ശാന്തികൃഷ്ണയെ അറിയില്ല; ഗൂഗിളില്‍ തിരഞ്ഞ് യുവനടി അപര്‍ണ്ണ

യുവനടി അപര്‍ണ്ണ ഗോപിനാഥിന് തന്നെ അറിയില്ലായിരുന്നുവെന്ന് മുന്‍കാല നടി ശാന്തികൃഷ്ണ. തന്നെയറിയാന്‍ അപര്‍ണ്ണ ഗൂഗിളില്‍ സെര്‍ച്ച് ചെയ്തുവെന്ന് ശാന്തികൃഷ്ണ പറഞ്ഞു.

‘സുവീരന്‍ സംവിധാനം ചെയ്ത ‘മഴയത്ത്’ എന്ന സിനിമയില്‍ ഈയിടെ അഭിനയിച്ചിരുന്നു. അതില്‍ അപര്‍ണാ ഗോപിനാഥാണ് പ്രധാന വേഷം ചെയ്യുന്നത്. ഞങ്ങള്‍ ഇരുവരും പരസ്പരം കണ്ടിട്ടില്ല. എന്റെ കൂടെ അഭിനയിക്കുന്നതില്‍ സന്തോഷമുണ്ടെന്ന് അപര്‍ണ പറഞ്ഞു. പക്ഷേ ഗൂഗിള്‍ ചെയ്തു നോക്കേണ്ടി വന്നു.’ശാന്തികൃഷ്ണ പറഞ്ഞു. അതൊരു മോശം കാര്യമാണെന്ന് തനിക്ക് വേണമെങ്കില്‍ കരുതാം. ശാന്തികൃഷ്ണയെ അറിയില്ല എന്ന പറഞ്ഞുവല്ലേ എന്ന ചോദ്യത്തിന് അങ്ങനെ കരുതേണ്ട കാര്യമില്ലെന്ന് താരം കൂട്ടിച്ചേര്‍ത്തു. ഇതേ കാര്യമാണ് നിവിന്റെ കാര്യത്തിലും സംഭവിച്ചത്. പക്ഷേ അത് വലിയ വിവാദമായെന്നും ശാന്തികൃഷ്ണ പറയുകയുണ്ടായി.

നേരത്തെ, ഞണ്ടുകളുടെ നാട്ടില്‍ ഒരിടവേള എന്ന ചിത്രത്തില്‍ അഭിനയിക്കാനെത്തുമ്പോള്‍ നിവിന്‍പോളിയെ അറിയാന്‍ ഗൂഗിളില്‍ തിരഞ്ഞുനോക്കിയിരുന്നുവെന്ന് ശാന്തികൃഷ്ണ പറഞ്ഞിരുന്നു. ഇത് വലിയ വിവാദമാവുകയും ചെയ്തു. ചിത്രത്തില്‍ നിവിന്‍പോളിയായിരുന്നു നായകന്‍.