്ധുക്കളുടെ ആരോപണം.

NO COMMENTS

LEAVE A REPLY