Connect with us

india

വോട്ടെണ്ണല്‍ നാളെ; നെഞ്ചിടിപ്പില്‍ ഗുജറാത്തും ഹിമാചലും

പ്രധാനമന്ത്രി നരേന്ദ്രമോദിയും ആഭ്യന്തര മന്ത്രി അമിത് ഷായും അടക്കം കേന്ദ്രമന്ത്രിസഭ ഒന്നടങ്കം ക്യാമ്പു ചെയ്ത് കാടടച്ച തിരഞ്ഞെടുപ്പ് പ്രചാരണമാണ് ബി.ജെ.പിക്കു വേണ്ടി ഗുജറാത്തില്‍ നടത്തിയത്.

Published

on

ന്യൂഡല്‍ഹി: നിയമസഭാ തിരഞ്ഞെടുപ്പ് ഫലം നാളെ പുറത്തു വരാനിരിക്കെ നെഞ്ചിടിപ്പോടെ ഗുജറാത്തിലേയും ഹിമാചല്‍ പ്രദേശിലേയും രാഷ്ട്രീയ പാര്‍ട്ടികള്‍. എക്‌സിറ്റ് പോള്‍ ഫലങ്ങള്‍ ഗുജറാത്തില്‍ ബി.ജെ.പിക്ക് വന്‍ മുന്നേറ്റവും ഹിമാചല്‍ പ്രദേശില്‍ കോണ്‍ഗ്രസിന് നേരിയ സാധ്യതയും കല്‍പ്പിക്കുമ്പോഴും പ്രവചചനങ്ങള്‍ കാറ്റില്‍ പറത്തുന്ന തിരഞ്ഞെടുപ്പ് ഫലമാകുമോ എന്നാണ് ഏവരും ഉറ്റുനോക്കുന്നത്.

പ്രധാനമന്ത്രി നരേന്ദ്രമോദിയും ആഭ്യന്തര മന്ത്രി അമിത് ഷായും അടക്കം കേന്ദ്രമന്ത്രിസഭ ഒന്നടങ്കം ക്യാമ്പു ചെയ്ത് കാടടച്ച തിരഞ്ഞെടുപ്പ് പ്രചാരണമാണ് ബി.ജെ.പിക്കു വേണ്ടി ഗുജറാത്തില്‍ നടത്തിയത്. ഒന്നാം ഘട്ട വോട്ടെടുപ്പ് നടക്കുന്ന ദിവസം രണ്ടാം ഘട്ടം വിധിയെഴുതുന്ന മണ്ഡലങ്ങള്‍ കേന്ദ്രീകരിച്ച് മോദി നടത്തിയ 50 കിലോമീറ്റര്‍ റോഡ് ഷോ അടക്കം പ്രചാരണ രംഗത്ത് വലിയ കോലാഹലങ്ങള്‍ സൃഷ്ടിക്കാന്‍ ബി.ജെ.പിക്ക് കഴിഞ്ഞിരുന്നു.

ഇതിന്റെ കൂടി അടിസ്ഥാനത്തിലാണ് എക്‌സിറ്റ് പോള്‍ ഫലങ്ങള്‍ ബി.ജെ.പിക്ക് വന്‍ ആധിപത്യം പ്രവചിക്കുന്നത്. തങ്ങളാണ് രണ്ടാം കക്ഷിയെന്ന അവകാശവാദവുമായി ഗുജറാത്തില്‍ പുതുപരീക്ഷണത്തിന് ഇറങ്ങിയ ആം ആദ്മി പാര്‍ട്ടിക്ക് കോണ്‍ഗ്രസിനും പിന്നില്‍ മൂന്നാം സ്ഥാനമാണ് എക്‌സിറ്റ് പോളുകള്‍ പ്രവചിക്കുന്നത്. അതേസമയം എക്‌സിറ്റ് പോള്‍ ഫലങ്ങള്‍ തള്ളി കോണ്‍ഗ്രസും എ.എ. പിയും രംഗത്തെത്തിയിട്ടുണ്ട്. ഗ്രൗണ്ട് റിപ്പോര്‍ട്ടുമായി പൊരുത്തപ്പെടുന്നതല്ല എക്‌സിറ്റ് പോളുകളെന്നാണ് കോണ്‍ഗ്രസ് വാദം. ഇത് ഖേദകരമാണ്. കേന്ദ്ര, സംസ്ഥാന ഭരണത്തിന്റെ എല്ലാ സ്വാധീനങ്ങളും ഉപയോഗപ്പെടുത്തിയാണ് ബി.ജെ.പി പ്രചാരണ രംഗം കൊഴുപ്പിച്ചത്. എന്നാല്‍ അത് വോട്ടായി മാറിക്കൊള്ളണമെന്നില്ലെന്നും കോണ്‍ഗ്രസ് നേതാവ് അഭിഷേക് മനു സിങ്‌വി പറഞ്ഞു. എക്‌സിറ്റ് പോള്‍ ഫലങ്ങള്‍ എല്ലായിപ്പോഴും ശരിയാകണമെന്നില്ല. കഴിഞ്ഞ തിരഞ്ഞെടുപ്പില്‍ ഹിമാചലില്‍ കോണ്‍ഗ്രസിനാണ് സാധ്യത പ്രവചിച്ചത്. എന്നാല്‍ അധികാരത്തിലേറിയത് ബി.ജെ.പിയാണെന്നും അദ്ദേഹം ചൂണ്ടിക്കാട്ടി.

ഗുജറാത്ത് ഫലം എ.എ.പിക്ക് പോസിറ്റീവ് ആയിരിക്കുമെന്ന് ഡല്‍ഹി മുഖ്യമന്ത്രി അര്‍വിന്ദ് കെജ്‌രിവാള്‍ ഇന്നലേയും അവകാശപ്പെട്ടു. എക്‌സിറ്റ് പോള്‍ ഫലങ്ങള്‍ തെറ്റാണ്. ബി.ജെ.പിക്ക് സമഗ്രാധിപത്യമുള്ള മേഖലകളില്‍ പോലും 15-20 ശതമാനം വോട്ടുവിഹിതം തങ്ങള്‍ക്ക് ലഭിക്കുമെന്നാണ് എ.എ.പി കണക്കുകൂട്ടല്‍. അതുകൊണ്ടുതന്നെ എ.എ.പി വലിയ മുന്നേറ്റം പ്രതീക്ഷിക്കുന്നുണ്ട്. ഒരു ദിവസം കൂടി നമുക്ക് കാത്തിരിക്കാം- അരവിന്ദ് കെജ്‌രിവാള്‍ കൂട്ടിച്ചേര്‍ത്തു. ഇതിനിടെ വോട്ടെണ്ണലിനുള്ള ഒരുക്കങ്ങള്‍ തിരഞ്ഞെടുപ്പ് കമ്മീഷന്‍ ആരംഭിച്ചിട്ടുണ്ട്. 30ലധികം കേന്ദ്രങ്ങളിലായാണ് ഗുജറാത്തില്‍ വോട്ടെണ്ണല്‍ നടക്കുന്നത്.

നാളെ കാലത്ത് എട്ട് മണിക്ക് വോട്ടെണ്ണല്‍ ആരംഭിക്കും. വോട്ടെണ്ണല്‍ തുടങ്ങി 15 മിനുട്ടില്‍ തന്നെ ആദ്യ ഫലസൂചനകള്‍ വന്നു തുടങ്ങും. ആദ്യ രണ്ട് മണിക്കൂറില്‍ തന്നെ ഏകദേശ ട്രന്റും ബോധ്യപ്പെടും. ഓരോ മണ്ഡലത്തിലും നിശ്ചിത എണ്ണം വിവിപാറ്റ് കൂടി എണ്ണിത്തപ്പെടുത്തേണ്ടതിനാല്‍ അന്തിമ ഫലപ്രഖ്യാപനം വൈകാന്‍ ഇടയുണ്ട്.

india

സിഎഎ നടപ്പിലാക്കി കേന്ദ്രം; പൗരത്വ സർട്ടിഫിക്കറ്റ് നൽകി തുടങ്ങി

സിഎഎയുമായി ബന്ധപ്പെട്ട ഹരജികൾ സുപ്രിംകോടതിയുടെ പരിഗണനയിലിരിക്കെയാണ് സർക്കാർ നീക്കം

Published

on

രാജ്യത്ത് പൗരത്വ ഭേദ​ഗതി നിയമം നടപ്പിലാക്കി കേന്ദ്ര സർക്കാർ. അതിന്റെ ഭാ​ഗമായി പൗരത്വ സർട്ടിഫിക്കറ്റ് നൽകി തുടങ്ങി. ഡൽഹിയിലെ 14 പേർക്കാണ് ആദ്യഘട്ടത്തിൽ പൗരത്വ സർട്ടിഫിക്കറ്റ് നൽകിയത്.

കേന്ദ്ര ആഭ്യന്തര സെക്രട്ടറി അജയ് കുമാർ ഭല്ലയാണ് സർട്ടിഫിക്കറ്റ് കൈമാറിയത്. ആദ്യം അപേക്ഷിച്ചവർക്കാണ് പൗരത്വം നൽകിയതെന്ന് കേന്ദ്രം അറിയിച്ചു. മാർച്ച് 11 നാണ് കേന്ദ്രസർക്കാർ സിഎഎ വിജ്ഞാപനം പുറത്തിറക്കിയത്.

പൗരത്വ ഭേദ​ഗതി നിയമവുമായി ബന്ധപ്പെട്ട ഹരജികൾ സുപ്രീംകോടതിയുടെ പരിഗണനയിലിരിക്കെയാണ് സർക്കാർ നീക്കം.

Continue Reading

Cricket

ഇന്ത്യന്‍ ടീമിന് വിദേശ പരിശീലകന്‍; റിക്കി പോണ്ടിംഗും ഫ്‌ളെമിംഗും പരിഗണനയില്‍

Published

on

ന്യൂഡല്‍ഹി: ഇന്ത്യന്‍ ക്രിക്കറ്റ് ടീമിന്റെ പരിശീലകനായി വിദേശ പരിശീലകര്‍ എത്താന്‍ സാധ്യത. പരിശീലകര്‍ക്ക് വേണ്ടി ഔദ്യോഗികമായി ബിസിസിഐ അപേക്ഷ ക്ഷണിച്ചുവെങ്കിലും ഓസ്‌ട്രേലിയന്‍ ഇതിഹാസം റിക്കി പോണ്ടിംഗും ന്യൂസിലന്‍ഡ് മുന്‍ ക്യാപ്റ്റന്‍ സ്റ്റീഫന്‍ ഫ്‌ളെമിങ്ങുമാണ് മുന്‍ഗണനാ പട്ടികയിലുള്ളത്.

ഇരുവരും നീണ്ട കാലമായി ഇന്ത്യയില്‍ പരിശീലക റോളിലുള്ളരാണ്. ഫ്‌ളെമിംഗ്
ചെന്നൈ സൂപ്പര്‍ കിങ്‌സിനൊപ്പവും റിക്കി പോണ്ടിംഗ് ഡല്‍ഹി ക്യാപിറ്റല്‍സിനൊപ്പവുമാണ് പരിശീലക കുപ്പായത്തിലുള്ളത്. മൂന്ന് ഫോര്‍മാറ്റിനും യോജിച്ച പരിശീലകനെയാണ് ബിസിസിഐ തേടുന്നത്. മെയ് 27 വരെയാണ് ബിസിസിഐ അപേക്ഷ സമര്‍പ്പണത്തിന് സമയം നല്‍കിയിരിക്കുന്നത്. ദ്രാവിഡ് സ്ഥാനം ഒഴിഞ്ഞാല്‍ ഇവരില്‍ ഒരാളെ പരിശീലക സ്ഥാനത്തേക്ക് കൊണ്ടുവരാനാണ് ബിസിസിഐ ആലോചിക്കുന്നത്.

ജൂണ്‍ 29 ടി20 ലോകകപ്പോടെയാണ് നിലവിലെ പരിശീലകനായ രാഹുല്‍ ദ്രാവിഡിന്റെ കാലാവധി തീരുന്നത്. 2025ലെ ചാമ്പ്യന്‍സ് ട്രോഫിയും 2027ലെ ഏകദിന ലോകകപ്പും കൂടി ലക്ഷ്യം വെച്ചാണ് പുതിയ നിയമനം. 2021ലാണ് ദ്രാവിഡ് പരീശീലകനായി എത്തുന്നത്. രാഹുലിന് കീഴില്‍ 2022ല്‍ ഇന്ത്യ ടി20 ലോകകപ്പ് സെമിഫൈനലിലെത്തി. തുടര്‍ന്ന് 2023 ലോക ടെസ്റ്റ് ചാമ്പ്യന്‍ഷിപ്പിലും 2023 ഏകദിന ലോകകപ്പിലും ഫൈനലില്‍ പ്രവേശിച്ചു.

 

Continue Reading

india

മുംബൈയില്‍ പരസ്യബോര്‍ഡ് വീണുണ്ടായ അപകടം; രണ്ട് മൃതദേഹങ്ങള്‍ കൂടി കണ്ടെത്തി

രക്ഷാപ്രവര്‍ത്തനം 40 മണിക്കൂര്‍ പിന്നിട്ടും തുടരുകയാണ്

Published

on

മുബൈ: പരസ്യബോര്‍ഡ് വീണുണ്ടായ അപകടസ്ഥലത്ത് നിന്ന് ഇന്ന് രണ്ട് മൃതദേഹങ്ങള്‍ കൂടി കണ്ടെത്തി. ഘാട്‌കോപ്പറിലെ ചെഡ്ഡാ നഗറില്‍ 100 അടി ഉയരത്തില്‍ സ്ഥാപിച്ച ബോര്‍ഡ് പെട്രോള്‍ പമ്പിനു മുകളിലേക്ക് തകര്‍ന്ന് വീണാണ് അപകടമുണ്ടായകത്. അപകടസ്ഥലത്ത്

രക്ഷാപ്രവര്‍ത്തനം 40 മണിക്കൂര്‍ പിന്നിട്ടും തുടരുകയാണ്. എന്നാല്‍, ഇതുവരെയായിട്ടും മൃതദേഹങ്ങള്‍ പുറത്തെടുക്കാന്‍ സാധിച്ചിട്ടില്ല. തിങ്കളാഴ്ചയാണ് മുംബൈയില്‍ പരസ്യബോര്‍ഡ് വീണ് വലിയ അപകടമുണ്ടായത്.

ഇരുമ്പു തൂണുകളുടെ അവശിഷ്ടങ്ങളില്‍ നിന്ന് 67 പേരെ രക്ഷിച്ചിരുന്നു. 120 അടി വീതം നീളവും വീതിയുമുള്ളതാണ് തകര്‍ന്ന ഹോര്‍ഡിങ്. തൂണുകളടക്കം 250 ടണ്‍ ഭാരമുണ്ട്.
പരസ്യബോര്‍ഡ് അനധികൃതമായാണ് സ്ഥാപിച്ചതെന്ന് കണ്ടെത്തിയിട്ടുണ്ട്. ഇത്തരത്തില്‍ പരസ്യബോര്‍ഡ് സ്ഥാപിച്ചയാള്‍ക്കെതിരെ പൊലീസ് കേസെടുക്കുകയും ചെയ്തു.

Continue Reading

Trending