Connect with us

More

കുഞ്ചാക്കോ ബോബന് പിറന്നാള്‍: നാളെ ജനിക്കുന്ന കുഞ്ഞുങ്ങള്‍ക്ക് സ്വര്‍ണ്ണ മോതിരം സമ്മാനം

Published

on

മലയാളത്തിന്റെ പ്രിയതാരമായ കുഞ്ചാക്കോ ബോബന്റെ പിറന്നാളിന് വേറിട്ട സമ്മാനങ്ങളുമായി എത്തുകയാണ് ചാക്കോച്ചന്‍ ലൗവേഴ്‌സും ചാക്കോച്ചന്‍ ഫ്രണ്ട്‌സ് യു.എ.ഇയും. നാളെ കുഞ്ചാക്കോ ബോബന്റെ പിറന്നാള്‍ ദിനത്തില്‍ സര്‍ക്കാര്‍ ആസ്പത്രികളില്‍ ജനിക്കുന്ന കുഞ്ഞുങ്ങള്‍ക്ക് സ്വര്‍ണ്ണ മോതിരം സമ്മാനമായി നല്‍കാനാണ് ചാക്കോച്ചന്‍ ലൗവേഴ്‌സിന്റെ തീരുമാനം.

സാധാരണ പോലെ ചെയ്തിരുന്ന രക്ത ദാനം, തെരുവില്‍ സൗജന്യ ഭക്ഷണം, അനാഥാലയ സന്ദര്‍ശനം എന്നീ പരിപാടികള്‍ക്കു പുറമെ ഇത്തവണ ചാക്കോച്ചന്റെ പിറന്നാളിന് ചില വേറിട്ട കാര്യം ചെയ്യാനാണ് ലക്ഷ്യമെന്ന് ചാക്കോച്ചന്‍ ലൗവേഴ്‌സ് പറഞ്ഞു. ചാക്കോച്ചന്‍ ജനിച്ച ദിവസമായ നവംബര്‍ 2 ന് കേരളത്തില്‍ സര്‍ക്കാര്‍ ആസ്പത്രിയില്‍ ജനിച്ചു വീഴുന്ന ഒരോ പൊന്നോമനക്കും ഒരു സ്വര്‍ണസമ്മാനം നല്‍കണമെന്ന തീരുമാനം ഉണ്ടാവുകയായിരുന്നു. ഒരു ഓണ്‍ലൈന്‍ വെബ്‌സൈറ്റിലാണ് കുഞ്ചാക്കോ ബോബന്റെ പിറന്നാളാഘോഷത്തെക്കുറിച്ചുള്ള റിപ്പോര്‍ട്ട് വന്നിട്ടുള്ളത്.

കുഞ്ചാക്കോ ബോബന്റെ സുഹൃത്തുക്കള്‍ ചേര്‍ന്നു രൂപപ്പെടുത്തിയ ഒരു ചാരിറ്റി സംഘടന ആണ് ചാക്കോച്ചന്‍ ലൗവേഴ്‌സ്.

crime

കഞ്ചാവ് വില്പന നടത്തിയ രണ്ടുപേര്‍ പിടിയില്‍

ഏറ്റുമാനൂര്‍, ഗാന്ധിനഗര്‍ എന്നീ സ്ഥലങ്ങള്‍ കേന്ദ്രീകരിച്ചാണ് ഇരുവരും കഞ്ചാവ് കച്ചവടം നടത്തുന്നതെന്ന് പൊലീസ് വ്യക്തമാക്കി

Published

on

കഞ്ചാവ് വില്പന നടത്തിയ രണ്ടുപേര്‍ പൊലീസ് പിടിയില്‍. പെരുമ്പായിക്കാട് ദയറപ്പള്ളി ഭാഗത്ത് മാലെപ്പറമ്പില്‍ വീട്ടില്‍ ജഫിന്‍ ജോയന്‍(26), ഏറ്റുമാനൂര്‍ കട്ടച്ചിറ കൂടല്ലൂര്‍ കവല ഭാഗത്ത് തേക്കുംകാട്ടില്‍ വീട്ടില്‍ നിഖില്‍ കുര്യന്‍ തോമസ്(29) എന്നിവരെയാണ് ഗാന്ധിനഗര്‍ പൊലീസ് അറസ്റ്റ് ചെയ്തത്.ഏറ്റുമാനൂര്‍, ഗാന്ധിനഗര്‍ എന്നീ സ്ഥലങ്ങള്‍ കേന്ദ്രീകരിച്ചാണ് ഇരുവരും കഞ്ചാവ് കച്ചവടം നടത്തുന്നതെന്ന് പൊലീസ് വ്യക്തമാക്കി.

Continue Reading

crime

നയനയുടെ മരണത്തില്‍ വീണ്ടും ദുരൂഹത; മരണശേഷം ഫോണിലേക്ക് എത്തിയ കോള്‍ കട്ട് ചെയ്തു

ഇതിലൂടെ മരണം നടന്നതിന് ശേഷം മുറിയില്‍ മറ്റൊരാളുടെ സാന്നിധ്യം ഉണ്ടെന്ന സംശയമാണ് ബലപ്പെടുന്നത്

Published

on

യുവ സംവിധായിക നയന സൂര്യയുടെ മരണത്തില്‍ വീണ്ടും ദുരൂഹത. ദുരൂഹമരണവുമായി ബന്ധപ്പെട്ട് സംശയമുണര്‍ത്തുന്ന കൂടുതല്‍ വിവരങ്ങള്‍ പുറത്ത്. നയന മരിച്ചതിന് ശേഷം ഫോണിലേക്ക് വന്ന കോള്‍ കട്ട് ചെയ്തുവെന്നാണ് പുതിയ കണ്ടെത്തല്‍. ഇതിലൂടെ മരണം നടന്നതിന് ശേഷം മുറിയില്‍ മറ്റൊരാളുടെ സാന്നിധ്യം ഉണ്ടെന്ന സംശയമാണ് ബലപ്പെടുന്നത്. പോസ്റ്റുമോര്‍ട്ടം റിപ്പോര്‍ട്ട് പ്രകാരം നയനയുടെ മരണം വൈകീട്ട് അഞ്ചിന് മുമ്പാണ്. അതിന് ശേഷം ഫോണിലേക്ക് എത്തിയ വിളികളെല്ലാം മിസ്ഡ് കാള്‍ ആയാണ് കാണിക്കുന്നത്. എന്നാല്‍ രാത്രി 9.40ന് എത്തിയ ഒരു കോള്‍ മാത്രം കട്ട് ചെയ്തതിനാല്‍ റിജക്ട് എന്നാണ് കാണിക്കുന്നത്. ഇതോടെയാണ് നയനയുടെ മൃതദേഹത്തിനരികില്‍ മറ്റാരോ ഉണ്ടായിരുന്നോയെന്ന സംശയം ബലപ്പെടുന്നത്.

Continue Reading

kerala

സംസ്ഥാനത്തെ സ്‌കൂള്‍ ബസുകളില്‍ മോട്ടോര്‍ വാഹന വകുപ്പ് പ്രത്യേക പരിശോധന നടത്തും

സ്‌കൂള്‍ ബസുകളില്‍ തീ അണക്കാനുള്ള ഉപകരണങ്ങള്‍ ഉണ്ടോയെന്ന് പരിശോധിക്കും

Published

on

സംസ്ഥാനത്തെ സ്‌കൂള്‍ ബസുകള്‍ പിരശോധിക്കാനുങ്ങി മോട്ടോര്‍ വാഹന വകുപ്പ്. നാളെ മുതല്‍ മൂന്ന് ദിവസമാകും പരിശോധന. അടുത്ത ദിവസങ്ങളിലായി കേരളത്തില്‍ പല ജില്ലകളിലായി വാഹനങ്ങള്‍ക്ക് തീപിടിക്കുന്നത് കൂടുതലായി കാണുന്നതുകൊണ്ട്, സ്‌കൂള്‍ ബസുകളില്‍ തീ അണക്കാനുള്ള ഉപകരണങ്ങള്‍ ഉണ്ടോയെന്ന് പരിശോധിക്കും. പരിശോധന റിപ്പോര്‍ട്ട് ഗതാഗത വകുപ്പിന് കൈമാറും.

ഈ റിപ്പോര്‍ട്ടിന്റെ അടിസ്ഥാനത്തില്‍ ഗതാഗത വകുപ്പും വിദ്യാഭ്യാസ വകുപ്പും ചേര്‍ന്ന് തുടര്‍ നടപടി സ്വീകരിക്കും. അതേ സമയം സ്‌കൂള്‍ ബസുകള്‍ കൃത്യമായി ട്രാക്ക് ചെയ്യുന്നതിന് രക്ഷിതാക്കള്‍ക്കായി വിദ്യ വാഹന്‍ മൊബൈല്‍ ആപ്പ്, മോട്ടോര്‍ വാഹന വകുപ്പ് കഴിഞ്ഞ ജനുവരിയില്‍ പുറത്തിറക്കിയിരുന്നു.

Continue Reading

Trending