Video Stories
ബിജെപി വക്താവിന് സുപ്രീം കോടതിയുടെ നിശിത വിമര്‍ശം
ന്യൂഡല്‍ഹി: അപ്രധാനമായ കാര്യങ്ങളില്‍ രാഷ്ട്രീയ ലക്ഷ്യം വെച്ച് നിരന്തരം പൊതുതാല്‍പര്യ ഹര്‍ജികള്‍ സമര്‍പ്പിച്ച ബിജെപി വക്താവ് അശ്വിനി ഉപാധ്യയക്ക് സുപ്രീം കോടതിയുടെ രൂക്ഷ വിമര്‍ശം. ഈ ജോലിക്ക് ബിജെപി നിങ്ങള്‍ക്ക് കൂലി തരുന്നുണ്ടോ എന്ന് ചീഫ് ജസ്റ്റിസ് ടിഎസ് താക്കൂര്‍ അധ്യക്ഷനായ ബെഞ്ച് ബിജെപി നേതാവിനോട് ചോദിച്ചു.
രാജ്യം ഭരിക്കുന്നത് സ്വന്തം പാര്‍ട്ടിയുടെ സര്‍ക്കാരായിട്ടും പ്രശ്‌നങ്ങള്‍ക്കൊന്നും പരിഹാരമായില്ലേയെന്നും കോടതി ചോദിച്ചു.ഇതാണോ ബിജെപി നിങ്ങളെ ഏല്‍പ്പിച്ചിരിക്കുന്ന ജോലി.
കോടതിയിലെ രാഷ്ട്രീയ പ്രവര്‍ത്തനത്തിന് ബിജെപി താങ്കള്‍ക്ക് കൂലി നല്‍കുന്നുണ്ടോ? പാര്‍ട്ടി പ്രചരണത്തിന് കോടതിയെ വേദിയാക്കുന്നതിന് സാമ്പത്തിക സഹായം നല്‍കുന്നുണ്ടോ?. നിങ്ങള്‍ ഇപ്പോള്‍ ഒരു പ്രൊഫഷണല്‍ പൊതു താല്‍പര്യ ഹര്‍ജിക്കാരനായി മാറുകയാണല്ലോ, ഓരോ ദിവസവും ഓരോ ഹര്‍ജി ഫയല്‍ ചെയ്യുന്നത് ഞങ്ങള്‍ കാണുന്നുണ്ട്.
നിങ്ങളുടെ പാര്‍ട്ടിയല്ലേ ഇപ്പോള്‍ അധികാരത്തില്‍, എന്തുകൊണ്ട് സങ്കടങ്ങള്‍ക്ക് പരിഹാരമുണ്ടാക്കാന്‍ സര്‍ക്കാരിനെ സമീപിച്ചുകൂട. എന്നിങ്ങനെ നിരവധി ചോദ്യങ്ങള്‍ കോടതി ബിജെപി വക്താവിനോട് ചോദിച്ചു. ഉപാധ്യയുടെ പൊതുതാല്‍പര്യ ഹര്‍ജി തള്ളിയ സുപ്രീം കോടതി, കോടതി മുറികളില്‍ രാഷ്ട്രീയ നേട്ടത്തിനായുള്ള പൊളിറ്റിക്കല്‍ ആക്ടിവിസം ഒരു തരത്തിലും അനുവദിക്കില്ലെന്നും തുറന്നടിച്ചു.
നാല് പൊതു താല്‍പര്യ ഹര്‍ജികളാണ് ഒന്നിന് പുറകെ ഒന്നായി ബിജെപി ഡല്‍ഹി വക്താക്കളിലൊരാളായ ഉപാധ്യയെ സമര്‍പ്പിച്ചത്. ഇവയില്‍ ഒന്ന് കേള്‍ക്കവെയാണ് അപ്രധാനമായ കാര്യങ്ങളില്‍ രാഷ്ട്രീയ നേട്ടത്തിനായി കോടതിയുടെ സമയം നഷ്ടപ്പെടുത്തുന്നതില്‍ ചീഫ് ജസ്റ്റിസ് അധ്യക്ഷനായ ബെഞ്ച് രോഷാകുലനായത്. നേരത്തെ പൊതുതാല്‍പര്യ ഹര്‍ജികളില്‍ 80% സമര്‍പ്പിക്കുന്നത് അത്യാവശ്യ കാര്യങ്ങള്‍ക്കല്ലെന്ന് ബോംബെ ഹൈക്കോടതി വിമര്‍ശം ഉന്നയിച്ചിരുന്നു.
പലതും ആരെയെങ്കിലും ഭീഷണിപ്പെടുത്തുക എന്ന ഉദ്ദേശത്തില്‍ ഫയല്‍ ചെയ്യുന്നതാണെന്നും കോടതി നിരീക്ഷിച്ചിരുന്നു. രാഷ്ട്രീയ നേട്ടത്തിനായി ജുഡീഷ്യറിയെ ഉപയോഗിക്കുന്നത് കണ്ടുനില്‍ക്കില്ലെന്നും അത്തരത്തിലൊരു രീതിയെ പ്രോല്‍സാഹിപ്പിക്കില്ലെന്നുമുള്ള നിലപാട് സുപ്രീം കോടതി ആവര്‍ത്തിച്ചു.
Video Stories
കട്ടപ്പനയില്‍ ലിഫ്റ്റ് തകര്‍ന്ന് സ്വര്‍ണ വ്യാപാരിക്ക് ദാരുണാന്ത്യം
പവിത്ര ഗോള്‍ഡ് എം ഡി സണ്ണി ഫ്രാന്‍സിസ് (64) ആണ് മരിച്ചത്.
ഇടുക്കി കട്ടപ്പനയില്‍ ലിഫ്റ്റിനുള്ളില്‍ അകപ്പെട്ട് സ്വര്‍ണ വ്യാപാരിക്ക് ദാരുണാന്ത്യം. പവിത്ര ഗോള്‍ഡ് എം ഡി സണ്ണി ഫ്രാന്‍സിസ് (64) ആണ് മരിച്ചത്.
ഇന്ന് ഉച്ചയോടെയാണ് അപകടം. സ്ഥാപനത്തിലെ ലിഫ്റ്റ് തകരാറിലായത് പരിശോധിക്കാന്‍ സണ്ണി ലിഫ്റ്റിനുള്ളിലേക്ക് കയറിയ അതേ സമയം, ലിഫ്റ്റ് മുകളിലത്തെ നിലയിലേക്ക് അതിവേഗം ഉയര്‍ന്നുപൊങ്ങി ഇടിച്ചു നിന്നു. ഇതിനിടെ ലിഫ്റ്റിലേക്കുള്ള വൈദ്യുതിയും മുടങ്ങി.
ലിഫ്റ്റ് വെട്ടിപ്പൊളിച്ച് സണ്ണിയെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. മൃതദേഹം കട്ടപ്പനയിലെ സ്വകാര്യ ആശുപത്രിയിലേക്ക് മാറ്റി. ലിഫ്റ്റില്‍ തലയിടിച്ചതാണ് മരണത്തിന് ഇടയാക്കിയതെന്നാണ് പ്രാഥമിക വിവരം.
News
യമാല്‍ ബാഴ്സയില്‍ തുടരും; ക്ലബ്ബുമായി കരാര്‍ പുതുക്കി
ഇതോടെ 2031 വരെ യാമില്‍ ബാഴ്സയില്‍ തന്നെ തുടരും.
ബാഴ്സലോണ: സ്പാനിഷ് ക്ലബ് ബാഴ്സലോണയുമായി കരാര്‍ പുതുക്കി 17 കാരന്‍ ലാമിന്‍ യമാല്‍. ഇതോടെ 2031 വരെ യാമില്‍ ബാഴ്സയില്‍ തന്നെ തുടരും. സീസണ്‍ അവസാനിക്കവേയാണ് കാറ്റാലന്‍ ക്ലബ്ബുമായി ആറുവര്‍ഷത്തെക്ക് പുതിയ കരാറിലേക്കെത്തിയത്.
2023ല്‍ 15ാം വയസ്സിലാണ് യമാല്‍ ബാഴ്സയിലേക്ക് ചുവടുവെക്കുന്നത്. ലാ ലിഗയില്‍ 55 മത്സരങ്ങളില്‍നിന്നായി 18 ഗോളുകളും 25 അസിസ്റ്റുകളുമാണ് താരം നേടിയെടുത്തത്. ഹാന്‍സി ഫല്‍ക്ക് പരിശീലകനായി ചുമതലയെറ്റ ആദ്യ സീസണില്‍ തന്നെ ലാ ലിഗ, കോപ ഡെല്‍ റേ, സ്പാനിഷ് സൂപ്പര്‍ കപ്പ് കിരീടങ്ങള്‍ നേടി ടീം ശക്തി പ്രാപിച്ചു. ഈ ടീമുകളില്‍ തന്നെ ചരിത്രത്തില്‍ ഗോള്‍ നേടുന്ന ഏറ്റവും പ്രായം കുറഞ്ഞ താരമെന്ന റെക്കോഡും യമാലിന് സ്വന്തമാണ്.
ജൂലൈയില്‍ 18 വയസ്സ് പൂര്‍ത്തിയാകുന്ന യമാല്‍ ബാഴ്സയ്ക്കായി 100 മത്സരങ്ങള്‍ കളിക്കുന്ന പ്രായം കുറഞ്ഞ കായികതാരം കൂടിയാണ്. വ്യത്യസ്ത ചാമ്പ്യന്‍ഷിപ്പുകളിലായി 115 മത്സരങ്ങളില്‍ നിന്ന് 25 ഗോളുകളാണ് യമാല്‍ നേടിയത്. സ്പെയിന് ദേശീയ ടീമിനായി 19 മത്സരങ്ങള്‍ കളിച്ചു. 2024 യൂറോ കപ്പില്‍ ഇംഗ്ലണ്ടിനെ തോല്‍പ്പിച്ച് കിരീടം നേടിയ സ്പെയിന് ദേശിയ ടീമിലും അംഗമായിരിന്നു. ഇത്തവണത്തെ ബാലന്‍ ഡി യോര്‍ സാധ്യത പട്ടികയിലും യമാല്‍ മുന്നിലുണ്ട്.
ക്ലബ് പ്രസിഡന്റ ജൊവാന്‍ ലപോര്‍ട്ട, സ്പോര്‍ട്ടിങ് ഡയറക്ടര്‍ ഡെകോ എന്നിവരുടെ സാന്നിധ്യത്തിലാണ് യമാല്‍ ക്ലബുമായുള്ള കരാര്‍ പുതുക്കിയത്.
film
രാജ്യസഭയിലേക്ക് കമല്‍ ഹാസന്; സ്ഥാനാര്‍ത്ഥിത്വം പ്രഖ്യാപിച്ച് എംഎന്‍എം
തീരുമാനം ഡിഎംകെയുമായുള്ള ധാരണയില്‍
കമല്‍ഹാസന്‍ രാജ്യസഭയിലേക്ക്. കമല്‍ ഹാസനെ പാര്‍ട്ടിയുടെ രാജ്യസഭാ സ്ഥാനാര്‍ത്ഥിയായി മക്കള്‍ നീതി മയ്യം പ്രഖ്യാപിച്ചു. ഡിഎംകെ പിന്തുണയോടെയാണ് കമല്‍ ഹാസന് രാജ്യസഭയിലേക്കെത്തുന്നത്.
രാജ്യസഭയില്‍ ഒഴിവുവന്ന എട്ട് സീറ്റുകളിലേക്കാണ് ജൂണ്‍ 19-ന് തെരഞ്ഞെടുപ്പ് നടക്കുന്നത്. അന്നുതന്നെയായിരിക്കും വോട്ടെണ്ണലും നടക്കുക. തമിഴ്നാട്ടിലെ ആറ് സീറ്റുകളില്‍ നാലെണ്ണം ഡിഎംകെ നേതൃത്വം നല്‍കുന്ന മുന്നണിക്കായിരിക്കും ലഭിക്കുക. ഇതില്‍ ഒരു സീറ്റിലേക്കാണ് കമല്‍ഹാസന്‍ എത്തുക.
2024 ലെ ലോക്സഭാ തെരഞ്ഞെടുപ്പിന് മുമ്പുള്ള ചര്‍ച്ചകള്‍ക്കിടെ ഭരണകക്ഷിയായ ഡിഎംകെ എംഎന്‍എമ്മിന് ഒരു രാജ്യസഭാ സീറ്റ് അനുവദിച്ചിരുന്നു. എംഎന്‍എം ലോക്സഭാ തിരഞ്ഞെടുപ്പില്‍ മത്സരിച്ചില്ല, പകരം രാജ്യസഭാ സീറ്റ് നല്‍കുകയായിരുന്നു.
നിര്‍വാഹക സമിതി അംഗങ്ങള്‍ ഡിഎംകെയുടെയും മറ്റ് സഖ്യകക്ഷികളുടെയും പിന്തുണയും കമല്‍ ഹാസന് തേടി.
-
film2 days agoരാമനെ അറിയില്ല, രാവണനാണ് നായകന്; പുതിയ റാപ്പിനെ കുറിച്ച് റാപ്പര് വേടന്
-
kerala3 days agoജുബൈലില് കോഴിക്കോട് സ്വദേശിനി മരണപ്പെട്ടു
-
india2 days agoപാകിസ്ഥാന് രഹസ്യാന്വേഷണ ഉദ്യോഗസ്ഥരുമായി തന്ത്രപ്രധാനമായ വിവരങ്ങള് പങ്കുവെച്ചു; സിആര്പിഎഫ് ഉദ്യോഗസ്ഥനെ എന്ഐഎ അറസ്റ്റ് ചെയ്തു
-
kerala3 days agoകപ്പലപകടം; കണ്ടെയ്നറുകള് കൊല്ലത്തെയും ആലപ്പുഴയിലെയും തീരത്തടിയുന്നു; ജാഗ്രത പാലിക്കണമെന്ന് പൊലീസ്
-
kerala3 days agoനിലമ്പൂര് ഉപതെരഞ്ഞെടുപ്പ്; ‘യുഡിഎഫ് സ്ഥാനാര്ത്ഥിയെ ഇന്ന് പ്രഖ്യാപിക്കും’; സണ്ണി ജോസഫ്
-
kerala3 days agoമാനന്തവാടിയില് യുവതി വെട്ടേറ്റ് മരിച്ച സംഭവം; പ്രതിയെയും കാണാതായ കുട്ടിയെയും കണ്ടെത്തി
-
kerala3 days agoഐബി ഉദ്യോഗസ്ഥയുടെ മരണം; പ്രതി സുകാന്തിന് മുന്കൂര് ജാമ്യമില്ല
-
kerala3 days agoമുംബൈയിലും കനത്ത മഴ; വിമാനങ്ങള് വൈകിയേക്കും