Career
Career Chandrika | സ്റ്റൈപന്റോടെ പഠിക്കാന് അവസരമൊരുക്കി ഇന്ത്യന് സ്റ്റാറ്റിസ്റ്റിക്കല് ഇന്സ്റ്റിറ്റിയൂട്ട്
മാര്ച്ച് 1 മുതല് 31 വരെ അപേക്ഷിക്കാം
പി ടി ഫിറോസ്
ശാസ്ത്രങ്ങളുടെ മേഖലകളില് മാത്രമല്ല, മനുഷ്യന്റെ ദൈനംദിന വ്യവഹാരങ്ങളില് ഗണിതത്തിനുള്ള സ്വാധീനം നിര്ണായകമാണ്. കാര്ഷികം, വൈദ്യശാസ്ത്രം, ബിസിനസ്, സാമ്പത്തികം, നിര്മ്മാണം, ആസൂത്രണം, മാനേജ്മെന്റ്, നിര്മ്മിത ബുദ്ധി തുടങ്ങിയ മേഖലകളിലെല്ലാം അവഗണിക്കാനാവാത്ത സാന്നിധ്യമായി ഗണിതം നിലകൊള്ളുന്നുണ്ട്. സ്റ്റാറ്റിസ്റ്റിക്സിന്റെയും അവസ്ഥ വ്യത്യസ്തമല്ല. വാണിജ്യ, ശാസ്ത്ര സാങ്കേതിക മേഖലകളിലെ പരമ്പരാഗത ഉപയോഗങ്ങള്ക്ക് പുറമെ ഐടി, ഡാറ്റ സയന്സ്, ആക്ച്വറിയല് സയന്സ് തുടങ്ങിയ മേഖലകളിലെ സ്റ്റാറ്റിസ്റ്റിക്സിന്റെ വര്ദ്ധിച്ചു വരുന്ന സാധ്യതകള് പ്രത്യേകം പരിഗണിക്കേണ്ടതാണ്. ഗണിതശാസ്ത്രത്തിലെയും സ്റ്റാറ്റിസ്റ്റിക്സിലെയും സങ്കേതങ്ങളാണ് എല്ലാ വിജ്ഞാന മേഖലകളിലുമുള്ള വിശകലങ്ങള്ക്കും താരതമ്യ പഠനങ്ങള്ക്കും ഉപയോഗപ്പെടുത്തുന്നത് മറ്റൊരു വസ്തുതയാണ്.
അക്കങ്ങളോട് പ്രിയമുള്ളവരും ഗണിതശാസ്ത്ര ക്രിയകളിലും പഠനത്തിലും താല്പര്യമുള്ളവരുമായ കുട്ടികള്ക്ക് ഉപരിപഠനം ആ മേഖലകളിലേക്ക് തിരിച്ചുവിടാനായാല് മികവുറ്റ അവസരങ്ങള് കണ്ടെത്തി കരിയറില് ഉയരാന് സാധിക്കും. ഗണിതശാസ്ത്ര, സ്റ്റാറ്റിസ്റ്റിക്സ് വിഷയങ്ങളില് ബിരുദ, ബിരുദാനന്തര തലങ്ങളില് പഠനസൗകര്യങ്ങള് ഒരുക്കുന്ന ശ്രദ്ധേയമായ സ്ഥാപനമാണ് ഐഎസ്ഐ എന്നറിയപ്പെടുന്ന ഇന്ത്യന് സ്റ്റാറ്റിസ്റ്റിക്കല് ഇന്സ്റ്റിറ്റിയൂട്ട്. കൊല്ക്കത്തയിലെ പ്രധാന കേന്ദ്രത്തിന് പുറമെ ഡല്ഹി, ബംഗളൂരു, ചെന്നൈ, തേജ്പൂര് എന്നിവിടങ്ങളില് കേന്ദ്രങ്ങളുള്ള ഐഎസ്ഐ സ്റ്റാറ്റിസ്റ്റിക്സ് അനുബന്ധ വിഷയങ്ങളില് പഠന ഗവേഷണ രംഗത്ത് പകരം വെക്കാനില്ലാത്ത ഒരു സ്ഥാപനമാണ്. ആഗോള തലത്തില് തന്നെ പ്രശസ്തങ്ങളായ സര്വകലാശാലകളുമായും അക്കാദമിക/വ്യവസായിക കേന്ദ്രങ്ങളുമായും ധാരണാപത്രത്തില് ഒപ്പുവെച്ച ഐഎസ്ഐയില് നിന്ന് ഉപരിപഠനം പൂര്ത്തിയാക്കുന്നവര്ക്ക് ആകര്ഷകമായ പ്ലേസ്മെന്റിന് അവസരങ്ങളും ലഭിക്കാറുണ്ട്.
ബിരുദ തലത്തില് ബിമാത്ത് (ഓണേഴ്സ്), ബിസ്റ്റാറ്റ് (ഓണേഴ്സ്) എന്നീ മൂന്നുവര്ഷ കോഴ്സുകളാണ് ഐഎസ്ഐ നടത്തുന്നത്. ബംഗളുരു ക്യാമ്പസിലാണ് ബിമാത്ത് കോഴ്സ് ഉള്ളത്. കോഴ്സ് വിജയകരമായി പൂര്ത്തിയാക്കുന്നവര്ക്ക് മാത്തമാറ്റിക്സ്, സ്റ്റാറ്റിസ്റ്റിക്സ്, കമ്പ്യൂട്ടര് സയന്സ്, മാത്തമാറ്റിക്കല് ഫിസിക്സ് എന്നിവയില് ഉപരിപഠനത്തിനു അവസരമുണ്ട്. കല്ക്കത്ത ക്യാമ്പസില് നടത്തുന്ന ബിസ്റ്റാറ്റ് പ്രോഗ്രാമില് കമ്പ്യൂട്ടര് സയന്സ്, മാത്തമാറ്റിക്സ് എന്നിവക്ക് പുറമെ സ്റ്റാറ്റിസ്റ്റിക്സിന്റെ പാഠങ്ങളും ഉള്പ്പെടും. കോഴ്സ് കഴിഞ്ഞാല് സ്റ്റാറ്റിസ്റ്റിക്സ്, മാത്തമാറ്റിക്സ്, കമ്പ്യൂട്ടര് സയന്സ്, എക്കണോമിക്സ് മേഖലകളില് ഉപരിപഠനത്തിനായി ശ്രമിക്കാം.
ഗണിതം ഒരു വിഷയമായി പഠിച്ച പ്ലസ്ടു യോഗ്യതയുള്ളവര്ക്കും ഇത്തവണ പരീക്ഷ എഴുതുന്നവര്ക്കും രണ്ട് കോഴ്സുകളിലേക്കും അപേക്ഷ സമര്പ്പിക്കാം. മള്ട്ടിപ്പിള് ചോയ്സ് രീതിയിലും വിവരണ രീതിയിലുമുള്ള പ്രവേശന പരീക്ഷകള് അഭിമുഖീകരിക്കണം. നാഷണല് മാത്തമറ്റിക്കല് ഒളിമ്പ്യാഡില് പങ്കെടുത്ത് മികവ് തെളിയിച്ചവര്ക്ക് വ്യവസ്ഥകള്ക്ക് വിധേയമായി പ്രവേശന പരീക്ഷയില് ഇളവ് ലഭിക്കാനിടയുണ്ട്. ബി.സ്റ്റാറ്റ് (ഓണേഴ്സ്), ബി.മാത്ത് (ഓണേഴ്സ്) എന്നിവ ഫീസില്ലാതെ പഠിക്കാമെന്നതിന് പുറമെ 5,000 രൂപ പ്രതിമാസ സ്റ്റൈപന്റും വര്ഷത്തില് 5,000 രൂപ കണ്ടിന്ജന്സി അലവന്സായും ലഭിക്കും എന്ന പ്രത്യേകതയുമുണ്ട്. 63 വീതം സീറ്റുകളാണ് ഓരോ കോഴ്സിനുമുള്ളത്. ഒബിസി, പട്ടിക വിഭാഗങ്ങള്, സാമ്പത്തിക പിന്നാക്ക വിഭാഗങ്ങള്, ഭിന്നശേഷിക്കാര് എന്നിവര്ക്ക് സീറ്റ് സംവരണമുണ്ട്.
www.isical.ac.in എന്ന വെബ്സൈറ്റ് വഴി മാര്ച്ച് 1 മുതല് 31 വരെ അപേക്ഷിക്കാം. മേയ് എട്ടിനാണ് പ്രവേശന പരീക്ഷ നടക്കുന്നത് കൊച്ചി, ബംഗളൂരു, ചെന്നൈ എന്നിവിടങ്ങളിലടക്കം 38 പരീക്ഷാ കേന്ദ്രങ്ങളുണ്ട്. പൊതുവിഭാഗത്തിലെ ആണ്കുട്ടികള്ക്ക് 1250 രൂപയും പെണ്കുട്ടികള്ക്ക് 750 രൂപയും സംവരണ വിഭാഗത്തില് പെട്ടവര്ക്ക് 625 രൂപയുമാണ് അപേക്ഷാ ഫീസ്. പരീക്ഷയുടെ സിലബസ്സും മുന്വര്ഷങ്ങളിലെ ചോദ്യപ്പേപ്പറുകളും വെബ് സൈറ്റില് ലഭിക്കും.
ബിരുദ പ്രോഗ്രാമുകള്ക്ക് പുറമെ ഐഎസ്ഐയുടെ വിവിധ കേന്ദ്രങ്ങളിലായി സ്റ്റാറ്റിസ്റ്റിക്സ്, മാത്തമാറ്റിക്സ്, ക്വാണ്ടിറ്റേറ്റീവ് എക്കണോമിക്സ്, ക്വാളിറ്റി മാനേജ്മെന്റ് സയന്സ്, ലൈബ്രറി ആന്ഡ് ഇന്ഫോര്മേഷന് സയന്സ് എന്നീ വിഷയങ്ങളില് മാസ്റ്റര് ഓഫ് സയന്സ്, കംപ്യൂട്ടര് സയന്സ്, ക്രിപ്റ്റോളജി & സെക്യൂരിറ്റി ക്വാളിറ്റി, റിലൈബിലിറ്റി & ഓപ്പറേഷന് റിസര്ച്ച് എന്നിവയില് എം.ടെക്, മറ്റു പിജി ഡിപ്ലോമ പ്രോഗ്രാമുകള്, ഗവേഷണ അവസരങ്ങള് എന്നിവയുമുണ്ട്. വിശദവിവരങ്ങള് വെബ്സൈറ്റില് ലഭ്യമാണ്.
Career
പി.ടി. സഫ്വാൻ ഹുദവിക്ക് ഡോക്ടറേറ്റ്; അഞ്ച് ഭൂഖണ്ഡങ്ങളിൽ നിന്ന് മക്കയിലേക്കുള്ള യാത്രാ വിവരണങ്ങളുടെ താരതമ്യ പഠനത്തിലാണ് ഡോക്ടറേറ്റ്
നിലവിൽ നിലമ്പൂർ അമൽകോളേജ് ഓഫ് അഡ്വാൻസ്ഡ് സ്റ്റഡീസിൽ അസിസ്റ്റൻ്റ് പ്രൊഫസറായ സഫ്വാൻ ദേശീയ അന്തർദേശീയ കം പാരറ്റീവ് അസോസിയേഷൻ അംഗമാണ്.
റഹൂഫ് കൂട്ടിലങ്ങാടി
മലപ്പുറം: പി.ടി.സഫ് വാൻ ഹുദവി ഹൈദരാബാദ് ഇഫ്ളു സർവകലാശാലയിൽ നിന്ന് ഡോക്ടറേറ്റ് നേടി. ദി വേ ആൻ്റ് ദ വോയേജ്, എ കംപാരറ്റീവ് എൻക്വയറി ഇൻ ടു ജിയോ പൊയറ്റിക്സ് ആൻ്റ് ഇൻ്റർ സ്പെഷ്യാലിറ്റി ഇൻ ദ ട്രാവലോഗ്സ് ഓൺ മെക്ക (പഥവും സഞ്ചാരവും: അഞ്ച് ഭൂഖണ്ഡങ്ങളിൽ നിന്ന് മക്കയിലേക്കുള്ള യാത്രാവിവരണങ്ങളിലെ വൈവിധ്യങ്ങൾ സബന്ധിച്ചുള്ള താരതമ്യ പഠനം ഒരു അന്വേഷണം എന്ന വിഷയത്തിലാണ് ഹൈദരാബാദിലെ ഇംഗ്ലീഷ് ആൻ്റ് ഫോറിൻ ലാംഗ്വേജ് യൂണിവേഴ്സിറ്റി (ഇഫ്ളു)
യിൽ നിന്ന് ഡോക്ടറേറ്റ് ലഭിച്ചത്.
ചെമ്മാട് ദാറുൽ ഹുദാ ഇസ്ലാമിക് യൂനിവേഴ്സിറ്റിയിൽ നിന്ന് 2012 ൽ ഹുദവി ബിരുദം നേടിയ സഫ്വാൻ അതേ വർഷം തന്നെ കാലിക്കറ്റ് യൂനിവേഴ്സിറ്റിയിൽ നിന്ന് ഇംഗ്ലീഷ് ലാംഗ്വേജ് ആൻ്റ് ലിറ്ററേച്ചറിൽ ബിരുദവും നേടിയ ശേഷം ഇഫ്ളുവിൽ നിന്ന് ഇംഗ്ലീഷിൽ ബിരുദാനന്തര ബിരുദവും ഹൈദരാബാദ് സർവകലാശാലയിൽ നിന്ന് കംപാരറ്റീവ് ലിറ്ററേച്ചറിൽ എം ഫില്ലും നേടി. നേരത്തെ ഇഫ്ളുവിൽ നിന്ന് തന്നെ അറബിക് ഇംഗ്ലീഷ് ട്രാൻസലേഷനിൽ ഡിപ്ലോമയും നേടിയിട്ടുണ്ട്. തുടർന്നാണ് ഇഫ്ളുവിലെ ഡിപ്പാർട്മെൻ്റ് ഓഫ് കംപാരറ്റീവ് ലിറ്ററേച്ചറിൽ പി.എച്ച്.ഡിക്ക് ചേർന്നത്.
നിലവിൽ നിലമ്പൂർ അമൽകോളേജ് ഓഫ് അഡ്വാൻസ്ഡ് സ്റ്റഡീസിൽ അസിസ്റ്റൻ്റ് പ്രൊഫസറായ സഫ്വാൻ ദേശീയ അന്തർദേശീയ കം പാരറ്റീവ് അസോസിയേഷൻ അംഗമാണ്. ഐ.സി.എസ്.എസ്.ആർ ഡോക്ടറൽ ഫെലോഷിപ്പ്, മൗലാനാ ആസാദ് നാഷണൽ ഫെലോഷിപ് എന്നിവക്ക് അർഹത നേടിയിട്ടുണ്ട്.
നിലമ്പൂർ അമൽ കോളേജ് ഇഗ്നോ സ്റ്റഡി സെൻ്റർ അസിസ്റ്റൻ്റ് കോർഡിനേറ്റർ, ശ്രീനാരായണഗുരു ഓപ്പൺ സർവകലാശാല അക്കാഡമിക് കൗൺസിലർ, ന്യൂനപക്ഷ വിദ്യാർത്ഥികൾക്കുള്ള യു.ജി.സി.നെറ്റ് ഇംഗ്ലീഷ് പരിശീലനത്തിൻ്റെ സംസ്ഥാനതല കോർഡിനേറ്റർ, കോളേജ് അധ്യാപക സംഘടനയായ സി.കെ.സി.ടി മലപ്പുറം ജില്ലാ ജോ: സെക്രട്ടറി എന്നീ നിലകളിൽ പ്രവർത്തിക്കുന്നു.
നേരത്തെ, ഹൈദരാബാദ് മൗലാനാ ആസാദ് നാഷണൽ ഉർദു യൂനിവേഴ്സിറ്റി, മൗലാനാ ആസാദ് നാഷണൽ ഉറുദു സർവകലാശാല, മലപ്പുറം ഗവണ്മെന്റ് ആർട്സ് ആൻ്റ് സയന്സ് കോളേജ്, കുറ്റ്യാടി ഐഡിയൽ ആർട്സ് ആൻ്റ് സയൻസ് കോളേജ് എന്നിവിടങ്ങളിൽ
ഗസ്റ്റ് അധ്യാപകനായി ജോലി ചെയ്തിട്ടുണ്ട്.
ദേശീയ തലത്തിൽ ശ്രദ്ധേയമായ എജ്യുക്കേഷൻ ആൻ്റ് സൊസൈറ്റി ജേർണലിൽ ഫാദർ ഫിഗർ ഇൻ മാട്രിലിനി, ഹിസ് റ്റോ റൈസിംഗ് ഫാദർഹുഡ് ഇൻ ദ സോഷ്യോ കൾച്ചറൽ മില്യു ഓഫ് കേരള, ഇൻ്ററോഗേറ്റിംഗ് ദ ന്യു ട്രെൻഡ്സ് ഇൻ ട്രാൻസ് ലേഷൻ സ്റ്റഡീസ്, ദി ഷിഫ്റ്റ് ഫ്രം ലിംഗ്വിസ്റ്റിക് ടേൺ ഇൻ ടു കൾച്ചറൽ ടേൺ തുടങ്ങി ഇരുപതോളം പഠന പ്രബന്ധങ്ങൾ പ്രസിദ്ധീകരിക്കുകയും ദേശീയ അന്തർദേശീയ സെമിനാറുകളിലും ശിൽപ്പശാലകളിലും അവതരിപ്പിക്കുകയും ചെയ്തിട്ടുണ്ട്.
മലപ്പുറം കൂട്ടിലങ്ങാടി ചെലൂരിലെ പുളിക്കത്തൊടി മോയിൻ കുട്ടിയുടെയും കുട്ടശ്ശേരി നഫീസയുടെയും മകനാണ്. ഭാര്യ: കാട്ടിൽ പീടികക്കൽ ശഫ്ന. (മങ്കട പള്ളിപ്പുറം ഹൈസ്കൂൾ അധ്യാപിക). മകൻ: അയ്മൻ അഹമ്മദ് (മൂന്ന് വയസ്). നസീമ, ഫസീന, സുനീറ, നസീറ എന്നിവർ സഹോദരങ്ങളാണ്.
Career
ഡിപ്ലോമ ഇന് എയര്ലൈന് ആന്ഡ് എയര്പോര്ട്ട് മാനേജ്മെന്റ് കോഴ്സിന് അപേക്ഷിക്കാം
അംഗീകൃത പഠന കേന്ദ്രങ്ങളുടെ നേതൃത്വത്തിലാണ് സമ്പര്ക്ക ക്ലാസ്സുകള് ക്രമീകരിച്ചിട്ടുള്ളത്.
സംസ്ഥാന പൊതുവിദ്യാഭ്യാസവകുപ്പിന് കീഴിലുള്ള സ്റ്റേറ്റ് റിസോഴ്സ് സെന്ററിന്റെ നേതൃത്വത്തില് പ്രവര്ത്തിക്കുന്ന എസ്.ആര്.സി കമ്മ്യൂണിറ്റി കോളേജ് ജൂലൈ സെഷനില് ആരംഭിക്കുന്ന ഡിപ്ലോമ ഇന് എയര്ലൈന് ആന്ഡ് എയര്പോര്ട്ട് മാനേജ്മെന്റിന് (DAM) പ്രോഗ്രാമിലേക്ക് പ്ലസ്ടു അഥവാ തത്തുല്യ യോഗ്യതയോ ഉള്ളവര്ക്ക് അപേക്ഷിക്കാം.
അംഗീകൃത പഠന കേന്ദ്രങ്ങളുടെ നേതൃത്വത്തിലാണ് സമ്പര്ക്ക ക്ലാസ്സുകള് ക്രമീകരിച്ചിട്ടുള്ളത്. വിവിധ എയര്പോര്ട്ടുകളില് ഇന്റേണ്ഷിപ്പ് ഉള്പ്പെടുത്തിയിട്ടുണ്ട്. https://app.srccc.in/register എന്ന ലിങ്കിലൂടെ ഓണ്ലൈനായി അപേക്ഷിക്കാം. https://srccc.in/download എന്ന ലിങ്കില് നിന്നും അപേക്ഷാഫാറം ഡൗണ്ലോഡ് ചെയ്തും അപേക്ഷിക്കാം. ആഗസ്റ്റ് പത്തിനുള്ളില് അപേക്ഷ സമര്പ്പിക്കണം. വിശദ വിവരങ്ങള് തിരുവനന്തപുരം നന്ദാവനത്തുള്ള എസ്.ആര്.സി ഓഫീസില് നിന്ന് നേരിട്ടും ലഭിക്കും. വിലാസം: ഡയറക്ടര്, സ്റ്റേറ്റ് റിസോഴ്സ് സെന്റര്, നന്ദാവനം, വികാസ് ഭവന് പി.ഒ, തിരുവനന്തപുരം-33. ഫോണ്: 0471 2570471, 9846033009. വിശദാംശങ്ങള് www.srccc.in എന്ന വെബ്സൈറ്റിലും ലഭിക്കും.
Career
ചന്ദ്രിക തൊണ്ണൂറാം വാർഷികാഘോഷത്തിൻ്റെ ഭാഗമായി സംഘടിപ്പിക്കുന്ന വിദ്യഭ്യാസ പ്രദർശനവും സെമിനാറുകളും Edu Excel Education Expo ഇന്നും നാളെയും
ചന്ദ്രിക തൊണ്ണൂറാം വാർഷികാഘോഷത്തിൻ്റെ ഭാഗമായി സംഘടിപ്പിക്കുന്ന വിദ്യഭ്യാസ പ്രദർശനവും സെമിനാറുകളും Edu Excel Education Expo ഇന്നും നാളെയുമായി കോട്ടക്കൽ പിഎം ഓഡിറ്റോറിയത്തിൽ നടക്കും. മലപ്പുറം ജില്ലയിൽ നിന്ന് ഈ വർഷം എസ്.എസ്.എൽ.സി, പ്ലസ്.ടു പരീക്ഷകളിൽ മുഴുവൻ വിഷയങ്ങളിലും എ പ്ലസ് നേടിയ വിദ്യാർത്ഥികളെ ആദരിക്കുന്ന വിജയമുദ്ര 2023 പരിപാടിയും ഈ അവസരത്തിൽ നടക്കും. പങ്കെടുക്കാൻ മുകളിൽ നൽകിയ QR code scan ചെയ്യുകയോ,https://chandrikanavathi.in/ ഈ ലിങ്ക് ഉപയോഗിച്ച് രജിസ്റ്റർ ചെയ്യുകയോ ചെയ്യുക.
-
india2 days agoരാജ്യസ്നേഹം പഠിപ്പിക്കാന് അമിത് ഷാ വളര്ന്നിട്ടില്ല; നെഹ്റുവിനെ അപമാനിച്ചതിനെതിരെ ഖാര്ഗെ
-
kerala3 days agoമലയാറ്റൂരില് രണ്ട് ദിവസം മുമ്പ് കാണാതായ പെണ്കുട്ടി മരിച്ചനിലയില്
-
india3 days agoആര്എസ്എസ് പിന്തുടരുന്നത് അരാജകത്വമാണ്, അവര് സമത്വത്തെ പിന്തുണക്കുന്നില്ല; രാഹുല് ഗാന്ധി
-
kerala3 days agoവയനാട് പുല്പ്പള്ളിയില് കാട്ടാന ആക്രമണത്തില് വയോധികയ്ക്ക് പരിക്ക്
-
kerala3 days agoഎറണാകുളത്ത് കള്ളവോട്ടിന് ശ്രമിച്ച സിപിഎം പ്രവര്ത്തകന് പിടിയില്
-
Sports23 hours agoകൂച്ച് ബെഹാര് ട്രോഫിയില് ഇഞ്ചോടിഞ്ച് പോരാട്ടം; ആറു റണ്സിന് കേരളത്തിന് തോല്വി
-
india2 days ago‘മോദിജി പകുതി സമയവും വിദേശത്ത്, പിന്നെ രാഹുലിന്റെ യാത്രയെ ചോദ്യം ചെയ്യുന്നത് എന്തിന്?’: പ്രിയങ്ക ഗാന്ധി
-
kerala23 hours agoഇരട്ടവോട്ട് ശ്രമം; രണ്ട് പേരെ പൊലീസ് പിടികൂടി