മലപ്പുറം: വന്ദേഭാരത് എക്‌സ്പ്രസിന്റെ തിരൂര്‍ സ്റ്റോപ്പ് ഒഴിവാക്കിയതിനെതിരെ പ്രതിഷേധം ശക്തമാകുന്നു. തിരൂരില്‍ സ്റ്റോപ്പ് അനുവദിക്കാത്തതില്‍ പ്രതിഷേധിച്ച് ഏപ്രില്‍ 25ന് രാവിലെ 9.30ന് തിരൂരില്‍ യുഡിഎഫ് റെയില്‍വേ ഉപരോധം നടത്തും.
വന്ദേഭാരത് കടന്നു പോകുന്ന മറ്റ് എല്ലാ ജില്ലകളിലും സ്‌റ്റോപ്പുണ്ടെന്നും ആദ്യ ഘട്ടത്തില്‍ അനുവദിച്ച തിരൂര്‍ സ്റ്റോപ്പ് ഇപ്പോള്‍ ഒഴിവാക്കിയത് മലപ്പുറത്തോടുള്ള അവഗണനയാണെന്ന് യൂത്ത് ലീഗ് നേതാക്കള്‍ പറഞ്ഞു.