Video Stories
‘നിലം തൂത്തുവാരാനും തയ്യാര്‍’ ഹനുമന്തപ്പയുടെ ഭാര്യ ജോലിക്കായി കേഴുകയാണ്…
ബംഗളൂരു: ഹനുമന്തപ്പയെ ആരും മറന്നു കാണില്ല. സിയാച്ചിനില്‍ മഞ്ഞുവീഴ്ചയില്‍ പെട്ട് ജീവന്‍ വെടിഞ്ഞ ആ ധീര ജവാന്‍ രാജ്യത്തിനെന്നും ജ്വലിക്കുന്ന ഓര്‍മ്മയാണ്. എന്നാല്‍ ഹനുമന്തപ്പയുടെ ഭാര്യ മഹാദേവി കൊപ്പാദിനെ എല്ലാവരും മറന്ന മട്ടാണ്. ഭര്‍ത്താവിന്റെ മരണത്തിന് പിന്നാലെ സര്‍ക്കാര്‍ തലത്തില്‍ നിന്ന് പല വാഗ്ദാനങ്ങള്‍ എത്തിയെങ്കിലും ഒന്നും ലഭിച്ചില്ല. ഇപ്പോള്‍ ജീവിതം കരുപ്പിടിപ്പിക്കാന്‍ വേണ്ടിയുള്ള നെട്ടോട്ടത്തിലാണ്.
ജോലിയാണ് മഹാദേവിക്ക് ഇപ്പോള്‍ ആവശ്യം. നിലം വൃത്തിയാക്കാന്‍ വരെ തയ്യാറാണെന്നും അന്തസ്സോടെയുള്ള ഒരു ജീവിതമാണ് ആഗ്രഹിക്കുന്നതെന്നും നിറകണ്ണുകളോടെ മഹാദേവി പറയുന്നു. കൂട്ടിന് മൂന്നു വയസായ മകളും. അവള്‍ പലപ്പോഴും അച്ഛനെക്കുറിച്ചാണ് ചോദിക്കുന്നത്. അച്ഛനെപ്പോലെ മകളെയും പട്ടാളത്തില്‍ ചേര്‍ക്കാനാണ് എനിക്ക് ആഗ്രഹം, ആവുന്നിടത്തോളം സ്‌നേഹം നല്‍കി ഞാനവളെ വളര്‍ത്തും, പട്ടാളക്കഥകളും അവരുടെ ജീവത്യാഗവും അവളെ പറഞ്ഞുമനസിലാക്കിക്കൊടുക്കുമെന്നും മഹാദേവി പറയുന്നു.
ഹനുമന്തപ്പയുടെ മരണത്തിന് പിന്നാലെ സര്‍ക്കാറില്‍ നിന്നു ഉദ്യോഗസ്ഥരില്‍ നിന്നും പല വിധ സഹായങ്ങളാണ് ലഭിച്ചത്. എന്നാല്‍ ഇതില്‍ പലതും പൂര്‍ത്തിയായിട്ടില്ല. കര്‍ണാടക സര്‍ക്കാര്‍ നഷ്ടപരിഹാരവും വീടുവെക്കാന്‍ സ്ഥലവും നല്‍കിയെങ്കിലും ജീവിതാവസാനം വരെ അത് പോരെന്നും ജോലി ലഭിച്ചാല്‍ തന്റെ ആഗ്രഹങ്ങള്‍ക്ക് ചിറക് വിരിക്കാനാവുമെന്നും മഹാദേവി പറയുന്നു. ജോലി നല്‍കാമെന്ന് ബന്ധപ്പെട്ട അധികാരികള്‍ വാക്കുനല്‍കിയെങ്കിലും ഒന്നും സംഭവിച്ചില്ല, ഇതിനായി പലവിധ സര്‍ക്കാര്‍ വാതിലുകളും മുട്ടിയെന്നല്ലാതെ നിരാശയായിരുന്നു ഫലമെന്ന് വേദനയോടെ മഹാദേവി പറയുന്നു.
അതേസമയം ഹനുമന്തപ്പയ്ക്ക് സ്വഗ്രാമത്തില്‍ ഉചിതമായ സ്മാരകം പണിയുമെന്ന വാഗ്ദാനവും എങ്ങുമെത്തിയിട്ടില്ല, അതേസമയം ജോലി നല്‍കേണ്ടത് കേന്ദ്രസര്‍ക്കാറാണെന്നും അല്ലെന്നുമുള്ള വാദങ്ങളും നിലനില്‍ക്കുന്നുണ്ട്. സൈന്യത്തോടുള്ള കൂറ് ഇടക്കിടെ വിളിച്ച് പറയുന്ന കേന്ദ്രസര്‍ക്കാറും ഈ അപേക്ഷ കേട്ട മട്ടില്ല. ഭര്‍ത്താവിന്റെ സാമീപ്യം ഒരോ നിമിഷത്തിലും അനുഭവപ്പെടുന്നുണ്ടെന്നും തന്റെ പ്രാര്‍ത്ഥന ദൈവം കേള്‍ക്കുമെന്നും മഹാദേവി പറയുന്നു.
സിയാച്ചിനിലെ മഞ്ഞു പാളികള്‍ക്ക് ഇടയില്‍ നിന്നും ആറു ദിവസങ്ങള്‍ക്കു ശേഷമാണ് ഹനുമന്തപ്പയെ ഇന്ത്യന്‍ സേന കണ്ടെത്തുന്നത്. മൈനസ് 45ഡിഗ്രീ തണുപ്പില്‍ നിന്നും ആറു ദിവസത്തിന് ശേഷം ഒരാളെ ജീവനോടെ കണ്ടെത്തിയത് അത്ഭുതം ആയി പലരും വിശേഷിപ്പിച്ചിരുന്നു. എന്നാല്‍ രണ്ടു ദിവസത്തിന് ശേഷം ഡല്‍ഹിയിലെ സൈനിക ആശുപത്രിയില്‍ വെച്ച് ഹനുമന്തപ്പ അന്തരിക്കുകയായിരുന്നു.
ദുബൈ കെഎംസിസി കോട്ടക്കല്‍ മണ്ഡലം കമ്മിറ്റി അബുഹൈല്‍ ഹാളില്‍ സംഘടിപ്പിച്ച എക്‌സലന്‍സ് സമ്മിറ്റില്‍ മണ്ഡലം പ്രസിഡന്റ് ഇസ്മാഈല്‍ എറയസ്സന്‍ അധ്യക്ഷത വഹിച്ചു. മുസ്‌ലിം ലീഗ് സംസ്ഥാന സെക്രട്ടറി ഷാഫി ചാലിയം ഉദ്ഘാടനം ചെയ്തു. ദുബൈ കെഎംസിസി സംസ്ഥാന നേതാക്കളായ അബ്ദുല്‍ ഖാദര്‍ അരിപ്രാമ്പ്ര, പിവി നാസര്‍, ഹംസ തൊട്ടി, ആര്‍ ഷുക്കൂര്‍. മലപ്പുറം ജില്ലാ നേതകളായ സിദ്ധിഖ് കലോടി, നൗഫല്‍ വേങ്ങര, സിവി അഷറഫ്, മുജീബ് കോട്ടക്കല്‍, ലത്തീഫ് കുറ്റിപ്പുറം, സക്കീര്‍ പാലത്തിങ്ങല്‍, കരീം കാലടി, ഇബ്രാഹീം വട്ടംകുളം, ബഷീര്‍ കരാട്, സഹീര്‍ ഹസ്സന്‍, ഉസ്മാന്‍ എടയൂര്‍, ഫുആദ് കുരിക്കള്‍,
ജില്ല വനിത കെഎംസിസി ഭാരവാഹികളായ മുബഷിറ മുസ്തഫ, ഷഹല റാഷിദ്, ഷബ്‌ന മാറാക്കര, സ്റ്റുഡന്റ് കെഎംസിസി ഭാരവാഹികളായ ഷാമില്‍ വേളേരി, മുഹമ്മദ് നിഹാല്‍ എറയസ്സന്‍, ഫാത്തിമ റഷ പി ടി, ആയിഷ നദ്‌വ തുടങ്ങിയവരും പങ്കെടുത്തു.
ചടങ്ങില്‍ ദുബൈ കെഎംസിസി ഇഫ്താര്‍ ടെന്റില്‍ സേവനം ചെയ്ത മണ്ഡലത്തിലെ വളണ്ടിയര്‍ ഹാപ്പിനെസ് ടീമിനും, എസ് എസ് എല്‍ സി, പ്ലസ് ടു,സി ബി എസ് ഇ, മദ്രസ്സ പൊതു പരീക്ഷകളില്‍ ഉന്നത വിജയം നേടിയവരെയും, മജ്ദൂല്‍ ഈത്തപ്പഴ, പെര്‍ഫ്യൂം ചലഞ്ചുകളില്‍ ഫസ്റ്റ്, സെക്കന്റ്, തേര്‍ഡ് നേടിയവര്‍ക്കും, എഐ സ്റ്റാര്‍ട്ടപ്പ് മത്സര വിജയികകളെയും, മതകാര്യ വിഭാഗം നടത്തിയ ക്വിസ്സ് മത്സരം, സര്‍ഗധാര വിങ് നടത്തിയ ഇശല്‍ വിരുന്നിലെയും വിജയികള്‍ക്കും അവാര്‍ഡ് ദാനവും നടന്നു, കോട്ടക്കല്‍ മണ്ഡലത്തിന് പ്രഥമ വനിത കെഎംസിസി കമ്മിറ്റിയും, സ്റ്റുഡന്റ് കെഎംസിസി കമ്മിറ്റിയും രൂപീകരിച്ചു,
ജനറല്‍ സെക്രട്ടറി പിടി അഷറഫ് വിഷയവതരണം നടത്തി , സെക്രട്ടറി ഷരീഫ് പിവി കരേക്കാട് സ്വാഗതവും, അസീസ് വെളേരി നന്ദിയും പറഞ്ഞു. മണ്ഡലം ഭാരവാഹികളായ അബൂബക്കര്‍ തലകാപ്പ്, സൈദ് വരിക്കോട്ടില്‍, അബ്ദുസലാം ഇരിമ്പിളിയം, ഷെരീഫ് ടിപി, റാഷിദ് കെകെ, മുസ്തഫ സികെ, റസാഖ് വളാഞ്ചേരി, അഷറഫ് എടയൂര്‍, എന്നിവര്‍ എക്‌സലന്‍സ് സമ്മിറ്റിന് നേതൃത്വം നല്‍കി.
News
ഇറാനെ ആക്രമിക്കരുതെന്ന് അമേരിക്കയോട് റഷ്യ; ആണവ ദുരന്തത്തെക്കുറിച്ച് മുന്നറിയിപ്പ് നല്‍കി
മിഡില്‍ ഈസ്റ്റിനെ സമൂലമായി അസ്ഥിരപ്പെടുത്തുമെന്നതിനാല്‍ ഇറാനെ ആക്രമിക്കരുതെന്ന് റഷ്യ അമേരിക്കയോട് പറഞ്ഞതായി റഷ്യന്‍ ഡെപ്യൂട്ടി വിദേശകാര്യ മന്ത്രി സെര്‍ജി റിയാബ്‌കോവ് ബുധനാഴ്ച പറഞ്ഞു.
മിഡില്‍ ഈസ്റ്റിനെ സമൂലമായി അസ്ഥിരപ്പെടുത്തുമെന്നതിനാല്‍ ഇറാനെ ആക്രമിക്കരുതെന്ന് റഷ്യ അമേരിക്കയോട് പറഞ്ഞതായി റഷ്യന്‍ ഡെപ്യൂട്ടി വിദേശകാര്യ മന്ത്രി സെര്‍ജി റിയാബ്‌കോവ് ബുധനാഴ്ച പറഞ്ഞു. ഇസ്രാഈല്‍ ആക്രമണങ്ങള്‍ ആണവ ദുരന്തത്തിന് കാരണമാകുമെന്ന് മോസ്‌കോ പറഞ്ഞു.
ഇസ്രാഈല്‍-ഇറാന്‍ സംഘര്‍ഷത്തില്‍ മധ്യസ്ഥത വഹിക്കാനുള്ള റഷ്യയുടെ സന്നദ്ധത യുഎസ് തള്ളി.
ഇറാനും ഇസ്രാഈലും തമ്മിലുള്ള സ്ഥിതി ഗുരുതരമാണെന്ന് റഷ്യയുടെ എസ്വിആര്‍ വിദേശ രഹസ്യാന്വേഷണ വിഭാഗം മേധാവി സെര്‍ജി നരിഷ്‌കിന്‍ പറഞ്ഞു, ഇറാന്റെ ആണവ ഇന്‍ഫ്രാസ്ട്രക്ചറില്‍ ഇസ്രാഈല്‍ നടത്തിയ ആക്രമണം ലോകം ‘മില്ലിമീറ്റര്‍’ ദുരന്തത്തില്‍ നിന്ന് അകന്നുവെന്നാണ് അര്‍ത്ഥമാക്കുന്നതെന്ന് വിദേശകാര്യ മന്ത്രാലയ വക്താവ് മരിയ സഖരോവ പറഞ്ഞു.
‘ആണവ കേന്ദ്രങ്ങള്‍ ആക്രമിക്കപ്പെടുകയാണ്,” യുഎന്‍ ആണവ സുരക്ഷാ വാച്ച്‌ഡോഗ് ഇതിനകം തന്നെ പ്രത്യേക നാശനഷ്ടങ്ങള്‍ രേഖപ്പെടുത്തിയിട്ടുണ്ടെന്നും അവര്‍ ന്യൂസ് ഏജന്‍സിയോട് പറഞ്ഞു.
Video Stories
അനിവാര്യ ഘട്ടങ്ങളില്‍ ആര്‍.എസ്.എസ്സിനൊപ്പം ചേര്‍ന്നിട്ടുണ്ട്; വെളിപ്പെടുത്തി സി.പി.എം സെക്രട്ടറി എം.വി ഗോവിന്ദന്‍
അടിയന്തരാവസ്ഥക്കാലത്ത് ആര്‍.എസ്.എസ്സുമായി ചേര്‍ന്നു. യോജിക്കുന്നവരുമായിട്ടൊക്കെ യോജിച്ചു എന്നും അദ്ദേഹം പറഞ്ഞു.
അനിവാര്യ ഘട്ടങ്ങളില്‍ ആര്‍.എസ്.എസ്സിനൊപ്പം ചേര്‍ന്നിട്ടുണ്ടെന്ന വെളിപ്പെടുത്തലുമായി സി.പി.എം സെക്രട്ടറി എം.വി ഗോവിന്ദന്‍. വാര്‍ത്താ ചാനലിന് നല്‍കിയ അഭിമുഖത്തിലാണ് അദ്ദേഹം ഇക്കാര്യം വെളിപ്പെടുത്തിയത്. അടിയന്തരാവസ്ഥക്കാലത്ത് ആര്‍.എസ്.എസ്സുമായി ചേര്‍ന്നു. യോജിക്കുന്നവരുമായിട്ടൊക്കെ യോജിച്ചു എന്നും അദ്ദേഹം പറഞ്ഞു. താന്‍ പറഞ്ഞത് സത്യസന്ധമായ കാര്യങ്ങളാണെന്നും വിവാദമാകില്ലെന്നും ഗോവിന്ദന്‍ കൂട്ടിച്ചേര്‍ത്തു.
-
Video Stories3 days agoആവേശമായി കൊട്ടിക്കലാശം; നിലമ്പൂരില് വിജയം ഉറപ്പാക്കി യുഡിഎഫ്
-
kerala3 days agoജനങ്ങളുടെ സുരക്ഷക്ക് പുല്ലുവില; മുഖ്യമന്ത്രിയുടെ സുഖയാത്രക്ക് റോഡിലെ കുഴി നികത്തി പൊലീസുകാര്
-
kerala3 days agoഹജ്ജ് കര്മങ്ങള്ക്കിടെ ശാരീരികാസ്വസ്ഥ്യം; ചികിത്സയിലിരുന്ന മലയാളി യുവതി മരിച്ചു
-
Video Stories3 days agoഅനിവാര്യ ഘട്ടങ്ങളില്‍ ആര്‍.എസ്.എസ്സിനൊപ്പം ചേര്‍ന്നിട്ടുണ്ട്; വെളിപ്പെടുത്തി സി.പി.എം സെക്രട്ടറി എം.വി ഗോവിന്ദന്‍
-
india3 days agoസാങ്കേതിക തകരാര്; ഇന്ന് മാത്രം 5 എയര് ഇന്ത്യ വിമാനങ്ങള് റദ്ദാക്കി
-
kerala3 days agoബാലന് കെ നായരുടെ ഭാര്യ ശാരദ അമ്മ അന്തരിച്ചു
-
kerala3 days agoമെഴുവേലിയില് നവജാതശിശു മരിച്ച സംഭവം; യുവതിയുടെ മൊഴി പുറത്ത്
-
News3 days agoഒളിച്ചിരിക്കുന്നത് എവിടെയാണെന്നറിയാം; ഖാംനഇ ഒരു ഈസി ടാര്ഗറ്റ്; ഡൊണാള്ഡ് ട്രംപ്