kerala
ആരോഗ്യ മന്ത്രി പ്രതിപക്ഷത്തിന് ക്ലാസെടുക്കാതെ ആരോപണങ്ങള്ക്ക് മറുപടി പറയണം :വി.ഡി സതീശന്
ആരോഗ്യ മന്ത്രി പ്രതിപക്ഷത്തിന് ക്ലാസെടുക്കാതെ ആരോപണങ്ങള്ക്ക് മറുപടി പറയണമെന്ന് പ്രതിപക്ഷ നേതാവ് വി.ഡി സതീശന്.
ആരോഗ്യ മന്ത്രി പ്രതിപക്ഷത്തിന് ക്ലാസെടുക്കാതെ ആരോപണങ്ങള്ക്ക് മറുപടി പറയണമെന്ന് പ്രതിപക്ഷ നേതാവ് വി.ഡി സതീശന്.
മഹാമാരിയുടെ കാലത്ത് നടന്ന കൊള്ളയെ കുറിച്ച് പ്രതിപക്ഷം നിയമസഭയില് ആരോപണം ഉന്നയിച്ചിട്ടുണ്ട്. ലോകായുക്തയില് കേസും തുടരുന്നു. ഇപ്പോള് പുറത്ത് വന്നിരിക്കുന്നത് അതിനേക്കാള് ഞെട്ടിക്കുന്ന വിവരങ്ങളാണ്. 26 ആശുപത്രികളില് കാലാവധി കഴിഞ്ഞ മരുന്ന് കൊടുത്തു. വിതരണം ചെയ്യാന് പാടില്ല എന്ന് പറഞ്ഞ മരുന്ന് 483 ആശുപത്രികളില് കൊടുത്തു. സ്റ്റോപ്പ് മെമ്മോ വച്ച മരുന്നുകള് 148 ആശുപത്രികളില് കൊടുത്തു . ഇതാണ് സി ആന്റ് എ.ജി.യുടെ കണ്ടെത്തല് . ഇക്കാര്യം പ്രതിപക്ഷം ചോദിക്കണ്ട എന്നാണോ ആരോഗ്യ മന്ത്രി പറയുന്നത്. പ്രതിപക്ഷം ഇനിയും ആരോപണങ്ങള് ഉന്നയിക്കും. അതിന് കൃത്യമായ മറുപടിയാണ് വേണ്ടത്. പ്രതിപക്ഷ നേതാവ് എങ്ങനെ ആരോപണം ഉന്നയിക്കണമെന്ന് ആരോഗ്യ മന്ത്രി ക്ലാസ് എടുക്കണ്ട അദ്ദേഹം പറഞ്ഞു.
കാലാവധി കഴിഞ്ഞ മരുന്ന് കൊടുത്താല് ജീവഹാനിക്ക് വരെ കാരണമാകും. ഷെല്ഫ് ലൈഫ് കഴിഞ്ഞ മരുന്നുകള് UDF കാലത്തെ ആണോ എന്ന് ആരോഗ്യ മന്ത്രി ചോദിക്കുന്നത് തമാശയാണ് . കാലാവധി കഴിഞ്ഞ മരുന്നുകള് മെഡിക്കല് സര്വീസസ് കോര്പറേഷനില് വന്നാല് എന്ത് ചെയ്യണമെന്ന് എഴുതി വച്ചിട്ടുണ്ട്. ആരോഗ്യ മന്ത്രി അത് വായിച്ച് നോക്കണം. ഷെല്ഫ് ലൈഫ് കഴിഞ്ഞ മരുന്നുകള് അതേ കമ്പനിക്ക് തിരിച്ചു കൊടുത്ത് അവരില് നിന്ന് പണവും പിഴയും ഈടാക്കണം. കഴിഞ്ഞ 7 വര്ഷമായി ഇതൊന്നും ചെയ്തിട്ടില്ലേ ? കാര്യം അറിയാതെയാണ് ആരോഗ്യ മന്ത്രി സംസാരിക്കുന്നത്. മഹാമാരി കാലത്ത് പര്ച്ചേസുകളില് കൊള്ളയാണ് നടന്നത്. എവിടെ അഴിമതി നടന്നാലും അവസാനം വന്നു വീഴുന്ന ഒരു പെട്ടിയുണ്ട്. അവിടേയ്ക്ക് തന്നെയാണ് ഈ അഴിമതി പണവും വരുന്നത്. ഇതൊന്നും കേരളത്തിലെ പ്രതിപക്ഷം വിടില്ല അദ്ദേഹം കൂട്ടിചേര്ത്തു.
kerala
കണ്ണൂരില് യു.പി സ്വദേശിയുടെ മരണം; എഫ്.ഐ.ആറില് ആള്ക്കൂട്ട ആക്രമണം പരാമര്ശിക്കാതെ പൊലീസ്
നയീം സല്മാനിയെ മരണത്തിലേക്ക് നയിച്ചത് ആള്ക്കൂട്ട മര്ദനമായിട്ടും ഹൃദയാഘാതമെന്ന പോസ്റ്റ്മോര്ട്ടം പ്രാഥമിക റിപ്പോര്ട്ടിന്റെ പഴുതുപിടിച്ച് പൊലീസ്.
കണ്ണൂര്: ശ്രീകണ്ഠപുരത്ത് യു.പി സ്വദേശി മരിച്ച സംഭവത്തില് എഫ്.ഐ.ആറില് ആള്ക്കൂട്ട ആക്രമണം പരാമര്ശിക്കാതെ പൊലീസ്. ബാര്ബര് നയീം സല്മാനിയെ (49) മരണത്തിലേക്ക് നയിച്ചത് ആള്ക്കൂട്ട മര്ദനമായിട്ടും ഹൃദയാഘാതമെന്ന പോസ്റ്റ്മോര്ട്ടം പ്രാഥമിക റിപ്പോര്ട്ടിന്റെ പഴുതുപിടിച്ച് പൊലീസ്. മരിക്കുന്നതിന്റെ തലേ ദിവസം ഇദ്ദേഹത്തിന് നേരെ ആക്രമണം ഉണ്ടായതായി പരാതി ലഭിച്ചിട്ടും ആള്ക്കൂട്ട ആക്രമണം മൂലം മരിച്ചാല് ചുമത്തുന്ന ബി.എന്.എസ് 103 (1) വകുപ്പ് ചുമത്തിയിട്ടില്ല.
നയീമിന്റെ മരണത്തില് അസ്വാഭാവിക മരണത്തിനാണ് ആദ്യം കേസെടുത്തെങ്കിലും സംഘം ചേര്ന്ന് മര്ദിച്ചതിന് ഏഴുപേര്ക്കെതിരെ പിന്നീട് കേസെടുത്തു. എന്നാല് ആള്ക്കൂട്ടക്കൊലപാതകമെന്ന് സമൂഹമാധ്യമത്തില് പോസ്റ്റിട്ട ആള്ക്കെതിരെയും പൊലീസ് കേസെടുത്തിട്ടുണ്ട്.
ശ്രീകണ്ഠപുരത്ത് 11വര്ഷമായി ബാര്ബര് ഷോപ്പിലെ ജീവനക്കാരനാണ് നയിം. കഴിഞ്ഞ ക്രിസ്മസ് ദിവസം വൈകീട്ടാണ് ജിസ് വര്ഗീസ് മുടിവെട്ടാനായി കടയിലെത്തിയതും കൂലിയെ ചൊല്ലി വാക് തര്ക്കമുണ്ടായെന്നും കടയുടമ ജോണി സെബാസ്റ്റ്യന് പറഞ്ഞു. ഫേഷ്യലിനും കട്ടിങ്ങിനുമായി 300 രൂപക്കുപകരം 250 രൂപയാണ് നല്കിയത്. ബാക്കി തുക ചോദിച്ചതാണ് പ്രകോപന കാരണം. ബാര്ബര് ഷോപ്പിലെ മര്ദനത്തിനുശേഷം താമസസ്ഥലത്ത് ജിസിന്റെ നേതൃത്വത്തില് ഏഴംഗ സംഘം എത്തി മര്ദിക്കുകയായിരുന്നു. പിതാവിനെ മര്ദിക്കുന്നത് തടയാനെത്തിയ 18കാരനായ മകമും മര്ദനമേറ്റു. പിറ്റേന്ന് രാവിലെ നയിമിനെ മരിച്ച നിലയില് കണ്ടെത്തുകയായിരുന്നു.
kerala
കൊച്ചി ബ്രോഡ്വേയില് വന് തീപിടിത്തം; 12 ഓളം കടകള് കത്തിയമര്ന്നു
പുലര്ച്ചെ 1:15-ഓടെ ശ്രീധര് തിയേറ്ററിനടുത്തുള്ള കടകള്ക്കാണ് തീപിടിച്ചത്.
കൊച്ചി: എറണാകുളം നഗരത്തിലെ ബ്രോഡ്വേയില് വന് തീപിടിത്തം. 12 ഓളം കടകള് കത്തിനശിച്ചു. ഫാന്സി ഉത്പന്നങ്ങളും കളിപ്പാട്ടങ്ങളും വില്ക്കുന്ന കടകളാണ് കത്തിനശിച്ചത്. പുലര്ച്ചെ 1:15-ഓടെ ശ്രീധര് തിയേറ്ററിനടുത്തുള്ള കടകള്ക്കാണ് തീപിടിച്ചത്.
പ്ലാസ്റ്റിക് കളിപ്പാട്ടങ്ങളും ഫാന്സി സാധനങ്ങളും ഉള്ള കടകളായതിനാല് തീ അതിവേഗം പടരുകയായിരുന്നു. ഫയര്ഫോഴ്സിന്റെ 11 യൂണിറ്റുകള് സ്ഥലത്തെത്തി. തീ നിയന്ത്രണ വിധേയമായതായി അധികൃതര് അറിയിച്ചു. തീപിടിത്തത്തിന്റെ കാരണം വ്യക്തമല്ല.
kerala
ശബരിമല സ്വര്ണകൊള്ള; പഞ്ചലോഹ വിഗ്രഹങ്ങള് കടത്തിയെന്ന പരാതി, ഡി. മണിയെ ചോദ്യം ചെയ്യും
തിരുവനന്തപുരത്തെ ക്രൈംബ്രാഞ്ച് ഓഫീസിലേക്ക് ഡി മണിയോട് ചോദ്യം ചെയ്യലിനായി ഹാജരാകാനാണ് അന്വേഷണസംഘം ആവശ്യപ്പെട്ടിരിക്കുന്നത്.
തിരുവനന്തപുരം: ശബരിമലയില് നിന്ന് പഞ്ചലോഹ വിഗ്രഹങ്ങള് കടത്തിയെന്ന പരാതിയില് ഡി. മണിയെ ഇന്ന് പ്രത്യേക അന്വേഷണസംഘം ചോദ്യം ചെയ്യും. തിരുവനന്തപുരത്തെ ക്രൈംബ്രാഞ്ച് ഓഫീസിലേക്ക് ഡി മണിയോട് ചോദ്യം ചെയ്യലിനായി ഹാജരാകാനാണ് അന്വേഷണസംഘം ആവശ്യപ്പെട്ടിരിക്കുന്നത്. മണിയുടെ സഹായികളായ ശ്രീകൃഷ്ണന്, ബാലമുരുകന് തുടങ്ങിയവരോടും ചോദ്യം ചെയ്യലിന് ഹാജരാകാന് ആവശ്യപ്പെട്ടിട്ടുണ്ട്.
നേരത്തെ ഡി മണിയെ ഡിണ്ടിഗലിലെത്തി അന്വേഷണ സംഘം ചോദ്യം ചെയ്തിരുന്നു. എന്നാല് വിഗ്രഹക്കടത്തില് തനിക്ക് പങ്കില്ലെന്നാണ് മണി മൊഴി നല്കിയിരുന്നത്. ശബരിമലയിലെ ഒരു ഉന്നതന്റെ സഹായത്തോടെ പോറ്റി ഇടപെട്ട് പഞ്ചലോഹ വിഗ്രഹങ്ങള് കടത്തി എന്നായിരുന്നു പ്രവാസി വ്യവസായിയുടെ മൊഴി.
അതേസമയം, കേസില് അറസ്റ്റിലായ പങ്കജ് ഭണ്ഡാരിയെയും ഗോവര്ദ്ധനെയും കസ്റ്റഡിയില് ചോദ്യം ചെയ്യാന് എസ്ഐടി ഇന്ന് അപേക്ഷ സമര്പ്പിക്കും. കൊല്ലം വിജിലന്സ് കോടതിയിലാണ് കസ്റ്റഡി അപേക്ഷ നല്കുന്നത്.
സ്മാര്ട്ട് ക്രിയേഷന്സ് സിഇഒ പങ്കജ് ഭണ്ഡാരിയെയും സ്വര്ണ വ്യാപാരി ഗോവര്ദ്ധനെയും കൂടുതല് ചോദ്യം ചെയ്യാനാണ് പ്രത്യേക അന്വേഷണ സംഘത്തിന്റെ നീക്കം. ഇരുവരെയും കസ്റ്റഡിയില് ആവശ്യപ്പെട്ട് വിജിലന്സ് കോടതിയില് സമര്പ്പിക്കുന്ന കസ്റ്റഡി അപേക്ഷ കോടതി അടുത്ത ദിവസം പരിഗണിക്കും. കേസില് അറസ്റ്റിലായ ദേവസ്വം ബോര്ഡ് മുന് പ്രസിഡന്റ എ. പത്മകുമാറിന്റെ റിമാന്ഡ് കാലാവധി തീരുന്നതിനെ തുടര്ന്ന് ഇന്ന് വിജിലന്സ് കോടതിയില് ഹാജരാക്കും. പത്മകുമാര് സമര്പ്പിച്ച ജാമ്യപേക്ഷയും വിജിലന്സ് കോടതി പരിഗണിക്കും.
-
kerala2 days ago‘തോറ്റു തൊപ്പിയിട്ടിട്ടും കോണ്ഗ്രസിനെ പരിഹസിക്കാന് വരുന്നു’; മുഖ്യമന്ത്രിയെ വിമര്ശിച്ച് വിഡി സതീശന്
-
india2 days agoപാവപ്പെട്ടവന്റെ അന്നം മുട്ടിക്കരുത്; തൊഴിലുറപ്പിനായി കോണ്ഗ്രസ് തെരുവിലേക്ക്
-
india1 day agoഎലഹങ്ക: മുസ് ലിം ലീഗ് നേതൃസംഘം മുഖ്യമന്ത്രിയുമായി കൂടിക്കാഴ്ച നടത്തി
-
kerala3 days ago‘ജനാധിപത്യവും ഭരണഘടനയും നേരിടുന്നത് വലിയ പ്രതിസന്ധി’; കേന്ദ്രത്തിനെതിരെ ആഞ്ഞടിച്ച് മല്ലികാര്ജുന് ഖര്ഗെ
-
kerala2 days agoമുഖ്യമന്ത്രി പിണറായി വിജയൻ പറഞ്ഞത് പോലെയൊന്നും കർണാടകയിൽ നടന്നിട്ടില്ല: വി.ഡി.സതീശൻ
-
kerala2 days agoഎം.എസ്.എഫ് സംസ്ഥാന സമ്മേളനം ജനുവരി 31ന്
-
kerala3 days agoമുസ്ലിംകള്ക്കെതിരെ ഗറില്ല യുദ്ധത്തിന് ആഹ്വാനം ചെയ്ത് തെലങ്കാന എംഎല്എ ടി.രാജാ സിങ്
-
More2 days agoഗസ്സ വംശഹത്യയില് ഇതുവരെ കൊല്ലപ്പെട്ടത് ഫലസ്തീന് മാധ്യമപ്രവര്ത്തകരുടെ 706 കുടുംബാംഗങ്ങള്: ഫലസ്തീന് ജേണലിസ്റ്റ് സിന്ഡിക്കേറ്റ്