india
‘എല്ലാവരും വോട്ട് ചെയ്തു; ഒരു മതവിഭാഗത്തിൽപ്പെട്ടവർ മാത്രം ചെയ്തില്ല’; വോട്ട് ചെയ്തവർക്ക് വേണ്ടി മാത്രമേ പ്രവർത്തിക്കൂവെന്ന് ബി.ജെ.പി എം.എൽ.എ
പ്രസംഗത്തിന്റെ വീഡിയോ സമൂഹമാധ്യമങ്ങളിൽ വ്യാപകമായി പ്രചരിച്ചതോടെ നിരവധി പേരാണ് കുമാറിനെതിരെ വിമർശനവുമായി രംഗത്തെത്തിയത്.

തെരഞ്ഞെടുപ്പിൽ വിജയിച്ചതിന് പിന്നാലെ ന്യൂനപക്ഷങ്ങൾക്കെതിരെ വിവാദ പരാമർശവുമായി ബി.ജെ.പി എം.എൽ.എ. തനിക്ക് വേണ്ടി ഒരു പ്രത്യേക മതവിഭാഗത്തിൽപ്പെട്ട വ്യക്തികൾ വോട്ട് ചെയ്തിട്ടില്ലെന്നും അവർക്ക് വേണ്ടി പ്രവർത്തിക്കില്ലെന്നുമായിരുന്നു യു.പി ബിജ്നോറിൽ നിന്നുള്ള എം.എൽ.എയായ ഓം കുമാറിന്റെ പരാമർശം.
“ഇനി ഞാൻ എനിക്ക് വോട്ട് ചെയ്തവർക്ക് വേണ്ടി മാത്രമേ പ്രവർത്തിക്കൂ. എല്ലാവരും നമുക്ക് വേണ്ടി വോട്ട് ചെയ്തിട്ടുണ്ട്. എല്ലാ ജാതിയിൽപ്പെട്ടവരും നമുക്ക് വോട്ട് ചെയ്തു. എന്നാൽ ഒരു പ്രത്യേക മതവിഭാഗത്തിൽപ്പെട്ട ചിലർ മാത്രം ഒറ്റപ്പെട്ട് നിന്നു, അവർ ഒത്തുകൂടി, അവർക്ക് ഗുണ്ടായിസത്തിനുള്ള ലൈസൻസ് മോദി-യോഗിയിൽ നിന്ന് ലഭിക്കുമെന്നതാണ് കാരണം. ആ ലൈസൻസ് അവർക്ക് ലഭിക്കാൻ ഞാൻ അനുവദിക്കില്ല. അവർക്ക് വേണ്ടി ഞാൻ പ്രവർത്തിക്കില്ല, നമ്മുടെ പാർട്ടിക്ക് വോട്ട് ചെയ്തവർക്ക് വേണ്ടി മാത്രമായിരിക്കും എന്റെ പ്രവർത്തനം,“ കുമാർ പറഞ്ഞു.
പ്രസംഗത്തിന്റെ വീഡിയോ സമൂഹമാധ്യമങ്ങളിൽ വ്യാപകമായി പ്രചരിച്ചതോടെ നിരവധി പേരാണ് കുമാറിനെതിരെ വിമർശനവുമായി രംഗത്തെത്തിയത്. ഇത്തരം പരാമർശങ്ങളിൽ നിന്ന് വ്യക്തമാകുന്നത് തനിക്ക് വോട്ട് ചെയ്ത ഹിന്ദു പ്രവർത്തകർക്ക് വേണ്ടി മാത്രമാകും കുമാറിന്റെ പ്രവർത്തനമെന്നും ഇത് ഭരണഘടനയോടുള്ള അനീതിയാണെന്നും ചിലർ പ്രതികരിച്ചു.
2017ലെയും 2022ലെയും തെരഞ്ഞെടുപ്പുകളിൽ ബി.ജെ.പി ടിക്കറ്റിൽ വിജയിച്ച കുമാർ മൂന്നാം തവണയും എം.എൽ.എയായി അധികാരമേറ്റതിന് പിന്നാലെയാണ് വിവാദ പരാമർശം. 2022 തെരഞ്ഞെടുപ്പിൽ എതിരാളിയായ രാഷ്ട്രീയ ലോക്ദളിൻ്റെ സ്ഥാനാർത്ഥി മുൻസി റാമിനെ 258 വോട്ടുകളുടെ ഭൂരിപക്ഷത്തിലാണ് വിജയിച്ചത്.
india
കന്നഡ തമിഴില് നിന്നാണ് ഉണ്ടായത്; കമല് ഹാസന്റെ വിവാദ പരാമര്ശത്തിനെതിരെ കന്നഡ അനുകൂല സംഘടനകള് രംഗത്ത്
‘തഗ് ലൈഫ്’ സിനിമയുടെ റിലീസിന് വിലക്ക് ആലോചിക്കുന്നതായും ഫിലിം അസോസിയേഷന് അറിയിച്ചു.

‘കന്നഡ തമിഴില് നിന്നാണ് ഉണ്ടായത്’ എന്ന കമല് ഹാസന്റെ വിവാദ പരാമര്ശത്തിനെതിരെ കര്ണാടകയില് കന്നഡ അനുകൂല സംഘടനകള് പ്രതിഷേധവുമായി രംഗത്തെത്തി. കര്ണാടക രക്ഷണ വേദികെ എന്ന കന്നട സംഘടന ബെംഗളൂരു പൊലീസില് പരാതി നല്കി, അതേസമയം, കമല് ഹാസനോട് കര്ണാടക ബിജെപി മാപ്പ് ആവശ്യപ്പെട്ടു.’കന്നഡയ്ക്ക് ആയിരക്കണക്കിന് വര്ഷത്തെ ചരിത്രമുണ്ട്. കമലിന് അത് അറിയില്ല.’ ബിജെപി ആരോപിച്ചു. ‘തഗ് ലൈഫ്’ സിനിമയുടെ റിലീസിന് വിലക്ക് ആലോചിക്കുന്നതായും ഫിലിം അസോസിയേഷന് അറിയിച്ചു.
വിഷയത്തില് വിശദീകരണവുമായി കമല് ഹാസന് രംഗത്തെത്തിയിരുന്നു. ‘എന്റെ വാക്കുകള് സ്നേഹത്തോടെയാണ് പറഞ്ഞത്. ഭാഷാ വിഷയങ്ങള് രാഷ്ട്രീയക്കാര് ചര്ച്ച ചെയ്യേണ്ട; അത് ഭാഷാശാസ്ത്രജ്ഞര്ക്കും ചരിത്രകാരന്മാര്ക്കും വിടണം,’ അദ്ദേഹം പറഞ്ഞു. ‘നോര്ത്ത് ഇന്ത്യന് വീക്ഷണത്തില് അവര് ശരി, കന്യാകുമാരിയില് നിന്ന് നോക്കിയാല് ഞാന് ശരി. ഭാഷാശാസ്ത്രജ്ഞര് ഇരുവരും ശരിയാണെന്ന് പറയും,’ അദ്ദേഹം കൂട്ടിച്ചേര്ത്തു.
ചൊവ്വാഴ്ച ബെംഗളൂരുവില് ‘തഗ് ലൈഫ്’ എന്ന സിനിമയുടെ പ്രചാരണത്തിനിടെ, നടന് ശിവരാജ്കുമാറിനോട് ‘നിന്റെ ഭാഷ തമിഴില് നിന്നാണ് ഉത്ഭവിച്ചത്’ എന്ന് കമല് പറഞ്ഞതാണ് വിവാദത്തിന് തിരികൊളുത്തിയത്.
india
ക്ഷേത്രത്തിനുള്ളില്വെച്ച് അഞ്ച് വയസ്സുകാരിയെ ബലാത്സംഗത്തിനിരയാക്കി; പ്രതി മാനസികരോഗിയെന്ന് പറഞ്ഞ് വിട്ടയച്ച് യുപി പൊലീസ്
സംഭവത്തിന്റെ സിസിടിവി ദൃശ്യങ്ങള് സോഷ്യല് മീഡിയയില് പ്രചരിക്കുന്നുണ്ട്.

യുപിയിലെ ആഗ്രയില് ക്ഷേത്രത്തിനുള്ളില്വെച്ച് അഞ്ച് വയസ്സുകാരിയെ ബലാത്സംഗം ചെയ്തു. വീടിന് സമീപത്തുള്ള ക്ഷേത്രത്തിനിടുത്ത് കളിച്ചുകൊണ്ടിരുന്ന കുട്ടിയെ അയല്വാസി ക്ഷേത്രത്തിനകത്തേക്ക് കൊണ്ടുപോയി പീഡിപ്പിക്കുകയായിരുന്നു. സംഭവത്തിന്റെ സിസിടിവി ദൃശ്യങ്ങള് സോഷ്യല് മീഡിയയില് പ്രചരിക്കുന്നുണ്ട്.
ബന്ധുക്കള് കുട്ടിയുടെ കരച്ചില് കേട്ട് എത്തിയതോടെ പ്രതി ഓടി രക്ഷപ്പെടുകയായിരുന്നു. തുടര്ന്ന് നാട്ടുകാരാണ് പ്രതിയെ പിടികൂടി പൊലീസില് ഏല്പ്പിച്ചത്. എന്നാല് പ്രതി മാനസികാ രോഗിയാണെന്ന് പറഞ്ഞ് പൊലീസ് വിട്ടയക്കുകയായിരുന്നു.
പ്രതിയെ വിട്ടയച്ചത് വിവാദമാവുകയും സംഭവത്തിന്റെ സിസിടിവി ദൃശ്യങ്ങള് സോഷ്യല് മീഡിയയില് പ്രചരിക്കുകയും ചെയ്തതോടെ ഇയാളെ വീണ്ടും അറസ്റ്റ് ചെയ്യുകയായിരുന്നു.
പൊലീസ് നടപടിക്കെതിരെ നാട്ടുകാര് പ്രതിഷേധവുമായി രംഗത്തെത്തി. യുവാവിന് മാനസികപ്രശ്നങ്ങളുണ്ടെന്ന് അദ്ദേഹത്തിന്റെ കുടുംബം പറഞ്ഞതിന്റെ അടിസ്ഥാനത്തിലാണ് വിട്ടയച്ചതെന്നാണ് പൊലീസ് നല്കുന്ന വിശദീകരണം. സിസിടിവി ദൃശ്യങ്ങള് ലഭിച്ചതോടെ പ്രതിയെ വീണ്ടും അറസ്റ്റ് ചെയ്തു. പെണ്കുട്ടിയുടെ കുടുംബത്തിന്റെ പരാതിയുടെ അടിസ്ഥാനത്തില് കേസ് രജിസ്റ്റര് ചെയ്തിട്ടുണ്ടെന്നും പൊലീസ് പറഞ്ഞു.
പ്രതി ഒരു മെഡിക്കല് സ്റ്റോറില് ജോലി ചെയ്യുന്ന ആളാണ്. പ്രതിയുടെ മാനസിക നിലയെക്കുറിച്ച് കുടുംബം തെറ്റിദ്ധരിപ്പിക്കുകയായിരുന്നു എന്ന് പൊലീസ് പറഞ്ഞു. പെണ്കുട്ടി ആശുപത്രിയില് ചികിത്സയിലാണ്.
india
നാല് സംസ്ഥാനങ്ങളില് നാളെ സിവില് ഡിഫന്സ് മോക് ഡ്രില്

ന്യുഡല്ഹി: ദേശീയ സുരക്ഷ ആശങ്കകള് വര്ധിച്ചുവരുന്ന സാഹചര്യത്തില് പാക്കിസ്താനുമായി പങ്കിടുന്ന നാല് സംസ്ഥാനങ്ങളില് കേന്ദ്ര സിവില് ഡിഫന്സ് നാളെ മോക് ഡ്രില് സംഘടിപ്പിക്കും. ജമ്മു കശ്മീര്, പഞ്ചാബ്,രാജസ്ഥാന്, ഗുജറാത്ത്, എന്നിവിടങ്ങളില് നാളെ വൈകുന്നേരം സിവില് ഡിഫന്സ് മോക് ഡ്രില്ലുകള് നടത്തും.
ഏപ്രില് 22ന് ജമ്മു കശ്മീരിലെ പഹല്ഗാമില് പാകിസ്താന് ഭീകര് നടത്തിയ ആക്രമണത്തില് 26 പേര് മരണപ്പെട്ടിരുന്നു. തുടര്ന്ന് ‘ഓപ്പറേഷന് സിന്ദൂര്’ എന്ന പേരില് ഇന്ത്യ മെയ് 7ന് പാകിസ്താനിലെ ഒമ്പത് ഭീകരതാവളങ്ങള് ആക്രമിച്ചു. ഇതിനു പിന്നാലെയാണ് പാകിസ്താനുമായി അതിര്ത്തി പങ്കിടുന്ന സംസ്ഥാനങ്ങളില് സിവില് ഡിഫന്സ് മോക് ഡ്രില് നടക്കുന്നത്.
പഹല്ഗാം ഭികരാക്രമണത്തെ തുടര്ന്ന് ഇന്ത്യയിലെ വിവിധ സംസ്ഥാനങ്ങളില് നേരത്തേ മോക് ഡ്രില് നടന്നിരുന്നു. പെട്ടന്നൊരു ആക്രമണമുണ്ടായാല് ജനങ്ങള് വേഗത്തിലും എകോപിതമായും പ്രാപ്തമാക്കുക എന്നതാണ് മോക് ഡ്രില്ലിന്റെ പ്രധാന ലക്ഷ്യം. അതേസമയം ഓപ്പറേഷന് സിന്ദൂറിലുടെ ഭീകരതക്കെതിരായ ഇന്ത്യയുടെ ഉറച്ച നിലപ്പാട് ലോകത്തിനു മുമ്പില് വ്യക്തമാക്കാന് ഏഴ് പ്രതിനിധി സംഘങ്ങള് ലോകത്തിന്റെ വിവിധ ഭാഗങ്ങളില് സന്ദര്ശനം നടത്തി വരുകയാണ്.
-
kerala3 days ago
പാലക്കാട് വീടിനുമുകളില് മരം വീണ് നാലുപേര്ക്ക് പരിക്ക്
-
News3 days ago
ഗസ്സയിലെ വംശഹത്യ; ഇസ്രാഈല് കൊല്ലപ്പെടുത്തിയ മാധ്യമപ്രവര്ത്തകരുടെ എണ്ണം 220 കടന്നു
-
gulf3 days ago
യുഎഇ സ്വദേശിവല്ക്കരണം ലംഘിച്ച 2200 സ്ഥാപനങ്ങള്ക്കെതിരെ നടപടിയെടുത്തു
-
film2 days ago
രാമനെ അറിയില്ല, രാവണനാണ് നായകന്; പുതിയ റാപ്പിനെ കുറിച്ച് റാപ്പര് വേടന്
-
kerala2 days ago
ജുബൈലില് കോഴിക്കോട് സ്വദേശിനി മരണപ്പെട്ടു
-
kerala3 days ago
മാനന്തവാടിയില് യുവതിയെ ആണ് സുഹൃത്ത് കുത്തിക്കൊന്നു
-
kerala2 days ago
നിലമ്പൂര് ഉപതെരഞ്ഞെടുപ്പ്; ‘യുഡിഎഫ് സ്ഥാനാര്ത്ഥിയെ ഇന്ന് പ്രഖ്യാപിക്കും’; സണ്ണി ജോസഫ്
-
kerala2 days ago
മാനന്തവാടിയില് യുവതി വെട്ടേറ്റ് മരിച്ച സംഭവം; പ്രതിയെയും കാണാതായ കുട്ടിയെയും കണ്ടെത്തി