Connect with us

More

ലാലീഗയില്‍ ശനിവാര്‍

Published

on

ടേബിളില്‍ മൂന്നാം സ്ഥാനത്തുള്ള അത്‌ലറ്റികോ ഐബറിനെ സ്വന്തം മൈതാനത്ത് നേരിടുകയാണ്. ടേബിളില്‍ ഇപ്പോള്‍ ഒന്നാം സ്ഥാനത്ത് നില്‍ക്കുന്ന ബാര്‍സിലോണക്കുമുണ്ട് ഇന്ന് പോരാട്ടം-പ്രതിയോഗികള്‍ ശക്തരായ വില്ലാ റയലാണ്. പോയന്റ് ടേബിളില്‍ നോക്കു-35 മല്‍സരങ്ങള്‍ പൂര്‍ത്തിയാക്കിയ നിലവിലെ ചാമ്പ്യന്മാരായ ബാര്‍സ 81 ല്‍ ഒന്നാം സ്ഥാനത്ത് നില്‍ക്കുന്നു. 34 മല്‍സരങ്ങള്‍ കളിച്ച റയലിന് അതേ പോയന്റുണ്ട്-ഗോള്‍ ശരാരിയുടെ കണക്കില്‍ അവര്‍ രണ്ടാമത് നില്‍ക്കുന്നു. 35 മല്‍സരങ്ങള്‍ പിന്നിട്ട അത്‌ലറ്റിക്കോക്ക് 71 പോയന്റുണ്ട്. ഇന്ന് ബാര്‍സയുമായി കലിക്കുന്ന വില്ലാ റയല്‍ 35 മല്‍സരങ്ങളില്‍ നിന്ന് 63 പോയന്റുമായി അഞ്ചാം സ്ഥാനത്തുമുണ്ട്.

നിരന്തരമായ മല്‍സരങ്ങള്‍ ടീമിനെ തളര്‍ത്തുന്നില്ലെന്നാണ് റയല്‍ കോച്ച് സൈനുദ്ദീന്‍ സിദാന്റെ പക്ഷം. ഇന്നലെ വൈകീട്ടും ടീം കടുത്ത പരിശീലനത്തിലായിരുന്നു. കൃസ്റ്റിയാനോയും സിദാനുമെല്ലാം നല്ല ഹാപ്പി മൂഡിലുമായിരുന്നു. ചാമ്പ്യന്‍സ് ലീഗില്‍ ഫൈനല്‍ എറെക്കുറെ ഉറപ്പായ സാഹചര്യത്തില്‍ ലാലീഗയില്‍ ശ്രദ്ധിക്കാനാണ് ടീമിന്റെ തീരുമാനം. ഗ്രാനഡ ദുര്‍ബലരായതിനാല്‍ വലിയ ഗോള്‍ വിത്യാസത്തില്‍ ജയിക്കാനും അവര്‍ ആഗ്രഹിക്കുന്നു. ജെറാത്ത് ബെയില്‍ ഇന്നും കളിക്കില്ല. പക്ഷേ മുന്‍നിരയില്‍ ചെറിയ മാറ്റത്തിന് സിദാന്‍ തയ്യാറാവും. കരീം ബെന്‍സേമക്ക് പകരം ജെയിംസ് റോഡ്രിഗസ് കളിക്കും. പരുക്കിന്റെ പ്രശ്‌നങ്ങള്‍ അലട്ടാത്തതിനാല്‍ ആശങ്കയൊന്നുമില്ലെന്നാണ് നായകന്‍ സെര്‍ജി റാമോസിന്റെ പക്ഷം.
ബാര്‍സക്ക് ചെറിയ ടെന്‍ഷനുണ്ട്. ചാമ്പ്യന്‍സ് ലീഗ് സാധ്യത അവസാനിച്ച സാഹചര്യത്തില്‍ മാനം കാക്കാന്‍ ലാലീഗ കിരീടം മാത്രമാണുളളത്. പക്ഷേ വില്ലാ റയല്‍ ശക്തരാണ്. വമ്പന്മാരെയെല്ലാം അട്ടിമറിച്ചിട്ടുള്ളവര്‍. സൂപ്പര്‍ താരം മെസി സന്തോഷത്തിലാണ്. ദേശീയ മല്‍സരങ്ങളില്‍ അദ്ദേഹത്തിനെതിരായ വിലക്ക് ഫിഫ പിന്‍വലിച്ച് സാഹചര്യത്തില്‍ കൂടുതല്‍ ഉന്മേഷത്തോടെ കളിക്കാന്‍ അര്‍ജന്റീനക്കാരനാവും. നെയ്മറും സുവാരസും ഫോമില്‍ നില്‍ക്കുന്നു.
നാല് മല്‍സരങ്ങളാണ് ഇനി റയലിന് കളിക്കാനുള്ളത്. നാലും ജയിച്ചാല്‍ കിരീടം ഉറപ്പ്. ഇതില്‍ സെവിയെയുമായി അടുത്ത ഞായറാഴ്ച്ച കളിയുണ്ട്. ബാര്‍സക്ക് മൂന്ന് മല്‍സരങ്ങള്‍ ശേഷിക്കുന്നു.
മൂന്നും ജയിച്ച് സമ്മര്‍ദ്ദം തുടരുകയാണ് അവരുടെ ലക്ഷ്യം. രണ്ട് പ്രധാന കിരീടങ്ങളാണ് തന്റെ അജണ്ടയെന്ന് റയല്‍ കോച്ച് സിദാന്‍ വാര്‍ത്താ സമ്മേളനത്തില്‍ വ്യക്തമാക്കിയിട്ടുണ്ട്. പോയ വര്‍ഷം ചാമ്പ്യന്‍സ് ലീഗ് കിരീടമാണ് നേടാന്‍ കഴിഞ്ഞത്. ഒരു പോയന്റ് വിത്യാസത്തിലാണ് ലാലീഗ കിരീടം അകന്നത്. ഇത്തവണ ഒരു മല്‍സരത്തിന്റെ ആനുകൂല്യമുള്ളതിനാല്‍ കിരീടം നേടാമെന്നാണ് സിദാന്‍ വ്യക്തമാക്കുന്നത്. സെവിയെ, സെല്‍റ്റാ വിഗോ തുടങ്ങിയ പ്രതിയോഗികള്‍ പ്രബലരാണെന്ന് അദ്ദേഹം പറഞ്ഞു.

Continue Reading
Advertisement
Click to comment

Leave a Reply

Your email address will not be published. Required fields are marked *

india

ഛത്തീസ്ഗഡില്‍ ബിജെപി നേതാവിനെ മാവോയിസ്റ്റുകള്‍ വെട്ടിക്കൊന്നു

വിവാഹ ചടങ്ങിൽ പങ്കെടുത്ത് മടങ്ങുമ്പോൾ ഹിറ്റ് സ്ക്വാഡ് ആക്രമിക്കുകയായിരുന്നു

Published

on

ബിജെപി പ്രവർത്തകനെ മാവോയിസ്റ്റ് ഹിറ്റ് സ്ക്വാഡ് വെട്ടിക്കൊന്നു. ഛത്തീസ്ഗഡിലെ ബീജാപൂർ ജില്ലയിലാണ് സംഭവം. തൃപാടി കട്‌ല (40) എന്ന പ്രാദേശിക നേതാവാണ് കൊല്ലപ്പെട്ടത്. വിവാഹ ചടങ്ങിൽ പങ്കെടുത്ത് മടങ്ങുമ്പോൾ ഹിറ്റ് സ്ക്വാഡ് ആക്രമിക്കുകയായിരുന്നു.

വെള്ളിയാഴ്ച രാത്രി ബസ്തറിലാണ് സംഭവം. ജൻപാഡ് പഞ്ചായത്ത് അംഗമായ കട്‌ല ബീജാപൂർ ജില്ലാ ആസ്ഥാനത്താണ് താമസിച്ചിരുന്നത്. ടോയ്‌നാർ ഗ്രാമത്തിലെ ഒരു വിവാഹത്തിൽ പങ്കെടുത്ത് മടങ്ങുകയായിരുന്ന അദ്ദേഹത്തെ ഒരു മാവോയിസ്റ്റ് സംഘം വളയുകയായിരുന്നു.

7 പേർ അടങ്ങുന്ന സംഘം അദ്ദേഹത്തെ കഠാരയും മഴുവും ഉപയോഗിച്ച് വെട്ടി വീഴ്ത്തി. വഴിയാത്രക്കാർ അദ്ദേഹത്തെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.

Continue Reading

kerala

37 ഡിഗ്രി സെല്‍ഷ്യസ് വരെ ചൂട്; ആറു ജില്ലകളില്‍ ഉയര്‍ന്ന താപനില മുന്നറിയിപ്പ്, ജാഗ്രതാ നിര്‍ദേശങ്ങള്‍

Published

on

ചൂട് കൂടിയ പശ്ചാത്തലത്തില്‍ ആറ് ജില്ലകളില്‍ യെല്ലോ അലേര്‍ട്ട്. കൊല്ലം, കോട്ടയം, ആലപ്പുഴ, പാലക്കാട്, കോഴിക്കോട്, കണ്ണൂര്‍ എന്നീ ജില്ലകളില്‍ അഞ്ചാം തിയ്യതി വരെയാണ് മുന്നറിയിപ്പുള്ളത്. കൊല്ലം, കോട്ടയം ജില്ലകളില്‍ ഉയര്‍ന്ന താപനില 37 ഡിഗ്രി സെല്‍ഷ്യസ് വരെയെത്തി.

ആലപ്പുഴ, പാലക്കാട്, കോഴിക്കോട്, കണ്ണൂര്‍ ജില്ലകളില്‍ ഉയര്‍ന്ന താപനില 36 ഡിഗ്രി സെല്‍ഷ്യസ് വരെയും ഉയരാന്‍ സാധ്യതയുണ്ട്. സാധാരണയെക്കാള്‍ 2 3 ഡിഗ്രി സെല്‍ഷ്യസ് കൂടുതല്‍ താപനിലയാണിത്. ഉയര്‍ന്ന താപനിലയും ഈര്‍പ്പമുള്ള വായുവും കാരണം ഈ ജില്ലകളില്‍, മലയോര മേഖലകളിലൊഴികെ, ചൂടും അസ്വസ്ഥതയുമുള്ള കാലാവസ്ഥയ്ക്ക് സാധ്യതയുണ്ടെന്നും കാലാവസ്ഥ വകുപ്പ് അറിയിച്ചു.

 

Continue Reading

kerala

പ്രതികളെ രക്ഷിക്കാന്‍ പൊലീസ് ശ്രമിക്കുന്നു; സിദ്ധാര്‍ഥന്റെ മരണം സിബിഐ അന്വേഷിക്കണം: മുഖ്യമന്ത്രിക്ക് കത്ത് നല്‍കി പ്രതിപക്ഷ നേതാവ്

സിദ്ധാര്‍ഥന്റെ കുടുംബവും സിബിഐ അന്വേഷണം ആവശ്യപ്പെടുന്നതായി പ്രതിപക്ഷ നേതാവ് കത്തിൽ ചൂണ്ടിക്കാട്ടി

Published

on

പൂക്കോട് വെറ്ററിനറി കോളജിലെ വിദ്യാര്‍ഥി സിദ്ധാര്‍ഥൻ പീഡനത്തിന് ഇരയായ ശേഷം മരിച്ച സംഭവത്തില്‍ സിബിഐ അന്വേഷണം ആവശ്യപ്പെട്ട് പ്രതിപക്ഷ നേതാവ് വി.ഡി. സതീശൻ മുഖ്യമന്ത്രിക്ക് കത്തു നല്‍കി.

പ്രതികളെ രക്ഷിക്കാനാണ് പൊലീസ് ആദ്യം ശ്രമിച്ചതെന്ന് പ്രതിപക്ഷ നേതാവ് ചൂണ്ടിക്കാട്ടി. അതേ പൊലീസില്‍നിന്ന് സത്യസന്ധമായ അന്വേഷണം പ്രതീക്ഷിക്കാനാകില്ല. സിദ്ധാര്‍ഥന്റെ കുടുംബവും സിബിഐ അന്വേഷണം ആവശ്യപ്പെടുന്നതായി പ്രതിപക്ഷ നേതാവ് കത്തിൽ ചൂണ്ടിക്കാട്ടി.

കത്തിന്റെ പൂര്‍ണരൂപം 

വയനാട് പൂക്കോട് വെറ്ററിനറി കോളജ് വിദ്യാര്‍ഥി സിദ്ധാര്‍ഥനെ മൃഗീയമായി കൊലപ്പെടുത്തിയ സംഭവം താങ്കളുടെ ശ്രദ്ധയില്‍പ്പെട്ടല്ലോ. കേരള മനഃസാക്ഷിയെ ഞെട്ടിക്കുകയും മരവിപ്പിക്കുകയും ചെയ്യുന്ന ക്രൂരതയുടെ വിവരങ്ങളാണ് പൂക്കോട് വെറ്ററിനറി സര്‍വകലാശാല ക്യാംപസില്‍നിന്നും വരുന്നത്. എസ്എഫ്ഐ എന്ന സംഘടനയുടെ പിന്‍ബലത്തില്‍ വിദ്യാര്‍ഥി നേതാക്കളുടെ നേതൃത്വത്തില്‍ നഗ്നനാക്കി ദിവസങ്ങളോളം ആള്‍ക്കൂട്ട വിചാരണ നടത്തി, ഭക്ഷണമോ വെള്ളമോ നല്‍കാതെ മര്‍ദിച്ച് കൊലപ്പെടുത്തിയ ശേഷം കെട്ടിത്തൂക്കിയെന്നാണ് സിദ്ധാര്‍ഥന്റെ മാതാപിതാക്കള്‍ ആരോപിക്കുന്നത്. കൊടുംക്രൂരതയ്ക്ക് ഡീന്‍ ഉള്‍പ്പെടെയുള്ള അധ്യാപകരും കൂട്ടുനിന്നെന്നതും അതീവ ഗൗരവതരമാണ്. 

മകന്റെ കൊലയാളികള്‍ പൂക്കോട് ക്യാംപസിലെ എസ്എഫ്ഐ നേതാക്കളാണെന്ന് സിദ്ധാര്‍ഥന്റെ മാതാപിതാക്കള്‍ മാധ്യമങ്ങളിലൂടെ ആവര്‍ത്തിക്കുമ്പോഴും രാഷ്ട്രീയ ബന്ധമില്ലെന്നാണ് അന്വേഷണ ഉദ്യോഗസ്ഥന്‍ പരസ്യമായി പ്രതികരിച്ചത്. അന്വേഷണ ഉദ്യോഗസ്ഥരെ ജില്ലയിലെ സിപിഎം നേതാക്കള്‍ ഭീഷണിപ്പെടുത്തി പ്രതികളെ സംരക്ഷിക്കാന്‍ ശ്രമിക്കുകയാണ്. പോസ്റ്റ്‌മോര്‍ട്ടം റിപ്പോര്‍ട്ട് സിദ്ധാര്‍ഥൻ നേരിട്ട മൃഗീയ മര്‍ദനത്തിന്റെയും ക്രൂരതയുടെയും തെളിവാണ്. ക്രൂര പീഡനം ഏറ്റതിന്റെ തെളിവുകള്‍ സിദ്ധാര്‍ഥന്റെ ശരീരത്തില്‍ ഉണ്ടായിരുന്നിട്ടും പൊലീസ് അന്വേഷണത്തില്‍ ഗുരുതര വീഴ്ചയുണ്ടായി. പ്രതികളെ രക്ഷിക്കാനാണ് പൊലീസ് ആദ്യം ശ്രമിച്ചത്. അതേ പൊലീസില്‍ നിന്ന് സത്യസന്ധമായ അന്വേഷണം പ്രതീക്ഷിക്കാനാകില്ല. 

സിദ്ധാർഥന്റെ മരണവും അതുമായി ബന്ധപ്പെട്ട് പുറത്തുവരുന്ന വിവരങ്ങളും കേരളത്തിലെ മാതാപിതാക്കള്‍ക്കിടയില്‍ ഭീതിയും ആശങ്കയും ഉണ്ടാക്കിയിട്ടുണ്ട്. ഇനി ഇത്തരമൊരു സംഭവം കേരളത്തില്‍ ആവര്‍ത്തിക്കാന്‍ പാടില്ല. സിബിഐ അന്വേഷണം ആവശ്യമാണെന്ന് സിദ്ധാര്‍ഥന്റെ കുടുംബവും പറയുന്നു. ഈ സാഹചര്യങ്ങളൊക്കെ പരിഗണിച്ച് മരണത്തിന് പിന്നിലെ യഥാര്‍ഥ വസ്തുതകളും ഗൂഢാലോചനയും കണ്ടെത്താന്‍ അന്വേഷണ ചുമതല സിബിഐക്ക് കൈമാറാന്‍ സംസ്ഥാന സര്‍ക്കാര്‍ തീരുമാനിക്കണമെന്ന് അഭ്യര്‍ഥിക്കുന്നു.

Continue Reading

Trending